Tweet
السلام عليكم ورحمة الله وبركاتة اخواتى
انا مش هطول عليكوا ف كلامى عشان مصدعكوشيعنى وكدة انا الحمد لله ربنا من عليا باللتزام ولبس النقاب من شهر بظبط لاول مرة فى حياتى ادخل مسجد الجامعه واحضرالحلقات اللى بيدوها الاخوات كان مجرد دخولى لصلاة الفرض وخلاص حسيت اد اية انا ضيعت فعلا عمرى هباء ماشاء الله حسيت فعلا ان فى اخوات كتير مفيش فى قاموسها كلمة وقت فراغ حياتها كلها للعلم والدعوة ومع ذلك بردة بيطلعوا بتقديرات كويسة جدا زعلت ع نفسى اوى صراحة وحسيت انى نفسى اكون زيهم عشان اعلم بردة الناس واخد الثواب العظيم دة وعشان كمان لو مشغلتش نفسى بطاعه هتشغلنى هى بالمعصية حسيت انى عاوزة اتعلم كل حاجة بس خايفة لانى قبل كدة قولت عاوز اتعلم كل حاجة وف الاخر لقيت نفسى متعلمتش ولا اى حاجة انا عاوزة اعرف اول سنة التزام المفروض الواحد يدرس اية ويزيد فى الطاعه ازاى لانى مرعوبة لانى كذا مرة ابقى عندى الارادة وف الاخر انتكس بس حسيت لما لبست النقاب فى حاجات كتير جوايا اتغيرت بس بردة حاسة انى لسة موصلتش بقلبى للدرجة اللى ربنا يرضى عنى بيها اوى انا عاوزاكوا تاخدوا بايدى وتنصحونى انا الحمد لله بدات بحفظ القران حفظت اول ربعين ف البقرة مع البنات فى الكلية وبدات بردة ادرس التجويد والنهاردة وبحفظ فى جامع جمبنا احاديث وبناخد عقيدة بردة بس انا خايفة انى بكدة ممكن اشتت نفسى ولا اية سمعت يعنى ان مش المفروض تشتتى نفسك بين كذا فرع كدة يعنى المفروض اركز ع حاجة وحدة فى الاول يعنى ولا اية انهاردة جم يقولوا نتدارس فقة كمان انا خايفة اكتر ع نفسى وارجع تااااااانى اكرر القصيدة ومركزش فى اى حاجة خصوصا انى بردة معايا دراستى وف البكاليريوس اخر سنة ياريت حد ينصحنى ازاى الواحد ممكن ينظم وقتة ويبقى ازاى فعلا طالب علم مجتهد نفسى اوى ابقى فقية فى دينى مش مسلمة ع الورق مش منتقبة مظهر انا دوشتكوا بس احساس الخوف صراحة مسيطر عليا
ولى عودة اخرى باذن الله اوعوا تقولوا عليا ارارة يعنى وكدة
السلام عليكم
تعليق