لكل أخت لا تستطيع ارتداء النقاب

[مالى والدنيا]

رد: لكل أخت لا تستطيع ارتداء النقاب

السلام عليكم
بالله عليكوا ادعولى ان ربنا يرزقنى حلية امهات المؤمنين
الموضوع ده جه فى ايدى قدرا كانها رساله من ربنا
لانى فعلا خلاص اهو اشتريت النقاب ولسه متذبذبه
انا الى حد ما بابا هقدر اقنعه
بس مشكلة النقاب فى الامتحانات وبالذات جامعة القاهرة صعبه
وانا هبقى لسه جديده
انا فى ترم التخرج
مش عارفه البسه دلوقتى ولا استنى بعد الامتحانات
مضايقه جدا من نفسى
مبقتش انزل الكليه كتير بالرغم من انى فى كليه عملى "طب"
بسبب انى مش عايزة حد يشوفنى
انا مضايقه جدا حاسه انى مش راضيه عن نفسى نفسى البسه علشان استريح وابتدى ابص للعقيده وادرس العلوم الشرعيه
انا بحاجه شديده للدعاااء

[* موحدة * ولله الحمد *]

رد: لكل أخت لا تستطيع ارتداء النقاب

وعليكم السلام ورحمة الله وبركاته

أختنا الكريمة : " مالى والدنيا "

يارب يثبتك على الحق ...ويوفقك لأفضل الخير ويمن عليكِ قريبا جدا بإرتداء النقااااب

وهذه رسالتى لك أختاه ولكل أخت مازالت محتارة خائفة من لبس النقاب

حقيقة أختى النقاب هذا عالم آخر ...عالم رائع...لا أدرى كيف كنت سأعيش من دونه ..لن تفهمى كلامى هذا ولن تحسى به إلا عندما ترتديه

وتذكرى قول رسول الله صلى الله عليه وسلم "إن تصدق الله يصدقك" صحيح...فأدعى الله الكريم الشكور ولحى عليه بالدعاء وإن استعنت به وتوكلت عليه لن تضيعى أبدا

ولعل النقاب هذا هو ما يساعدك على الثبات والإلتزام بباقى الدين...وحقيقة الله سبحانه وتعالى أكرمنى كثيرا عندما لبست النقاب ...ووفقنى الله لطاعات لم أكن اعلم عنها شيئا ويسر لى كثيرا من الأمور ...وكان فضل الله على عظيما

ولعل النقاب يمنعك من ارتكاب المعاصى والذنوب...فأعرف من منعهم النقاب من ارتكاب ذلك

يا أختى لا تخافى أبدا وأقدمى على الخطوة وحتى لو استغرب الأهل...هذا شئ حدث مع الكثير من الأخوات ولكنهم ثبتوا على الحق ...فليس الأهل هم من يشرعون لنا الدين ....بل المهم أن اسير حسب ما جاء بالقرآن والسنة

بل واجتهد فى برهم ...وابين لهم اخلاق المنقبة فعلا ...وستجديهم يفرحون بأن ابنتهم اصبحت أفضل بعد لبس النقاب

فسارعى أختى ولا تتردى ...لن يصيبك إلا ما كتبه الله لك..والأمه كلها لو أجتمعت عليك بشئ لم يقدره الله لك لن يصيبك أى شئ

وتذكرى أيام الرسول صلى الله عليه وسلم والصحابة ...بدأوا غرباء فى ظل المجتمع الجاهلى المشين ...وبفضل الله استطاعوا أن يثبتوا ويستمروا بل ...وأصبحوا دعاة للعالم اجمع ومن الله عليهم بفتوحات كثيرة ...فلا نقول الآن صعب ووووووو...بل نقتدى بأمهاتنا الصحابيات رضى الله عنهن ..وجمعنا بهن


وبالنسبة اختى للكلية العملية فلا مشكلة ابدا اختى فانا فى كلية عمليه ايضا ولا اجد مشكلة أختاه لا فى الشغل العملى ولا فى غيره ... بل تجدين أن الله ييسر بل وبعد ان ارتديت النقاب أشعر أن أمورى تيسرت أكثر وحقيقة اتذكر مواقف ليس لها علاقة بالنقاب أطلاقا بفضل الله نجوت منها ...و كان فضل الله على وعلى من أرتدت النقاب عظيما

ودائما إلجإى لله فى اى مشكلة تقابلك وستجدى كل خير وتوفيق وسداد

وبالنسبة للحظات الضعف : أو التذبذب

تغلبى عليها بالدعاء والإستعانة بالله ...وأول ما تحس بذلك فى أى موضوع من مواضيع الدين ..ادعى الله الثبات على الحق و سارعى بالإستماع إلى درس دينى يتكلم عن الموضوع لتهدأ نفسك وتثبت

وافضل شئ لعلاج دخول الدنيا على القلب هو تذكر الآخرة والموت والصراط والتفكر بهما

فالعلاقة عكسية كلما زاد هم الآخرة قل هم الدنيا والعكس صحيح

وتخيلى أختاه أننا مثلا لو عندنا امتحان ربما نشعر ببعض القلق ! مع اننا ربما استعدينا له فما بالك بامتحان الآخرة الذى لم نستعد له ! أليس هذا هو الأولى ؟

قال رسول الله صلى الله عليه وسلم : " ما مثل الدنيا في الآخرة إلا مثل ما يجعل أحدكم إصبعه في اليم فلينظر بم يرجع " صحيح

الدنيا قطرة فى بحر الآخرة ...أهذه القطرة التى نعصى الله لأجلها ! أو التى نخاف عليها ؟! أو التى نتردد فى الطاعات بسببها ؟!

فحيقيقة الدنيا " متستهلش أى حاجة " وكل شئ بيذهب وبيتبقى فقط العمل الصالح والسيئات ! ...فلذلك ما هو الفوز الحقيقى ؟

قال الله تعالى:

"كُلُّ نَفْسٍ ذَآئِقَةُ الْمَوْتِ وَإِنَّمَا تُوَفَّوْنَ أُجُورَكُمْ يَوْمَ الْقِيَامَةِ فَمَن زُحْزِحَ عَنِ النَّارِ وَأُدْخِلَ الْجَنَّةَ فَقَدْ فَازَ وَما الْحَيَاةُ الدُّنْيَا إِلاَّ مَتَاعُ الْغُرُورِ" آل عمران :185

وأدعوكى أختاه لرؤية هذه السلسلة مؤثرة جدا حاولى الإستماع لها أو حتى قراءة التفريغ... تفضلى على الرابط



http://www.way2allah.com/modules.php?name=Khotab&

خدى الخطووووة ولا تخافى ...واخلصى الدعاء لله ان يعينك عليه ...واستمرى فى إعلاء إيمانك بسماع الدروس ...والصحبة الصالحة ...والتقرب لله بشتى أنواع الطاعات ...وستجدين الله سبحانه وتعالى خير معين لك على نفسك

وأيضا أوصيك أختى بسماع الدروس والأفضل والأحسن أن تسمعيها فى المسجد فجو الطاعة يشجع على الطاعة


فإن لم تستطيعى فقومى بتحميل الدروس من موقع الطريق إلى الله وطريق الإسلام وتستمعين على الأقل فى الأسبوع درسا ... فالإنسان يحتاج دائما للتذكرة


وأيضا أختاه ركزى على مواضيع الثبات ...تفضلى أختاه هذه المجموعة

1.فتاوى عن الثبات ...هنـــ،،،،،ـــا

2.مجموعة دروس اكثر من رائعة عن الثبات ...هنـــ،،،،،ـــا ...إختارى أحداها واسمعيه .....وياريت سماع المزيد والمزيـــد ... فسماع الدروس يثبت جدا وعن تجربة

3.مقالات ومطويات ممتازة عن الثبات ...هنـــ،،،،،ـــا

4.سلاسل والبومات متميزة ...هنـــ،،،،،ـــا



وننتظر الخبر المفرح

----------------------


سلسلة شرح كتاب مدارج السالكين - متميز جدا - مباشر او للتحميل

لحظة من فضلكم... طوبى لمن

قال رسول الله صلى الله عليه وسلم : "طوبى لمن ملك لسانه و وسعه بيته و بكى على خطيئته " صحيح الجامع

[راجعه ل ربنا]

رد: لكل أخت لا تستطيع ارتداء النقاب

بارك الله فيكى
وانا فعلا نفسى ارتدى النقاب بس بابا ممانع
انا قولتله انى البس النقاب بصلى بصه كانى قلتله انى هارتكب جريمه
بابا واخد فكره وحشه عن المنتقبات قولى لى بقه اعمل ايه

[*يارب نور دربي*]

رد: لكل أخت لا تستطيع ارتداء النقاب

السلام عليكم ورحمة الله وبركاته


اللهم ثبتنا واعنا ع حسن طاعتك
وانعم علينا بنعمة ارتداء النقاب

[يمامة المسجد]

رد: لكل أخت لا تستطيع ارتداء النقاب

غاليتنا سمسم

السلام عليكم ورحمة الله وبركاته أخواتى
هل يمكنكم اقتراح خطوات عملية لاقناع أبى
فهو يرفض تماما لبسى للنقاب بسبب ما يسمعه ويراه فى الشوارع من أخوات غير ملتزمات بما يرتدينه
هدانا الله وهداهم

بارك الله فيكى
وانا فعلا نفسى ارتدى النقاب بس بابا ممانع
انا قولتله انى البس النقاب بصلى بصه كانى قلتله انى هارتكب جريمه
بابا واخد فكره وحشه عن المنتقبات قولى لى بقه اعمل ايه

غاليتنا راجعة لربنا

ادعي ربنا

ادعي جامد

التزمي .. وابدأي كوني سلوكك طيب معاه

خليه يفرق قبل التزامك عن بعده

خليه هو يحس بالفرق

اعملي حاجات ليهم عمرك ماكنت بتعمليها

رضيهم بكل شئ

وصدقيني يوم ما يحسوا بطاعتك

قلوبهم هتلين

فهميهم إننا منحكمش على الدين بالقلة القليلة

فيه منتقبات كثيرات متميزات ومتدينات غافلات

ليه مكنش أنا واحدة منهم

حاولي يغالية وتعالي على نفسك عشان طاعة ربك

وارضي ربك وادعيه

أكيد إن شاء الله هتصلي للي عيزاه

[يمامة المسجد]

رد: لكل أخت لا تستطيع ارتداء النقاب

أختنا مالي وللدنيا ربنا يبعد الدنيا عن قلوبنا

ربنا يكرمك أختنا موحدة على ردها

وياستي البسيه

ومتفكريش في العواقب

البسيه وسبيه لله وساعاتها أوعدك إنك هتدافعي عنه زي ما بتدافعي عن ابنك

[يمامة المسجد]

رد: لكل أخت لا تستطيع ارتداء النقاب

السلام عليكم ورحمة الله وبركاته


اللهم ثبتنا واعنا ع حسن طاعتك
وانعم علينا بنعمة ارتداء النقاب

آمين أختنا نور دربي

[الزهراء(1)]

رد: لكل أخت لا تستطيع ارتداء النقاب

جزاكى الله خيرا أختى الكريمه على هذا العمل ووفقكى لما يحبه ويرضاه

[ام امام المسلمين]

رد: لكل أخت لا تستطيع ارتداء النقاب

وعليكم السلام ورحمة الله وبركاته
اسال الله ان ييسر لنا بلبس النقاب ويجعلنا من المتمسكين بالكتاب والسنه
الحمد الله اختنا الموحدة بالله ما شاء الله ربنا يوفقها افادتنا
ربنا يثبتنا على الحق

[المنتقبة السعيدة]

رد: لكل أخت لا تستطيع ارتداء النقاب

السلام عليكى أختى يمامه المسجد
بصى بقى ياحبيبتى
لو مش كنتى عارفه بابا مش موافق ألبسه
قالى بعد 4 سنين جامعه
لكن كلمته تااانى
قالى خلاص وأنتى داخله 2 كليه
يعنى ان شاء الله ناقص كاام شهر
3او4 شهور
بصى بقى
انا فى حاجات بفكر فيها عاوزاها تنتهى خاالص
فى موضوع ترددى
أولا-لما مثلا اشوف بنات منتقبات او اصحابى ماشيه مع منتقبات
أكون عاوزه ألبسه حالا وبقول هستحمل أى كلام
لكن بقى لما أكون بقى تفكير لوحدى
بقول ليه انا كده كويسه
ثانيا-عائله بابا هما اساسا بحس انهم مش بيحبونى
وهما اساسا فرى
وكل البنات عماتى وكده مش بيكلمونى لأنى دايما ساكته وهما أكبر منى
وتاتا ممكن تزعق فى امامهم
وأنا بطبعى حساسه جداااااا
يعنى بتأثر بأى كلمه وبتعب وصداع و و و و
بحس أول ما اروح بالنقاب
أيه دا
وكلام بقى ايه
يجرح ويجرج
يعنى هتهزأ
وأنا بطبعى مش بعرف أتكلم نهائى
ولا بعرف أخذ حتى حقى بأدب
خايفه لما أروح عندهم هعمل أيه
ولما تقولى وتزعق فى هقول أيه
وأنا مش هعرف أرد خالص
أولا هى تاتا
ثانيا مش بعرف اواجهه
وتعتبر دى نقطه ضعفى من ساعه النقاب
وممكن تقوليلى أنتى هتقعدى لوحدك فى القبر وهتتحاسبى لوحدك
انا عارفه كل دا
بس النقاب أختلاف وسمعت من الشيوخ أنتى لو مش لبستيه
مش هتتحاسبى
لكن أنا بحبه وعاوزه ألبسه
واساسا بقول حد يطول أنه يقرب لربنا بطاعه مثل هذا
أو التمسك بنسه حبيبنا محمد صل الله عليه وسلم
انا لو لبسته هكون قدمت هديه لحبيبنا محمد صل الله عليه وسلم
يعنى بسأل وبرد على نفسى
عاوزه اشيل التردد دا
والخوف من مواجهه عائله بابا
تعرفى؟؟؟؟
واحده صاحبتى كان متقدم ليها واحد ملتزم جداااااااااا
ماماتها مش وافقت لأن واحد متكلم عليها
صاحبتى التانيه قالت لها
شوفى صاحبتنا إالى هو أنا
وأنا طبعا مش منتقبه
قال
لاااااااااااااااااااااااااااااااااااا
انا عاوز واحده منتقبه
قالت على أنا هى عاوزه تلبسه بس اهلها مش موافقين
قال لا
انا مش هدخل بيت غير لما أكون متأكد منه
يعنى مش اه او لا
لكن انا عاوزه أشيل الترددات ديه
وأبشركوا بلبسه
ياااااااااااارب
أختك فى الله

[مشكاه الهدى]

رد: لكل أخت لا تستطيع ارتداء النقاب

انا بقى احترت بسبب زوجى هو ظابط بالجيش بيقولى انه غلط على شغلى مع ان والدته واخته منتقبات قلتله كده قالى انا بتحاسب على زوجتى واولادى فقط ساعات يقول كده وساعات يقولى مبحبوش قولولى اعمل ايه معاه هو عصبى جدا ودماغه ناشفه

[قلب ذليل يرجو القبول]

رد: نفسي ألبس النقاب

ايه مش تطمنينا ياتري لبستيه ولا لسه؟

[الذليلة تحت عرش الرحمن]

رد: نفسي ألبس النقاب

جزاكم الله خيرا
انا كمان نفسي البس النقاب ولكن امي رفضاه
وانا اريد ان البس رداء العزة والكرامه فالنقاب عزة المسلمة
ارجوكم الدعاء لي بلبسه قريبا

توقيع : الذليلة تحت عرش الرحمن

[حب الصحابة كلهم لى مذهب]

رد: نفسي ألبس النقاب

اختى اسال الله ان ييسر لك الخير لقد مررت بنفس المشكلة ولم يكن احد موافق على لبسى النقاب ولكن بالدعاء وكثرة الاستغفار الحمد لله لبست النقاب فانصحك ان تكثرى من الاستغفار والدعاء فى السحر
(اصدق الله يصدقك)

[smsm_90]

رد: لكل أخت لا تستطيع ارتداء النقاب

جزاكى الله خيرا أختى يمامة المسجد على الكلام الجميل
أسألكم الدعاء لكل أخت لم تذق بعد لذة ارتداء النقاب