إعـــــــلان

تقليص
لا يوجد إعلان حتى الآن.

>>>>> الحلول الجامعات فى حَلحلة الامتحانات <<<<<

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • >>>>> الحلول الجامعات فى حَلحلة الامتحانات <<<<<



    كيف حالكم ياشباب
    اتمنى ان تكونوا بخير و الحمد لله

    اممممم , انا شايف ناس زعلانة و أصابها القلق و الخوف , لما رائت بالعنوان كلمة الامتحانات
    و قالوا : ليه يعم كدا بتفكرنا بيها دلوقتى ليه ...
    يأخى الحبيب لا تخشها بإذن الله تؤديها و انت مطمن

    و حرصا منا على سلامتك و تفوقك و تقدمك
    نحب نذكرك و نعطيك كام مهارة كدا على كام معلومة كدا
    تجعلك تؤدي الامتحانات بلا خوف و قلق ولا توتر و تكون واثق من اجابتك
    و لا تخشى سؤال إجبارى و اختيارى و لا صح و خطأ
    و تبقى مطمن و مرتاح البال فى لجنة الاختبار
    و كمان تعرف تذاكر وتراجع بهدوء من غير شد اعصاب



    ايه ياعم فارس مالك داخل متفائل كدا و لا خايف و لا قلقان من الامتحانات
    مين قلك كدا , طبعا انا خايف و قلقان مثلك تماماً





    بس بعد ما نتبحر و نتجول فى هذه السلسلة بإذن الله سوف يزول هذا القلق و الخوف
    و كمان نكتسب مهارات و افكار جديدة للتعامل مع الامتحانات
    و عشان كدا احب اقول
    لكل من يخشى الامتحانات
    متخافــــــــــــــــــوش
    و خليكم معانا و بإذن الله بهذه السلسلة
    " الحلول الجامعات فى حَلحلة الامتحانات "
    نتقدم إلى الاحسن بإذن الله



    و سوف نتكلم فى هذه السلسلة إن شاء الله
    * كيف تتعامل مع قلق الامتحان
    * و كيف يمكنك التحضير لامتحان
    * و كيف يمكنك التخمين لمحتوى الامتحان
    * و كمان تعرف على وسائل المراجعة و التحضير الطارئ لامتحان
    * تعرف على وسائل المراجعة الفعالة
    * نظم وقتك
    * فهرسة الدراسة
    * التحضير الطارئ للأمتحان
    * تنبيهات مفيدة عند الامتحان
    * إمتحانات الصواب والخطأ
    * إمتحانات أجوبة كتابه قصية " اسئلة المقال "
    * إمتحانات الرياضيات

    و سوف نتناولهم بالتفصل بعد الفاصل

    فاصل و نواصل
    &
    فأنتظرونا
    التعديل الأخير تم بواسطة فارس جباره; الساعة 03-11-2010, 08:00 AM.

  • #2
    رد: &gt;&gt;&gt;&gt;&gt; الحلول الجامعات فى حَلحلة الامتحانات &lt;&lt;&lt;&lt;&lt;

    إيه يا جماعه
    هو أى موضوع عن مهارات المذاكره وماشابهها تنزلهوا فى حلقات منفصله حتى حبيبى
    msa نفس الحكايه
    امممممممممممممم
    شكلكم بتختبروا قوه أعصابنا
    صوح ولا مش صوح
    ^_^

    تعليق


    • #3
      رد: &gt;&gt;&gt;&gt;&gt; الحلول الجامعات فى حَلحلة الامتحانات &lt;&lt;&lt;&lt;&lt;

      ماشاء الله رائع

      فى انتظرك اخى الحبيب

      بارك الله فيك على هذا الموضوع الرائع ولا تحرمنا من جديدك
      { فَأَمَّا الزَّبَدُ فَيَذْهَبُ جُفَاءً وَأَمَّا مَا يَنْفَعُ النَّاسَ فَيَمْكُثُ فِي الْأَرْضِ }
      سورة الرعد الآية 17

      تعليق


      • #4
        رد: &gt;&gt;&gt;&gt;&gt; الحلول الجامعات فى حَلحلة الامتحانات &lt;&lt;&lt;&lt;&lt;

        ماشاء الله لا قوة الا بالله

        فكرة طيبة ومتابع ان شاء الله

        جزاكم الله خيرا

        ووفقنى الله واياكم الى ما يحب ويرضى

        تعليق


        • #5
          رد: &gt;&gt;&gt;&gt;&gt; الحلول الجامعات فى حَلحلة الامتحانات &lt;&lt;&lt;&lt;&lt;

          و عليكم السلام ورحمة اللـه وبركاته...

          ما شـــاء اللـه لا قوة إلا باللـه... قشـطــة يا قشــطة لكنْ وينك فارس؟ و اللـه الطلاب سيُجرموا فيك لو تتأخر عليهم في الحلقة الثانية... شوف بعض صرخاتهم :

          إيه يا جماعه
          هو أى موضوع عن مهارات المذاكره وماشابهها تنزلهوا فى حلقات منفصله حتى حبيبى
          msa نفس الحكايه
          امممممممممممممم
          شكلكم بتختبروا قوه أعصابنا
          صوح ولا مش صوح
          ^_^

          تعليق


          • #6
            رد: &gt;&gt;&gt;&gt;&gt; الحلول الجامعات فى حَلحلة الامتحانات &lt;&lt;&lt;&lt;&lt;&gt;&gt;&gt; التعامل مع قلق الامتحان &lt;&lt;&lt;

            عدنا بفضل الله
            مرحب بكم من جديد
            معلش ياجماعة اتأخرنا عليكم شوية ...وهذا بسبب الاعلانات
            بس إن شاء الله نحاول نقلل منها ... بس انتم تعوضونا ,,,,,,, اتفقنا
            خلاص ياعم المخرج الاخوة موفقين على دعم البرنامج
            يلا بقى هات الكاميرا دى شوية كدا
            ايوة ايوة كدا .... الله ينور عليك

            نعود إليكم مرة تانية و إن شاء الله حنتكلم اليوم عن
            " كيف تتعامل مع قلق الامتحانات "
            قبل الامتحان و خلال الامتحان
            بس الأول يجب علينا معرفة معنى القلق عامة و قلق الامتحان خاصة

            القلق
            هو حالة نفسية وفسيولوجية تتركب من تتضافر عناصر إدراكية، وجسدية، وسلوكية. لخلق شعور غير سار يرتبط عادة بعدم الارتياح، والخوف، أو التردد.

            اما قلق الامتحان
            هو عدم الارتياح والتوجس، أو الانفعال الذي يشعر به الطلاب الذين لديهم خوف من الفشل في الامتحان. والطلاب الذين يعانون من القلق الامتحان قد يتعرضوا لأي من الأمور التالية : رابط التقدير الدراسي مع بتقدير الذات، والخوف من الحرج من المعلمين، والخوف من العزلة من الأهل أو الأصدقاء، وضغوط الوقت، أو الشعور بفقدان السيطرة. التعرق والدوار، والصداع، وسرعة خفقان القلب، والغثيان ،والتململ، والنقر على المكاتب.

            و بكدا تناولنا تعريفات مبسطة عن القلق و عن نوع من انواعه و هو قلق الامتحان
            و هو محور موضوعنا اليوم

            ونأتى إلى الوسائل التى يمكن من خلالها التغلب على القلق و كيفية التعامل معه قبل و أثناء الامتحان

            أولاً : قبل الامتحان

            خليك دائماً مستعد للأمتحان فكما قال السلف " فكل ما هو آت فهو قريب " و أدرس المواد جيداً و حاول ان تفهمها جيداً و إذا أستصعب عليك أمر فعليك بالذهاب إلى المعيدين فى الكلية فهم موجودين لخدمتك أنت و ليس مساعدة الدكتور فى شرح المادة فقط

            *-*-*-*-*-*-*-*-*-*-*-*-*-*-*-*-*-*-*-*-*-*-*-*-

            حاول دائما ممارسة التمارين الرياضية فهى تساعد على شحن الذهن , و تجعلك نشيط , و كمان بتكون رياضى يأخى

            *-*-*-*-*-*-*-*-*-*-*-*-*-*-*-*-*-*-*-*-*-*-*-*-

            اهاااا دى بقى اللى انا عوزك تركز عليها أنك تأخذ قسط كافياً من النوم قبل الامتحان ,, عشان انا عارف فى ناس سهيرة ,, و اسمعنى كويس عشان تكون فايق و رايق فى الامتحان ماتسهرش كتير يا حبيبى ...

            *-*-*-*-*-*-*-*-*-*-*-*-*-*-*-*-*-*-*-*-*-*-*-*-

            اسمح لنفسك وقتاً كافياً حتى تذهب إلى الامتحان مبكراً , و من غير استعجال يعنى اصح بدرى شوية و افطر و ظبط نفسك و بعدين روح على الامتحان بدرى اعمل ذي باروح قبل الامتحان بساعة او نصف ساعة و على فكرة بروح بلاقى ناس جاية قبلى ...
            اهااا حاجة مهمة قبل مانسى , لا تحاول أن تراجع كل شئ فى اللحظات الاخيرة قبل الامتحان

            *-*-*-*-*-*-*-*-*-*-*-*-*-*-*-*-*-*-*-*-*-*-*-*-

            لا تذهب إلى الامتحان و معدتك خاوية على عروشها , خذ بسكوتة كدا او روح لوزير الفول و الطعمية و هو يظبطك ... و هذا يساعدك على نسيان القلق

            *-*-*-*-*-*-*-*-*-*-*-*-*-*-*-*-*-*-*-*-*-*-*-*-

            واجه الامتحان بثقة تامة , و اعتبره فرصة لعرض ما ذاكرته , و استخدم وقت الامتحان بدقة و ياحبذا لو قسمت الوقت على الاسئلة


            كل ماسبق كان خاص بقبل الامتحان , اما خلال الامتحان
            اقرأ التعليمات الخاصة بالامتحان و الاسئلة جيداً و حاول تخصص لها جزء قليل من وقت الامتحان

            *-*-*-*-*-*-*-*-*-*-*-*-*-*-*-*-*-*-*-*-*-*-*-*-*

            اجلس بشكل مريح فى الامتحان , يعنى تدور على احسن كرسى متنجد كويس و اجلس عليه , بس واضح ان هذه الوسيلة صعب تحقيقها.... فوتهالى

            *-*-*-*-*-*-*-*-*-*-*-*-*-*-*-*-*-*-*-*-*-*-*-*-*

            إذا واجهت سؤالا صعباً، انتقل الى سؤال آخر , متانحش قصاده و دور على الاسهل

            *-*-*-*-*-*-*-*-*-*-*-*-*-*-*-*-*-*-*-*-*-*-*-*-*

            إذا كان الإمتحان صعباً، اختر أحد الأسئلة وابدا الكتابة. ذلك قد يُعيد إلى ذآكرتك مانسيته و احذر من اضاعة الوقت

            *-*-*-*-*-*-*-*-*-*-*-*-*-*-*-*-*-*-*-*-*-*-*-*-*

            لآ تقلق عندما ترى الطلبة الآخرين يسلمون أورآقهم، فليس هناك جائزة لمن ينتهي أولاً، خلي بالك ساعات المراقب بيكون عاوز يخلص و يمشى سيبك منه و أكنه مش موجود


            اخيرا ..... انتهينا من حلقتنا اليوم و اعزونى على التأخير ....
            انتم عارفين بقى حقوق الرعاية و شركات الاعلان مش سيبانا دوشنا بالاعلانات
            يلا بقى سلام عشان المخرج بيقولى الوقت خلص
            سبحانك اللهم وبحمدك ، أشهد أن لا إله إلا أنت أستغفرك وأتوب إليك


            إلى القاء فى الحلقة القادمة
            &
            فابقوا معنـــــا
            فى حفظ الله

            تعليق


            • #7
              رد: &gt;&gt;&gt;&gt;&gt; الحلول الجامعات فى حَلحلة الامتحانات &lt;&lt;&lt;&lt;&lt;&gt;&gt;&gt; التحضير الامتحان &lt;&lt;&lt;

              اعزائى المشاهدين سلام الله عليكم و رحمة الله و بركاته
              طبتم وطاب ممشاكم ، وكرمتم وكرم مساعكم ، وبلغكم المولى رجاكم ومناكم



              ايش رئيكم فى هذا البرنامج ... انا شايف انه اجمل البرامج
              عارفين ليه عشان انا شايف انه هيجيب إعلانات و ربح
              بس انتم عارفين احنا ميهمناش اعلانات و لا فلوس دخلة و خرجة
              احنا يهمنا انك تكون مستفيد معانا ... و تكون أنت الرابح و الكسبان ... نتمنى ذلك



              نخش فى موضوع حلقتنا اليوم و هو عن


              " التحضير للامتحان "

              لتحسين أدائك في الامتحان، يجب أولاً أن تتعلم المادة وتستوعبها، ثم تعاود المراجعة قبيل الامتحان.



              هذه بعض الطرق لتحسين فهمك للمواد:








              التعلم والاستيعاب
              • دون ملاحظاتك بشكل جيد في الحصة الصفية ومن الكتاب المقرر .
              • رآجع مذكراتك بعد الحصة مباشرة.
              • رآجع بشكل سريع مذكراتك قبيل الحصة التالية.
              • حدد وقتاً ي نهاية الأسبوع لمراجعة مطولة للمادة.












              المراجعة
              • دون ملاحظاتك بشكل جيد حول ما يخبركم المحاضر عن الامتحان .
              • نظم كتبك ومذكراتك وواجباتك، وكل ما يلزمك من مواد وذلك حسب ما يتطلبه الامتحان .
              • قدِّر الوقت اللازم لمراجعة المواد.
              • ضع جدولاً لتحديد ساعات المراجعة والمواد المطلوبة .
              • اختبر نفسك في المواد.
              • حاول أن تنهي مذاكرتك قبل الامتحان بيوم واحد على الأقل.









              و بكدا نكون قد أنتهينا من هذه الحلقة

              اشفكم على خير فى الحلقة القادمة إن قدر الله لنا البقاء

              سبحانك اللهم وبحمدك ، أشهد أن لا إله إلا أنت أستغفرك وأتوب إليك












              إلى القاء فى الحلقة القادمة

              &

              فابقوا معنـــــا

              فى حفظ الله

              تعليق


              • #8
                رد: &gt;&gt;&gt;&gt;&gt; الحلول الجامعات فى حَلحلة الامتحانات &lt;&lt;&lt;&lt;&lt;

                جزاكم الله خيرا

                أخى فارس موضوع فعلا جميل

                المشكله ان نتيجة الترم الأول على وشك الظهور

                واحتمال كبير أوى تظهر انهاردة على حد تعبير أحد الدكاترة المبجلين

                فالمشكلة الان فى النتيجة مش فى الامتحانات

                لكن طبعا الموضوع هيعمل انقلابات ومظاهرات

                دا أكيد طبعا

                حيث ونحن على مقربه من امتحانات نهاية العام الدراسى

                وما أدراكم طبعا بنهاية ال الدراسى

                .......

                اييييههههن

                المهم أحب أقولكم كلمه جميله جدا وهى بمثابة قاعدة

                الا وهى

                إذا كنت تستطيع أن تحل مشاكلك فلا داعى للقلق .. وإذا كنت لا تستطيع فما فائدة القلق

                تقبل مرورى أخى الكريم
                والسلام عليكم ورحمة الله وبركاته
                شجانى حبها حتى بكيت .... وفى قلبى لها شوقا بنيت.... فقالت هل سعيت لكى ترانى؟
                فقلت أنا لغيرك ما سعيت !! لأنك يا جنة الفردوس أغلى ما تمنيت

                تعليق


                • #9
                  رد: &gt;&gt;&gt;&gt;&gt; الحلول الجامعات فى حَلحلة الامتحانات &lt;&lt;&lt;&lt;&lt;


                  إذا كنت تستطيع أن تحل مشاكلك فلا داعى للقلق .. وإذا كنت لا تستطيع فما فائدة القلق
                  ههههههههه اللـه يقطع شرك يا راجل إيش الحكمة دي

                  تعليق


                  • #10
                    رد: &gt;&gt;&gt;&gt;&gt; الحلول الجامعات فى حَلحلة الامتحانات &lt;&lt;&lt;&lt;&lt;

                    الحمد لله نظام الاتصالات الجديد يعمل بخير و الحمد لله
                    و فى شباب اتصلوا بينا اهو ربنا يبارك فيهم
                    و على فكرة الرقم الجديد بتاع البرنامج من غير فلوس يعنى تقدر تتصل و تابع معانا
                    و عشان كدا احب ابشركم بالرقم الجديد ..... و هو
                    " مافيش مافيش 5,6 ماتلقيش "
                    و ده طبعا مجانا عشان الناس اللى بتقول عاوزين يكسبوا من ورانا

                    تعليق


                    • #11
                      رد: &gt;&gt;&gt;&gt;&gt; الحلول الجامعات فى حَلحلة الامتحانات &lt;&lt;&lt;&lt;&lt;

                      المشاركة الأصلية بواسطة عبدالله الراعى مشاهدة المشاركة
                      جزاكم الله خيرا


                      أخى فارس موضوع فعلا جميل
                      و جزاك مثله اخى الحبيب

                      إذا كنت تستطيع أن تحل مشاكلك فلا داعى للقلق .. وإذا كنت لا تستطيع فما فائدة القلق
                      بارك الله فيك على هيك الحكمة
                      بس ساعات بتشعر بالقلق من اى شئ و انت مش عارف السبب , و كمان بيكون القلق من شئ فى المستقبل انت لا تعلمه و لكن يعلمه المولى عز وجل {عَالِمُ الْغَيْبِ فَلَا يُظْهِرُ عَلَى غَيْبِهِ أَحَداً }الجن26
                      فانت طبيعى بتقلق


                      المشاركة الأصلية بواسطة أبو بكر أشرف الشامي مشاهدة المشاركة
                      ههههههههه اللـه يقطع شرك يا راجل إيش الحكمة دي
                      منور الموضوع حبيبى أشرف

                      تعليق


                      • #12
                        رد: &gt;&gt;&gt;&gt;&gt; الحلول الجامعات فى حَلحلة الامتحانات &lt;&lt;&lt;&lt;&lt;&gt;&gt;&gt; التخمين لمحتوى الامتحان &lt;&lt;&lt;

                        السلام عليكم و رحمة الله و بركاته
                        مرحب بكم فى حلقة جديدة من برنامجنا المتواضع
                        و اتمنى ان تكون مستفيدين معنا
                        و اليوم بإذن الله نتناول وسيلة من الوسائل التى تساعدك بان تتفوق فى الامتحان
                        ألا وهى
                        " التخمين لمحتوى الامتحان "


                        و عشان تعرف تخمن محتوى الامتحان يجب عليك ان تكون " صاااااااحى و ليس نايم فى المحاضرة " انا عارف ناس كتير ما بيحلاش النوم اللى فى المحاضرة , وذى ما يكون الدكتور ده منوم مغناطيسي جاى عشان ينيمكم ......... بالله عليك يأخى خد بالك من كل كلمة بيقولها الدكتور

                        فمثلاَ : عندنا فى الكلية دكتور اقتصاد جاب فى الامتحان بتاع الترم الاول مثل شعبى و جابه فى اول سؤال و كان القصد هو ان يحل الطالب جزء يشبه المثل و كان المثل كما يلى
                        " جيه يكحلها عماها "
                        و كان المثل يتكلم عن حل مشكلة البطالة عند النظرية الكلاسيكية و الكنزية .. و هو يقصد عندما جاء كنز لحل مشكلة البطالة فأدى ذلك لذيادتها و هذا ما يعنيه من جيه يحكلها عماها ^~^
                        انتم عارفين انا ذكرت الموقف ده ليه , كى اجعلك تخالى بالك من كل كلمة ينطقها الدكتور او المدرس فى المحاضرة


                        لآحظ بعناية أي ارشادات دراسية يوزعها الدكتور او المدرس قبل الامتحان أو في بداية الفصل
                        مثلاً : النقاط الرئيسة ، فصول محددة أو أجزاء منها ، أوراق عمل


                        اسأل الدكتور او المدرس عما سيغطيه ويركز عليه الامتحان، إذا لم يتطوع هو بإعلامكم .


                        و مرة ثانية لآحظ بعناية النقاط التي يركز عليها الدكتور او المدرس في المحاضرة او الحصة قبل الامتحان.


                        اكتب أسئلة كما لو كنت أنت المدرس وتكتب أسئلة الامتحان، ثم حاول إجابة هذه الآسئلة.يعنى درب نفسك على الاسئلة


                        راجع الامتحانات السابقة للمدرس نفسه كى تتدرب على طرقية الامتحان و على الاسئلة المتوقعة و كمان تعرف طريقته فى وضع الامتحان


                        إجتمع مع زملائك وحاولوا تخمين محتوى الامتحان


                        لاحظ بعناية تلميحات الدكتور او المدرس للنقاط التي قد تفصح عن أسئلة الامتحان .
                        خاصة عندما يقوم المدرس بالآتي:
                        • يكرر نقطة معينة عدة مرات .
                        • يكتب معلومات على السبورة .
                        • يتوقف لمراجعة مذكراته .
                        • يطرح أسئلة للطلبة .
                        • عندما يقول "هذا سيأتي في الامتحان" .



                        و هنا تتم حلقتنا بفضل الله متمنيين لكم النجاح و التفوق
                        اشفكم على خير فى الحلقة القادمة إن قدر الله لنا البقاء



                        سبحانك اللهم وبحمدك ، أشهد أن لا إله إلا أنت أستغفرك وأتوب إليك




                        إلى القاء فى الحلقة القادمة
                        &
                        فابقوا معنـــــا
                        فى حفظ الله






                        تعليق


                        • #13
                          رد: &gt;&gt;&gt;&gt;&gt; الحلول الجامعات فى حَلحلة الامتحانات &lt;&lt;&lt;&lt;&lt;

                          ماشاء الله اخى الحبيب

                          ماهذا رائع اخى الحبيب

                          بارك الله فيك اخى الحبيب

                          ونفع الله بك وأثابك الله الجنه
                          { فَأَمَّا الزَّبَدُ فَيَذْهَبُ جُفَاءً وَأَمَّا مَا يَنْفَعُ النَّاسَ فَيَمْكُثُ فِي الْأَرْضِ }
                          سورة الرعد الآية 17

                          تعليق


                          • #14
                            رد: &gt;&gt;&gt;&gt;&gt; الحلول الجامعات فى حَلحلة الامتحانات &lt;&lt;&lt;&lt;&lt;

                            المشاركة الأصلية بواسطة m_s_a مشاهدة المشاركة
                            ماشاء الله اخى الحبيب


                            ماهذا رائع اخى الحبيب

                            بارك الله فيك اخى الحبيب

                            ونفع الله بك وأثابك الله الجنه
                            وبارك الله فيك اخى الحبيب
                            شكرا على مرورك الكريم
                            بس موضوعك احلى
                            المهم انهم بيكملوا بعض " المذاكرة " و الامتحانات "
                            احبك فى الله

                            تعليق


                            • #15
                              رد: &gt;&gt;&gt;&gt;&gt; الحلول الجامعات فى حَلحلة الامتحانات &lt;&lt;&lt;&lt;&lt;

                              اوووووووووووووووووووووووووووووووه
                              ماااااااااااااااااااااا شاااااااااااااااااااء الله موضوع رائع
                              ونعود للقراءة ان شاء الله قريبا

                              تعليق

                              يعمل...
                              X