رياضة x رياضة لعشاق الرياضيات (تركيييز وانطلااااق)

[aya]

رياضةxرياضة

بسم الله والحمد لله
أخوات الطريق إلى الله
الدراسة بدأت .. والمخ لازم يتفتح .. ومن أقوى أسباب تشغيله .. تميزك في الرياضيات كعلم من العلوم التي تحتاج لتركيز وتشغيل دماغ

ناس كتير أوي بتكره الرياضيات
وناس بتموت في حاجة اسمها رياضيات ..

عن نفسي ماشوفتش حد قال (شغال) يعني (ماشي الحال) .. بمعنى انه يقول ساعات احب الرياضة وساعات لأ
يا بتحتب
يا بتكره

*********

تعالوا نتناقش .. مين بيحيب الرياضة و ليييه ؟؟
ومين مش بيحب الرياضات و لييييه ؟؟

وفي مفاجآاات حلوة جدااا بعد المناقشة ..

[Nouran]

رد: رياضة x رياضة لعشاق الرياضيات (تركيييز وانطلااااق)

السلام عليكم ورحمة الله
ابا بقول شغاااال ^___^
انا فعلا طول عمرى كنت بذاكر الرياضيات كفرض عليا مش اكتر ومكنتش بحبها اوى بذاكرها بالعافية ومع ذلك كنت بتفوق فيها والله المستعان

انا كنت بكره الرياضيات شوية بس مش عارفة حتى الان انا كنت بكرهها ليه؟؟؟؟مع انى كنت بفهمها كويس والحمد لله
يمكن هى علم مش محبب لنفسى هكذا خلقنى الله ^__^

ممكن اقتراح انا احب دراسة اللغات جدااااااااااا وعلى فكرة دراسة اللغات المختلفة بيقوى قدرات المخ
وبينمى التركيز فلو ممكن بردو نعمل موضوع لمحبى الانجليزية مثلا والفرنسية ويضاف فيه ما يفيد لمحبى اللغات
ونستفيد من بعض ان شاء الله

على فكرة انا اول من يرد فين المفاجأة؟؟؟؟؟؟؟؟؟؟؟؟

احبك فى الله

[روضـ الحياة ــة]

رد: رياضة x رياضة لعشاق الرياضيات (تركيييز وانطلااااق)

اولا عوداً حميداً

ثانيا انا كنت طبعا من محبي الرياضيات وكانت افضل مادةعندي

ولكن بعد ان عرفت البرمجة بموادها ( الجوريزمات وهندسة برمجيات ووو ) لم يعد يتربع على عرش عقلي مادة سواها

[moslma lillah]

رد: رياضة x رياضة لعشاق الرياضيات (تركيييز وانطلااااق)

عودا حميدا اختنا
نورتي القسم من تاني


الموضوع دا يرد عليكِ يا اختنا
ويقولك انا اد ايه بحبها
أحبك يا رياضيات بتعبيرات وقوانين الرياضيات " إهدائي للرياضيات " {حب باحت للرياضة الباحتة }

اما ليييييييه فلي عودة إن شاء الله للاستفاضة فيها

[لأموتنَّ والإسلامُ عزيز]

رد: رياضة x رياضة لعشاق الرياضيات (تركيييز وانطلااااق)

انا من محبات الرياضه ^ـ^
ولي عوده إن شاء الله أختي

[aya]

رد: رياضة x رياضة لعشاق الرياضيات (تركيييز وانطلااااق)

انا كنت بكره الرياضيات شوية بس مش عارفة حتى الان انا كنت بكرهها ليه؟؟؟؟مع انى كنت بفهمها كويس والحمد لله
يمكن هى علم مش محبب لنفسى هكذا خلقنى الله ^__^

انا شايفة انه يمكن اوى يكون كسل
يعني انتى عندك مهارة الفهم والمذاكرة والذكاء والتركيز .. بس مش بتشتغلى وتركزي الا لم ا يكون مفروض عليكي كدة
"ده تحليلي للأمر"

ممكن اقتراح انا احب دراسة اللغات جدااااااااااا وعلى فكرة دراسة اللغات المختلفة بيقوى قدرات المخ
وبينمى التركيز فلو ممكن بردو نعمل موضوع لمحبى الانجليزية مثلا والفرنسية ويضاف فيه ما يفيد لمحبى اللغات
ونستفيد من بعض ان شاء الله

اقتراح جميل ما شاء الله

على فكرة انا اول من يرد فين المفاجأة؟؟؟؟؟؟؟؟؟؟؟؟

شكلها مش هتناسبك
بس ربنا يستر ..

[aya]

رد: رياضة x رياضة لعشاق الرياضيات (تركيييز وانطلااااق)

اولا عوداً حميداً

ثانيا انا كنت طبعا من محبي الرياضيات وكانت افضل مادةعندي

ولكن بعد ان عرفت البرمجة بموادها ( الجوريزمات وهندسة برمجيات ووو ) لم يعد يتربع على عرش عقلي مادة سواها

جزاك الله خيرا
مع انى درست برمجة .. لكن الرياضة تبقى الأفضـــــل ..

[aya]

رد: رياضة x رياضة لعشاق الرياضيات (تركيييز وانطلااااق)

عودا حميدا اختنا
نورتي القسم من تاني


الموضوع دا يرد عليكِ يا اختنا
ويقولك انا اد ايه بحبها
أحبك يا رياضيات بتعبيرات وقوانين الرياضيات " إهدائي للرياضيات " {حب باحت للرياضة الباحتة }

اما ليييييييه فلي عودة إن شاء الله للاستفاضة فيها

جزاك الله خيرا
ما شاء الله .. ربنا يفتح عليكي

[aya]

رد: رياضة x رياضة لعشاق الرياضيات (تركيييز وانطلااااق)

انا من محبات الرياضه ^ـ^
ولي عوده إن شاء الله أختي

منتظرينك
ومرحبا بك عضوة جديدة
واسمك راااااائع جدا ما شاء الله (لأموتن والإسلام عزيز)

[aya]

رد: رياضة x رياضة لعشاق الرياضيات (تركيييز وانطلااااق)

جميل جدا الحلقة الثانية من
رياضةxرياضة

الصفحة دي باذن الله هنخصصها لاستفسارات الرياضيات
لكن قبل ما نفتح المجال
عايزين الأخوات تختار حاجة من 2
1/ نشتغل في تمارين ومسائل كدة تنشط الدماغ ؟
ولا
2/ نشرح حاجة وندي عليها تمارين ويبقى كورس ؟

؟؟؟؟؟
في انتظاركن ..

[روضـ الحياة ــة]

رد: رياضة x رياضة لعشاق الرياضيات (تركيييز وانطلااااق)

انا عن نفسي

افضل شرح جزء الاول او على الاقل مراجعته

لان في اجزاء كتير ممكن نكون ناسينها

[moslma lillah]

رد: رياضة x رياضة لعشاق الرياضيات (تركيييز وانطلااااق)

ع السريع كدة

اما ليييييييه فلي عودة إن شاء الله للاستفاضة فيها

1- طبعا الرياضيات بتخلي الصدأ اللي ع المخ ينزاح بعييييييييييد
2- بتعلم الواحد المرونة ف التفكير لو منفعتش الطريقة دي يبقي نفكر ف واحدة تانية ونغير ونعدل وإيجاد بدائل وحلول لحد ما نصل للطريقة المثلي , بالظبط كدة ف الحياة الواقعية نقضي ع الجمود والتنشنة .
والله المستعان

1/ نشتغل في تمارين ومسائل كدة تنشط الدماغ ؟

اعتقد دا ممكن في مدرسة العباقرة والاذكياء اللي انتوا هاجرنها خالص وهي زعلانة منكوا جداا .

2/ نشرح حاجة وندي عليها تمارين ويبقى كورس ؟

اؤيد دا

[سندس33]

رد: رياضة x رياضة لعشاق الرياضيات (تركيييز وانطلااااق)

السلام عليكم
جزاكي الله خيرا اخيتي علي فكرتك الرائعه
انا عن نفسي اؤيد فكرة شرح جزء ثم التطبيق عليه
وأستأذنك انك تطلبي من اللي هيشارك في الفكره دي انه يحفظ جدول الضرب اولا لانه هيساعد كتير
بارك الله فيك

[Dr.hala]

رد: رياضة x رياضة لعشاق الرياضيات (تركيييز وانطلااااق)



كيفكن اخواتى العزيزات ؟؟؟؟

انا مش بحب الرياضيات خاااالص ولكنى مع ذلك اتفوق فيها

وهى اعلى تقدير فى مواد الكلية

ومع انى احب العلوم اكثر منها ولكنى الان تخصصت رياضيات

وبرمجة الحاسب ......سبحان الله

[aya]

رد: رياضة x رياضة لعشاق الرياضيات (تركيييز وانطلااااق)

ما شاء الله جميل جدا

طيب ايه رأيكم في مسألة خفيفة ونبدأ في شرح ومسائل


المسألة بتقول ::

طريق طوله 12 كم نريد انارته من بدايته لنهايته بحيث يتم وضع عمود كل 1/2 كم
فكم عدد الأعمدة ؟
1/ 12 عمود
2/ 13 عمود
3/ 24 عمود
4/ 25عمود