إيه رأيك متكنسيش ولا ترتبي قلبك أقصد البيت ؟؟؟ _ما رأيكن أن نتظف قلوبنا كما ننظف بيوتنا _ طهر قلبك _

[يمامة المسجد]

رد: إيه رأيك متكنسيش ولا ترتبي البيت ؟؟؟

جزانا وإياكم أخية

بارك الله فيكم ونفع بكم

[راجيه الجنه]

رد: إيه رأيك متكنسيش ولا ترتبي البيت ؟؟؟

جزاكي الله خيرا يايمامه والله موضوع مهم جدا جدا
انتي فعلا حاسه بمشكلتنا المشكله بتاعه البيت والتنظيف والاطفال الحلوين اللي بيخلوا البيت زي الفل
والمشكله الاكبر مشكلة قلوبنا دي مصيبه لوحدها بس فعلا الواحد ممكن ميكونش عارف ان في ذنب اصلا او مستصغره طيب نعرف ازاي ذنوبنا
يعني انا مثلا ممكن اقعد طول اليوم في البيت مكلمش حد ولا اشوف اي حاجه طيب مش معقول اني مش بذنب طيب بعمل ايه قلبي قاسي ليه ؟؟؟
ياريت توضحلنا النقطه دي ومستنيين التكمله

[يمامة المسجد]

رد: إيه رأيك متكنسيش ولا ترتبي البيت ؟؟؟

جزاكي الله خيرا يايمامه والله موضوع مهم جدا جدا
انتي فعلا حاسه بمشكلتنا المشكله بتاعه البيت والتنظيف والاطفال الحلوين اللي بيخلوا البيت زي الفل
والمشكله الاكبر مشكلة قلوبنا دي مصيبه لوحدها بس فعلا الواحد ممكن ميكونش عارف ان في ذنب اصلا او مستصغره طيب نعرف ازاي ذنوبنا
يعني انا مثلا ممكن اقعد طول اليوم في البيت مكلمش حد ولا اشوف اي حاجه طيب مش معقول اني مش بذنب طيب بعمل ايه قلبي قاسي ليه ؟؟؟
ياريت توضحلنا النقطه دي ومستنيين التكمله

جزاكم الله خيرا ً أخية
الله المستعان , نكمل إن شاء الله

[دانة]

رد: إيه رأيك متكنسيش ولا ترتبي البيت ؟؟؟

:LLL:

[خائفة من ظلمة القبر]

رد: إيه رأيك متكنسيش ولا ترتبي البيت ؟؟؟

ما شاء الله لا قوة الا بالله .. اسأ ل الله ان يعيننا واياكى على الاقلاع عن ارتكاب الزنوب والمعاصى.

[القلب التائب]

رد: إيه رأيك متكنسيش ولا ترتبي البيت ؟؟؟

1. جزاكي الله خيرا الموضوع اكتر من رائع بجد جميل جدا جدا وفعلا كلنا محتاجين ننضف قلوبنا منتظرين التكمله ربنا يعينك علي الخير دايما

[د.منه]

رد: إيه رأيك متكنسيش ولا ترتبي البيت ؟؟؟

جميل الموضوع بارك الله فيك يمامة فى انتظار البقية

[اخترت الله]

رد: إيه رأيك متكنسيش ولا ترتبي البيت ؟؟؟

جزاك الله خيرا
تزكية القلب يجب أن تكون قبل أو مع تلقي العلم وسمعت في درس كفارة عاشوراء للشيخ هاني حلمي أنها تتم بالعبادات خاصة الصلاة والقرآن، والصيام يعين عليها.
ولا ننسى طبعا الذكر والاستغفار لأنهما جلاء صدأ القلب

[يمامة المسجد]

رد: إيه رأيك متكنسيش ولا ترتبي البيت ؟؟؟

جميل الموضوع بارك الله فيك يمامة فى انتظار البقية

ربنا يكرمك منة

بارك الله فيك ِ

جزاك الله خيرا
تزكية القلب يجب أن تكون قبل أو مع تلقي العلم وسمعت في درس كفارة عاشوراء للشيخ هاني حلمي أنها تتم بالعبادات خاصة الصلاة والقرآن، والصيام يعين عليها.
ولا ننسى طبعا الذكر والاستغفار لأنهما جلاء صدأ القلب

جزاانا وإياكم

وياريت كل من لدية فكرة يقول عليها

[يمامة المسجد]

رد: إيه رأيك متكنسيش ولا ترتبي البيت ؟؟؟

الوقتي

وصلنا لحل إننا بنحاول منوسخش قلبنا من جديد

لكن إحنا عايزين نجليه وننضفه

ونحاول نرجعه زي الأول

لكن , قبل كل حاجة عايزين نعملها ...

عايزين نركز على نقطة مهمة جدا ً

يمكن هي حل لكل مشاكلنا

حاجة كدة أنك لما هتسمعي إن ده أمر ربنا

هتتقبلي الموضوع بمنتهى البساطة

وهتقولي سمعنا وأطعنا

مهما كان الشئ ده صعب عليك

عارفة هو إيه ......

هو حب ربنا والوصول إليه .... كل هدف يكون كيف الوصول إليك ؟؟؟؟؟؟؟؟؟

الشئ إلي هيخلي قلبك فعلا ً مرتبط بحاجة كبيرة جدا ً ولها معنى

حاجة معاها لن تتقبل التنازل أبدا ً

لأن الموضوع إما حياة أبدية في جنة أو حياة أبدية في نار


حب ربنا والتعلق بجنته لازم فعلا ً يسطير على كيانك ويكون هو القائد لك في كل شئ بتعمله

عارف عشان تحب ربنا لازم فعلا ً تعرف قدر الملك

قدر الله

بتحس إيه باالأية وإنت بتقرأ :

{وَمَا قَدَرُوا اللَّهَ حَقَّ قَدْرِهِ وَالْأَرْضُ جَمِيعاً قَبْضَتُهُ يَوْمَ الْقِيَامَةِ وَالسَّماوَاتُ مَطْوِيَّاتٌ بِيَمِينِهِ سُبْحَانَهُ وَتَعَالَى عَمَّا يُشْرِكُونَ }الزمر67

عرفت إنك لازم تحس أد إيه الملك عظيم ؟؟؟؟؟؟؟؟

والآية دي تتكرر كثير

{وَمَا قَدَرُواْ اللّهَ حَقَّ قَدْرِهِ إِذْ قَالُواْ مَا أَنزَلَ اللّهُ عَلَى بَشَرٍ مِّن شَيْءٍ قُلْ مَنْ أَنزَلَ الْكِتَابَ الَّذِي جَاء بِهِ مُوسَى نُوراً وَهُدًى لِّلنَّاسِ تَجْعَلُونَهُ قَرَاطِيسَ تُبْدُونَهَا وَتُخْفُونَ كَثِيراً وَعُلِّمْتُم مَّا لَمْ تَعْلَمُواْ أَنتُمْ وَلاَ آبَاؤُكُمْ قُلِ اللّهُ ثُمَّ ذَرْهُمْ فِي خَوْضِهِمْ يَلْعَبُونَ }الأنعام 91

{مَا قَدَرُوا اللَّهَ حَقَّ قَدْرِهِ إِنَّ اللَّهَ لَقَوِيٌّ عَزِيزٌ }الحج74

ياترى إنت حاسس ليه الآية بتكرر؟؟؟؟؟؟؟؟؟؟؟؟

لأننا

للأسف فعلا ً لم نقدر الله حق قدره

غريبة أوي تعصية

وإنت عارف إنه شايفك

زمانك بتقول

ييييييييه برضة ....... تقولي مش هنصعي

ياحبيبتي ... أنا قلت حاجة طبيعية إنك تعصي لأننا بشر ومش معصومين

والرسول صلى الله عليه وسلم يقول :

عن أبي هريرة قال قال رسول الله صلى الله عليه وسلم : لا يزني الزاني حين يزني وهو مؤمن ولا يسرق حين يسرق وهو مؤمن ولا يشرب الخمر حين يشربها وهو مؤمن والتوبة معروضة بعد

لكن , وإنت بتعصي

ممكن تفكر لحظة في عظمته

فاكرين قصة

الرجل إحدى ثلاث رجال في الكهف الذي أغلق عليهم

ولما بنت عمه ذكرته بربنا

تذكر ورجع

طيب لو تذكرت وطنشت

يباه إنت أكيد لم تقدره حق قدره


تخيل إن فيه كاميرات كثيرة بتراقبك وبتسجل كل إلي بتعمله وهيتعرض على الناس

هتخاف ولا لأ ؟؟؟؟؟؟؟؟؟؟؟؟؟؟

طيب مش إنت متراقب فعلا ً

ومش مجرد كميرات

عارفين ياجماعة إحنا لازم نحس بجلال الله ليه ؟

عشان إحنا لازم نوصله

ما إنت مش هتعرف توصل لواحد مش عارفه .....

فلازم عشان نحب ربنا لازم نعرف فعلا ً ربنا

تخيل إنت لما الجبل إتهز لعظمة الله

عارفين لما الصحابي حس بيها وقال " أتدري بين من يد أقوم "

ياجماعة إحنا لو خرجنا من الدنيا دي معرفناش قدر ربنا .... هنخسر كثير أوي

لأنك بكل بساطة هنعمل كل حاجة نهانا عنها

لأنك مش حاسس بالمراقبة دي

عارفة لو خرجنا من الدنيا معرفناس آخر مركات الملابس أو المكياجات أو الكتب أو السيارات

مش هنخسر

لكن لو معرفناش ربنا خسرنا آخرتنا ودنيتنا

يمكن لأننا مش بنسمع عن ربنا كثير

محدش دخل جوانا عظمة الخالق وإن حبه لازم يدخل في قلبنا

كلنا كنا بنقرأ علوم كثيرة

لكن نسينا نقرأ عن ربنا

نسينا فعلا ً نغرس في قلبنا حبه وعظمته وتقديره

للأسف إحنا إتربينا على الممثل ده والبطل ده وده وده ... لغاية ماصدقنا إنهم أبطال

عشان كدة تلاقي الأخت مش قادرة تسيب التلفزيون ... ماهي مصدقة إنهم أبطال ... وأصبحنا بناخد قيمنا ومبادئنا وأخيرا ً ديننا منهم ....

وفيه أمثال كثيرة ناس ولا هما يستاهلوا ... كانوا في نظرنا أبطال

وللأسف دي أكبر طابع على قلوبنا بتوسخها

---------

لازم ننضف ده كله

لازم نرجع لفطرتنا

لازم نحب ربنا

للأسف إننا عايشين في الدنيا دي

و 24 ساعة بنفكر فيها

بنفكر في الدنيا بس

كأن الدنيا هي نهاية حياتنا

ولو أخدنا الدين

برضة بناخد منه إلي بيساعدنا في حياتنا

ياجماعة هو ده فعلا ً الران

الران إلي لزق على قلوبنا

فأصبحنا في غفلة

لأن كل تفكيرنا في الدنيا

تلاقي الأخت بتقول مش هترتدي نقاب عشان شغلي وتعيني في الجامعة

وهي نفسها تلاقيها تلتزم عشان رأيسها عايز كدة

ولا عشان خاطيبها عايز كدة

للأسف فعلا ً ناسيين ربنا

وإنت ماشي في الشارع

ممكن يكون كل تفكيرك فعلا ً هو في الدنيا وده عمل وده سوى

لكن حد فينا عمره فكر إزاي يقرب لحبيبه

ربه

وزي ماقلت

عشان تحبه وتعرفه وتقرب

لازم تعرف عنه وتقرأ عنه

إنت عارف إن الصحابة فضلوا 23 سنة كلام عن ربنا

عشان كدة طلعوا رجالة

عشان كدة فعلا ً منزلة الله زلزلت قلبه

عارف لما واحد عنده واسطة وزير ولا حاجة

وأي موقف اتعرض له

ولا يهمه

يابنتي إنت ِ معاك ربنا

الله


أنا عيزاك تحس بإحساس سيدنا هود لما قال :

{ فَكِيدُونِي جَمِيعاً ثُمَّ لاَ تُنظِرُونِ }هود55

عارفة كأنه بيقولهم

مش إنت بس إلي تكيدني

كلكم تعالوا وإتجمعو وأنا مستنيكم

محدش فيكم هيقدر يعملي حاجة

لأ

أبدا ً

ربنا معي

أنتم الذين سترون

حاجة كدة زي مادكتور الجامعة يقولك لو دخلتي بالنقاب هسقطك

هتقوليله

بس حضرتك ... لالالالالالالا ...

تعالى إنت وباقي الدكاترة والعميد وكلكم وحاولوا تسقطوني كدة

وشوفوا إيه إلي هيحصلكم

{ فَكِيدُونِي جَمِيعاً ثُمَّ لاَ تُنظِرُونِ }هود55


عارف زي الكلمة إلي قالها سيدنا إبراهيم

حسبي الله ونعم الوكيل

فالنار كانت بردا ً وسلام ً

لأنه عرف ربنا صح

لو قلناها ياجماعة

" خذ يقين إبراهيم ينبت لكم في النار جنات النعيم "

" خذ يقين إبراهيم ينبت لكم في السرطان جنات النعيم "

" خذ يقين إبراهيم ينبت لكم في الفشل الكلوي جنات النعيم "

" خذ يقين إبراهيم ينبت لكم في العنوسة جنات النعيم "


ياجماعة الله سبحانه وتعالى بيقول لسيدنا محمد :

{فَإِن تَوَلَّوْاْ فَقُلْ حَسْبِيَ اللّهُ لا إِلَـهَ إِلاَّ هُوَ عَلَيْهِ تَوَكَّلْتُ وَهُوَ رَبُّ الْعَرْشِ الْعَظِيمِ }التوبة129

يعني لو كل الناس تختلت عنك

وإنت وحدك

قل معايا ربنا

ياجماعة لازم تحس إن ربك الله

لازم تحبه

لازم تحس إنه معاك وتستشعر معيته

" خذ يقين إبراهيم ينبت لكم في النار جنات النعيم "

صدقيني

حبيه وهو يعطيكي

أيوة هيعطيكي الزوج الصالح إلي عيزاه

وأيوة هيعطيك الزوجة الصالحة

صدقيني

خلي عندك ثقة في ربنا

مش محتاج تنظر للدنيا وتتعلق بيها

إنت ربنا هيعطيك أفضل مما تتخيل

هنكمل كلامنا عن ربنا

وإننا منانا نوصله

منايا أوصلك

يا حبيبي

[هبـة الله]

رد: إيه رأيك متكنسيش ولا ترتبي البيت ؟؟؟

جزاكي الله خيرا يا يمامة و جعله في ميزان حسناتك
لي عودة مرة أخرى للموضوع

[محبة للإسلام]

رد: إيه رأيك متكنسيش ولا ترتبي البيت ؟؟؟

أختي
يمامة المسجد
بصراحة مواضيعك في قمة الروعة وتحفة جدا جدا بس بالنسبة للورقة والقلم وكتابت الذنوب على الحال ده هنقعد سنة نكتب ومش هنخلص أنت فعلا مواضيعك بتجذب الواحد ليها وزي ما بيقولوا بتقلب المواجع و أنا بحب أقرأ مواضيعك كلها لأنها فعلا بتخاطب قلوبنا و ياريت مواضيع تاني عن حياة القلب إلي إحنا دفناها من زمان
بارك الله فيك و أتمنى لك المزيد من التقدم و الثبات
و الله الموفق

[أمية الله]

رد: إيه رأيك متكنسيش ولا ترتبي البيت ؟؟؟

جزيتى خيرااا اخيتى على الموضوع

[يمامة المسجد]

رد: إيه رأيك متكنسيش ولا ترتبي البيت ؟؟؟

جزاكي الله خيرا يا يمامة و جعله في ميزان حسناتك
لي عودة مرة أخرى للموضوع

جزانا وإياك ِ

منتظرينك

إن شاء الله

[يمامة المسجد]

رد: إيه رأيك متكنسيش ولا ترتبي البيت ؟؟؟

أختي

يمامة المسجد
بصراحة مواضيعك في قمة الروعة وتحفة جدا جدا بس بالنسبة للورقة والقلم وكتابت الذنوب على الحال ده هنقعد سنة نكتب ومش هنخلص أنت فعلا مواضيعك بتجذب الواحد ليها وزي ما بيقولوا بتقلب المواجع و أنا بحب أقرأ مواضيعك كلها لأنها فعلا بتخاطب قلوبنا و ياريت مواضيع تاني عن حياة القلب إلي إحنا دفناها من زمان
بارك الله فيك و أتمنى لك المزيد من التقدم و الثبات
و الله الموفق

ربنا يكرمك

جزاك ِ الله خيرا ً على المجاملة

بس حكاية كتابة الذنوب هذه مهمة جدا ً

حتى شيخنا محمد حسين يعقوب قال في كتابهة قصة الإلتزام والتخلص من رواسب الجاهلية

إنه جلس عشر سنوات يكتب في ذنوبه وعيوبه ليتخلص منها ويجاهد نفسه