** سنة أولي نقاب ** تاتة تاتة نقاب مرحباً بكم مع بدء الدراسة # كل عام انتن طيبات عفيفات منتقبات#

[فاطمة ام عمر]

رد: ** سنة أولي نقاب ** مرحباً بكم مع بدء الدراسة غداً بإذن الله # كل عام انتن طيبات عفيفات منتقبات#

طيب يا فاطمة
هل حاولتي تقنعي زوجك به قبل كدة ؟
باسلوب رفيق مُلح ؟
وحس إنك فعلا نفسك جدااااا تلبسيه ؟؟

pالسلام عليكم
لقد حاولت معه اكثر من مرة بالرفق واللين ولم يقتنع وقال انه لايحبه

[moslma lillah]

رد: ** سنة أولي نقاب ** مرحباً بكم مع بدء الدراسة غداً بإذن الله # كل عام انتن طيبات عفيفات منتقبات#

وعليكم السلام ورحمة الله وبركاته

عذرا فاطمة غاليتي اتأخرت عليكي في الرد للانشغال الشديد

طيب سيبك من انه فرض
اقري كدة الاسباب دي واعرضيه عليه او خليه يقراه هو بنفسه :

فلماذا أختاه النقاب ؟؟؟

بعد أما عرفنا الحكم الشرعي في النقاب في الدرس الأول إنه إن شاء الله فرض " فهذا هو السبب الديني لإرتداء النقاب "
نيجي للأسباب البديهية للنقاب

فلماذا أختاه النقاب ؟؟؟

علشان انا حرة … مش من حق حد يشوف مني اللي مش عاوزاه يشوفه إلا بإرادتي … ومن حقي اختار مين اللي يشوف مني أجمل ما عندي .. واللي علشان يشوف ده ويبقى حقه وحلاله عن طيب خاطر.. لازم هو كمان يديني مشاعره واللي باقي من عمره عن طيب خاطر…

فلماذا أختاه النقاب ؟؟؟

علشان أنا غالية .. مينفعش أقلل من قيمة نفسي واخليها عرضة لكل العيون .. ويبقى خروجي مكشوفة ضوء أخضر لكل من هب ودب يسرق مني ولو نظرة لأي جزء مش متغطي مني .. حتى لو مكنش ده قصدي … بس مش حقدر امنعه … (كامل اعتذاري لغير المحجبات.. ولكن ده اللي حيوصل منك لضعيفي النفوس حتى لو مكنش ده قصدك.. وده اللي علشانه ربنا فرض الحجاب . علشان ميطمعش الذي في قلبه مرض) … مع الأخذ في الاعتبار انه “كل من هب ودب ده” مش بس الشباب اللي بيعاكس البنات في الشارع .. ده يتضمن حتي الزبال اللي بيسوق عربية الزبالة في الشارع _ مع احترامنا وتقدرينا له ولمهنته _ .. كل دول بقى من الممكن انهم يبصوا لي … لأ ده كمان يمكن ماعجبهمش ويدوروا وشهم إعراضاً

فلماذا أختاه النقاب ؟؟؟

علشان أنا باحترم نفسي .. وشايفة نفسي كبيرة قدام نفسي .. ومينفعش أنزل سوق المنافسة في الأنوثة علشان أفوز في الآخر بنظرة شهوانية أو كلمة غزل رخيصة أو عرض صحوبية…

فلماذا أختاه النقاب ؟؟؟

علشان انا جمالي مش خارجي وبس.. ومن حقي ان اللي ييجي يتجوزني .. واللي حاديله الباقي من عمري .. واللي حديله كل مشاعري .. واللي حاقاسمه أحلامي وأفكاري .. واللي حخلف منه ولادي .. وحاربيهم معاه .. مايختارنيش على مقاييس شكلية وبس .. أو تبقى هي دي العامل الأساسي في أختياره ليا … علشان كدة مش ضروري يشوفني في كامل زينتي وجمالي قبل ما يتجوزني . . الأهم انه يحب روحي ويعجب بشخصيتي .. ويرتاح معايا نفسياً.. (أصل في بنات بتأجل الحجاب لحد ما تتجوز.. على أساسا انها تكون شنكلت واحد وضمنته.. مع إن مفيش حاجة مضمونة في الزمن ده .. واللي اختارها علشان جمالها .. ممكن قوي يتجوز عليها واحدة أجمل منها.. لأنه أكيد في الأجمل منها يعني)..

فلماذا أختاه النقاب ؟؟؟

علشان أنا باخاف على أخويا في الله اللي بيشوفني في الشغل أو في الكلية أو في المواصلات أو في الشارع .. ويمكن يكون عاوز يقرب من ربنا .. وبيجاهد نفسه علشان يغض بصره.. فمرضاش لنفسي اني اكون سبب في اني افتنه..

فلماذا أختاه النقاب ؟؟؟

علشان أنا باشيل هم أخويا في الله اللي نفسه يتجوز ومش قادر لضعف إمكانياته المادية .. فمش ضروري يعني ازود عليه همومه… وأخيله في الرايحة والجاية ..

فلماذا أختاه النقاب ؟؟؟

ده غير حاجة مهمة كمان … الكفن بتاع النساء.. فيه حجاب.. فاللي مش حتلبسه وهي حية بإرادتها طاعة الله.. حتلبسه كدة كدة وهي رايحة قبرها.. وطالما ربنا بيقول اننا نتستر حتى واحنا رايحين قبورنا وخلاص انتهى التكليف … ومحدش حيشوفنا تاني ولا حد حيطمع فينا .. يبقى مفيش معنى اننا نمشي مكشوفين لكل العيون واحنا أحياء نرزق.. يبقى الأولى اطيع ربنا بإرادتي وأقابله وهو راضي عني واخد أجري كامل.. ولاّ اني ملبسوش غير وانا جثة واقابل ربنا وهو غضبان عليا؟

وطمنيني يا غالية

[moslma lillah]

رد: ** سنة أولي نقاب ** مرحباً بكم مع بدء الدراسة غداً بإذن الله # كل عام انتن طيبات عفيفات منتقبات#

هل من بشريات .؟

[moslma lillah]

رد: ** سنة أولي نقاب ** مرحباً بكم مع بدء الدراسة غداً بإذن الله # كل عام انتن طيبات عفيفات منتقبات#

للرفع

[أزهار الجنة]

رد: ** سنة أولي نقاب ** مرحباً بكم مع بدء الدراسة غداً بإذن الله # كل عام انتن طيبات عفيفات منتقبات#

كم أتمنى أن ألبس النقاب لكن للأسف أهلى يرفضوا رفض تام

يعتقدوا إنه سيكون عقبه في أمر الزواج

الله المستعان

[moslma lillah]

رد: ** سنة أولي نقاب ** مرحباً بكم مع بدء الدراسة غداً بإذن الله # كل عام انتن طيبات عفيفات منتقبات#

حياكِ الله أختي الغالية أزهار الجنة
ممكن تقري :

السلام عليكم ورحمة الله وبركاته



اخواتي الفضليات



طبتن وطاب ممشاكن وتبوأتن من الجنة منزلا



نبدأ معكن الدرس إن شاء الله بعرض الشبهات التي تواجه المنتقبات



اول شبهة بالتأكيد




هي أن النقاب اصلا مش فرض او اصلا مش من الدين واعتقد اختنا مسلمة جزاها الله خيراً تكلمت في هذه النقطة بما يكفي



الشبهة الثانية وهي تواجه البنات الاتي لم يتزوجن



__مش هتجوز __



الله المستعان



ألسنا كلنا مؤمنون بالله ؟



وألسنا كلنا مؤمنون بقدر الله ؟



وألسنا كلنا مؤمنون بكلام الله ؟




قال تعالى : (لَهُ مَقَالِيدُ السَّمَاوَاتِ وَالْأَرْضِ يَبْسُطُ الرِّزْقَ لِمَن يَشَاءُ وَيَقْدِرُ إِنَّهُ بِكُلِّ شَيْءٍ عَلِيمٌ (12) ) الشورى




قال تعالى : ( اللَّهُ لَطِيفٌ بِعِبَادِهِ يَرْزُقُ مَن يَشَاءُ وَهُوَ الْقَوِيُّ العَزِيزُ(19) ) الشورى



قال تعالى : ( قُلْ إِنَّ رَبِّي يَبْسُطُ الرِّزْقَ لِمَن يَشَاءُ وَيَقْدِرُ وَلَكِنَّ أَكْثَرَ النَّاسِ لَا يَعْلَمُونَ (36) ) سورة سبأ




قال تعالى : ( أَوَلَمْ يَرَوْا أَنَّ اللَّهَ يَبْسُطُ الرِّزْقَ لِمَن يَشَاءُ وَيَقْدِرُ إِنَّ فِي ذَلِكَ لَآيَاتٍ لِّقَوْمٍ يُؤْمِنُونَ (37) ) الروم



يا اختي ربنا يرزق من يشاء وقتما شاء ومش هقول زي ما كتير بيقولوا دول المنتقبات اول ناس بيتزوجوا .. لا في ملتزمات زواجهم تأخر وفي متبرجات ايضاً زوجهم تأخر .. كله رزق يا اختي هو احنا لو ما انتقبناش ضمنين ان ماحنا هنتزوج .. هل ده شيء بايدينا ؟



ولا احنا ما علينا غير اننا نتقي الله وندعوه بالزوج الصالح ؟



ولا هناخد بالاسباب ونتمكيج ونلبس ونعمل ونعمل علشان كده بقينا بناخد بالاسباب ؟



بالله هل هذا اخد بالاسباب ؟



يا اخواتي الزواج نفسه بيجي على اسباب بسيطة جدا



هحكيلكوا قصة اتحكت لي (للامانة لا اضمن صحتها) .. كان في شاب له والدة واخت كان يعيش معهم وكانت اخته جميلة وكان يغار عليها فكانت لا تخرج الا نادر لدرجة ان الجيران لم يكونوا يعرفوها .. طلبات البيت كان هو يقضيها .. الغسيل كان هو ينشره .. طب بالله عليكن دي واحدة اصلا مش عارفين انها موجودة ( مش اللي بتعمل استعراض في الافراح ) هتتزوج ازاي ؟




ولكن قال تعالى : ( وَمَن يَتَّقِ اللَّهَ يَجْعَل لَّهُ مَخْرَجاً (2) وَيَرْزُقْهُ مِنْ حَيْثُ لَا يَحْتَسِبُ وَمَن يَتَوَكَّلْ عَلَى اللَّهِ فَهُوَ حَسْبُهُ إِنَّ اللَّهَ بَالِغُ أَمْرِهِ قَدْ جَعَلَ اللَّهُ لِكُلِّ شَيْءٍ قَدْراً(3) ) الطلاق



كان في بائعة لبن او شيء اخر لا اتذكر راحت لهم البيت فرأت البنت وبعدين ذهبت لجيرانهم وعرفت من جارتها انها بتدور على عروسة لابنها قالت لها بتدوري على عروسة لابنك وقصداكوا البنت دي .. المهم عرفوها وتزوجت




وبعدين يا اختي محدش عارف انتي دلوقتي في سنك ده ( حتى لو عندك 30 سنة ) تقدري تتحملي مسئولية الزواج ولا لا .. ومحدش عارف زوجك ده هيكون كويس ولا لا



دي بقى قصة واقعية رأيتها بعيني



كان في اتنين اخوات الكبيرة اكبر من التانية بسنة واحدة المهم اتخطبت وهي في سنة رابعة وتزوجت في الاجازة ولكن كان زوجها (الحمد لله على كل شيء لعله ابتلاء من الله لها ) كان سئ للغاية طبعا مكنتش تعرف ده ولا اهلها قبل الزواج ففترة الخطوبة كما هو معروف رسم تربيع (رسم * رسم ) .. المهم انجبت منه ومازلت تعيش معه مع سوءه وكراهية العائلة كلهم له


اختها كان يأتي لها عرسان طول هذه المدة ولكن لم توافق الا على شخص كانت تعرف قبل ذلك فهو قريب صديقتها ولم تكن تتصور ان يكون هو زوجها .. وسبحان الله تزوجت وهي عندها 26 سنة تقريبا اي بعد كاختها بحوالي خمسة سنوات او اكثر والآن تعيش سعيدة جدا مع زوجها وحامل ايضا بفضل الله



فاثبتن اخواتي ولا تعيرن كلام الأهل في هذا الشأن اهتماماً فاذا كنتي منتقبة ولم تتزوجي بعد فكم من متبرجة ولم تتزوج بعد ايضاً



قال تعالى : (وَفِي السَّمَاء رِزْقُكُمْ وَمَا تُوعَدُونَ (22) ) الذاريات



قال تعالى : ( وَكَأَيِّن مِن دَابَّةٍ لَا تَحْمِلُ رِزْقَهَا اللَّهُ يَرْزُقُهَا وَإِيَّاكُمْ وَهُوَ السَّمِيعُ الْعَلِيمُ(60) ) العنكبوت



وإليكن تلك المواضيع اخواتي



جزى الله خيراً من كتبها


لكل من تأخر زواجها وشبح العنوسة يطاردها >> إليك الحل بدون سفور أو مخالطة



لكل من تأخر زواجها او حملها ادخلى هتفرحى جدا




انتظروا الشبهة الثالثة __بيقولوا عليا عفريتة__

أسأل الله أن يفرحنا بنقابك وزواجك عاجلا غير آجلا
آمين

[moslma lillah]

رد: ** سنة أولي نقاب ** مرحباً بكم مع بدء الدراسة غداً بإذن الله # كل عام انتن طيبات عفيفات منتقبات#

للرفع

[امة الجليل]

رد: ** سنة أولي نقاب ** تاتة تاتة نقاب :) مرحباً بكم مع بدء الدراسة # كل عام انتن طيبات عفيفات منتقب

جزاكم الله خيرا على الموضوع وبالفعل انا باستفيد من الموضوعات التي تطرحيها وارد بها على من يتطاول على النقاب فكل ما تقوليه يحدث معي ومع غيري والحمد لله على نعمة النقاب

[moslma lillah]

رد: ** سنة أولي نقاب ** تاتة تاتة نقاب :) مرحباً بكم مع بدء الدراسة # كل عام انتن طيبات عفيفات منتقب

جزاكم الله خيرا على الموضوع وبالفعل انا باستفيد من الموضوعات التي تطرحيها وارد بها على من يتطاول على النقاب فكل ما تقوليه يحدث معي ومع غيري والحمد لله على نعمة النقاب

الحمد لله
ربنا يبشرك ويتقبل منكِ غاليتي امة الجليل

[نقابى عزتى وزواله مصيبتى]

رد: ** سنة أولي نقاب ** تاتة تاتة نقاب :) مرحباً بكم مع بدء الدراسة # كل عام انتن طيبات عفيفات منتقب

ماشاء الله اللهم بارك
مجهود رائع غاليتى
اكرمك الله وسدد خطاكِ
واثابك الفردوس الاعلى
جعل الله ما تقدمين فى موازيين حسناتك
نفع الله بكِ ورزقنا واياكِ الاخلاص والقبول

[عودة الأندلس]

رد: ** سنة أولي نقاب ** تاتة تاتة نقاب :) مرحباً بكم مع بدء الدراسة # كل عام انتن طيبات عفيفات منتقب

بارك الله فيكم

[لا تسأل الناس]

رد: ** سنة أولي نقاب ** تاتة تاتة نقاب :) مرحباً بكم مع بدء الدراسة # كل عام انتن طيبات عفيفات منتقب

انا كنت بادخل المنتدي من سنه وماحدش اخد باله مني خالص الحمد لله علي صحبتكم الصالحه ويارب تقدروا ترتبو لي افكاري فانا اريد حفظ القران واحسن اخلاقي اكثرو اكون الام الصالحه لاولادي فانا اريد افعل
ذلك ولكني اريد خطه عمليه ليومي حتي استفيد منه في ديني ودنياي وشكرا علي دعوتكم الغاليه
وسأتبعكم ويارب يتقبل مني ومنكم

[راجية رضا الإله]

رد: ** سنة أولي نقاب ** تاتة تاتة نقاب :) مرحباً بكم مع بدء الدراسة # كل عام انتن طيبات عفيفات منتقب

ما تعرفيش أد أيه أثر فيا الموضوع ده قبل حوالي خمس شهور كنت قد أعلنت ثورة في البيت عشان ألبس الحجاب-مش النقاب- أصلي كنت مفكرة إن النقاب للحلوين أوي أصلي أنا مش حلوة و أنا كنت لابسة حجاب عبارة عن كارينا طرحة لف متوسطة تونيك لحد الركبة و معاهم بنطلون واسع و دي ما كانتش أول ثورة لأ سبقوها كتار و كنت بتحايل عليهم و أقول عاوزة ألبس النقاب عشان أضغط عليهم بس تاني يرجعو يشترولي البودي و حتي إشترولي بنطلون ضيق قمت كتبت على القوقل الحجاب الشرعي و كنت أقرأ في المواضيع عشان أخلي ماما كمان تقراهم و تقتنع تقوم تيجي الطامة لما الاقي في مواضيع كلمة الحجاب فيها معناها النقاب و كان الموضوع دا بينهم و كان أكتر واحد أثر فيا و عن طريقه عرفت المنتدى ده و سجلت فيه و تخيلي لبست النقاب لكن لسة ماما و أختي ما إقتنعوش و أنا اللحظة دي بقالي ١٢ يوم و أكمل تلات شهور و أنا منقبة و احمد الله كثيرا على إنه وفقني للخير ده و ادعي إن ربنا يجازيك الجنة على هذا الموضوع المتميز

[moslma lillah]

رد: ** سنة أولي نقاب ** تاتة تاتة نقاب :) مرحباً بكم مع بدء الدراسة # كل عام انتن طيبات عفيفات منتقب

الله أكبر
لي عودة بإذن الله

[امة الجليل]

رد: ** سنة أولي نقاب ** تاتة تاتة نقاب :) مرحباً بكم مع بدء الدراسة # كل عام انتن طيبات عفيفات منتقب

جزاكم الله خيرا على المواضيع والردود المفيدة والحمد لله اننا مع بعض بنشجع بعض على الخير ونشد من ازر بعض والله المستعان