كلمه من فانوس رمضان قبل الوداع

[muslema_412]

أنا : خلاص هتمشي انت كمان
فانوس : دي سُنة الحياه يا صاحبي
أنا : انا تعبان بجد ... رمضان خلص ... ورجعت لكل ذنوني وعاداتي تاني
رجعت مُقصر في كل حاجه
حتى في الصلاه
فانوس : وتفتكر إني همشي من غير ما أساعدك ،
أنا أخوك في الله ولن نفترق حتى نصل الى الفردوس برحمة الله
أنا : ياااااااااااااريت يا فانوس
فانوس : بس مش المهم أني أنصحك ،المهم إنك تعمل بالنصيحه
أنا نصحتك قبل كده ومسمعتش كلامي يا صاحبي !! ولا نسيت خطة 442
أنا : خلينا في المهم
فانوس :المفروض إن رمضان كان عباره عن تدريب
تدريب لكل واحد علشان يبقى مسلم بجد
بالظبط كأن واحد عنده مسابقة جري ... فبقى كل يوم يجري 100 متر علشان يقدر يفوز في المسابقه
تفتكر بعد ما قعد يتدرب لمدة شهر كامل يجي وقت المسابقه ويقول
لا كفايه كده انا جريت كتير ... انا مش هدخل المسابقه
أنا : لا طبعاً
فانوس : الشاهد ... احنا الآن عاوزين نعرف ازاي نثبت بعد رمضان
وازاي فعلاً رمضان ميبقاش موسم
وازاي منكونش زي اللى ربنا قال فيها :{ ولا تكونوا كالتي نقضت غزلها من بعد قوة أنكاثا }

ركز معايا بقى .. بسم الله الرحمن الرحيم وبه نستعين
قبل ما أقولك على برامجنا العمليه هناك بعض الأمور يجب إنك تنتبه لها
رمضان عدى بكل ما فيه ... وعلشان منكنش بنهدم اللى بينيناه يبقى نعمل التالي
الخوف من عدم القبول :بمعنى إنك عملت بعض الأعمال في رمضان حتى لو بسيطه ، عاوزك دايما تخاف أنها مش تتقبل ... ودايما تبقى عارف إنك لو تركت هذه الأعمال يبقى منكتش صادق فيها
2) إياك واليأس : متقولش أنا وحش .. أنا منفعش لربنا ... كلنا بنغلط وبنذنب .. وواحده وواحده مع بعض هنوصل لربنا
(3) لو بجد حسيت بقرب ربنا وحلاوة الطاعه ولذة هجران المعاصي ...يبقى ليه بالله عليك ترجع تاني للذنوب والبعد عن ربنا ... هتلاقي أحن وأرحم وأجمل منه سبحانه
4) بلاش تعامل ربنا معاملة التاجر .يعني في المواسم ( زي رمضان ) تشد حيلك وتقطع نفسك وبعد الموسم ( زي الايام دي ) تنام وترجع لسابق عهدك
هاا كده تمام؟؟
أنا : آه تمام
فانوس : طيب صلي على النبي
وفاصل ونواصل إن شاء الله متروحوش بعيد ...

[muslema_412]

رد: كلمه من فانوس رمضان قبل الوداع

[CENTER]

فانوس : أنا جيت ولله الحمد

أنا : نورت البيت

خلاص إحنا كده إتفقنا على الثوابت ... كده خلاص أنا عرفت هعمل أيه وأنت تمشي واطمئن عليا

فانوس : خلاص أيه يا أستاذ

يعني أنت عاوز تعمل الثوابت دي فقط !!

طيب من الآن وحتى شهر رمضان اللي جاي هتعمل أيه

أنا : آه صح هعمل أيه ؟!؟

فانوس : أنا هقولك تعمل أيه واحده واحده ، ركز معايا وصلي على حبيبك النبي

أنا : اللهم صلى وسلم وبارك على نبينا محمد

فانوس : بسم الله ... نبدأ

مشروع الصلاه :

(1) الصلاه على وقتها : يعني أول ما المؤذن يقول الله أكبر ... أنتَ تجري على المسجد -على المسجد مش على اي مكان تاني :) - ( والأخوات طبعاً تصلي في بيتها مع أول الأذان ). كدهيبقى أنت هتصلي 17 ركعه فرائض

(2) صلاة 33 ركعه نوافل :[ركعتا الفجر، أربع ركعات ضحى، أربع ركعات قبلالظهر، أربع ركعات بعده، أربع ركعات قبل العصر، اثنين بعد المغرب، واثنينبعد العشاء، وإحدى عشر ركعة قيام]. هااا واللى يفوتك منهم تعوضه بالليل

(3) يعني في إقتراح :) نقترح كل أسبوع أن يكون هناك قيام ب (1000 آية) ليكتب لك قنطار من الأجر . أو بخمسة أجزاء مثلاً ، أو تصليمائة ركعة ضحى ، أو صدقه كبيره ، أو زيارة أيتام ومرضى . يعني كل فتره تعمل عمل فذ كبير علشان تدلل على حبك لربك.

(4) تلذذ في الصلاه :عاوزين نتعلم الخشوع في الصلاه ، وأوصيك ونفسي بسلسله " كيف تتلذذ في الصلاه " ، تابعها مع المقالات الخاصه بهامن هنا

تابعونا ومشروع الصيام

وازاي تصوم
150 يوم من هنا لحد رمضان

[muslema_412]

رد: كلمه من فانوس رمضان قبل الوداع

أنا : أنا متحمس جداً يا فانوس
وحاسس أن السنه دي بإذن الله هتكون غير كل سنه

فانوس :
طيب يلااا بقى نبدأ هاا

أنا : استنى ... مش تصلى على النبي أولاً

فانوس :
اللهم صلى وسلم وبارك على نبينا محمد وآله وصحبه أجمعين

بسم الله

مشروع الصيام
مشروعنا لهذا العام (150 يوم صيام) :

(1) شهر مضان (30يوم)، وإذا صمت الاثنين والخميس وثلاثة أيام تحصل (110 يوم أو أكثر) في العام.
(2) وعندك صيام في التسع الأول من ذي الحجة.
(3) وصوم يوم تاسوعاء وعاشوراء.
(4) والإكثار في الأشهر الحرم لاسيما المحرم.
(5) وكذلك في شعبان فالمطلوب زيادة (10 أيام)
فيكون المجموع (150 يوم)

** أمَّا صاحب العمل الأرقى فهو من يصوم (180 يوم ) صيام سيدنا داود، يصوم يومًا ويفطر يومًا.
** وتحقيق العلماء أن النبي صلى الله عليه وسلم كان صيامه يبلغ ذلك، لكن لا ينتظم على صيام يوم وإفطار يوم، بل كان يصوم كثيرًا ثم يفطر كثيرًا، فلو أحصيت الأيام التي صامها لبلغت صوم داود أو أكثر.

لسه مشاريعنا مخلصتش
محدش يروح بعيد ... ومتنسوش الاستغفار والصلاه على النبي

[muslema_412]

رد: كلمه من فانوس رمضان قبل الوداع

أنا : أهلا يا فانوس أنا فرحان أوي إنك مبقتش بتتأخر عليه

فانوس : المهم تكون بتنفذ اللي بنتفق عليه

أنا :
ادعيلي يا عم فانوس
بس أنت جيبلي معاك إيه النهارده ؟؟

فانوس : قولي إنت إيه أخبارك مع القرآن ؟؟

أنا : أخباري يعني ! حلوة اللحمد لله

فانوس : يعني تعرف تجويد

أنا : يعني.. نص نص

فانوس : طيب أنت عارف إن خيركم من تعلم القرآن وعلمه

أنا أحرجتنى.

فانوس : خلاص يبقي أول حاجة تعملها بعد ما امشي تشوف مقرأة تدخلها علي
طول، ومتقولش مش لاقي مكان اتعلم فيه ، عندك في المساجد ، عندك في النت ،
واذا لم تجد أسأل واحنا نجاوبك

أنا : حاضر يا فانوس

فانوس : طيب وإيه أخبارك في القراءة ؟؟

أنا : الحمد لله ختمت في رمضان كتير

فانوس : طب ودلوقتي ؟؟ قريت قد إيه من بعد رمضان ؟؟

أنا : :maksoof:

فانوس : طيب أنا حديك جدول وتمشي عليه

أنا : ياااااااااريت

فانوس :
** بالنسبة للقراءة

عدد ختمات رمضان 1 2 أو 3 4-5 6-7 8-10
الورد اليومي الآن جزء جزء ونصف جزئان 3 أجزاء ختمه كل اسبوع

أنا : طيب والحفظ يا فانوس؟؟ احفظ إزاي ؟؟

فانوس : بص يا سيدي

** بالنسبه للحفظ :

عدد الآيات 1 5 15 20 صفحه صفحتان
المده 17سنه و7 شهر 3سنه و6 شهر 1 سنه و 2 شهر 10شهر و16يوم 1 سنه و 8
شهر 10 شهر و 6 ايام

يعني علي ما أقابلك رمضان اللي جاي تكون ختمت إن شاء الله

أنا : ياااااااااااااه يا فانوس ده حلم جميييييييييييييل
أوي

فانوس : والحلم ممكن يبقي حقيقة :) استعن بالله وتوكل عليه
عايز شعارك يكون : فرَّغ ساعة وارتق عشر درجات في الجنة بحفظ عشر آيات فقط

أنا : أنا فرحان أوي يافانوس وحبدأ احفظ إن شاء الله

فانوس :

طيب حوصيك بحاجة كمان

أنا : قول يا فانوس أنا بحب كلامك أوي

فانوس : تحاول تفهم كلام ربنا وتدبر في آياته

وده مشروع تاني

وهو تدبر جزئي عم وتبارك

أنا : وده إزاي يافانوس

فانوس : ممكن تستعين بتفسير من التفاسير دي ياسيدي

زبدة التفاسير للأشقر

وهذا العشر الأخير منه

http://www.tafseer.info/book/oshr5.pdf

أو

مختصر ابن كثير للمباركفوري
أو
أيسر التفاسير للجزائري

http://www.islamport.com/b/1/tfaseer...%ED%20001.html

أو

تفسير السعدي

http://www.al-eman.com/islamLib/viewtoc.asp?BID=321

اتفقنا ؟؟

أنا : إن شاء الله

فانوس : ماتنساش مشاريعنا وخالي الجداول معاك عشان متنساش

انتظروا بقية خطة العام الايماني الجديد

[muslema_412]

رد: كلمه من فانوس رمضان قبل الوداع

فانوس : أهلااااااااااااااا إيه ده إنت جايلي بنفسك

أنا : مقدرتش أستناك تجيلي يافانوس متشوق أعرف بقيت المشاريع

فانوس : إنت عارف إنك كده من السابقون إلي الخيرات

أنا : وأنت عارف إني بحبك أوي يا فانوس

فانوس : طيب وأنت عارف إني حديلك كنز النهارده

]

أنا : كنز : ) وإيه هو ؟؟

فانوس : كنز ذكر الله

عن معاذ بن جبلقال: قال رسول الله: "ألا أخبركم بخير أعمالكم وأزكاها عند مليككم، وأرفعها في درجاتكم، وخير لكم من إنفاق الذهب والفضة، ومن أنتلقوا عدوكم فتضربوا أعناقهم، ويضربوا أعناقكم"قالوا: بلى يا رسول الله. قال :" ذكر الله عز وجل"[رواه أحمد] .

ومش بس كده

]في الصحيحين عن أبي هريرة قال: قال رسول الله " : يقول الله تبارك وتعالى: أنا عند ظن عبدي بي، وأنا معه إذا ذكرني، فإن ذكرني في نفسه ذكرته في نفسي، وإن ذكرني في ملأ ذكرته في ملأ خير منهم "

أنا : يااااااااااااااه ربنا يذكرني

فانوس : شفت بقي الكنز ده

و في حاجة كمان مهمة أوي عَنْ عَبدِ اللهِ بنِ بُسرٍ رَضِيَ اللهُ عَنْهُ أَنَّ رَجُلاً قَالَ : يَا رَسُولَ اللهِ إِنَّ شَرَائِعَ الإِسْلامِ قَدْ كَثُرَتْ عَلَيَّ فَأَخْبِرنِي بِشَيْءٍ أَتَشَبَّثُ بِهِ قَالَ : " لا يَزَالُ لِسَانُكَ رَطْباً مِنْ ذِكْرِ اللهِ " . أخرجه الترمذي واللفظ له وابن ماجه والحاكم وقال صحيح الإسناد وابن حبان في صحيحه

عشان كده عايزين نثبت مع بعض ورد متقلش عنه كل يوم

يعني مينفعش يعدي يوم من غير ماتذكر ربك ، حبيبك

وده مشروع الألف ذكر

100 صلاة علي الرسول عليه الصلاة والسلام

100 الحمد لله

100 الله أكبر

100 سبحان الله

100 سبحان الله وبحمده

100 سبحان الله وبحمده سبحان الله العظيم

100 سبحان الله العظيم وبحمده

100 استغفار

100 لا إله إلا الله

100 سبحان الله والحمد لله ولا إله إلا الله والله أكبر

وعشان محدش يجي بأفضل منك في اليوم ده ( إلا اللي حيزود عليك طبعا )

100 لا إله إلا الله وحده لا شريك له له الملك وله الحمد وهو علي كل شيء قدير

والعدد ده عشان يبقي الحد الأدني ليك عايز تزود أنت وشطارتك )

أنا : بس ده كتيييير يا فانوس

فانوس : جرب كده وشوف حيخدوا منك قد إيه ولو شاطر اعملها في جلسة الشروق وخد أجر الحج والعمرة ، وبعدين في حاجة كبيرة علي حبيبك

أنا : بس كده ولا في حاجة كمان

فانوس : لأ، لسه

مشروع حفظ ذكر كل يومين

وممكن تستعين بكتاب " حصن المسلم "

http://www.al-fr.net/athkar/

وكتاب مختصر النصيحة لمحمد إسماعيل المقدم
http://www.alsalafway.com/cms/books.php?action=books&id=818

واستناني لآخر مرة يا صاحبي

[muslema_412]

رد: كلمه من فانوس رمضان قبل الوداع

أنا: إنت خلاص حتسيبني يا فانوس



فانوس: متهربش من موضعنا يا أستاذ

إيه أخبار اللي اتفقنا عليه

أنا: أحسن من الأول بكتيييير الحمــــــــد للـــــــــــه

بس خايف لما تسبني أضيع

فانوس

: ماتخفش لأني حستودعك الله الذي لا تضيع ودائعه وعشان تتعلم الأنس بالله وحده


أنا: انا بجب ربنا أوي يافنوس

فانوس

: طيب يلا نتعلم إزاي تبذل لحبيبك ما تحب

مشروع الصدقات

قال تعالى : لَن تَنَالُواْ الْبِرَّ حَتَّى تُنفِقُواْ مِمَّا تُحِبُّونَ [آل عمران:92].

وقد ذكر النبي أن من السبعة الذين يظلهم الله في ظله يوم لا ظل إلا ظله: { رجل تصدق بصدقة فأخفاها، حتى لا تعلم شماله ما تنفق يمينه } [في الصحيحين].

كما أن الصدقة تطفىء غضب الله سبحانه وتعالى كما في قوله : { إن صدقة السر تطفىء غضب الرب تبارك وتعالى } [صحيح الترغيب].

أنا : طيب أنا لسه طالب يا فانوس

فانوس : أتصدق باللي تقدر عليه حتي لو 5 قروش

بس تثبت صدقة يومية

وربنا يربيهالك حتي تكون مثل جبل أحد

تصدق بملابسك اللي بتحبها وتبسمك في وجه أخيك صدقة

أنا : 5 قروش بس وربنا يربيهالي ربنا كرييييييييييم أوي

فانوس : وعايز بقي تتخلص من قسوة قلبك ويتحققلك أمنياتك

عن أبي الدرداء رضي الله عنه قال: ( أتى النبي صلى الله عليه وسلم رجل يشكو قسوة قلبه ؟ قال: أتحب أن يلين قلبك وتدرك حاجتك؟ ارحم اليتيم وامسح رأسه وأطعمه من طعامك يلن قلبك وتدرك حاجتك ) رواه الطبراني وقال الألباني حسن لغيره . انظر صحيح الترغيب والترهيب 2/676 .

وده بقي

مشروع كفالة الأيتام

وشوف الرابط ده

http://www.b7r11.com/yteem.swf

وكفاية قول الرسول عليه الصلاة والسلام : ( أنا وكافل اليتيم في الجنة هكذا وأشاربالسبابة والوسطى وفرج بينهما ) رواه البخاري

وكفالة اليتيم مش بس فلوس تعهده بالرعاية والترية

فعايزينك تثبت بقي دار تروح لها علي طول يا أستاذ

لااااااااااااازم يبقالك عمل بر أسبوعي ( زيارة دار أيتام - زيارة مستشفي - زيارة مسنين - قضاء حاجة لأخيك...)

عن أبى هريرة رضى الله عنه قال : قال رسول الله - صلى الله عليه وسلم - : " الساعى على الأرمله و المسكين كالمجاهد فى سبيل الله " رواه مسلم

عايز أشوف بقي السنة اللي جاية بأذن المولي حتقابلني إزاي

حافظت علي الثوابت ولا

صليت كام ركعة نافلة

صمت كام من 130 يوم ولا كنت شطور وزودت

ختمت بفضل الله ولا وصلت لفين

أذكارك حافظت علي الكنز ولا

واتصدقت بإيه وقتك ولا مالك ولا مجهودك ولا كله

وآخر نصيحة خالي بالك إنت يا في زيادة يا في نقصان

فحاسب نفسك قبل أن تحاسب..