اسلوب التغيير للافضل

[كونى قوية]

السلام عليكم ورحمه الله وبركاته


اخوتى فى الله لابد ان يكون لنا وقفه مع مفهوم التغيير ومنهجيته


وهنا فى هذا الموضوع سوف احاول جاهده ان اضع بين ايديكم خلاصه ما قراته وما سمعته من محاضرات فى هذا الموضوع


لعل وعسى يكون هذا عملا صالحا يتقبله الله منى
عندما يكون معنى التغيير معنى راسخ بداخل كل منا

[كونى قوية]

رد: اسلوب التغيير للافضل

بدايه ااسف لو ان كتابتى فى الموضوع ممكن تبقى على فترات متباعده وذلك او قليله فكما تعلمون اننى هنا اكتب منهجيه التغيير كما اراها واتمنى ان فى نهايه الموضوع ان الكل يناقشنى

اعرف قدراتك

تعالوا نبدأ كلامنا بقصه كنت قريتها قبل كده وتعالوا نشوف المغزى من وراها طبعا هى رمزيه ولكن زى القصص اللى بنقراها وبيبقى معناها خطيييييييييير

كان مره فيه فيل عمره شهرين وقع فى فخ الصيادين وباعوه واشتراه واحد من الاثرياء وسماه نيلسون

اخد الراجل الفيل وذهب به الى بيته وجه عند احد اركان حديقه المنزل وربط احدى ارجل نيلسون برباط حديدى

فى نهايته كره من الحديد الصلب

شعر نيلسون بالظلم والمعامله القاسيه ومن هنا قرر انه يحرر نفسه وقعد يحاول ويحاول انه يحرر نفسه وفى كل مره محاولاته كانت بتبوء بالفشل لحد ما استسلم وقرر ان يتقبل الواقع

استسلم ........................؟؟؟؟؟؟؟؟!!!!!!!!!!!

اه استسلم للاسف

ومعدش بيحاول بالرغم انه كان كل مادا بيكبر ويزداد ضخامه وقوه لكنه خلاص فقد الامل
وفى يوم من الايام بليل جه اللى مالكه وغير الكره الحديد بكره خشب صغيره كانتممكن تبقى فرصه للفيل انه يخلص نفسه
بس اللى حصل كان غير المتوقع تماما الفيل ماحولش يخلص نفسه

عارفين ليه؟؟؟؟؟؟؟؟؟؟

لانه اتبرمج على كده هو اتبرمج انه غير قادر وانه ميقدرش يستخدم قوته

وفى مره جه واحد يزور اللى بيملك نيلسون وشافه وهو مربوط فى كره خشب
فاستغرب وقاال ليه ما يفكش نفسه

رد المالك وقال فى قدرته ان يفك اسره بنفسه لان امكانيته عاليه وهو فى غايه القوه ولكن .......

نحن من نعلم ذلك اما هو فلا يعلم فالمهم ان يعرف هو قدرته .........!!

ومن هنا ومن القصه دى البدايه فى ان كل منا يحدد قدراته ويعرفها كويس ويقدر يتعامل معاها كويس وينميها.
ولكن البدايه فى وجهه نظرى اننا نعرف قدراتنا بجد.

مش بس كده لا تعالوا نحلل القصه دى بشكل علمى شويه.

الفيل اتبرمج على فعل عمل معين واتبرمج انه فى النهايه هيبوء بالفشل وعلشان كده معدش هيحاول انه يحرر نفسه

احنا كمان اتبرمجنا منذ صغرنا على افعال منها الايجابى ومنها السلبى

والبدايه كمان اننا نحدد افعالنا السلبيه دى ونغير ونعدل منها

علشان نتغيير بجد وعلشان حياتنا تبقى افضل واحسن

ولا ايه رايكم؟؟؟؟؟

قبل مااتكلم عن التغيير لازم الاول كل واحد فينا يعرف معناه ولازم برضه يعرف اسبابه ومبرراته واشكاله
.
.
.
.
.
.
.
.
.
.
.
.
وده هنعرف باذن الله فى الفصل الجاى

اتمنى الا اكون قد اثقلت عليكم

[moslma lillah]

رد: اسلوب التغيير للافضل

وعليكم السلام ورحمة الله وبركاته
ما شاء الله اختنا المتميزة
ممتاز جدااااااااا
متابعون معكِ

[كونى قوية]

رد: اسلوب التغيير للافضل

اهلا بيكى يا مسلمه منوره الصفحه
جزاكى الله كل خير ع تشجيعك ليا

[اسلامي فخري]

رد: اسلوب التغيير للافضل

ما شاء الله اختى الكريمة صيدلانية مسلمة
بداية موفقة باذن الله
صدقتى فى كل كلمة قلتيها
للاسف معظمنا هذا الفيل الا من رحم ربى
متابعون معك باذن الله

[كونى قوية]

رد: اسلوب التغيير للافضل

دعوه للتغيير

اتكلمنا فى اخر مره عن قصه الفيل نيلسون واخدناها كبدايه وقلنا الهدف من وراها وازاى انه اتبرمج على فعل سلبى وتعود عليه

لوجينا وشوفنا ده هنلاقيه برضه فى حياتنا العاديه هناك كلمات تكون على لسان البعض منا
او اقل تقدير بنسمعها ممن حولنا

مين فينا ما سمعش حد بيقول انه:

اتربى على كده ومش ممكن يغير اللى اتربى عليه

او

انا شخصيتى كده ومش ممكن اغيرها

او

الظروف هى اللى بتتحكم فيا وانا شخصيتى كده وعمر الشخصيه ما بتتغيير

الجمل دى بتتقال وكتير

صح ولا انا بس اللى بسمعها ؟؟!!

والان دعوه للتغيير

انت حاسس انك مشغول طول الوقت؟

او ان اللى حوليك مش بيقدروك او مش بيفهموك كويس؟

عاوز تسيب حاجه كويسه من بعدك الناس تستفيد بيها وتقابل بيها ربك؟

انت راضى عن اللى وصلت ليه ؟ طب ممكن تكون احسن؟؟!

يقول الله تعالى(ولتنظر نفسا ماقدمت لغد)

اسال نفسك انت كنت فين من 10 سنين ووصلت دلوقتى لايه؟ولو ربنا ادالك العمر وعشنا 10 سنين كمان هيبقوا زى اللى فاتوا ولانغير فيهم للاحسن؟؟؟؟!!!

فى الجزء ده استيفن كوفى قاللكى تكون ناجحا ابدا من النهايه)

اذن فلنبدأ

الاول لازم نعرف يعنى ايه كمله تغيير؟

التغيير : هو عمليه التحول من حاله واقعيه تعيشها الى حاله منشوده تحبها وترضى عنها

طب انا اصلا اتغيير ليه؟

تتغيير علشان تبقى احسن انا مش بقول انك تتغيير فى كل شىء وانما دعوه لتغيير السلبيات
فكر كده لما تقابل ربنا هتقوله ايه؟!
هتقوله عملت ايه؟!
طب انت قدامك نفسك شايف نفسك ايه؟!
ليه تخلى نفسك واحد من المليون ليه متبقاش انت واحد فى المليون....؟
تتغيير علشان تثبت ذاتك وترفع من كفاءتك

فكر كده وقولى وصلت لايه ؟؟؟!!!

طب ايه مجالات التغيير:

• الجانب الاجتماعى
• اساليب القياده والاداره
• السلوك والتعامل مع الاخرين
• التخصص والدراسه
• المهارات والقدرات
• المسئووليات والصلاحيات

..............الخ

طب اتغيير ازاى ؟

البدايه تكمن فى قوله تعالى (ان الله لايغير مابقوم حتى يغيروا ما بانفسهم)

وقال تعالى ايضا: (ونفس وما سواها فالهمها فجورها وتقواها قد افلح من زكاها وقد خاب من دساها)

البدايه من هنا البدايه من كلمات الله عندما تشعر بها وتكون بداخلك

خد قرارك

افتح قلبك للحق

وخلى عندك الرغبه فى التقدم للافضل وانك تبقى احسن

اعرف قدراتك كويس واتصرف على اساسها ونميها

اعد النظر فى طريقه تفكيرك وتصرفاتك وسلوكك مع الاخرين

علم نفسك ودرب نفيك وخلى عندك شىء من المرونه

عاوزه كل واحد يقعد مع نفسه ويجيب ورقه وقلم:

اكتب 5 ايجابيات ليك

اكتب 5 سلبيات ليك (5 اشياء بتضايقك من نفسك وبتتضايق اللى حوليك منك)

وابدأ

طور ايجابياتك واقضى على سلبياتك وحولها وبدلها

انتى بتتكلمى كده وكان التغيير ده سهل
كانك بتتكلمى انك هتغيرى عربيه
مش سلوك بنى ادام؟؟؟!!!!!

(كلمه ربما تدور بذهن البعض)

ولكن

دعونا لانسبق الاحدث ونتحدث سويا فى هذه النقطه

والسلام عليكم ورحمه الله وبركاته

[~باغية الجنان العلى~]

رد: اسلوب التغيير للافضل

جزاك الله خيرا
كده بئى عاوزين نغير كل حاجة سلبية في حياتنا
ربنا يبارك فيك
متابعة معك باذن الله

[كونى قوية]

رد: اسلوب التغيير للافضل

ما شاء الله اختى الكريمة صيدلانية مسلمة

بداية موفقة باذن الله
صدقتى فى كل كلمة قلتيها
للاسف معظمنا هذا الفيل الا من رحم ربى

متابعون معك باذن الله

جزاكى الله كل خير يا اسلامى
وعازينك تتابعى معنا وتعلقى كمان
مستنيينك

[كونى قوية]

رد: اسلوب التغيير للافضل

جزاك الله خيرا

كده بئى عاوزين نغير كل حاجة سلبية في حياتنا
ربنا يبارك فيك

متابعة معك باذن الله

وجزاكى كل خيييييييير

مستنيينك ف المتابعه معانا
ان شاء الله

[كونى قوية]

رد: اسلوب التغيير للافضل

السلام عليكم ورحمه الله وبركاته



هل التغيير سهل ام صعب؟؟!!

هو التغيير ده يعنى سهل؟؟؟؟!!!!!!!!

اينعم


التغيير سهل وسهل جداااااا كمان
.
.
.
.
.
.
.
.
ولكن
.
.
.
.

من الناحيه النظريه فقط
اعترف انه من ناحيه الواقع صعب واصعب ما فيه ان يكون للانسان ىالاراده الجاده نحو التغيير

الانسان يقدر فعلا يصنع المستحيل
وده مش كلام شعارات والله ودى الحقيقه لكن المشكله ان الانسان لا يفعل هذا الدور ولا يحمل نفسه على هذه الاراده بل ان كثيرا من الناس تنتظر حدوث شىء ما لكى يتتغير

اقولكم مثال:

كم واحد مش بيتدين الا بعد حدوث مصيبه له او حد قريب له او بعد وفاه احد احبائه.............!!!!!!!

مش ده بيحصل ولا انا بدعى وبفترى على الناس........؟!!

انا عاوزه اقول ان التغيير ده ضروره لكل واحد فينا وفى كل المجالات

تعرف انه رغبه كامنه فى نفسك........؟!!

فى نفسى انااا..........؟!


اينعم


التغيير يمثل رغبه كامنه فى نفس كل انسان لاسباب بتختلف من شخص للتانى


فرق كبير جدااا جدااا بين التغيير الذى يكون مقصودا ونابعا من الاراده الجاده والمواجهه النابعه من اعماق القلب واللى بيأتى كرد فعل لحدث ما

تعالوا نشوف القصه دى

تأتى ام احد الصحابه الكرام وعمره 16 سنه وتهدده انها ستجلسي فى الشمس ومش هتاكل ولا تشرب حتى تموت او يرجع عن دين محمد

عارفين قالها ايه...........؟

والله لو كان لك مئه نفس فخرجت واحده تلو الاخرى ماتركت دين محمد فكلى واشربى خير لك


ايه رايكم بقى ..........؟؟!!!


شايفين قوه ايمان هذا الصحابى الجليل وقوه تمسكه باعتقاده شايفين التغيير الراسخ وقد ايه هو نابع من القلب ومن الاعماق

ومن هنا عاوزه اتكلم عن اهميه الاعتقاد ودوره فى تغيير كل فرد فينا
.
.
.
.
.

بس هتكلم عنه ان شاء الرحمن المره الجايه

اتمنى ان الجميع يكون استفاد والا اكون قد اثقلت عليكم

والسلام عليكم ورحمه الله وبركاته

[كونى قوية]

رد: اسلوب التغيير للافضل

الاعتقاد

تعالوا نبدا كلامنا بقصه قراتها قبل كده حدثت مع العام النفسى الامريكى ابراهام ماسلو

القصه بتقول انه كان بيعالج مريض نفسى كان بيعتقد المريض ده انه جثه رغم كل اللى الدكتور عمله معاه علشان يغير اعتقداه ده
وفجاءه خطر ببال ماسلوا سؤال ذكى: قاله "هل ممكن ان تنزف الدماء من الجثه؟!"

فنظر اليه المريض فى دهشه وقال" بالطبع لا يادكتور "

وعلى الفور "وخذ الطبيب اصبعه وخرجت بضعه نقاط من الدماء"

فبدى الاستغراب على وجهه وقال الان فقط اقتنعت ان الجثث يمكن ان تنزف دماء.......!!!!!!!!!

الراجل ده كان بيعتقد انه جثه ويرفض كل اناوع العلاج حتى تغيير اعتقاده اللى ان الجثه ممكن ان تنزف دماء
وبالتالى ممكن علاجها وبالتالى وافق انه يحط نفسه تحت العلاج وكان ده اول خطوات علاجه....!!


وبعد القصه دى الحقيقه تبادر الى ذهنى مقوله قالها د. ريتشارد باندلر احد مؤسسى البرمجه اللغويه العصبيه:
"ان للاعتقادات قوه كبيره ,فاذا استطعت ان تغيير اعتقادات اى شخص فانك من الممكن أن تجعله يفعل اى شىء"


تعالوا نشوف القصه دى وقولولى رايكم بعدها:

كان فيه مره مريض لم تنجح معه اى طريقه للعلاج حتى لجأ الطبيب لفكره بسيطه

قاله ان فيه دواء جديد تم اختراعه حديثا وان الدواء ده لديه القدره على ان يخفف الالم فى خلال 24 ساعه بس

وقاله تاخد حبيتين منه وتجيلى بعد 24 ساعه هتكون شفيت تماما

اخد المريض الحبيتين وجه تانى يوم مبسوط وبيشكر الدكتور على اللى عمله معاه وعلى الدواء المعجزه

عارفين الدواء ده كان ايه........؟!


كان ماهو الا حبيتين اسبرين.............!!!!!

المريض ده شُفى باذن الله طبعا ثم بقوه اعتقاده بان الدواء ده هو اللى هيخفف كل الاّمه

ومتهيالى كلنا سمعنا عن القصص المشابهه اللى بتحصل كل يوم وكل يوم واحد بيخف بنفس الطريق

كان فيه مره رجل عجوز عنده 73 سنه ما بيرضاش يطلع الاسانسير خااالص حتى لو كان معنى كده انه هيطلع 500 دور......؟!!!

500 دور ..............؟؟؟!!!!!

اها تخيلوا

طب وليه معذب نفسه بس كده...!!!

عارفين ليه ؟!


لانه وهو صغير لما كان عنده 8 سنين اتعطل به الاسانسير وفضل ساعه كامله محبوس فيه طول الساعه دى كان بيبكى ويصرخ دون جدوى

تخيلوا بقى كل ده علشان اعتقاده

هيرام سميث قال:"لكل اعتقاد مجموعه قوانين مبرمجه فى مستوى عميق من العقل الباطن وعلى اساس هذه القوانين يتصرف الانسان"

الاعتقاد ده ياجماعه شىء مهم جداااااااااا

لانه السبب الرئيسى فى نجاح الانسان او فشله وطبعا كله باذن الله

كلنا عااارفين توماس ايديسون مين منا لم يسمع عنه........؟!

توماس ايديسون اخترع جهاز إرسال واستقبال تلغرافي طور التليفون للشكل الحالى.
طور تجارب سكة الحديد الكهربائية واعظم اختراعاته على الإطلاق هو المصباح الكهربائي-وقد سجل اديسون باسمة اكثر من 1300 اختراع .


عارفين توماس ايديسون جرب كم مره قبل ما يخترع المصباح الكهربى.....؟!

9999

حتى ضحك عليه الناس ومع ذلك لم يياس حيث ان كل خطوه فاشله كان يستبعدها كان تجعله يتقدم للامام

تخيلوا لو مكنش عنده اراده ومكنش اعتقاده قوى انه هيوصل وهيخترع المصبااح الكهربائى واكن سمع لكلام الناس

كان هيبقى ايه الوضع دلوقتى..........؟!!!


ولما جه ووالت ديزنى ودخل لمراته ومعاه رسم كاريكاتيرى لفار وقالها الفار ده هنجنى من وراه الثروه الطائله

مراته ردت عليه وقالتله اتمنى انك متكونش قلت الكلام دهخ لحد غيرى .......؟!!!!

ولكن اعتقاد ديزنى فى النجاح جعله يبتكر شخصيه ميكى ماوس ومدينه ديزنى وفى طريقه واجهه المصاعب وافلس اكتر من مره ولكنه استطاع ان ينجح بقوه اعتقاده.


فى كتاب الاعتقاد روبرت ديلتز قال:"يمثل الاعتقاد اكبر اطار للسلوك وعندما يكون الاعتقاد قويا ستكون تصرفاتنا متماشيه مع هذا الاعتقاد"


فيه نقطه احب اشير ليها

وهى انواع الاعتقاد

هو الاعتقاد ليه انواع......؟!

الاعتقاد خمس انواع ياجماعه


وياترى هما ايه؟




هنعرفهم ان شاء الله المره القادمه والى اللقاء مع انواع الاعتقاد الخمسه اتمنى مكنش طولت عليكم

والسلام عليكم ورحمه الله وبركاته

[moslma lillah]

رد: اسلوب التغيير للافضل

قالها د. ريتشارد باندلر احد مؤسسى البرمجه اللغويه العصبيه:
"ان للاعتقادات قوه كبيره ,فاذا استطعت ان تغيير اعتقادات اى شخص فانك من الممكن أن تجعله يفعل اى شىء"

هايل جداااااا
فعلا الاعتقادات من اهم اسباب النجاح او الفشل .

وياترى هما ايه؟




هنعرفهم ان شاء الله المره القادمه والى اللقاء مع انواع الاعتقاد الخمسه اتمنى مكنش طولت عليكم

والسلام عليكم ورحمه الله وبركاته

وعليكم السلام ورحمة الله وبركاته
في انتظااااااااارك اختنا
حلقات مميزة جداااااااااااا
ياريت بس يا جماعة متكونش مجرد كلمات نقراها
جزاكِ الله خيرا اختنا

[كونى قوية]

رد: اسلوب التغيير للافضل

هايل جداااااا
فعلا الاعتقادات من اهم اسباب النجاح او الفشل .

وعليكم السلام ورحمة الله وبركاته
في انتظااااااااارك اختنا
حلقات مميزة جداااااااااااا
ياريت بس يا جماعة متكونش مجرد كلمات نقراها
جزاكِ الله خيرا اختنا

وجزاكى خيرا يا مسلمه وانا فعلا اتمنى ان كل انسان يستفيد مما يقرؤه لان مشكله الشعب العربى انه ف الكلام ميه ميه واحلى خطب وعبارات رنانه لكن للاسف ساعه التنفيذ كل ده بيبقى صفر يارب نستفيد من كل معلومه جديده بنقرؤها

[كونى قوية]

رد: اسلوب التغيير للافضل

الاعتقاد فى الذات

اشكال الاعتقاد الخمسه

اتكلمنا المره اللى فاتت عن الاعتقاد وحكينا كم قصه كده بتبرهن على الكلام اللى قولناه وكمان بتبين
دور اعتقاد كل منا فى تصرفاته الشخصيه وفى ححياته وسلوكه وازاى لو كل واحد قدر يغير اعتقاد ما جواه ولسكن سلبى
قد ايه حياته هتطور للافضل بكتيير وقلنا هنتكلم عن انواع الاعتقاد الخمسه

طب ايه هما انواع الاعتقاد:

1.الاعتقاد فى الذات
2.الاعتقاد فيما تعنيه الاشياء
3.الاعتقاد فى الماضى
4.الاعتقاد فى المستقبل
5. الاعتقاد فى الاسباب

اللى يهمنى منهم اول نوع وهو الاعتقاد فى الذات بس هنقول بسرعه نبذه سريعه عن كل واحد منهم
علشان بس الناس تعرف معانيهم

الاعتقاد فى الذات له قوه كبيره جدااااااااا لو قدرت تغييرها فانك ستغيير حياتك كلها وهتصبح شخص مختلف تماما

عارفين محمد على ؟؟

اها طبعا ومين ميعرفوش

بس انا مقصدش محمد على الكبير

انا اقصد محمد على بطل الملاكمه الامريكى اكيد كلنا سمعنا عنه

عارفين ايه الجمله اللى كان دايما بيرردها
(انـــــــــــــــا اعظم ملاكم)

بسبب قوه اعتقاده فى نفسه اصبح اعظم ملاكمين عصره

فى حديث تلفزيونى سئل عن الشىء الذى يمكن ان يصنع بطلا عظيما

عارفين رده كان ايه.......؟؟؟!!

( أن تؤمن وتعتقد بأنك الا فضل والاحسن فان لم تكن الافضل فتظاهر وتصرف كانك الافضل)

اقولكم على حاجه فيه كلمات وجمل البعض بيرددها واكيد كلنا سمعناها بتتقال قبل كده
زى مثلا:

انا مستحقش النجاح(ودى بالذت انا سمعتها كتتتتتتتتتتييييييييييييير)

انا فاشل

انا مقدرش اعمل اى حاجه

كل دى امثله للاعتقاادات السلبيه طب ليه منقولش الجمل دى بدل اللى فوق:

انا واثق من نفسى

انا هنجح ان شاء الله وهوصل اللى مخططله

اانا اقدر اخطط وانفذ مادمت اتقى الله وبعمل اللى عليا

مش ده برضه الاوقع ولا ايه رايكم...؟!

كل دى اعتقادات فى الذات وعن الذات

وهكرر تانى الاعتقادات فى الذات دى لها قوه شديده جدا لو غيرتها هتغير حياتك ككل

انا كده خلصت الكلام فى اول نقطه وهى الاعتقاد فى الذات
وقولت كمان انى هتكلم باختصار شديد عن الانواع الخمسه

الاعتقاد فى الماضى: اللى بيحصل فى الماضى سواء سلبى او ايجابى بياثر عليك ويتحكم فى تصرفاتك
واخدنا مثال لده فى المشاركه اللى فاتت قصه الراجل الكبير والاسانسير

الاعتقاد فى المستقبل: يكون مضيئا عن البعض بوجود فرص افضل فى العمل المعيشه....الخ والعكس صحيح

الاعتقاد فى الاسباب: زى مثلا انا عصبى بسبب الطريقه اللى انا اتربيت عليها......!!!!

بصفه عامه نظام الاعتقاد بيعمل باكمله وبكل اشكاله مع بعضه البعض ولو قمت بتتغيير اى اعتقاد فيمكنك تغيير باقى الاعتقادات وهتصبح اكثر سعاده وافضل باذن الله

د. جيمس ماكونيل كتب فى كتابه (فهم السلوك الانسانى):

" الاعتقادات التى تقبلناها تتداخل باستمرار مع تجاربنا وتكون النتيجه اما الصحه او المرض"

والان وبعد الفكره السريعه اللى قولتها عن الاعتقاد واسبابه وكيف ان الاعتقاد السلبى بيحد من قدراتك والايجابى بيزيد من قوتك ويساعدك على تحقيق احلامك والوصول للحاله المنشوده ففى راى تغيير اعتقاداتك السلبيه من اولى خطواتك نحو التغيير للافضل ونحو مستقبل مشرق

انا عاوزه اسال سؤال محيرنى

لما الواحد بيدخل مثلا عماره وبيقف قدام الاسانسير فبيضغط على الزرار لاستدعاه فى نفس الوقت
بيكون شخص ما جاى وراك وبيقوم ضاغط هو كمان
اكيد يعنى انت مش واقف تشاهد جمال الاسانسير ولا مستنى حد يجى يصورك جنبه ولا واقف بتطلع العيوب اللى فيه

طب اللى جه ده ضغط على الزرار ليه؟؟؟؟؟؟؟؟؟؟؟؟

الموقف ده اكيد حصل معانا كلنا ان مكنش احنا شخصيا ممكن نعمل نفس التصرف

التفسيير بتاعه اتمنى حد يشاركنى فى الحوار ويقولى ليه

مستنياكم

والمره الجايه ان شاء الله

هقول السبب

والسلام عليكم ورحمه الله وبركاته

[كونى قوية]

رد: اسلوب التغيير للافضل

ايه يا اخوات اين مشاركاتكم
طيب اكمل الموضوع ولا اقف ولا اييييييييه؟؟؟؟