لا لإستاتيكية الدراسة .....نعم لديناميكية الدراسة . في انتظار @علماء المستقبل العباقرة والمخترعين @

[فاطمة سعد]

رد: لا لإستاتيكية الدراسة .....نعم لديناميكية الدراسة . في انتظار @علماء المستقبل العباقرة والمخترعي

الغالية العز ة تعالى
https://forums.way2allah.com/showthre...post1060186740

[moslma lillah]

رد: لا لإستاتيكية الدراسة .....نعم لديناميكية الدراسة . في انتظار @علماء المستقبل العباقرة والمخترعي

اختنا العزة لله تعالي : قوليلي النقاط اللي بتواجهك تاني معلش بالظبط ؟

[العزة فى طاعة الله]

رد: لا لإستاتيكية الدراسة .....نعم لديناميكية الدراسة . في انتظار @علماء المستقبل العباقرة والمخترعي

جزاكى الله خيرا اختى فى الله مسلمة لله ونفع الله بك وثبت على الحق خطاكى والله مواضيعك اكثر من رائعة
المشكلة عندى وهى مش مشكله ان شاء الله انى بطيئه جدا فى المذاكرة يعنى ممكن اقعد اكتر من 10 ساعات على الكتاب وتكون المحصلة 2 ساعة مثلا ومش كنت ببقى عارفة الوقت دا كله بيضيع فى ايه وانا السنة دى تعتبر الفيصل لى فى كثير من الامور لانى فى الثانوية وعندى فيزياء وكيمياء واحياء ورياضة 2 وانجليزى والمواد الشرعيه والعربيه يعنى حوالى كله 20 مادة كدا فادعولى بالله عليكم ربنا يسترها معايا واجيب مجموع كويس ..
فى حاجة كمان مدرسة الاحياء لاحظتها عليا انى مش بذاكر بترتيب يعنى بدخل كل الكلام على بعضه مش بذاكره على هيئه نقط وعناصر
انا بحب الرياضيات والفيزياء الحمد لله جدا وللاسف بجيب فى الفيزياء درجات قليله مش عارفة ليه بس ممكن عشان مبحلش مسائل بايدى عليها كتير مش عارفة اما الرياضة دى بقى بحبها الحمد لله جدااااااااا وهو فى ناس فى سنى اشطر منى فيها وبيحلوا عليها كتيييييييييير بس انا بحبها وحاسه انها بالنسبه ليا مادة متميزة ومختلفة لدرجة انى لما بعرف ان فى حد مش بيحب الرياضة ببقى مستغربه منه جداا وبقول فى نفسى دا عايش ازاى دى الرياضة زى المياه والهواء تماما اما الاحياء فبحل عليها كتيييييييير اكتر مادة بحل عليها تقريبا لانى بحب المدرسة بتعتها جدا وهى اللى حبيبتنى فى الاحياء بعد ما كنت فقدت الامل فيها ربنا يجازيها كل خير يا رب هى ومدرس الرياضيات لانها كانت طالبته اما الكيمياء مش عارفة اعمل فيها ايه بجد ربنا يستر ومش عارفة حتى طريقة مذاكرتها ازاى ودا أكتر مادة تعبانى والاستاذ طردنى من الدرس أكثر من مرة بسبب عدم مذكرتى ليها والله المستعان
اما المواد العربية والشرعيه من سنتين وبذاكرهم ليلة الامتحان بس ودى تعتبر كارثة فى حد ذاتها لانى بأجلهم للاخر واحيانا مش بلحق اجمع المادة كلها قبل الامتحان والسنة دى مينفعش اعمل كدا تماما.....بس الحمد لله الان بحاول اذاكرهم بقدر المستطاع وربنا ييسر الامور جميعها ياااااااارب
وثالث حاجة انى بركز على مواد معينة هى دى اللى بس بذاكرها وباقى المواد لا ...
ورابعا انى بتحصلى حالة اكتئاب واحباط من فترة لفترة كدا عشان كنت متميزة جدا فى الدراسة منذ الصغر ( من وانا فى الحضانة) ومستوايا كل مدى بيقل - ادعولى بالله عليكم - وكمان احيانا بيبقى فى ضغوط نفسيه وعقليه من الافكار السلبية اللى كانت فى الماضى ومتخلصتش منها ومن اهلى وووووووو وربنا يستر ان شاء الله ....
والقلق والخوف احيانا من المستقبل ومن انى محققش هدفى او مش اعرف اوصله لان ما شاء الله التنسيق فى الازهر للبنات دلوقتى ما شاء الله منخفض جداااا يعنى الطب السنة اللى فاتت مكنش واخد من2 ,97 ولا حاجة
وانا نفسى ادخل هندسة بس خايفة احسن ما تنفعش معايا عشان طبيعه العمل فيها وانها كتييييييير بيقولولى مش هتتناسب معاكى عشان النقاب والكلام دا بيخلينى احيانا اتراجع عن هدفى ودا بيسببلى الاحباط والاحساس بعدم الراحة النفسية والعصبية الزائدة وووووووووووو وحاجات سلبية تانيه كتييييييير بقى اكيد انتم عارفين ربنا يسترنا واياكم.....
بجد اسفة جدااااااااااا جدااااااااااااااااااااا لانى اطلت جدااااااااااا بس بجد انا عايزة حلول عشان اعرف اركز فى المذاكرة لان الامور دى كتير بتحسسنى انى محتاجة دكتور نفسى .... وبجد اسفةجدا على الاطالة وزمانى زهقتكم .... :icon_sa1:

هو دا الحال كما كان من قبل مع بعض التغيرات البسيطة منها للاحسن ومنها للاسوء
فأنا الحمد لله بحاول أذاكر الان ومسرحش كتير زى ما قولتيلى قبل كدا
بس أحيانا بمجرد ما أقعد عشان أذاكر بس انى مخنوقة جدا وأعييييييييييييييييييييييييييييييط
لدرجة انى قلتلهم فى البيت يوم الاربعاء اللى فات انى زهقت من المذاكرة ونفسيتى تعبت ومش عايزة أكمل ..........
وبابا طبعاً عمل فيّ عمايل يومها ما يعلم بيها إلا ربنا وقالى لو سمعتك تقولى كدا تانى أنا ممكن أخنقك ..... لانه بصراحة والله موفرين لى كل ما أطلبه وزياااااااااااااااااااااادة كمان
بس الله المستعان أنا بحاول على قد ما أقدر وربنا ييسر
ادعيلى غاليتى كتييييييييييييييييييير
وأسفة بجد لانى أكيييييييييد زهقتك وزهقت كما عبير الروح معايا
ربنا يجازيكما كل خيييييييييييير على ما تفعلون معى
و والله لن أنساكم من دعواتى أبداً ان شاء الله

[ٱحــبــــ ربــ❤ــى ــــڮ]

رد: لا لإستاتيكية الدراسة .....نعم لديناميكية الدراسة . في انتظار @علماء المستقبل العباقرة والمخترعي

والله حضرتك ربنا بعتك ليا

انا تعبانة نفسيا وحالتى زى الزفت والعياط دايما مستمر بسبب مستوايا العمال يقل بسبب قلة فهمى!!
بجد والله تعبت اوى
بالذات فى المواد المحتاجة فهم زى الفيزيا والرياضيات والكيميا
بكون عارفة الحل وبحل غلط فى الامتحان
بشوف بنات تانية بتحل كل حاجة صح وانا اغلط فى الهايفة
والدرجات بقيت وحشة اوى فى المواد دى
وكتير اوى بقول لنفسى انى غبية ومش بعرف افهم واخرى حفظ وبس
لكن بفتكر ان محدش غبى وكل الناس زى بعض بس الفرق اننا نجتهد ونعمل العلينا ومنخلناش دايما فى القاع
بس بحاول ادى لنفسى تحسين ايجابى كتير اوووووووى
وفى الاخر بتصدم
بجد محتاجة حلول نفسى اعرف اركز فى المواد دى واحلها بسهولة ومستصعبهاش
عشان كل ميس بتشوفنى بتقولى لازم تعرفى تركزى وتستخدمى ذكائك بدل ماهو ضايع كدة
وبجد مش عارفة اعمل اييييييييييييية

وحلمى ادخل كلية صيدلة او علوم يعنى علمى
والمواد الادبية الحفظ فيها شغال الله اكبر انما الفهم
بجد بقة معقد عندى بحفظ اكتر مانا بفهم
ولما بفهم بحل والله كل حاجة تماام بس بجد معرفش مالى

ياريت بجد تساعدونى
اسفة لو هزعجكم معايا بجد
بس فعلا محتاجة اوى لحد يدلنى اعمل اية
عشان نفسيتى تعبت اوى

دعواتكم معايا

[~باغية الجنان العلى~]

رد: لا لإستاتيكية الدراسة .....نعم لديناميكية الدراسة . في انتظار @علماء المستقبل العباقرة والمخترعي

اخواتي الفاضلات
العزة في طاعة الله
واحبك ربي

اعتذر منكن بشــــــــــــده لعدم استطاعتي ان أرد الان
ادعولي بالبركة في الوقت
وباذن الله اجيبكن في الغد

[العزة فى طاعة الله]

رد: لا لإستاتيكية الدراسة .....نعم لديناميكية الدراسة . في انتظار @علماء المستقبل العباقرة والمخترعي

فى انتظارك يا باغية باذن الله
وياريت مش تتأخرى علينا أصل أنا انتظرت الاخت مسلمة كتييييييييييييييير بس هى شكلها مشغولة ومش فاضية

[ٱحــبــــ ربــ❤ــى ــــڮ]

رد: لا لإستاتيكية الدراسة .....نعم لديناميكية الدراسة . في انتظار @علماء المستقبل العباقرة والمخترعي

اتفضلى طبعا خدى راحتك

واسفة ع الازعاج بجد

[moslma lillah]

رد: لا لإستاتيكية الدراسة .....نعم لديناميكية الدراسة . في انتظار @علماء المستقبل العباقرة والمخترعي

عذراً جدا يا غالية ع التأخير
والله المشغوليات ربنا وحده أعلم بها
انا جيالك جري اهو

انى بطيئه جدا فى المذاكرة يعنى ممكن اقعد اكتر من 10 ساعات على الكتاب وتكون المحصلة 2 ساعة مثلا ومش كنت ببقى عارفة الوقت دا كله بيضيع فى ايه وانا السنة دى تعتبر الفيصل لى فى كثير من الامور لانى فى الثانوية وعندى فيزياء وكيمياء واحياء ورياضة 2 وانجليزى والمواد الشرعيه والعربيه يعنى حوالى كله 20 مادة كدا فادعولى بالله عليكم ربنا يسترها معايا واجيب مجموع كويس ..

هل انتي عاملة جدول للمذاكرة ؟؟
الجدول بينظم الدنيا اوي
حتي لو منتظمتيش عليه بنسبة 100%
بس اهو اسمك لكي حاجة تحكمك
وبعدين 10 ساعات منها 2 ساعتين بس يبقي
اكيد بتسرحي
وكل شوية تقومي من ع المذاكرة
وبتزهئي

كل دول لانك مش مهيئة نفسك ومخك للمذاكرة
لان طبيعي اي حد مش طايق حاجة او بيعملها بالعافية بيبقي عايز يقوم بيسرح عنها بيزهق منها
فالسؤال الان ازاي احبب واهيأ نفسي للمذاكرة ؟؟؟؟
1 اجدد النية دايما اني بذاكر نصرة للدين وفرحة لوالداي ولنفسي والتفوق ع الغرب .
2 اكتب هدفي في ورقة واحطه قدام عيني
والمشكلة عندك في الهدف نفسه
فاهم حاجة احدد هدفي كويس جداا عشان هو دا اللي هيديني حافز كل اما عزيمتي تقل
فلازم نعالج كلامك هنا :

وانا نفسى ادخل هندسة بس خايفة احسن ما تنفعش معايا عشان طبيعه العمل فيها وانها كتييييييير بيقولولى مش هتتناسب معاكى عشان النقاب والكلام دا بيخلينى احيانا اتراجع عن هدفى ودا بيسببلى الاحباط والاحساس بعدم الراحة النفسية والعصبية الزائدة وووووووووووو وحاجات سلبية تانيه كتييييييير بقى اكيد انتم عارفين ربنا يسترنا واياكم.....

بصي يا غالية
كلية هندسة بالذات حاولي متخلهاش هي هدفك
لانها صعبة ع البنات تقريبا بجميع اقسامها
وطبعا اكيد هتخلطي فيها بالرجال سواء في الدراسة او في الشغل بعد الدراسة
فابعديها احسن عن اهدافك
سبحان الله فكرتيني بنفسي كان هدفي هندسة ولكن يقدر الله ان يحيز مجموعي عنها بمقدار
0,01 فحسيت ان هو دا الخير .
وبعدين بصي لشغلك بعد الدراسة احنا يهمنا الدعوة لله علي حسب الاستطاعة
و افضل مهنتين للمرأة : اما في مجالي التدريس , او مجال الطب
فحاولي اقلمي نفسك مع احد المجالين وعيشي معاه من دلوقت وتخيلي نفسك فيه

فاهم شيء هو تظبيط الهدف
ظبطيه الاول وبعدين نرجع نناقش باقي النقاط
انتظرك يا غالية

[moslma lillah]

رد: لا لإستاتيكية الدراسة .....نعم لديناميكية الدراسة . في انتظار @علماء المستقبل العباقرة والمخترعي

والله حضرتك ربنا بعتك ليا

انا تعبانة نفسيا وحالتى زى الزفت والعياط دايما مستمر بسبب مستوايا العمال يقل بسبب قلة فهمى!!
بجد والله تعبت اوى
بالذات فى المواد المحتاجة فهم زى الفيزيا والرياضيات والكيميا
بكون عارفة الحل وبحل غلط فى الامتحان
بشوف بنات تانية بتحل كل حاجة صح وانا اغلط فى الهايفة
والدرجات بقيت وحشة اوى فى المواد دى
وكتير اوى بقول لنفسى انى غبية ومش بعرف افهم واخرى حفظ وبس
لكن بفتكر ان محدش غبى وكل الناس زى بعض بس الفرق اننا نجتهد ونعمل العلينا ومنخلناش دايما فى القاع
بس بحاول ادى لنفسى تحسين ايجابى كتير اوووووووى
وفى الاخر بتصدم
بجد محتاجة حلول نفسى اعرف اركز فى المواد دى واحلها بسهولة ومستصعبهاش
عشان كل ميس بتشوفنى بتقولى لازم تعرفى تركزى وتستخدمى ذكائك بدل ماهو ضايع كدة
وبجد مش عارفة اعمل اييييييييييييية

وحلمى ادخل كلية صيدلة او علوم يعنى علمى
والمواد الادبية الحفظ فيها شغال الله اكبر انما الفهم
بجد بقة معقد عندى بحفظ اكتر مانا بفهم
ولما بفهم بحل والله كل حاجة تماام بس بجد معرفش مالى

ياريت بجد تساعدونى
اسفة لو هزعجكم معايا بجد
بس فعلا محتاجة اوى لحد يدلنى اعمل اية
عشان نفسيتى تعبت اوى

دعواتكم معايا

اهلا وسهلا
نورتينا يا غالية
-----
طيب صلي الله علي النبي
صلي الله علي محمد صلي الله عليه وسلم
بالنسبة للحفظ والفهم
هو طبعا الاجتهاد ما بينهم هو الفيصل
ولكن النسب ايضا تحدد من أعلي من الآخر
بمعني اكيد التفوق المتكرر مثلا في المواد العلمية اكثر من النظرية يشير الي ان الفهم أعلي من الحفظ والعكس صحيح
فالانسان لازم يعرف هو قوي في ايه وضعيف في ايه
عايزة اربط ما بين الجملتين دول :

بجد محتاجة حلول نفسى اعرف اركز فى المواد دى واحلها بسهولة ومستصعبهاش
عشان كل ميس بتشوفنى بتقولى لازم تعرفى تركزى وتستخدمى ذكائك بدل ماهو ضايع كدة
وبجد مش عارفة اعمل اييييييييييييية

ولما بفهم بحل والله كل حاجة تماام بس بجد معرفش مالى

اديني مثال كدة ع أي مادة علمية ولتكن الرياضة ازاي مبتركزيش ؟؟

انتظرك غاليتي

[ٱحــبــــ ربــ❤ــى ــــڮ]

رد: لا لإستاتيكية الدراسة .....نعم لديناميكية الدراسة . في انتظار @علماء المستقبل العباقرة والمخترعي

اهلا وسهلا

نورتينا يا غالية
-----
طيب صلي الله علي النبي
صلي الله علي محمد صلي الله عليه وسلم
بالنسبة للحفظ والفهم
هو طبعا الاجتهاد ما بينهم هو الفيصل
ولكن النسب ايضا تحدد من أعلي من الآخر
بمعني اكيد التفوق المتكرر مثلا في المواد العلمية اكثر من النظرية يشير الي ان الفهم أعلي من الحفظ والعكس صحيح
فالانسان لازم يعرف هو قوي في ايه وضعيف في ايه
عايزة اربط ما بين الجملتين دول :

عليه أفضل الصلاة والسلام
انا عارفة دا كويس
بس مشكلتى انا بحب المواد العلمية جدا فوق ماتتخيلى لدرجة بروح المكتبة وبروح اقرا كتب كتير عنها ومبطيقتش المواد الادبية وفوق دا
درجاتى فى الادبى اعلى من العلمى
للعلم انا فى****
فمش عارفة بجد ازاى بحب حاجة وبجيب حاجة قليلة فيها
انا هقولك حاجة احنا عندنا النظام فى*** اننا بنمتحن الامتحانات نص السنة من خارج المنهج
وامتحنات التقويم من الكتاب
المن الكتاب الحمدالله اقل حاجة بنقص درجة درجتين بالكتير
انما بتاعة برا دى خسفتنى اوووى

يمكن انا حفيظة اكتر مانا بفهم بس انا نفسى مركزش ع الحفظ واركز اكتر حاجة ع الفهم
لانى عايزة علمى وبحبو
ودى مشكلتى وعملالى حالة نفسية والله وحاسة نفسى انى غبية اوى

اديني مثال كدة ع أي مادة علمية ولتكن الرياضة ازاي مبتركزيش ؟؟

انتظرك غاليتي

انا عارفة انى هتعبك معايا
بس انا اسفة والله
وفعلا محتاجة لحد يدلنى اعمل اية عشان ابقى احسن

هى فعلا الرياضيات اكتر مادة مبركزش فيها وهى اقل مادة عندى

كتير اوى بيقولوا عليا متسرعة ومبركزش
يعنى مثلا اكون عارفة حل السؤال واحلو غلط
وأتفاجا ازاى حليتو غلط
ومركزش فى الحل واحل الامتحان كلو
واخرج من الامتحان اقول اية العملتو دا كان مفروض اعمل كدة وكدة
واقول ياريتنى كنت كتبت وعملت
بتسرع جدا ومافيش اى تركيز عندى
ومن كتر مانا بقول لنفسى غبية ومبفهمش رياضيات ولا غيرو بحس نفسى استقبلت دا فعلا
وحجات كتيرة بتبقى سهلة ومخى معلق معاها مش عارف يفهمها وافهمها وفى نفس اللحظة انساها
واجى عن الهايفة واحلها غلط
والتركيز عندى ضايع
بس هعترفلك اعتراف بسيط
انا مش بذاكر مذاكرة الحل كتير والتدريب كتير
يعنى بذاكر الرياضيات او فيزيا نظرى
ومرات بحل بس مش كتير
فممكن دى مشكلة الانا فيها
وكمان لما بذاكر بجد وبذاكر بحل
برضوا مبركزش
يعنى مش نافع حاجة معايا خالص
فمش عارفة العيب منى انا ولا العيب من مخى


اسفة للكلام الكتير
بس زى ماقولتلك انى عايزة حد يساعدنى فى مشكلتى عشان حقيقى نفسى ارفع راس دينى وبلدى واهلى

بجد اسفة للأزعاج اوى

[~باغية الجنان العلى~]

رد: لا لإستاتيكية الدراسة .....نعم لديناميكية الدراسة . في انتظار @علماء المستقبل العباقرة والمخترعي

ما شاء الله بعد رد مشرفتنا مالنا كلام
قالت اللي نفسي فيه

اخيتي الكريمة الفاضلة احبك ربي
الرياضيات هي تمريـــــــــــن

يعني لازم تحلي بايدك
عارفة ليه ؟
لانك كده هتبعدي عن الغلطات "الهايفة"
اللي طول عمري لما اغلط في الرياضيات اغلط غلطات هايفة

يا 3 ×3 = 6
يا 3+2 بتطلع مش عارفة كم

ولما كنت في الثالث متوسط واحنه عندنا في المرحلة ديه تكون الامتحانات موحده
وغالبا نعتبرها تعكس قدرة الطالب ومعدله في الثانوية
قمت انا عملت ايه
في سؤال في الجبر الرقم 3 نقلته 2 او بالعكس
والمسألة بقت صعبة جداا بس حليتها
وبعدين انصدمت اني ناقلة الرقم غلط

هنا كان المفروض اراجع
يعني ازاي ؟
يعني بعد ما تكملي كل الاسئلة ارجعي عليهم حليهم تاني في جانب الورقة وخط خفيف
عشان تتأكدي من الحل وبعدين تمسحي الحل التاني
(لازم تمسحيه عشان محدش يشك ان دي محاولة غش (ابتسامة) )

ركزي في الدراسه
يعني متفكروش فيه حاجة غير اللي في ايدكم

انا البارحة كانت عندي الحالة دي بالضبط
وقررت اني اخلص منها اليوم
وفعلا بفضل الله ومنته اليوم ذاكرت كأحسن ما تكون المذاكرة

تصحي الفجر وتبدأي على طول
وتكوني عاملالك جدول من الليل
واستعيني بالله من قلبك مش مجرد كلام
قولي يااااااااااااارب ارزقني صدق العزيمة
اشكيله همك واطلبيه منه المعونة
ويا رب يوفقك يااارب
انتي لازم تشدي حيلك !!

وده شوية كلام كنا بنقوله للاخت الحور العين
يا ريت تستفيدوا منه

اما نحفظ نحاول نطلع الاسئلة من اللي بنذاكره
يعني بقول الصفحة دي ممكن يجي سؤال فيها كده وكده
والحلو بقى لما تكتبي الاسئلة اللي طلعتيها على الكتاب في اعلى الصفحة
عشان لما ترجعي تاني في يوم الامتحان مش تعيدي الجهد نفسه تاني
حاجة تانية
لما تقعدي تذاكري جغرافية مثلا
قبل ما تبدأ قولي عايزة اخلص الفصل ده في ساعتين مثلا
يبقى انا هقد ساعتين
مش هقوم الا للضرووووووووووووووووورة
فاهمة يعني ايه ضرورة ؟؟
يعني مش اقوم علشان اشوف باغية ردت علية وللا لسة
ولا عشان اشوف هي اختي بتعمل ايه دلوقتي
ولا اقول خلي اشوف صاحبتي فلانة بتدرس ايه دلوقت واقوم اتصل عليها
لا لا لا .. كده مينفعش خالص خالص
اقعد قعدة مرتبة
كتب الجغرافية بسسس اللي جنبي
ودفتر كشكول وقلم وكوباية ماء عشان لو اعطش مش اقوم
وابص على الساعة اشوفها 4
يبقى مش هقوم غير الساعة ال6
مع مراعاة وقت الصلاة طبعا
مثلا انا اعرف انه في الوقت ده يؤذن المغرب
ابقى اقول لنفسي هقوم 6 وربع
لانه لما يأذن هقوم اتوضا واصلي وارجع <<<<<< في ربع ساعة بس

ربنا يوفقكم وايانا يااا رب
واوصيكم بكثرة ذكر الله
والاستغفااااااااااار
والصلاة الصلاة
رتبوا جدولكم تبعا لوقت الصلاة
حترتاحواا جدااا

وفيه شوية مواضيع هنا في الساحة عن المذاكرة
شوفوا يمكن تفيدكم

[~باغية الجنان العلى~]

رد: لا لإستاتيكية الدراسة .....نعم لديناميكية الدراسة . في انتظار @علماء المستقبل العباقرة والمخترعي

الكلام اللي فوق ليك انتي كمان يا عزة

[~باغية الجنان العلى~]

رد: لا لإستاتيكية الدراسة .....نعم لديناميكية الدراسة . في انتظار @علماء المستقبل العباقرة والمخترعي

المواضيع المساعده على المذاكرة في قسم الحوار العلمي

ده يمكن ينفعكم شوية

[~باغية الجنان العلى~]

رد: لا لإستاتيكية الدراسة .....نعم لديناميكية الدراسة . في انتظار @علماء المستقبل العباقرة والمخترعي

قوة التركيز ... بمناسة اقتراب الإمتحانات (كلام جامد جدا)

[ٱحــبــــ ربــ❤ــى ــــڮ]

رد: لا لإستاتيكية الدراسة .....نعم لديناميكية الدراسة . في انتظار @علماء المستقبل العباقرة والمخترعي

فعلا معاكى حق والله
وانا عملت زى ماقولتيلى وفضلت احل كتير اوى
لحد مافعلت حاسة انى استوعبتو كويس

ربنا يخليكى ويكرمك يارب على نصايحك الغالية
ويجعله يارب فى ميزان حسناتك
وربنا يقدرنا ويعيننا ع طاعته يااااااااااااااااااااااااااااااااااااااارب