من قلبي وقلبي بجد تعب اوي المرة دي

[اللهم اغسل قلبي]

بسم الله الرحمن الرحيم

السلام عليكم

الحقيقة يا اخواتي انا سعيدة اني معاكم ..

انا بجد مضايقة من نفسي ..

انا متلخبطة اوي اوي اوي ..

مش عارفة اي حاجة ومش قادره اقعد مع نفسي عشان افهمها ..

انا الصح والغلط بداو يدخلو في دماغي ..

مبقتش افرق ..

بقيت شايفة كل حاجة عادي ..

مش عارفة اقولكم انا من جوايا في شخصين ..

واحد بيقول للحرام حرام .. وواحد بيقول مهي كل الناس بتغلط وربنا غفور ..

والتاني شخصيتو اقوي ..

انا بجد تعبت حاسة اني منافقة ..

ساعدوني اقوي الايمان في قلبي ازاي ؟؟؟؟

ازاي اخلي قلبي متعلق بربنا بس ؟؟؟؟؟؟؟؟

ازاي اجمد قدام الفتن اللي قدامي ؟؟؟؟

ساعدوني وجزاكم الله كل خير ..

[كنز الدعوة]

رد: من قلبي وقلبي بجد تعب اوي المرة دي

اهلا بيكي في منتدانا
احنا اسعد بوجودك
اولا الإيمان يزيد بالطاعة وينقص بالمعصية
في عوامل كتيره تخليكي تقربي من ربنا
اولها تلاوة كتاب الله عز وجل وتدبره ففيه الوعيد والترغيب وفيه ترقيق للقلوب ودعوة للإنابة والرجوع ، وفيه شفاء للناس من أسقام قلوبهم وضعف إيمانهم ، فهو كلام الله به تأنس الأفئدة وتطمئن بذكره القلوب ، وتخشع له الأبدان وتقشعر منه الجلود ، ويزداد إيمان العبد إيماناً مع إيمانه قال تعالى (يا أيها الناس قد جاءتكم موعظة من ربكم وشفاء لما في صدور وهدى ورحمة للمؤمنين).-

خلي عندك كل يوم ورد محدد حتى لوكان وجه واحد وبعد كده ان شاء الله يزيد لجزء بس المهم ان مايمرش عليكي يوم والا لما تقري مقدار معين من لقران

ثانيا معرفة الله بأسمائه وصفاته فإن ذلك مما يزيد من عظمة الله في قلب المؤمن فيزداد إيماناً بربه
وده موضوع هنعيش فيه مع اسماء الله الحسن ومعانيها
رحلة مع الكنوز الالهية (متجدد بإذن الله)
تعاهد الإيمان فإنه يَخلق ويحتاج إلى معاهدة ، وقد صح عنه صلى الله عليه وسلم أنه قال " إن الإيمان ليخلق في جوف أحدكم كما يخلق الثوب ، فاسألوا الله تعالى أن يجدد الإيمان في قلوبكم ".-

الحرص على أداء الفرائض فإنها أحب الأعمال إلى الله .

- الاعتناء بالنوافل والمداومة والتنويع فيها

.- صحبة الصالحين فإن المؤمن قوي بإخوانه ضعيف لوحده ، اخوة يدلونه على الخير ويعينونه عليه ويبعدونه عن أجواء الفساد مما يزيد الإيمان وينميه

[أحلام مفقودة]

رد: من قلبي وقلبي بجد تعب اوي المرة دي

ماشاء الله الاخت كنز ردت عليكي
سبقتني ربنا يبارك فيها يارب
بس انتي عارفه لو سمعتي برضه شرائط جميله اوي
لو تجيبي محاضرات للشيخ اللي انتي بتحبيه وتسمعي محاضراته عن ربنا ساعتها ايمانك هيعلى اوي والله
وانا شخصيا مجربه
لو انتي حوليكي صحبه ايمانك هيعلي وهتقربي لربنا
لو انتي بقي مش عندك خليكي هنا معانا
حياتك هتتقلب 180لالا دي اكتر من كده وانا اهو انسانه حياتي اتقلبت خالص
بعد مادخلت هنا
خلي ليكي ولو صديقه واحده واتنافسوا في طاعه ربنا
وخلي دايما شعارك لن يسبقني الى الله احد
عايزه تقربي اكتر لربنا
شوفي ايه اللي ربنا بيحبه منك صلاه نوافل صيام اثنين وخميس صدقات قراءه القران الدعوه الى الله حاجات كتييييير اوي
داومي على عمل
فاحب الاعمال الى الله ادومها وان قل
صدقيني والله لو عملتي كل حاجه ونيتك جوااااااااااكي اني بعملها ليك يارب صدقيني دي كفايه اوي
قفي بين ايدين ربنا في وقت السحر وادعيه وكلميه ايمانك هيتغير اوي اوي
دايما عليكي بالاستغفار الكثير والتسبيح وذكر الله
وربنا يعلي ايمانك وايمانك ويرزقك الاخلاص في القول والعمل
لاتنسينا من صالح دعائك

[اللهم اغسل قلبي]

رد: من قلبي وقلبي بجد تعب اوي المرة دي

ريحتوني اوي ..

لي عودة باذن الله ..

ربنا يحبكم ويرضا عنكم يارب ..

وباذن الله هكون معاكم دوما ..