ساعدوني اخواتي بالله عليكم

[امه الهادي]

السلام عليكم ورحمه الله وبركاته
اخواتي الغاليات
انا عاوزه نصيحه خالصه لوجه الله منكن
انا دلوقتي كنت في كليه التجاره والحمد لله سقط واترفدت لظروف حملي وزواجي باول سنه من الكليه
حولت على اداب وقدر الله وماشاء فعل اولا الاقسام اللي كانت امامي فلسفه ولغه عربيه اجتمعت الاراء ان اللغه العربيه صعبه جدا وان الفسفه سهله وهتنجحي وكده يعني
جيت عالامتحانات ولدت
وطبعا قعدت والتيرم اللي بعده امتحنت وسقط في 4 مواد
السنه اللي بعديها لبست النقاب الحمد لله وزوجي بدا في عمل جديد ومكانش فاضي ابدا لانه هو اللي بيوديني ويجيبني طبعا
وبصراحه انا كمان قلتله ما احلاها عيشه الحريه انا ناقصني ايه انا مش عاوزه اكمل
قالي على راحتك
بس دلوقتي بيقولي روحي كملي الكليه بعد الولاده عشان تقديم مدرسه بنتي وكمان زوجي بقى يقول انا كده هكون محرج من ابوكي واهلي لان ابويا علطوووووول يسالني هتمتحني يلا شدي حيلك وخلصي وكده انتو عارفين الاباء واهله طبع عمالين يقولولي قدر يضحك عليكي ويقعدك من التعليم وبعدين طلعت منهم مره ان اللي اخد دبلوم احسن مني على الاقل كمل انما انتي كده تعتبري غير متعلمه
المهم بصراحه كده انا مش عاوزه قسم فلسفه ده ابدا ابدا
ففكرت ان شاء الله ادخل كليه دار العلوم الي هيا فيها لغه عربيه واسلاميه
انا عارفه انها صعبه جدا بس انا عاوزه حاجه انفع بيها نفسي واولادي وديني طبعا
فانتو ايه رايكوا انا ان شاء الله عند التقديم في الجامعه المفتوحه هيكون بنتي الكبيره عندها 3 سنين والطفل القادم هيكون سنه يعني الوقت المناسب هو ده
انتو ايه رايكو اكمل ولا اقعد ولا اعمل ايه بالظبط واللي عنده تجربه و خبره ياريت يفيدني في الموضوع جزاكن الله خير الجزء

[*حوراء*]

رد: ساعدوني اخواتي بالله عليكم

وعليكم السلام ورحمة الله وبركاته

أتم الله حملك وولادتك بخير أختنا الفاضلة

للأسف ليس لدي تجربة يمكنني أن أفيدك بها

ولكني أرى أنك تجدين بعض الصعوبات في التحصيل والدراسة

وكان الله في عونك فمسئولية البيت والأولاد بالإضافة للمذاكرة ليست بالشئ الهين

وكذلك فنحن مختلفي القدرات والمهارات

وإن كانت تعجبني الدراسة في كلية دار العلوم جدا فهي إفادة عالية....كمبدأ

ولكن اجد أن عليك أن تحاولي أن تكوني صادقة مع نفسك

وقبل العزم على الدخول في كلية من جديد

عليك أن تحددي مدي جدوى هذا بالنسبة لك

ومدى قدرتك على الدراسة في هذه الكلية

ومرة أخرى أخيتي أذكرك

بأن علينا إحترام قدراتنا ومهاراتنا ولا يجب أن نحمل أنفسنا بما لا نطيق

أسأل الله لك الإعانة والتوفيق

رأئيي مجرد رأي ربما تجدي في غيره الإصابة

[أحلام مفقودة]

رد: ساعدوني اخواتي بالله عليكم

السلام عليكم ورحمه الله وبركاته

وعليكي السلام ورحمه الله وبركاته

اخواتي الغاليات
انا عاوزه نصيحه خالصه لوجه الله منكن
انا دلوقتي كنت في كليه التجاره والحمد لله سقط واترفدت لظروف حملي وزواجي باول سنه من الكليه
اسال الله ان يرزقكي عاجلا غير آجل الذريه الصالحه وان يصلح لكي الحال كله
ويرزقكي من واسع فضله
حولت على اداب وقدر الله وماشاء فعل اولا الاقسام اللي كانت امامي فلسفه ولغه عربيه اجتمعت الاراء ان اللغه العربيه صعبه جدا وان الفسفه سهله وهتنجحي وكده يعني
جيت عالامتحانات ولدت
مبارك اختي واسال الله ان يبارك لكي في ابنكـ/ابنتكـ
وطبعا قعدت والتيرم اللي بعده امتحنت وسقط في 4 مواد
لا اله الا الله
السنه اللي بعديها لبست النقاب الحمد لله وزوجي بدا في عمل جديد ومكانش فاضي ابدا لانه هو اللي بيوديني ويجيبني طبعا
وبصراحه انا كمان قلتله ما احلاها عيشه الحريه انا ناقصني ايه انا مش عاوزه اكمل
قالي على راحتك
بس دلوقتي بيقولي روحي كملي الكليه بعد الولاده عشان تقديم مدرسه بنتي وكمان زوجي بقى يقول انا كده هكون محرج من ابوكي واهلي لان ابويا علطوووووول يسالني هتمتحني يلا شدي حيلك وخلصي وكده انتو عارفين الاباء واهله طبع عمالين يقولولي قدر يضحك عليكي ويقعدك من التعليم وبعدين طلعت منهم مره ان اللي اخد دبلوم احسن مني على الاقل كمل انما انتي كده تعتبري غير متعلمه
المهم بصراحه كده انا مش عاوزه قسم فلسفه ده ابدا ابدا
ففكرت ان شاء الله ادخل كليه دار العلوم الي هيا فيها لغه عربيه واسلاميه
انا عارفه انها صعبه جدا بس انا عاوزه حاجه انفع بيها نفسي واولادي وديني طبعا
فانتو ايه رايكوا انا ان شاء الله عند التقديم في الجامعه المفتوحه هيكون بنتي الكبيره عندها 3 سنين والطفل القادم هيكون سنه يعني الوقت المناسب هو ده

انتو ايه رايكو اكمل ولا اقعد ولا اعمل ايه بالظبط واللي عنده تجربه و خبره ياريت يفيدني في الموضوع جزاكن الله خير الجزء

انا هقولك على رايي صراحه وع تجربه شخصيه
انا وحده زيك او اخت ثانويه عامه وسبت الجامعه علشان النقاب وبرضه الناس بتقولي كده انتي مش متعلمه انتي جاهله والكلام اللي يحرق الدم ده
بس انا بحاول بقدر المستطاع اني اطنش لانيخلا تعبت ومش بايدي حاجه
ماشي كده
اختي والله خت برضه ثانويه عامه وتزوجت وماشاء الله معاها اولادها وبرضه تسمع كلام يحرق الدم
ومع ذلك مطنشه
وكل ماتيي تكمل مايتيسرش
وقعدت وربت ولادها ومخليه بالها منهم
انتي ايه اللي هتستفيدي من التعليم ولا حاجه
طلاما معاكي زوج صالح وصاينك وحافظك وماشاء الله ربنا يوسع عله
يبقي خلاص اقعدي وشوفي ولادك احسسسسسسسسسن ليكي من ملون جامعه ومليون شهاده
يعني انتي يرضيكي يبقي معاك الشهاده وولادك ضايعين منك
انت هتروحي وتتعلم طيب وبنك دي هتروح فين حضانه والطفل اللي هيتولد حضانه يبقي انت كده ضيعت البيت منك
وانا هقولك على حاجه من ترك شيئا لله عووووووضه اله خيرا منه
وانتي اصدقي الله
وطلاما انتي عايزه تتعلمي العلم الشرعي اتفضلي ياستي
وطلب العلم الشرعي
ادخلي هنا
وان شاء الله اكون افتدك ويارب تقبلي كلامي بصر رحب ودي مجرد وجهه نظر ليا
واسال الله ان يصلح لكي الحال كله
اللهم امين

[ام الضفائر]

رد: ساعدوني اخواتي بالله عليكم

السلام عليكم
طبعا كملى وربنا يعينك طالما انتى عايزه المصلحه
وخليكى واقعيه اختارى الاسهل ده لظروفك
وطالما زوجك طلب منك كده يبقى تطعيه
وكله بايد ربنا
وفكرى فى المستقبل ما تبصيش تحت رجلك
انا زيك اتجوزت وانا فى الكليه وماشيه بالعافيه واخرت حملى التانى عشان الكليه والحمد لله انا منتقبه
عارفه زوجى مشجعنى ليه فى الاول عشان زن اهله
وثانيا عشان بكره انتى عارفه ما فيش حاجه ثابته على حالها لنفرض اضطريت للعمل لاى ظرف يبقى معايا مؤهلى سلاح ليا ولاولادى
استخيرى الله واالى ربنا كاتبه حتشوفيه بس
اسمعى كلام زوجك هو ادرى منك بالظروف والايام الصعبه


وربنا معاكى

[روضـ الحياة ــة]

رد: ساعدوني اخواتي بالله عليكم

طب ما فكرتيش في تربية او تربية نوعية يا اختي ؟

انا رأيي انك تشوفي حاجة تقدري عليها

لان طفلين + كلية صعبة.. الله المستعان

[لؤلؤ ومرجان]

رد: ساعدوني اخواتي بالله عليكم

وعليكم السلام ورحمة الله وبركاته

حياكِ الله اختنا الكريمة

بالنسبة لسؤالك أخيتي

أنا معكِ في نقطة رفضك لدراسة الفلسفة
الفلسفة علم كلام البعد عنه أفضل أخيتي

بالنسبة إنك تكملي تعليمك - الدنيوي - من عدمه ..
أولا أريدك أن تعلمي جيدا أن
من ترك شيئا لله عوضه الله خيرا منه
إذا لم يتيسر لكِ ذلك ...
ثانيا قيسي المصالح والمفاسد اخيتي
دينك رقم واحد يعني أي مكان هاتكملي فيه هايضر دينك ولو بمقدار شعرة أتركيييييييه فورااااا
زوجك وأولادك رقم اتنين أي تقصير سيحدث في حقهم يبقى من الأول لا تقدمي على اي شىء سيسبب هذا التقصير
نقطة إكمال تعليمك لتفيدي نفسك وغيرك ده سهل جدااااااا ومتاح
مش بالعلم الدنيوي فقط لكن ممكن جدااااا تدرسي علم شرعي
هاتنفعي نفسك فعلا وأولادك وأهلك واخواتك في الله

طيب رفض البيت واعتراضهم ده مممكن يتحل بسهولة جدااااا بالكلمة الحلوة ومحاولة إقناعهم إن ده الأفضل ليكِ ولبيتك

يعني أقعدي كدة وركزي وادعي كتير واستخيري
وإن شاء الله ربنا يقدر لكِ الخير

يسر الله عليكِ أختي

[الذليلة لله وحده]

رد: ساعدوني اخواتي بالله عليكم

انا من رايى ان انتى لازم تكملى لان بصراحة الظروف مش مضمونة وايه المشكلة لما تدرسى انتساب مش
هتروحى غير مرة او حاجة وعلى الامتحانات ايه المشكلة فى كده انتى بدراستك هتفيدى نفسك وتفيدى ولادك

وطالما زوجك ماشاء الله عليه مش ممانع ومشجعك اكيد ان شاء الله هيساعدك ووفقى بين مذاكرتك وبين بيتك وربنا معاكى ويوفقك ان شاء الله للى فيه الصلاح

[الذليلة لله وحده]

رد: ساعدوني اخواتي بالله عليكم

على فكرة ادرسى الحاجة الصح يعنى اللغة العربية اولى من الفلسفة وزى روضة ماقالتلك تربية او ىداب مثلا عربى حلو وممكن تاخديه انتساب

[عبير كيره]

رد: ساعدوني اخواتي بالله عليكم

وعليك السلام ورحمة الله وبركاته
انا رأيي أن تكملى تعليمك أخيتى لأن التعليم سلاح فى يد الفتاه
محدش عارف بكره في إيه
افرضى ظروف الحياه اضطرتك فى يوم من الأيام للبحث عن عمل
لازم يكون فى يدك شهاده
جاهدى أختاه للحصول على الشهاده وحاولى تدخلى الكليه الأسهل لك
أنا بقول لك هذا الكلام من واقع تجربه فعليه مريت بيها
يسر الله لك الحال اخيتى وبارك لك في زوجك واولادك ورزقك بخيري الدنيا والأخره
دمتى فى حفظ الله

[مالي حب سواك يا رب]

رد: ساعدوني اخواتي بالله عليكم

وعليكم السلام ورحمة الله وبركاته

توكلي علي الله يا أختي فمن توكل علي الله كفاه

ونسـأل الله لكِ التيسير

[امه الهادي]

رد: ساعدوني اخواتي بالله عليكم

زاكن الله خير الجزاء واله انا ارتحت لكلامكم قوي وانا اكيييييييييييييد باذن الله هعمل استخاره و ماخاب من استشار وانا حبيت استشير الاول لاني متردده جدا عشان اعرف استخير ربنا اكمل ولا اوقف يعني اخد قرار واستخير ربنا يسه واشوف اللي ربنا هيسرهولي باذن الله انا غير معترضه ربنا هيقدرلي الخير ويرضيني بيه
والله انا مش بعمل كده ارضاء للناس انا اخر همي الناس وربنا يعلم انا عشان بناتي وزوجي وكمان نفسي احس اني مش ناقصني حاجه وانا بحاول ابحث عن كليه تدرس حاجه غير مخالفه للشرع ربنا يسهل
وجزاكن الله خيرا بجد ريحتوني اني لقيت في اهتمام واستجابه ربنا يرزقكم الجنه ان شاء الله وانا معاااااااااااااااااااااااااكو