إيه رأيك متكنسيش ولا ترتبي قلبك أقصد البيت ؟؟؟ _ما رأيكن أن نتظف قلوبنا كما ننظف بيوتنا _ طهر قلبك _

[يمامة المسجد]

كيف حالكن أخواتي في الله

عايزة أكلمكن كدة في موضوع صغير وبسيط

موضوع إيه ؟؟؟؟؟

موضوع تنظيف البيت وتوضيبه وترتيبه

موضوع بيتكرر عندنا كل يوم في بيتنا

ويمكن كل يوم تكنسي وترتبي أكثر من مرة

لو أنت ِ أم تلاقي بنتك كل شوية

ترمي ورقة

تاكل إستوفندي وترمي البذر

وتلاقي بذرة هنا وبذرة هناك

يمكن في الأول مش هتهتمي .. ده مجرد بذر ... بس لما بتدوسي فيه ويوجعك ... بتعرفي أهمية إنك تشيليه

وشوية تلاقي القشرة نفسها

تاكل شيوكلاته .... وترمي الغطا بتاعها

ده غير الأحذية إلي بيدخوا بيها على السجاد ... رايح جاي .... مطحنة

ويا سلام لو لديك طفلة صغيرة ... تشقلب كل حاجة رأس على عقب .... مينفعش تسيب حاجة معدولة ... إزاي ؟؟؟؟؟؟؟؟؟

ولو عندك عيال كبيرة شوية ... ولا اخوات ... تلاقي ورق كراريس مرمي ... كتب دراسية ... وحاجات كثيرة أوي

ولو إنتي مثلا ً جالك ضيوف ومعاهم أطفال صغيرين وإجمعوا كدة مع بعض ... طبعا ً مش هقولك البيت هيبأه شكله إيه

وإنتي طول النهار ... وحطي الليل كمان

مطحـــــــــــــــــــــــــــــــــونة

ترتـــــــــــــــــــــــــــــــــــــــــــــــ ـــــــبي ده

وتكنسي الظهر والعصر وبالليل

وتعبانة عشان ترجعي شكل البيت زي ماهو




طيب إيه رأيــــــــــــــــــــــــــــــــــــك ...

لو سبتي التريب

وسيبتي الكنس ولو مجرد يوم

البيت هيكون شكله إيه ؟؟؟؟؟؟؟؟؟؟؟

طبعا ً أكيد إنتوا كلكن عارفين

طبعا ً شكله كارثة





طيب نوضب من على الوش كدة عمل سريع

الملابس نجمعها ونحطها في الدولاب

الورق نجمعه تحت الكرسي

ونكنس بسرعة من على الوش

المفرش نغطي بيه الملاية الي مش متوضبه

بسرعة بسرعة بسرعة بسرعة

البيت زي الــــــــــــــــــــــــــــــفل في ثواني

بس طبعا ً شكله في الأصل لا ينظر له

لأنه أساسا ً مش متوضب وفي ثواني هيرجع أكثر من الأول في عدم النظافة








طيب بصي

نكنس ومنوضبش

هيكون شكله إيه ؟؟؟؟؟؟؟؟؟؟؟؟







طيب إيه رأيك ترتبي وتنظفي

وسيبك من الكنس

مش مهم

هيكون شكله إيه ؟؟؟؟؟؟؟؟؟؟؟؟؟؟






ولا كأنك عملتي حاجة في الحالتين

طبعا ً إحنا لسة مكلمناش على المطبخ ؟؟؟ وبلاش أحسن







ده بالنسبة للبيت





طيب ياترى فيه حاجة تشبه المنزل أوي





في التوضيب والترتيب والكنس محتاجة الموضوع ده بإستمرار




؟؟؟؟؟؟؟؟؟؟؟؟؟؟؟؟؟؟؟؟؟؟؟





خليكي معايا

[غفرانك ربي]

رد: إيه رأيك متكنسيش ولا ترتبي البيت ؟؟؟

معاكي يايمامه

منتظرينك

[أم المجاهدين]

رد: إيه رأيك متكنسيش ولا ترتبي البيت ؟؟؟

معاكِ إن شاء الله

[يمامة المسجد]

رد: إيه رأيك متكنسيش ولا ترتبي البيت ؟؟؟

للأسف معظمنا ويكاد أن نقول كلنا

بيهتم جدا ً جدا ً بالمظهر

ونسى حاجة مهمة جدا ً هي قلــــــــــــــــــــــــــوبنا

قلوبنا بتتعرض كل يوم حاجات تلخطبها رأس على عقب زي البيت بالظبط

كل كلمة غلط تسمعيها

كل معصية بنعملها

كل حاجة نسمعها غلط

مهما كانت صغرها

كلها بتتعرض على قلوبنا

وبتأثر فيه جدا ً

يمكن إنتي لما لم تعيري إهتمام لبذرة الإستوفنداية

لما دوستي عليها حسيتي بألمها

ولما تجمع البذر مع بعض حسيت إن الدنيا كلها متبهدلة

كدة بالظبط

فيه معاصي قليلة جدا ً في نظرنا وصغيرة جدا ًده أساسا ً إذا أعتبرناها معصية

لكن للأسف أثرها كبير أوي على قلوبنا

يمكن ميبانش للوهلة الأولى

لكن , لما بتتعرضي لموقف معين

بتبان قلوبنا على حقيقتها

كل حاجة بنعملها بتترك بصمتها على قلوبنا

وبتوسخها جدا ً

وإحنا بننسى ونسيبه ولا حتى بنفكر نكنسه

وتتراكم الوساخة

وييجي عليها العنكبوت ويعمل بيوت

وناسين الموضوع أساسا ً

كأنه بيت هجرناه ونسيناه ومش عايزينه





طيب لو جينا نوري قلبنا لحد


هيلاقيه إسود مظلم ... يخاف يقرب له



ماهو مهجور



ويمكن حتى مسكون



مسكون ؟!!!!!!!!!!!!!!!!!




أيوة مسكون





متعرفيش إن البيوت المهجورة بتسكن





بتسكن بالشياطين وتكون سكن لها





وأي حاجة ممكن يعملوها فيها





للأسف قلوبنا كدة





وإحنا مش واخدين بالنا





وفي الآخر نرجع نشتكي .... إنه مصدي ومش عارفين نجليه ... ومش عارفين نوصل لقلبنا الحقيقي ... ما إنت لازم تطردي الشياطين .... وتشيلي كوم التراب والوساخة وتكنسيه كويس .... وتفضية من أي عوالق .... وشيلي العنكبوت وابعديه

ولما حاولنا نرتب بسرعة ... وكروتنا ... رتبنا من على الوش ونضفنا

لكن للأسف أكوام التراب موجودة

لكن مخفية

فمجرد شوية هوا بسيطين هيخرجوهم

كدة بالظبط لما تنضفي قلبك من على الوش

تضحكي على نفسك يعني

ثواني وهترجعي على طول ويمكن أكثر من الأول

وللأسف مش هينفع نكنس من غير مانوضب

والعكس كذلك

الكنس مش هستغنى عن التوضيب والعكس

لازم لما تهتمي بقلبك

تهتمي به ككل ليس جزء جزء

عشان كدة كلنا

لازم نحاول نرتب بيوتنا

لأنك حسيتي بحاجتك الضرورية إنك توضبيه وإلا مش هتعرفي تعيشي في مكان وسخ

وانا أقصد

قلوبـــــــــــــــــــــــــــــــــــنا

لأنك مش هتعرفي تعيشي من غير ماتكنسيه وتلمعيه وتوضبيه

طيب إزاي ؟؟؟؟؟؟؟؟؟؟؟؟؟؟؟؟؟؟؟؟؟؟؟

نركز مع الرد القادم بحول الله وقوته

[يمامة المسجد]

رد: إيه رأيك متكنسيش ولا ترتبي البيت ؟؟؟

مبدأيا ً أنا مش هضغط عليكم أوي

لكن لازم نحاول نصحي قلوبنا من ركودها

أول حاجة لازم نعملها عشان ننضف قلبنا

هي إننا نوقف عن توسيخه

يعني إيه ؟؟؟؟؟؟؟؟؟

يعني إحنا في كلية الطب لما بناخد مرض نتيجة حاجة معينة بيعملها العيان .... أول خطوة في العلاج لازم يوقف الحاجة دي ..... عشان يتعالج


وعشان البيت يفضل مترتب .... أو على الأقل زي ماهو ... لازم نوقف توسيخه ....


صح ؟؟


دي أول حاجة


طيب وإيه بيوسخ قلوبنا ؟؟؟؟؟؟؟؟؟؟؟


الذنوب والمعاصي

يبأه لازم نتوقف عن الذنوب والمعاصي


طبعا ً هتقولي صعبة


وأنا هقولك إن شاء الله مش صعبة


مع بعض كدة واحدة واحدة ونفهم



أحيانا ً بيكون واحد فينا مصر على معصية


وقاعد يطلب قلبه في مواضع كثيرة ومش لاقيه



أصل هو نايم ومكتوم ومتكتف بالمعصية



مش عارف ينهضلك ويقوم لك


وإنت مصر تعمل المعصية


وتيجي تطلبه لا تجده



وتفضل مضايق مضايق .... فين قلبي ؟؟؟؟؟؟؟؟؟؟



أين قلبي ؟؟؟؟؟؟؟؟؟؟؟؟؟؟؟؟



وهو بيقولك بصوت ضعيف مختنق .... ياعم أنا موجود .... بس إنت مكتفني وخانقني ... فك عني شوية


فهمتوني ؟؟؟؟؟؟؟؟؟؟؟؟؟؟؟


لازم نفك التكتيف ده عن قلوبنا ونجليه كدة ونظهره ونبطل معصية إلي خنقاه وكتمه على نفسه

ييييييييييه .... هتقولي تاني نبطل معصية .... هو إحنا ملائكة ؟؟؟؟؟؟؟؟؟؟؟



يا حببيتي إفهميني إحنا هنبذل مجهودنا إننا نبطل وندعي ربنا يعيننا .... وهنستغفر ونتوب ألف مرة .... لكن هنحاول ... خليك ِ معايا بس

عارفة حديث :

حدثنا هشام بن عمار حدثنا حاتم بن إسماعيل والوليد بن مسلم قالا حدثنا محمد بن عجلان عن القعقاع بن حكيم عن أبي صالح عن أبي هريرة أن رسول الله صلى الله عليه وسلم قال : إن المؤمن إذا أذنب كانت نكتة سوداء في قلبه فإن تاب ونزع واستغفر صقل قلبه فإن زاد زادت فذلك الران الذي ذكره الله في كتابه { كلا بل ران على قلوبهم ما كانوا يكسبون }

وعن حذيفة قال سمعت رسول الله صلى الله عليه وسلم يقول تعرض الفتن على القلوب كالحصير عودا عودا فأي قلب أشربها نكتت فيه نكتة سوداء وأي قلب أنكرها نكتت فيه نكتة بيضاء حتى يصير على قلبين أبيض بمثل الصفا فلا تضره فتنة ما دامت السماوات والأرض والآخر أسود مربادا كالكوز مجخيا لا يعرف معروفا ولا ينكر منكرا إلا ما أشرب من هواه رواه مسلم .


يبأه لازم نشيل السواد

وهنشيله بإننا نبطل معصية

ونغلسه ونجليه بالذكر والإستغفار

ونرجعه جديد وحلو زي الأول

طيب هنعمل إيه ؟؟؟؟؟؟؟؟؟؟؟

هنجيب ورقة وقلم ... وندخل حجرة ونفضل مع نفسنا .... ونكتب معاصينا حسب درجتها .... الأكبر في مجموعة .... وبعدين مجموعة تانية وهكذا

وأقول أنا الأسبوع هذا بحول الله وقوته هحاول أتخلص من المعصية هذه (( ولتكن مثلا ً عقوق الوالدين وعدم الرحمة بهما ))

وأعمل جدول من خانتين ...

خانة فيها بدايتها آية عذاب مثلا ً : (( وَأَمَّا مَنْ أُوتِيَ كِتَابَهُ بِشِمَالِهِ فَيَقُولُ يَا لَيْتَنِي لَمْ أُوتَ كِتَابِيهْ{25} وَلَمْ أَدْرِ مَا حِسَابِيهْ{26} يَا لَيْتَهَا كَانَتِ الْقَاضِيَةَ{27} مَا أَغْنَى عَنِّي مَالِيهْ{28} هَلَكَ عَنِّي سُلْطَانِيهْ{29} خُذُوهُ فَغُلُّوهُ{30} ثُمَّ الْجَحِيمَ صَلُّوهُ{31} ثُمَّ فِي سِلْسِلَةٍ ذَرْعُهَا سَبْعُونَ ذِرَاعاً فَاسْلُكُوهُ{32} )) الحاقة

وخانة في باديتها آية جنة مثلا ً : (( فَأَمَّا مَنْ أُوتِيَ كِتَابَهُ بِيَمِينِهِ فَيَقُولُ هَاؤُمُ اقْرَؤُوا كِتَابِيهْ{19} إِنِّي ظَنَنتُ أَنِّي مُلَاقٍ حِسَابِيهْ{20} فَهُوَ فِي عِيشَةٍ رَّاضِيَةٍ{21} فِي جَنَّةٍ عَالِيَةٍ{22} قُطُوفُهَا دَانِيَةٌ{23} كُلُوا وَاشْرَبُوا هَنِيئاً بِمَا أَسْلَفْتُمْ فِي الْأَيَّامِ الْخَالِيَةِ{24} )) الحاقة

وبعدين كل ما نقع فيها

نحط علامة في آية العذاب

وكل ما تمسك نفسك تحط علامة في خانة آية الجنة

وكل يوم نحاسب نفسنا قبل ما ننام

ونشوف السبب إلي وقعنا فيها ونشيله ونحاول نتفاداه

مش بس كدة همسك المعصية دي وهدعي ربنا يتبوب عليه وخاصة من المعصية دي وهستغفر بنا

استغفروا ربكم إني استغفر الله وأتوب إليه كل يوم مئة مرة .

رسولك صلى الله عليه وسلم بيستغفر ويتوب إلى الله يعني يقول استغفر الله وأتوب إليه 100 مرة وهو غفر له ماتقدم من ذنبه وما تأخر ، وهو في ميزانه نحن جميعا ً ، وهو يقوم الليل حتى تتور قدماه ، وهو يصوم حتى لايفطر


طيب إحنا محتاجين نستغفر أد إيه ونتوب أد إيه ؟؟؟؟؟؟؟؟؟؟

وإن شاء الله شوية شوية ربنا هيجعلنا نترك تلك المعصية

يابنتي بطلي يأس ... شيفاك بتقولي مش نافعة مش نافعة ... مافيش فايدة

خلي عندك أمل وثقة في ربنا

ياجماعة الله يقول : إن الله تعالى يقول أنا عند ظن عبدي بي إن خيرا فخير وإن شرا فشر .

لازم نظن خير وإن شاء الله نلاقي خير

يبأه إن شاء الله هنتوب من ذنوبنا تدريجيا ً

وطبعا ً عارفين إيه أساسيات التوبة

أخدناها في يوم بيوم إلي متابع

أحدها: أن يقلع عن المعصية.
والثاني: أن يندم على فعلها.
والثالث : أن يعزم أن لا يعود إليها أبداً. فإن فقد أحد الثلاثة لم تصح توبته.
وإن كانت المعصية تتعلق بآدمي فشروطها أربعة: هذه الثلاثة، وأن يبرأ من حق صاحبها

وطبعا ً مش هنيئس

رسولنا صلى الله عليه وسلم قال :
ما من عبد مؤمن إلا وله ذنب يعتاده الفينة بعد الفينة أو ذنب هو مقيم عليه لا يفارقه حتى يفارق الدنيا إن المؤمن خلق مفتنا توابا نسيا إذا ذكر ذكر .


فلازم نحاول نلاقي إلي يذكرنا

فنذكر الله

هنكمل الباقي بحول الله وقوته

تابعونا

[ينابيع الجنة]

رد: إيه رأيك متكنسيش ولا ترتبي البيت ؟؟؟

ازيك يا يامامة

[يمامة المسجد]

رد: إيه رأيك متكنسيش ولا ترتبي البيت ؟؟؟

جزانا وإياكم إخوتي

بارك الله فيكن

[يمامة المسجد]

رد: إيه رأيك متكنسيش ولا ترتبي البيت ؟؟؟

ازيك يا يامامة

الحمد لله بخير

[أم زياد]

رد: إيه رأيك متكنسيش ولا ترتبي البيت ؟؟؟

ما شاء الله عليكِ ربنا يبارك فيكِ يارب
إن شاء الله منتظرين الباقى

[dr_karmen]

رد: إيه رأيك متكنسيش ولا ترتبي البيت ؟؟؟

ياخسارة يا يمامتى
انا فرحت أوى أوى
قلت هيكون فى افتكاسة جديدة هتضبط الموضوع ده

يالا بقى

ملحوقةان شاء الله


بس انا أسرعلى لو البيت وصل للمرحلة اللى بتقولى عليها ديه أولع فى البيت
أو أنقل من الشقة
لأنى شغلى بطيييييييييييييييييييييييييييييييئ


لكن جزام الله خيرا
ار يعينا على كنس ذنوبنا من جوانا
اللهم آآآمين

[يمامة المسجد]

رد: إيه رأيك متكنسيش ولا ترتبي البيت ؟؟؟

جزانا وإياكم أخيتي أم زياد

كارمن إنسي البيت وركزي على القلب

عملتي ورقة الذنوب ؟؟؟؟؟؟؟؟؟

[يمامة المسجد]

رد: إيه رأيك متكنسيش ولا ترتبي البيت ؟؟؟

[فراشةالاسلام]

رد: إيه رأيك متكنسيش ولا ترتبي البيت ؟؟؟

جزاك الله خيرا اخيتي موضوع قيم ومفيد ونافع ومشكلة القلب مشكلة كبـــــــــــيرة فمن منى ينكر ذلك
اسال الله ان يصرف قلوبنا ويثبتهى على الاسلام قولوووووواميـــــــــــــن***

[طريق الجنه]

رد: إيه رأيك متكنسيش ولا ترتبي البيت ؟؟؟

[راجيه رضا ربى]

رد: إيه رأيك متكنسيش ولا ترتبي البيت ؟؟؟

(اللهم انت ربى لا اله الا انت خلقتنى وانا امتك وانا على عهدك ووعدك ما استطعت اعوذ بك من شر ما صنعت وابوء لك بنعمتك على وابوء بذنبى فاغفرلى فانه لا يغفر الذنوب الا انت )

*اختى يمامه المسجد *

جزاكى الله كل الخير لموضوعك الاكثر من رائعك

ربنا يحميكى ويحفظك يارب