Tweet
إنصري دين الله
بدون مقدمات فلم يعد هناك وقت للكلام ..الوقت وقت أفعال، ديننا يُحارب..الأقصى يواجه خطر الهدم، وغزة مُحاصرة، والمسلمون يُذبحون في كل مكان..في الصين..أفغانستان..باكستان..العراق..، الأندلس ضاعت من المسلمين ولم يعد هم الشباب إلا متابعة نتائج مباريات فرق أسبانيا ونسينا أنها كانت لمدة 6 قرون جزء من دولة الإسلام، سقطت الخلافة، بل ديننا يُحارب في الداخل من العلمانيين..حورب النقاب وأصبح بدعة..أصبحت الفوائد الربوية حلالاً..أصبح الختان مُجرماً..فآلااااااااااام المسلمين أصبحت لا تنتهي سواء في الخارج أو في الداخل..بس عاوزه أسأل نفسي ونفسك سؤال إحنا عملنا إيه لنصرة ديننا؟؟ تصدقي إن أول شهيد في الإسلام كان امرأة وهي سمية بنت خياط..إحنا بقى عملنا إيه لنصرة ديننا..سمعنا الأغاني وإخواننا بيموتوا هناك..حطينا مكياج .. لبسنا البدي والجينز والجيبة الضيقة.. لتحقيق مخطط أعدائنا اليهود لفتة شباب المسلمين.. تخيلي لو النتن ياهو لقى كل شوارع المسلمين مليانة بنات لابسه حجاب شرعي وشبابنا ملتحي والمساجد مليانة مصلين، هيترعب أد إيه مننا؟؟؟؟ من الآخر كده حجابك ونقابك أشد على اليهود من صواريخ إخواننا في غزه..إيه مش عاوزه تنصري دينك؟؟؟ أكيد عاوزه..يبقى لازم تلبسي زي أمهات المؤمنين .هتقوليلي يعني حجابي هو اللي هينصر الإسلام ؟!!!!!
هقولك تصدقي ربنا؟؟؟ قال الله :" إن تنصروا الله ينصركم "، وقال تعالى " إن الله لا يغير ما بقوم حتى يغيروا ما بأنفسهم" وقال تعالى أيضاً :"أولما أصابتكم مصيبة قد أصبتم مثليها قلتم أنى هذا قل هو من عند أنفسكم"، يعني اللي بيحصل للمسليمن في كل مكان لأننا مبنصليش ..وبنسمع أغاني ..ومش لابسين حجاب شرعي و...و....هتقوليلي هو أنتم موركوش غيرنا ؟!!!!!
هتقوليلي طيب مهو أنا محجبة !!!
ولكن الغرض منه هو منع الفتنة بين الرجال والنساء ولازم لأني عايزاكي ترضي ربنا بالحجاب وتقهري بيه أعدائنا يبقى لازم يكون زي ما ربنا أمر مش زي ما أعدائنا أمروا، صح ولا لأ؟!
وبعدين تفتكري إن أمنا خديجة أو عائشة أو حفصة أو سمية كانوا بيلبسوا البنطلون والبدي والبوت و الإسبنش والإسترتش والشابوه تفتكري انهم كانوا بيعملوا مهرجان الألوان اللي إنتي عملاه ده اللي هو كفاية بإنه يلفت لكي نظر الرجال حتى لو كان لبسك واسع ؟! وتفتكري إن الرسول أو الصحابة كانوا يرضوا إن زوجاتهم أو بناتهم يلبسوا كده ؟ طبعاً لأ و لأ و لأ .
هتقوليلي خلاص أمال كانوا بيلبسوا إيه ؟؟؟
هقولك حجابهم كان فيه شوية حاجات لازم تخدي بالك منها : حجابهم كان واسع وفضفاض
لأن الضيق يصف حجم الجسم والغرض من الحجاب هو منع الفتنة والدليل على كده أن أسامة بن زيد قال : "كساني رسول الله صلى الله عليه وسلم قبطية كثيفة مما أهداها له دحية الكلبي فكسوتها امرأتي فقال " ما لك لم تلبس القبطية يا أسامة ؟ " قلت : " كسوتها امرأتي " فقال : " مرها فلتجعل تحتها غلالة " وهي شعار يلبس تحت الثوب فإني أخاف أن تصف حجم عظامها ".
وكمان كان لا يشبه ملابس الرجال
لقوله صلى الله عليه وسلم: " ليس منا من تشبه بالرجال من النساء ولا من تشبه بالنساء من الرجال " وقوله أيضاً :" ثلاثة لا يدخلون الجنة ولا ينظر الله لهم يوم القيامة : العاق لوالديه والمرأة المترجلة المتشبهة بالرجال والديوث " وعن أبي هريرة انه قال : " لعن رسول الله الرجل يلبس لبسة المرأة والمرأة تلبس لبسة الرجل "... يبقى أنت بتضحي بالجنة عشان إييييييه؟!!!!!إيه اللي يستاهل؟؟ البنطلون يستاهل؟؟؟؟؟؟؟!!!!!!!!
حجابهم كان ليس مُعطراَ أو مُطيبا
لقوله صلى الله عليه وسلم : " أيما امرأة استعطرت فمرت على قوم ليجدوا ريحها فهي زانية " وأنا متأكدة انك عمرك ما ترضي بالصفة دي صح ولا ؟
وكمان كان لا يشبه ملابس الكافرات
لقوله صلى الله عليه وسلم : " من تشبه بقوم فهو منهم "، عن عبد الله بن عمرو قال : رأى رسول الله صلى الله عليه وسلم على ثوبين معصفرين فقال : إن هذه من ثياب الكفار فلا تلبسها " يعني لوعايزة تبقي منهم إلبسي البوت والبدي والبنطلون والشابوه مهو كل الحاجات دي جت لنا من اليهود والكفار .
وكمان لا يقصد به الشهرة بين الناس
لقوله صلى الله عليه وسلم : " من لبس ثوب شهرة في الدنيا البسه الله ثوب مذلة يوم القيامة ثم ألهب فيه ناراً"، وثوب الشهرة هو كل ثوب يقصد به صاحبه الإشهار بين الناس سواء كان الثوب نفيس يقصد به صاحبه التفاخر أم كان رديء يقصد به الزهد والرياء .
وكمان مكنش حجابهم زينة في نفسه
قال تعالى : " ولا يبدين زينتهن إلا ما ظهر منها " ، " ولا تبرجن تبرج الجاهلية الأولى " وقد شرع الله الحجاب ليستر زينة المرأة فهل يُعقل أن يكون هو زينة في نفسه ؟؟! يعني بلاش الحاجات المزخرفة والألوان الكثيرة و الترتر والخرز .
وثيابهم كمان ما كان شفاف
لأن الشفاف يجعل المرأة كاسية بالاسم فقط لكنها في الحقيقة عارية كأنها مش لابسة حاجة!!! قال رسول الله صلى الله عليه وسلم "سيكون في أخر أمتي نساء كاسيات عاريات على رؤوسهن كأسنمة البخت العنوهن فإنهن ملعونات " وقال أيضاً :" لا يدخلن الجنة ولا يجدن ريحها وإن ريحها ليوجد من سيره كذا وكذا " .
وآخر و أهم صفة أن يكون ساتراً لجميع للبدن
حتى من أباح من العلماء كشف الوجه والكفين اشترط أمن الفتة منها وعليها، أما في زمن
الفتن إتفق العلماء على عدم جواز كشف الوجه والكفين.
طبعاَ هتقولي طيب أنا كده شكلي هيكون وحش وغريب وسط زميلاتي وكمان مش هيجيلي عريس!!!!!!
هقولك العريس رزق من عند الله وما عند الله لا ينال إلا بطاعة الله والعريس اللي يوافق عليكي بهذا الشكل مش هيغير عليكي ومن الآخر كده مش راجل اللي يوافق إن مراته تلبس اللبس ده . وبالنسبة لشكلك وسط صحباتك فإحنا اتفقنا إن طاعة الله أغلى وكمان أنتي شكلك احسن بكثير في الحجاب وليه يكون شكلك غريب بين صحباتك متوصلي لهم الخير اللي أنتي فيه وتخليهم يلبسوا الحجاب زيك علشان تدخلوا الجنة سوا وينطبق عليكم قول الرسول في اللي هسيتظلوا بظل عرش الرحمن يوم لا ظل إلا ظله : " ورجلان تحابا في الله اجتمعاً عليه وتفرقا عليه " .
وفي النهاية عاوزه أطلب منك طلب ..قبل ماتخرجي كل مرة من بيتك بصي على نفسك في المراية وإسألي نفسك أنا بشكلي ده سبب من أسباب النصر ولا........ قومي يله مستنية ايه ؟! إنزلي جيبي حجاب شرعي وإنصري دين الله .
حملة امتى هتتحجبي بجد ؟
تعليق