لكل أخت لا تستطيع ارتداء النقاب

[ربّى لن يضيّعنى]

رد: لكل أخت لا تستطيع إرتداء النقاب

السلام عليكنّ ورحمة الله وبركاته
انا ممكن اسألكم سؤال؟؟؟؟

انا اخت منّ الله علىّ بالنقاب فى ثانى ايام العيد وبدون علم ابوااااى
ولما بنزل معاهم بنزل الترحه على عينى اوى
على اساس إنّى قلت إن شاء الله اسابيع كده وربّنا يليّن قلوبهم

بابا رافض تماما ومش عارفه لو عرفنى هيجراله ايه!!!

أول يوم جامعه جيرانى وصحابى عرفونى

والايام دى كثر كلامه على المقاب اوى ولا لا لا
وحلف والله مش هتلبسوه ابدا إلا لما متكونوش فى البيت ده

وامس حسبى الله ونعم الوكيل فيمن اشنّ حمله ضذ النقاب وبابا اتفرّج على البرنامج
نا مش عارفه اعمل ايه بابا لو شافنى هيجراله حاجه
انا منزلتش إلا 3 مرات به ومش عارفه اعمل ايه بس فعلا ردّ الفعل هيكون صعب جدا على الأسره كلها
لالالالالالالالالالالالالالالالالا

بالله عليكم حدّ يرد عليا انا فعلا خايفه
وخايفه يكون عقوق
وخايفه اخلعه وتكون فتنه
بس مش عارفه اعمل ايه؟؟؟

[فلسطينية]

رد: لكل أخت لا تستطيع إرتداء النقاب

لا حول ولا قوة الا بالله

نعمل ايه يا اختي كلنا نفس المشكله اهلنا
ربنا يثبتك ويصبرك
مش عارفه احكيلك ايه بقى
بس انتى ضلك ادعي ربنا اووووووى وبصدق في الليل
هو بس قادر يحلها اكيد رح يسمعك
وبعد كده يوم من الدعاء حاولي البسي امام ابوك
وتشجعي اووووووى يمكن ربنا يغير قلبوا بقى شويه
ربنا يعينك ويعنا يا اختي

[Dr.Sarah || ~]

رد: لكل أخت لا تستطيع إرتداء النقاب

السلام عليك

يا جماعة بجد انا عوزة البس النقاب وعوزة اتواصل معاكم

يا ريت لو تجاوبوا

[فلسطينية]

رد: لكل أخت لا تستطيع إرتداء النقاب

اختي انتى بتقدره تتواصلي مع كل الخوات
وعشان موضوع النقاب اتكلمي في هذه الموضوع
ان شاء الله
الخوات يكونوا معك ويساعدوك
وتقدره تسجلي في الخاص هناك تقدره تتكلمي برحتك
عن ايه حاجه
وكلنا معك يا اختي

[ربّى لن يضيّعنى]

رد: لكل أخت لا تستطيع إرتداء النقاب

مش فاهمه يعنى ايه خاص؟؟

السؤال الاَن بالله عليكم أريد أحد يشعر بالذى أعانى منها أعمل ايه؟؟

أحواتى بيقولوا لى باقى 3 سنوات فى الكليه مش هتقدرى تستخبى عن بابا ال 3 سنين دول
وكمان انتى مره تنزلى بالنقاب ومره لو بابا او ماما نازلين معاكى بتنزلى من غيره يبقى ألتزمى بزيّك

بجد مش عارفه اعمل ايه؟؟
اول يوم سكشن هيكون عندى بكره وأختى قالتلى احمدى ربنا انك مروحتيش قبل كده عشان متكونش فتنه كبيره لكن بردو مش عارفه ماذا أفعل

خنوقه جدا

أريد أحد يردّ عليا

جزيتن خيرا

[Dr.Sarah || ~]

رد: لكل أخت لا تستطيع إرتداء النقاب

اختي انتى بتقدره تتواصلي مع كل الخوات
وعشان موضوع النقاب اتكلمي في هذه الموضوع
ان شاء الله
الخوات يكونوا معك ويساعدوك
وتقدره تسجلي في الخاص هناك تقدره تتكلمي برحتك
عن ايه حاجه
وكلنا معك يا اختي

شكرا اختى على الرد يعنى ايه اسجل عالخاص

يعنى مثلا فى لتقى الخاص وى ايه

[يمامة المسجد]

رد: لكل أخت لا تستطيع إرتداء النقاب

يا جماعة عايزة أقول حاجة واحدة فقط

إللي في قلبه يقين وثبات ... وصدق وغخلاص ربنا هيثبتك وهيلهمه الصواب

... وقت التمحيص لا غير

أختي ربي لن يضيعني ... إن شاء الله ربنا لن يضيعك ... روحي صارحي والدك ... وقليله نقابي من حبي لديني ... وإيه يعني لو زعقلك عشان النقاب ... ما إحنا أيام الجاهلية ياما كنا عايزين حاجات وصبرنا واتبهدلنا عشانها ... لأ يا جماعة ... ده الوقت إللي نكون فيه أقوياء وثابتين أكتر من أي وقت

ولو هما فاكرين إن بطريقتهم دي هيوقفونا ... يبأوا واهيمن ... إحنا نستغل الحملة ضدهم وخلاف ماهما عايزين

نستخدمها لنشر النقاب

[يمامة المسجد]

رد: لكل أخت لا تستطيع إرتداء النقاب

السؤال الاَن بالله عليكم أريد أحد يشعر بالذى أعانى منها أعمل ايه؟؟

أحواتى بيقولوا لى باقى 3 سنوات فى الكليه مش هتقدرى تستخبى عن بابا ال 3 سنين دول
وكمان انتى مره تنزلى بالنقاب ومره لو بابا او ماما نازلين معاكى بتنزلى من غيره يبقى ألتزمى بزيّك

بجد مش عارفه اعمل ايه؟؟
اول يوم سكشن هيكون عندى بكره وأختى قالتلى احمدى ربنا انك مروحتيش قبل كده عشان متكونش فتنه كبيره لكن بردو مش عارفه ماذا أفعل

ناقشيهم أختي هقولك نفسك الكلام اللي قلته

مش مجرد ما يزعقوا شوية خلاص أتنازل

لا أنا أثبت على موقفي

لو أنا فعلا عايزاه لله

[يمامة المسجد]

رد: لكل أخت لا تستطيع إرتداء النقاب

قصة للرد على كل أخت لا أستطيع إرتداء النقاب :

السلام عليكم ورحمة الله وبركاته

بمناسبة الحرب الفظيعه على النقاب حبيت اكتبلكم قصة التزامى وقصتى مع النقاب لعلها تكون سبب فى ثبات ولو اخت واحده على النقاب

ومعلش هكتب بالعاميه ومعلش هطول

اولا انا من مدينه من المدن الصغيره البعيده وهذه المدينه ليس بها ولا كليات ولا معاهد.. مفهاش غير مدرسه ثانويه واحده وطبعا مختلطه

وانا كنت الحمد لله من المتفوقين وكان حلم حياتى اطلع مهندسه واسافر بره والكلام ده "كلام المسلسلات العربى"

المهم من الله عليه بمجموع عالى وفعلا دخلت كلية الهندسه... بس كان لازم اتغرب "وده شئ عادى كل الطلبه كانت بتتغرب" رغم ان اقرب بلد لينا كانت المسافه بينا 5 ساعات

المهم روحت بورسعيد وبدأت الحكايه

اول سنه ليه فى الكليه كانت الغربه تعبانى جدا جدا جدا وبما ان بلدى تبعد عن بور سعيد 7 أو 8 ساعات فكنت دايما بسافر الشرقيه عند أهل أبويه وكنت ماشيه مع الاخوان المسلمين فى الشرقيه

وكنت فاكره نفسى التزمت خلاص وبقيت الاخت اللى محصلتش وخاصة انى كنت شغالة دعوه فى مساجد البلد وكان لبسى طبعا عبارة عن جيب جينز وطرح لف كبيرة وكنت متخيله كده ان انا فى شدة الالتزام وكنت دايما ماشيه بالمطويات والشرايط فى الشنطه اوزع منها فى كل حته

وكنت طول السنه دى مخططه انى احول هندسة الزقازيق عشان افضل مع اخواتى "اللى هم الاخوان"

وقدر الله انى شلت مادتين... فطبعا مينفعش احول

المهم فى اول السنه التانيه وانا راجعه من الزقازيق لبورسعيد كنت حزينه اوى اوى لفراق الاخوات وفضلت طول طريق السفر ابكى وادعى الله انى اعرف احول وانى اتعرف على اخوات فى بورسعيد "طبعا كنت مسافره بدون محرم" لانى مكنتش اعرف ان لا يجوز سفر المرأة الا مع ذى محرم

وصلت بورسعيد على المغرب وكان فى رمضان فطرت ونزلت اصلى التراويح

وانا فى المسجد خبطت فى واحده فزعقتلى جامد

فكنت على وشك البكاء

واحده تالته شافت اللى حصل فنادت عليه: اسمك ايه انتى منين والكلام ده

وفى اخر الكلام قالتلى انا عازمه اخوات على الفطار يوم الاتنين الجاى ياريت تيجى معاهم وبعد الصلاة قالتلى استنى لما اشاورلك على البيت

وروحت وانا مش فى دماغى انى اروحلها خااااااااالص لانى اكيد وانا مغتربه مش هروح بيت معرفوش

عدت الايام وجه يوم الاتنين ورجعت من الكليه صليت العصر وقلت انام.......

وبعدين افتكرت الاخت اياها... سبحان الله معرفش ايه اللى قومنى... صليت استخاره اروح ولا ﻷ

وبعد صلاة الاستخاره وبعد حيره شديده لقيت نفسى قمت ولبست ونزلت جرى عشان الحق اروح

وصلت العماره ووقفت تحت وانا خايفه اطلع وبعدين لقيت 3 اخوات والله كنت عمرى فى حياتى ما شوفت زيهم قبل كده

لابسين اسود فى اسود وهدوم واسعه قوى وبتجرجر فى الارض ومش باين منهم اى حاجه ولا حتى عنيهم

اول ما شفتهم حسيت بحاجه غريبه اوى اوى جوايا

المهم دخلنا للاخت وهى بتحط الفطار اتكلموا معايا

فأول حاجه قلتهالهم وكنت بقولها بكل فخر "على فكرة انا من الاخوان المسلمين"

يعنى بالبلدى كده محدش احسن من حد انا برضه ملتزمه زيكم

لقيتهم ابتسموا كلهم لكلامى وسكتوا

قعدت الح عليهم انتو ضحكتوا ليه انتو ضحكتوا ليه

فقالتلى واحده منهم بمنتهى البساطه : ضحكت عشان انتى فرحانه انك من الاخوان

قلتلها مش فاهمة قعدت بقه فهمتنى واتكلمت معايا كتييييييييييير عن الجماعات والسلفيه وووو

وسبحان الله كان اول مره برضه اعرف الكلام ده

وروحت وانا مصدومة...... وفضلت كذا يوم دماغى هتنفجر من كتر التفكير

وبعدها اتصلت بيه وقالتلى تعالى معانا الاعتكاف فى المسجد الفلانى

طبعا طبعا خوفت ومروحتش

وجريت على بلدى ومرجعتش غير بعد العيد

رجعت تكلمنى تانى وعزمتنى على الغدا وبعد الغدا قالتلى فى درس للشيخ فلان انهارده تيجى معايا

والشيخ ده كان من طلبة الشيخ مصطفى العدوى

روحت معاها ولما بدأ الشيخ لقيت كل الاخوات ماسكين اقلام وعمالين يكتبوا ورا الشيخ ومفيش ولا واحده رفعت عينها من على ورقها وبدأت اسمع الشيخ وكان درس فقة "فقة الحج"

وطبعا مفهمتش اى حاجه ومعرفتش اكتب ورا الشيخ اى حاجه

بس كنت مستغربه اوى اوى

ناس غير الناس ودنيا غير الدنيا ولقيت فرق كبييييييير وغريب بين اخوات الزقازيق واخوات بورسعيد

وتانى يوم روحت معاهم درس عقيده فى معهد اعداد الدعاه

وقعدت قارنت بين درس هنا ودرس هناك والحال هنا والحال هناك

ومن هنا كانت البداية

والحمد لله تركت الاخوان وسلكت طريق طلب العلم الشرعى

وبدأت طريق الاستقامه ولله الحمد




وبدأت معاناتى مع النقاب

ابويا وامى كانو زى كل الناس اياميها

كانوا متاثرين بالاعلام دا غير الجهل دا غير مشايخ التلفزيون والكلام ده

المهم حبيت البس الخمار "واخدين بالكم الخمار"

طبعا ابويه بهدل الدنيا وقطع الخمارات اللى اشتريتها وقلب البيت كله

نشفت دماغى ومسكتش غير لما لبست الخمار

بس كنت على قد ما اقدر احاول مظهرش فى وشه

اصله كان بيتعصب اوى اوى ويتحرق دمه لما يشوفنى لبساه

دا غير بقه التغيرات اللى جايه مع الخمار

مبسلمش على رجاله مبسمعش اغانى مبقعدش معاهم اتفرج على التلفزيون...... والكلام ده كله

كان جديد فى بيتنا... جديد فى بلدنا كلها

طبعا كنت فى نظر بابا اتحولت لارهابيه وانضميت لجماعه من الجماعات والكلام ده

طبعا كان نفسى البس النقاب بس كان مستحيل اعرض على بابا الكلام ده

وفى الوقت ده قدر الله انى سقطت فى الكليه

وطبعا بابا ربط ده بده على طول وفعلا كانت من اشد الايام فى عمرى

روحت محوله من قسم ميكانيكا دخلت سنه اولى من تانى بس بحريه

وساعتها خلاص عرفت ان النقاب فرض واتاكدت من كده وخلاص لا يجوز انى امشى سافرة الوجه

فقولت لبابا عايزه البس النقاب

متتخيلوش البهدله اللى اتبهدلتها عشان عايزه البس النقاب

بابا ضربنى ضرب غريب الشكل لدرجة ان جسمى كله كان معلم

وشال الشرايط كلها رماها فى الزباله والكتب كلها حرقها وكل الخمارات قصها بالمقص والجونتيات كمان وحبسنى فى البيت لحد معاد السفر

سافرت للكليه وان خلاص كأنى طالعة من المعتقل حبس وتعذيب وقهر نفسى

طب وبعدين لازم حل مينفعش اخرج فى الشارع بوشى اعمل ايه

توكلت على الله ولبست النقاب

بس من غير ما حد من اهلى يعرف طبعا

رجعت فى اجازه من الاجازات وكان لازم اخويا يعرف لانه هو اللى بيسافر معايا

وربنا يصلح حاله ويبارك فيه ويرزقه الفردوس الاعلى وقف معايا وساعدنى

كنا نسافر بليل متاخر ولما نوصل اخلع النقاب فى الشارع قدام البيت وارميه وسط الشجر وادخل البيت وافضل محبوسه او حابسه نفسى طول الأجازه لحد معاد السفر اخرج وانا شايله النقاب فى استك الجيبه تحت الخمار ولما ابعد عن البيت شويه اطلعه البسه فى الشارع

وفضلت لبساه على الحال ده 4 سنين

عارفين يعنى ايه اربع سنين

اربع سنين بدخل واخرج زى الحراميه

وطول الفتره دى طبعا بطلب العلم الشرعى وكمان فى الاجازات لما اروح عند بابا كنت اجيب المجموعات العلميه واقعد افرغها كتابه

وطبعا طول الأربع سنين دول كل فتره اطلب من بابا انى البس النقاب ويرفض

وقفشنى فى الاربع سنين كذا مره

وكنت لما بتقفش كان بيبهدلنى

والله مره من المرات فضل يضرب فيه لحد ما اغمى عليه من الضرب

وتعبت خالص واتنقلت المستشفى

واخواتى قالولى انه حتى بعد ما اغمى عليه فضل يضربنى لحد ماشالونى من قدامه

وطبعا هو كان فى الايام الاخيره حاسس انى لبساه بس مش عارف يعمل ايه

فكان منكد عليه لو لقى المطبخ مش نضيف يدخل يدينى 4 اقلام على وشى

لو حاجه اتكسرت يقوم يضربنى

كنا 6 اخوات محدش كان بيضرب غيرى

والله حتى لما حد من اخواتى يغلط انا اللى كنت بضرب

وسبحان الله بعد 4 سنوات مكن الله ليه




اه نسيت … طوال لالربع سنين غير بهدلة بابا دى كنت متبهدله برضه فى بور سعيد

اطردت من المدينه

وبعدها اطردت من دار المغتربات

وبهدلة الكلية والدكاتره

ومشاكل الامن

لدرجة مره مديرة الدار حكمت عليه مخرجش من اوضتى خالص غير للحمام بس

وبعدها كانت عايزه تمضينى على اقرارات عدم التحدث فى الدين مع طالبات الدار وبعدها طردتنى




واتبهدلت والله بهدله لدرجة ان فى ايام مكنش فى حته ابات فيها

وكنت خايفه اقول لبابا ﻷن سبب البهدله دى انى منتقبه وابى ميعرفش ومينفعش يعرف

بس الحمد لله فتح الله عليه "بس دى قصه تانيه خالص وطويله"




وعلى فكرة ده مش حالى لوحدى

والله انا واكتر من 10 اخوات غيرى كنا فى عذاب

واى عذاب.. بهدله واهانه وطرد

والله فى اخت كانت من الفلاحين وكان ابوها بيبيتها على السطوح "سطوح فاضى خالص"

وفى عز البرد ومكنش بيطلعلها اكل خالص

وفى الاخر تظاهرت بالاستسلام ولبسته فى السر برضه




واخت كان ابوها محامى وكان مبهدلها بجد وقالها لو مخلعتهوش شوفيلك حته تانيه عيشى فيها وهى راجعه من الكليه راملها شنطتها وطردها وقالها متجيش هنا تانى

وفى الاخر برده لبسته من غير ما يعرف




والله كان اشبه بكفاح

كنا اكتر من 10 كلنا لابسينه فى السر وكلنا كانت لينا قصص لو قعدت احكيها مش هيكفى

وكلنا شفنا ايام محدش شافها




المهم زهق بابا من اللى بيعمله فيه وفقد الامل فى انى اتغير وبقه يعمل نفسه مش عارف انى لابسه النقاب

وفضلت سنتين لبساه وهو عارف بس عامل نفسه مش عارف

وفى السنتين دول عرفت اطلع من بيت بابا واخرج وازور الاخوات والحمد لله فتح الله عليه باب الدعوه وفضلت السنتين دول اعلم الاخوات اللى اتعلمته فى بورسعيد

والحمد لله نشرت المنهج السلفى فى بلدى

ووضعت اقدامهن على الطريق

وشرحت لكثير من الاخوات كتاب الثمرات الزكيه فى العقائد السلفيه للشيخ احمد فريد

مع شوية فقه مع مصطلح واصول فقه




وده كان حاجه كبيره فى بلدنا لان بلدنا مفهاش علم شرعى خااااااااااااالص




والحمدلله بعد 6 سنين من النقاب من الله عليه بزوج صالح وتزوجت ورزقت ببنت

وفتح الله عليه والف بين قلبى وقلب ابى وفتح على ابى واهلى جميعا




سبحان الله 7 سنوات بالنقاب اولهن شدة واخرهن فرج....... وأى فرج والله

فعلا .. كلما ضاقت حلقاتها فرجت




وسبحان القائل

((الم * أَحَسِبَ النَّاسُ أَنْ يُتْرَكُوا أَنْ يَقُولُوا آمَنَّا وَهُمْ لَا يُفْتَنُونَ * وَلَقَدْ فَتَنَّا الَّذِينَ مِنْ قَبْلِهِمْ فَلَيَعْلَمَنَّ اللَّهُ الَّذِينَ صَدَقُوا وَلَيَعْلَمَنَّ الْكَاذِبِينَ))



وصدق تعالى حين قال

و من يتق الله يجعل له مخرجا و يرزقه من حيث لا يحتسب

معلش حاجة برة الموضوع

بالله اى واحد عنده بنت او اخت أوعى تغربها

ولو ايه الاسباب

خليها معاك احسن عشان وهى معاك هتعرف تحافظ عليها

[يمامة المسجد]

رد: لكل أخت لا تستطيع إرتداء النقاب

قصة للرد على كل أخت لا أستطيع إرتداء النقاب بسبب والدي ملكش حجة :

السلام عليكم ورحمة الله وبركاته

بمناسبة الحرب الفظيعه على النقاب حبيت اكتبلكم قصة التزامى وقصتى مع النقاب لعلها تكون سبب فى ثبات ولو اخت واحده على النقاب

ومعلش هكتب بالعاميه ومعلش هطول

اولا انا من مدينه من المدن الصغيره البعيده وهذه المدينه ليس بها ولا كليات ولا معاهد.. مفهاش غير مدرسه ثانويه واحده وطبعا مختلطه

وانا كنت الحمد لله من المتفوقين وكان حلم حياتى اطلع مهندسه واسافر بره والكلام ده "كلام المسلسلات العربى"

المهم من الله عليه بمجموع عالى وفعلا دخلت كلية الهندسه... بس كان لازم اتغرب "وده شئ عادى كل الطلبه كانت بتتغرب" رغم ان اقرب بلد لينا كانت المسافه بينا 5 ساعات

المهم روحت بورسعيد وبدأت الحكايه

اول سنه ليه فى الكليه كانت الغربه تعبانى جدا جدا جدا وبما ان بلدى تبعد عن بور سعيد 7 أو 8 ساعات فكنت دايما بسافر الشرقيه عند أهل أبويه وكنت ماشيه مع الاخوان المسلمين فى الشرقيه

وكنت فاكره نفسى التزمت خلاص وبقيت الاخت اللى محصلتش وخاصة انى كنت شغالة دعوه فى مساجد البلد وكان لبسى طبعا عبارة عن جيب جينز وطرح لف كبيرة وكنت متخيله كده ان انا فى شدة الالتزام وكنت دايما ماشيه بالمطويات والشرايط فى الشنطه اوزع منها فى كل حته

وكنت طول السنه دى مخططه انى احول هندسة الزقازيق عشان افضل مع اخواتى "اللى هم الاخوان"

وقدر الله انى شلت مادتين... فطبعا مينفعش احول

المهم فى اول السنه التانيه وانا راجعه من الزقازيق لبورسعيد كنت حزينه اوى اوى لفراق الاخوات وفضلت طول طريق السفر ابكى وادعى الله انى اعرف احول وانى اتعرف على اخوات فى بورسعيد "طبعا كنت مسافره بدون محرم" لانى مكنتش اعرف ان لا يجوز سفر المرأة الا مع ذى محرم

وصلت بورسعيد على المغرب وكان فى رمضان فطرت ونزلت اصلى التراويح

وانا فى المسجد خبطت فى واحده فزعقتلى جامد

فكنت على وشك البكاء

واحده تالته شافت اللى حصل فنادت عليه: اسمك ايه انتى منين والكلام ده

وفى اخر الكلام قالتلى انا عازمه اخوات على الفطار يوم الاتنين الجاى ياريت تيجى معاهم وبعد الصلاة قالتلى استنى لما اشاورلك على البيت

وروحت وانا مش فى دماغى انى اروحلها خااااااااالص لانى اكيد وانا مغتربه مش هروح بيت معرفوش

عدت الايام وجه يوم الاتنين ورجعت من الكليه صليت العصر وقلت انام.......

وبعدين افتكرت الاخت اياها... سبحان الله معرفش ايه اللى قومنى... صليت استخاره اروح ولا ﻷ

وبعد صلاة الاستخاره وبعد حيره شديده لقيت نفسى قمت ولبست ونزلت جرى عشان الحق اروح

وصلت العماره ووقفت تحت وانا خايفه اطلع وبعدين لقيت 3 اخوات والله كنت عمرى فى حياتى ما شوفت زيهم قبل كده

لابسين اسود فى اسود وهدوم واسعه قوى وبتجرجر فى الارض ومش باين منهم اى حاجه ولا حتى عنيهم

اول ما شفتهم حسيت بحاجه غريبه اوى اوى جوايا

المهم دخلنا للاخت وهى بتحط الفطار اتكلموا معايا

فأول حاجه قلتهالهم وكنت بقولها بكل فخر "على فكرة انا من الاخوان المسلمين"

يعنى بالبلدى كده محدش احسن من حد انا برضه ملتزمه زيكم

لقيتهم ابتسموا كلهم لكلامى وسكتوا

قعدت الح عليهم انتو ضحكتوا ليه انتو ضحكتوا ليه

فقالتلى واحده منهم بمنتهى البساطه : ضحكت عشان انتى فرحانه انك من الاخوان

قلتلها مش فاهمة قعدت بقه فهمتنى واتكلمت معايا كتييييييييييير عن الجماعات والسلفيه وووو

وسبحان الله كان اول مره برضه اعرف الكلام ده

وروحت وانا مصدومة...... وفضلت كذا يوم دماغى هتنفجر من كتر التفكير

وبعدها اتصلت بيه وقالتلى تعالى معانا الاعتكاف فى المسجد الفلانى

طبعا طبعا خوفت ومروحتش

وجريت على بلدى ومرجعتش غير بعد العيد

رجعت تكلمنى تانى وعزمتنى على الغدا وبعد الغدا قالتلى فى درس للشيخ فلان انهارده تيجى معايا

والشيخ ده كان من طلبة الشيخ مصطفى العدوى

روحت معاها ولما بدأ الشيخ لقيت كل الاخوات ماسكين اقلام وعمالين يكتبوا ورا الشيخ ومفيش ولا واحده رفعت عينها من على ورقها وبدأت اسمع الشيخ وكان درس فقة "فقة الحج"

وطبعا مفهمتش اى حاجه ومعرفتش اكتب ورا الشيخ اى حاجه

بس كنت مستغربه اوى اوى

ناس غير الناس ودنيا غير الدنيا ولقيت فرق كبييييييير وغريب بين اخوات الزقازيق واخوات بورسعيد

وتانى يوم روحت معاهم درس عقيده فى معهد اعداد الدعاه

وقعدت قارنت بين درس هنا ودرس هناك والحال هنا والحال هناك

ومن هنا كانت البداية

والحمد لله تركت الاخوان وسلكت طريق طلب العلم الشرعى

وبدأت طريق الاستقامه ولله الحمد




وبدأت معاناتى مع النقاب

ابويا وامى كانو زى كل الناس اياميها

كانوا متاثرين بالاعلام دا غير الجهل دا غير مشايخ التلفزيون والكلام ده

المهم حبيت البس الخمار "واخدين بالكم الخمار"

طبعا ابويه بهدل الدنيا وقطع الخمارات اللى اشتريتها وقلب البيت كله

نشفت دماغى ومسكتش غير لما لبست الخمار

بس كنت على قد ما اقدر احاول مظهرش فى وشه

اصله كان بيتعصب اوى اوى ويتحرق دمه لما يشوفنى لبساه

دا غير بقه التغيرات اللى جايه مع الخمار

مبسلمش على رجاله مبسمعش اغانى مبقعدش معاهم اتفرج على التلفزيون...... والكلام ده كله

كان جديد فى بيتنا... جديد فى بلدنا كلها

طبعا كنت فى نظر بابا اتحولت لارهابيه وانضميت لجماعه من الجماعات والكلام ده

طبعا كان نفسى البس النقاب بس كان مستحيل اعرض على بابا الكلام ده

وفى الوقت ده قدر الله انى سقطت فى الكليه

وطبعا بابا ربط ده بده على طول وفعلا كانت من اشد الايام فى عمرى

روحت محوله من قسم ميكانيكا دخلت سنه اولى من تانى بس بحريه

وساعتها خلاص عرفت ان النقاب فرض واتاكدت من كده وخلاص لا يجوز انى امشى سافرة الوجه

فقولت لبابا عايزه البس النقاب

متتخيلوش البهدله اللى اتبهدلتها عشان عايزه البس النقاب

بابا ضربنى ضرب غريب الشكل لدرجة ان جسمى كله كان معلم

وشال الشرايط كلها رماها فى الزباله والكتب كلها حرقها وكل الخمارات قصها بالمقص والجونتيات كمان وحبسنى فى البيت لحد معاد السفر

سافرت للكليه وان خلاص كأنى طالعة من المعتقل حبس وتعذيب وقهر نفسى

طب وبعدين لازم حل مينفعش اخرج فى الشارع بوشى اعمل ايه

توكلت على الله ولبست النقاب

بس من غير ما حد من اهلى يعرف طبعا

رجعت فى اجازه من الاجازات وكان لازم اخويا يعرف لانه هو اللى بيسافر معايا

وربنا يصلح حاله ويبارك فيه ويرزقه الفردوس الاعلى وقف معايا وساعدنى

كنا نسافر بليل متاخر ولما نوصل اخلع النقاب فى الشارع قدام البيت وارميه وسط الشجر وادخل البيت وافضل محبوسه او حابسه نفسى طول الأجازه لحد معاد السفر اخرج وانا شايله النقاب فى استك الجيبه تحت الخمار ولما ابعد عن البيت شويه اطلعه البسه فى الشارع

وفضلت لبساه على الحال ده 4 سنين

عارفين يعنى ايه اربع سنين

اربع سنين بدخل واخرج زى الحراميه

وطول الفتره دى طبعا بطلب العلم الشرعى وكمان فى الاجازات لما اروح عند بابا كنت اجيب المجموعات العلميه واقعد افرغها كتابه

وطبعا طول الأربع سنين دول كل فتره اطلب من بابا انى البس النقاب ويرفض

وقفشنى فى الاربع سنين كذا مره

وكنت لما بتقفش كان بيبهدلنى

والله مره من المرات فضل يضرب فيه لحد ما اغمى عليه من الضرب

وتعبت خالص واتنقلت المستشفى

واخواتى قالولى انه حتى بعد ما اغمى عليه فضل يضربنى لحد ماشالونى من قدامه

وطبعا هو كان فى الايام الاخيره حاسس انى لبساه بس مش عارف يعمل ايه

فكان منكد عليه لو لقى المطبخ مش نضيف يدخل يدينى 4 اقلام على وشى

لو حاجه اتكسرت يقوم يضربنى

كنا 6 اخوات محدش كان بيضرب غيرى

والله حتى لما حد من اخواتى يغلط انا اللى كنت بضرب

وسبحان الله بعد 4 سنوات مكن الله ليه




اه نسيت … طوال لالربع سنين غير بهدلة بابا دى كنت متبهدله برضه فى بور سعيد

اطردت من المدينه

وبعدها اطردت من دار المغتربات

وبهدلة الكلية والدكاتره

ومشاكل الامن

لدرجة مره مديرة الدار حكمت عليه مخرجش من اوضتى خالص غير للحمام بس

وبعدها كانت عايزه تمضينى على اقرارات عدم التحدث فى الدين مع طالبات الدار وبعدها طردتنى




واتبهدلت والله بهدله لدرجة ان فى ايام مكنش فى حته ابات فيها

وكنت خايفه اقول لبابا ﻷن سبب البهدله دى انى منتقبه وابى ميعرفش ومينفعش يعرف

بس الحمد لله فتح الله عليه "بس دى قصه تانيه خالص وطويله"




وعلى فكرة ده مش حالى لوحدى

والله انا واكتر من 10 اخوات غيرى كنا فى عذاب

واى عذاب.. بهدله واهانه وطرد

والله فى اخت كانت من الفلاحين وكان ابوها بيبيتها على السطوح "سطوح فاضى خالص"

وفى عز البرد ومكنش بيطلعلها اكل خالص

وفى الاخر تظاهرت بالاستسلام ولبسته فى السر برضه




واخت كان ابوها محامى وكان مبهدلها بجد وقالها لو مخلعتهوش شوفيلك حته تانيه عيشى فيها وهى راجعه من الكليه راملها شنطتها وطردها وقالها متجيش هنا تانى

وفى الاخر برده لبسته من غير ما يعرف




والله كان اشبه بكفاح

كنا اكتر من 10 كلنا لابسينه فى السر وكلنا كانت لينا قصص لو قعدت احكيها مش هيكفى

وكلنا شفنا ايام محدش شافها




المهم زهق بابا من اللى بيعمله فيه وفقد الامل فى انى اتغير وبقه يعمل نفسه مش عارف انى لابسه النقاب

وفضلت سنتين لبساه وهو عارف بس عامل نفسه مش عارف

وفى السنتين دول عرفت اطلع من بيت بابا واخرج وازور الاخوات والحمد لله فتح الله عليه باب الدعوه وفضلت السنتين دول اعلم الاخوات اللى اتعلمته فى بورسعيد

والحمد لله نشرت المنهج السلفى فى بلدى

ووضعت اقدامهن على الطريق

وشرحت لكثير من الاخوات كتاب الثمرات الزكيه فى العقائد السلفيه للشيخ احمد فريد

مع شوية فقه مع مصطلح واصول فقه




وده كان حاجه كبيره فى بلدنا لان بلدنا مفهاش علم شرعى خااااااااااااالص




والحمدلله بعد 6 سنين من النقاب من الله عليه بزوج صالح وتزوجت ورزقت ببنت

وفتح الله عليه والف بين قلبى وقلب ابى وفتح على ابى واهلى جميعا




سبحان الله 7 سنوات بالنقاب اولهن شدة واخرهن فرج....... وأى فرج والله

فعلا .. كلما ضاقت حلقاتها فرجت




وسبحان القائل

((الم * أَحَسِبَ النَّاسُ أَنْ يُتْرَكُوا أَنْ يَقُولُوا آمَنَّا وَهُمْ لَا يُفْتَنُونَ * وَلَقَدْ فَتَنَّا الَّذِينَ مِنْ قَبْلِهِمْ فَلَيَعْلَمَنَّ اللَّهُ الَّذِينَ صَدَقُوا وَلَيَعْلَمَنَّ الْكَاذِبِينَ))



وصدق تعالى حين قال

و من يتق الله يجعل له مخرجا و يرزقه من حيث لا يحتسب

معلش حاجة برة الموضوع

بالله اى واحد عنده بنت او اخت أوعى تغربها

ولو ايه الاسباب

خليها معاك احسن عشان وهى معاك هتعرف تحافظ عليها

[الإسلام ربانى]

رد: لكل أخت لا تستطيع إرتداء النقاب

جزاكِ الله خيرا ..

[ام عبد العزيز محمد]

رد: لكل أخت لا تستطيع إرتداء النقاب

السلام عليكم ورحمة الله وبركاته



بارك الله فيكى أختى يمامة المسجد,أعاننا الله واياك على البذل لاسلامنا
أسأل الله أن يستعملنا ولا يستبدلنا
وارجو من الله أن يعيننى على تثبيت من معى فى بلدتى
الى كل من تريد العون النفسى أو المادى فى مدينة قنا أرجوكى لا تترددى فى مراسلتى
جعلنى الله سببا فى ارتدائك الأطهر لباس
من الصعب أن تشعرى بما نحن فيه من فخر لارتدائنا زى أمهات المؤمنين
والله انه شعور لا يوصف
فهلمى معنا فى هذا الركب
جعلنى الله واياكم سببا فى نصرة ديننا انه ولى ذلك والقادر عليه
بريدي الالكترونى هو

[الكلمة الطيبة]

رد: لكل أخت لا تستطيع إرتداء النقاب

ثبتنا الله و اياكِ أختي أم عبد العزيز على الحق

[الازهرية]

رد: لكل أخت لا تستطيع إرتداء النقاب

السلام عليكم ورحمة الله وبركاتة
اختى يمامة المسجد اريدالوصول لكى ضرورى
حبا فى الله
انا افكر فىلبس النقاب من فترة واحتاج مساندة معنوية
عايزة اغير البيئة كلها عايزة ابدل صديقاتى المتبرجات او المتجبات الحجاب اياه بصديقات ورفقيات منقبات يعيينى على الطاعة والخير
اعيينى رحمك الله

[الازهرية]

رد: لكل أخت لا تستطيع إرتداء النقاب

يا اختى يمامة المسجد اريد الوصول اليك كيف ؟؟؟؟؟؟ علما انهم ارسلوا لى رسالة بمنعى من عرض اميلى