لكل أخت لا تستطيع ارتداء النقاب

[يمامة المسجد]

رد: لكل أخت لا تستطيع إرتداء النقاب

السلام عليكم ورحمة اللة اختى يمامة المسجد
موضوعك غاية فى الجمال جعلة اللة فى ميزان حسناتك
لكن
ممكن اطلب منك طلب لو سمحتى
انا محتاجة صديقة لانى اشعر انى على شافة حفرة من نار
ارجو الرد عليا
وتقبلى ان تكون صديقتى
فانا احتاج اليك صدقينى
واللة يشهد على كلامى

غاليتي احنا معاك ِ

وإن شاء الله اضيفك لدي

[يمامة المسجد]

رد: لكل أخت لا تستطيع إرتداء النقاب

لسلام عليكن
انا طبعا مش ها اقدر اقولكوا اى حاجة لانى مش منتقبة اساسا للاسف الشديد جدا وده لان والدى مش موافق بيقولى عشان الجواز وان انا معملش قلق فى العيلة وكده وحاولت اقنعه بكل الطرق ولكن لا حياة لمن تنادى بس انا بصراحة مسكتش وحاولت معاه كتير لغاية ما حلف ان هو طول ما هو ولى امرى انا مش هلبسه برده مسكتش قولت لماما تكلمه بس برده مفيش فايدة فقررت بصراحة ان انا ادعى ربنا كتير اوى وفكرت ان انا ادخله الموضوع بطرق تانية فى كل حاجة يعنى اقوله مين من صاحباتى انتقبت وكده يعنى واجيب سيرة الموضوع كتير وفكرت انا وواحدة صاحبتى ان هى تجبهولى هدية وبابا موجود ويمكن لما يلاقى ان الموضوع ذا اهمية فعلابالنسبالى وان صاحباتى مهتمين بى وكده يوافق انا عايزة ارائكم انا اعمل ايه معاه وكده وادعولى ربنا يكرمكوا ويثبت المنتقبات عليه ويرزق الغير منتقبات بيه يارب

محاولاتك جميلة

ان شاء الله ربنا ييسر لك الامر لازلت ِ تحاولي وتحاولي وإن شاء الله يوافق ويرضى

[يمامة المسجد]

رد: لكل أخت لا تستطيع إرتداء النقاب

السلام عليكم ورحمة الله وبركاته
احباتى فى الله انا هقولكم الحل ببساطه كده احنا ليه لما ربنا بيفتح عالينا ويهدينا ويرشدنا للخير وهو النقاب
ليه لما بنكلم اهالينا على موضوع النقاب بنتكلم بطريقه سطحيه يعنى يادوب بنقول ان انا عوزه انتقب ليه
لم نحضر لهم ادله شرعيه والكلام اللى احنا اقتنعنا بيه ...
فيه حلقه للشيخ / مسعد انور ما شاء الله قال 20 دليل على وجوب النقاب على قناه الرحمة المباركه
وممكن تحملو هذه الحلقة من موقعنا الحبيب الطريق الى الله وكانت ولله الحمد سبب هديه لى بالنقاب
يعنى انا قصدى انك لما تكونى عوزه ترضى الله بالنقاب انك كما نشركى والديك او زوجك انه
يسمع او يقرأ معاكى الادله الشرعيه على ذلك والموضوع مش مجرد رأى مين كلامه يمشى
ممكن الوضع يختلف كتير عن انكم احبابى فى الله تتكلمو معاهم وتصرو على رأيكم طبعا
هما كما هيصرو من غير ما يعرفو ادله شرعيه ولا ايه....
والحمد لله والصلاه والسلام على سيدنا وخير من علمنا محمد وعلى آله وصحاب

جزاكم الله خيرا ً أختنا نعمة

فعلا ً ياريتنا نشارك أولياء أمورنا ومنكنش احنا في وادي وهما في وادي

[ديمة]

رد: لكل أخت لا تستطيع إرتداء النقاب

السلام عليكم ورحمة الله وبركاته
ازيكم يا عسووولااااااااااااااات وحشتونى ...تقبل الله منا ومنكم...
جزاك الله الجنة يا يمامة ع الموضوع الرااااااااااااااااائع
أنا بقى مكنتش حاطة النقاب ف دماغى خااااااااااااالص بس كنت بدعى ربنا انه يحققلى أمنية ولما تتحقق هكون لابساه أول يوم فى الجامعة وكنت لما بشوف منتقبة بفرح أوى وبتمنى انى أكون زيها بس بقول اصبرى هما تلت سنين بس ومكنتش أعرف ان فى بنات قدى لابسينه وكمان أصغر منى ومعرفتش كده غير من المنتدى الروعة ده ...بجد حبيته من كل قلبى ... ولما عرفت كده بدأت أغييير اشمعنى هما
هما أحسن منى فى ايه وفضلت فترة أشوف مش هعرف ألبسه ليه وكل مرة أتغلب على نفسى لحد دلوقتى خلاص أتمنى ألبسه حالا
فأنا فى الاول قلت السنة الجاية وبعدين قلت لألأرمضان الجاى وبعدين قلت خلاص عيد الاضحى الجاى لحد ما وصلت انى ألبسه أول يوم فى الدراسه الجايه ..كل ده وأنا بشاور نفسى ..لأنى فى الاول مكنتش أتخيل ان ماما ممكن ترفض لأنها لابساه فى الكليه من زمااان يعنى قبل متتجوز أكتر من 16 سنة تقريبا يعنى مش هتقولى لما تتجوزى ولا حاجة وكمان هى اللى مخليانى ألبس الخمار
كمت خايفة أقولها ولما قولتلها مرة معبرتنيش لأنى كنت بقولها ع الماشى كده مكنتش مصرة ومرة مرة بقيت بقولها بس مش باصرار برده مش عارفة خايفة ليه ؟؟!!
فمرة تقولى مش هينفع فى المدرسة ومرة أقولها فى بنات كتير فى نفس سنى لابسينه قالتلى زمانهم بيتعرضوا لمشاكل
مشاكل ايه دى؟؟ والله معرفش وقفلت ع الموضوع
ومرة تانية قالتلى لما تخلصى الهدوم اللى عندك دى قلتلها خلاص السنة الجايه بصتى لى كده وبس وقفلت تانى ع الموضوع وبعدين قعدت أدعى ربنا كتييييييييييير
ومرة من المرات قريب خالص قبل ما رمضان يخلص كنت قاعدة ع الكمبيوتر وهى وتيتا ع التلفزيون جمب بعض كانوا بيتفرجوا على الرحمة وكان فى شيخ والله معرفش اسمه بس كانت فى بنت بعتاله انها عاوزة تلبس النقاب وهى عندها 16 سنة قامت قايله لتيتا اسمعى اسمعى وأنا كنت اعدة وراهم وقلبى بيدق جامد
واتفاجات ان الشيخ قالها هو سنة مش فاكرة بالضبط ومش لازم تلبسيه قامت بصالى قمت ضاحكة وبعدين هى قامت ضاحكة وقامت قالتلى يعنى نبر آبائنا الاول وبعدين نلبس النقاب
زعلت أوىىىىىىىىى وكنت هعيط بس مسكت نفسى وبعدين قعدت أدعى ربا تانى وحاولت انى اسمع كل كلمة تقولها لمده يوم عشان ترضى لأنى فى حكايه بر الوالدين دى أى كلام بس خلاص بقيت بدعى ربنا انه يعينى على برهما وتقريبا بعدها بيوم رحنا المسجد فى الفجر فكان فى بنات كتير عسولات وكان فى وحدة لابسه ملحفة ونقاب بس خالعاه فبصتلى وضحكت لأنهم كانوا توأم شكلهم أمور أوى وبعدين قلتلها حلوة أوى اللى هى لابساه دى فضحكت وسكتت وكنت خلاص هقولها أنا عاوزة ألبسه بقى بس الله أعلم أنا سكت ليه
ومن يومها بحاول أنتهز الفرصة أنى أقولها بس مش عارفة لسه خايفة
ادعوووووووووووووووولى بجد نفسى ألبسه أول يوم فى المدرسة رغم كل اللى هيقابلنى

وكل ده وبابا ميعرفش حاجة الله يستر هو مسافر بس لسه ميعرفش


مش عارفة أعمل ايه؟؟
أنا لحد دلوقتى معرش هو فرض ولا لأ بس أنا عاوزة ألبسه وخلاص


أنا عارفة انى طولت جدااااااااااااا بس استحملونى مش لاقيه حد أحكيله غيركم لأنى لو قلت لأى حد هيثبطنى حتى اصحابى ونويت انى لما البسه تبقى مفااااااااااجأة عشان محدش يقولى الكلام اللى انتوا عارفينه ده

عشان كده نفسى فى اللى يشجعنى وملقتش غيركم

[بنت خديجة]

رد: لكل أخت لا تستطيع إرتداء النقاب

هل لي من مراسلة يمامة المسجد بخصوص هذا الموضوع؟؟؟؟؟؟

[Dr.Sarah || ~]

رد: لكل أخت لا تستطيع إرتداء النقاب

جزاكى الله الجنة والله انا فى حاجة للكلام معك كيف اراسلك؟

كل عام وانتى بخير
اريدان ارتدى النقاب
ارجوكى ساعدينى
انا منتظرو ردك

[زهرة الكون]

رد: لكل أخت لا تستطيع إرتداء النقاب

بارك الله فيكى أختى يمامة المسجد أسأل الله العظيم أن يجعله فى ميزان حسناتك

[نعمه نور]

رد: لكل أخت لا تستطيع إرتداء النقاب

ان الحمد لله والصلا والسلام على محمد نبينا وحبيبنا وخير من علم وخير من اورسل من الرسل
اختى يمامه المسجد أسأل الله العظيم رب العرش العظيم ان يجمعنا مع المتحابين فى جلاله
كما جمعنا على حبه وطاعته.....
احب ان اقول لكى ان يسعدنى بل ويشرفنى ان اكون صديقتك لالالا بل اختك
بس انا مش عارفه أأخذ اميلك ازاى وهل يجوز انى ارسله لكى على الرسائل اللى بتجينى من الموقع
لو ممكن اخبرينى بالله عليكى كيف اعثر على ايميلك
انا كنت هكتب ايميلى هنا ولكن لست اعرف هل من الممكن كتابته ولا ايه
وكمان كل اخواتى الغاليات لازم نأخذ ايملات بعض عالشان نكون عونا لبعضنا على شرط
ان كل اخت تسمع الصوت بالميك اولا (هذه نصيحه ليس الا)
وجزيتى الفردوس الاعلى يا رب
اللهم وفقنا لما تحب وترضى
السلام عليكم ورحمه الله وبركاته

[حـنـيـن]

رد: لكل أخت لا تستطيع إرتداء النقاب

جزاكن ربي الخير أخواتي
و أختي يمامة المسجد
و نسأل الله أن يجمعنا في دار كرامته
و مستقر رحمته
مممم
للأسف لم أستطع أن أكون من المنتقبات
أتمنى أن يوفقني الله إلى لبسه
و جزاكن الله الجنة حبيباتي

[قلب سوليفان]

رد: لكل أخت لا تستطيع إرتداء النقاب

اول ما دخلت الموضوع خفت لان تاريخه قديم
بس الحمد لله انه لسه مستمر

جزاكي الله كل خير

انا محتجالكم جدا
وسجلت علي المنتدي هنا وكلي امل اني الاقي حد يساعدني
انا كل اللي محتجاه دعم نفسي
علشان اقدر اكمل طريقي اللي اخترته ونفسي يبئا اخرته الجنه بمشيئة الله

لبست عبايه (اسدال) من يومين وطرحه طويله مغطيه الصدر وجوانتي(( كله اسود))
كل اللي يشوفني يقول حلو
وانا كنت ماشيه فرحانه جوايا قوي

بس النهارده وانا نازله

ماما قالتلي
ايه الاسود اللي متكلفته بيه ده

انا عايزه انتقب
ومش راضيين

انا هخلص صيدله السنه الجايه
ومحتاجه فعلا انتقب
محتاره جدا ومخنوقه وحاسه اني وحيده ماحدش حاسس بيا
ساعات بحس ان الحل والمنجد هيكون انسان يتقدملي ...
ادعولي الحل يكون قريب

اللهم اني اعوذ بك من شر نفسي

[يمامة المسجد]

رد: لكل أخت لا تستطيع إرتداء النقاب

إحنا معك ِ أختنا

أنا فقط عيزاك تلفي لفة في الموضوع وتقرأي ردود الأخوات إللي كانوا بيجدوا صعوبة وربنا فتح عليهم

ثم تقوليلي إيه النقاط إللي جواك ِ بالظبط

انتظرك إن شاء الله

[عطر الجنان]

رد: لكل أخت لا تستطيع إرتداء النقاب

السلام عليكن ورحمة الله وبركاته

اخواتى الفضليات

اشهد الله انى احبكن فى الله

واسال الله العظيم ان يرزقنا الجنة واياكم

وان يرزقنا شربة هنيئة من يد حبيبه المصطفى صلى الله عليه وسلم

اختى يمامة المسجد اشهد الله انى احبكــ فى الله واريد انك نكون اصدقاء مع اننا اخوة فى الله ( ابتسامة )

اتمنى ان تدعوا لى انى ارتدى النقاب

لا مانع غير اخوتى لاسباب كانت الاول اما اخلص جامعة وبعد ما انهيتها علشان الشغل وكمان لما تتزوجى

على الرغم انى اختى لبسته بس بعد ما تزوجت كمان زوجة اخى الرافض لبسته بعد ما تزوجت

امى موافقة لكن اخوتى البنات والشباب يقنعوها بالرفض

ادعوا لى كثيرا انا دلوقت ارتدى عباءات ومترددة فى خطوة السدال وحده عايزاه بالنقاب

ادعوا لى كثيرا

وجزاكم الله خير كثيرا

[الأميرة التائبة]

رد: لكل أخت لا تستطيع إرتداء النقاب


هذه المرة الأولي التي أشارك فيها وموضوعك هو الذي دعاني إلي التسجيل في هذا المنتدي فعند قرائتي لموضوعك لم أتمالك نفسي وأحببت أن أكون معك وإني لاشهد الله
اني احببتك فيه.
تدينت من سنتين ولله الحمد والمنه وارتدي الجلباب وطرحه وقفازات وللأسف لست منقبه انا مأجله موضوع الخمار قليلا لان عندي مشكله
ومشكلتي هي اني ادرس في جامعة مختلطة(وهذا محرم) واني من الطلبة المتفوقين في الكلية وأهلي رافضين الفكرة من اساسها ولايسمح لنا بارتداء الخمار في جميع الجامعات ولا يوجد لدينا كليات بنات ارجوكم أخياتي أن تدعوا لي ان يرزقني الله الخمار
وأن يرزقني القوة والشجاعة لإيقاف دراستي.
والصلاة والسلام علي سيدنا ونبينا محمد
وجزاكي الله خيرا علي هذا المشروع الذي أتمني أن أكون من منفذيه.
:a7:

["فارسة الدعوة"]

رد: لكل أخت لا تستطيع إرتداء النقاب

ثبتكى الله اختى اميرة التائبة
ووفقكى لما يحب ويرضى وانعم عليكى بالنقاب عاجلا غير اجلا

[فلسطينية]

رد: لكل أخت لا تستطيع إرتداء النقاب

ثبتكم الله على الحق يا اخواتي
رزقنا الله واياكم النقاب ان شاء الله عاجلا غير اجل
لندعوا الله باخلاص وجد حتى نصل الا مطلبنا لعل الله يتقبل
دعائنا لو اخرجناه من قلبنا بصدق
من صدق الله صدق الله معه
اللهم اجعلنا من الصدقيين في الدعاء
اللهم امين
جمعنا الله واياكم يا اخواتي في الفردوس الاعلى
ان شاء الله