&&& يوم فى حياة صائم &&& للشيخ يعقوب / حفظه الله

[*أروى*]

&&& يـــوم فــــــــ حيـاة ـى صــائم &&&





بسم الله والصلاه والسلام على محمد وعلى اله وصحبه وسلم تسليما كثيرا.



كل سنه وانتم لله اقرب ...كل سنه وانتم لله اطوع ...



*** هـــ هوـــا رمضان ***





هل تعرف معنى الاحساس بالعطش؟
عارف الانسان الى عطشان .... انسان نفسه يلاقى كوب ماء ومستمتع انه وجده" احساس العطشان"


* اول شعور بتحسه هو الامتنان . .. الشعور بالامتنان لله انك وصلت رمضان وهتعيش رمضان وتصومه وتقومه وتدرك ليله القدر.


ياما ناس نفسهم يصوموا رمضان ...
ياما ناس طلعلهم تاشيره لعمره رمضان وماتوا وموصلوش !!!


(( نعمه الامتنان ان ربنا بلغك رمضان وصبر عليك للوصول لرمضان )) .





عارفين يعنى ايه رمضان ؟؟؟



* تفتح ابواب الجنه " ثمانيه ابواب " ويوجد بها باب الريان للصائمين.

* تسلسل الشياطين .


منادى ينادى: ياباغى الخير اقبل ... ياباغى الشر اقصر .


ياه ...... رمضان فيه تراويح..... فيه دعوه مستجابه عند الافطار .... فيه ليله القدر ......


انت هتدخل من اى باب ؟؟؟


باب الريان للصائمين....
انت اسمك ايه ؟... انتى اسمك ايه ؟..... هينادوا عليك هتدخل من اى باب ولا هينادوا عليك من ابواب الجنه كلها.



اللهم بلغنا الجنه ....
اللهم انا نسالك الجنه ومايقرب اليها من قول وعمل ونعوذ بك من النار ومايقرب اليها من قول وعمل .


اللهم أمين يارب العالمين





كيــــ نستقبل ـــــف رمضان؟؟؟


نبدأ من أول رؤيــــ الهلال ــــــــــة

&& دعاء رؤية الهلال &&

(( الله اكبر اللهم اهله علينا وبالأمن والايمان والسلامة والاسلام والتوفيق لما تحب ربنا وترضى ربنا وربك الله)) الترمذي


* نقابل ربنا بالامتنان .... اللهم لك الحمد والشكر .

1_ شكر الله انه بلغك رمضان .
2_ تحديد الاهداف .

حدد هدفك.... انت عايز ايه من ربنا فى رمضان .
لما احددالاهداف امر سهل .

_ العتق من النار .
_ مغفره ماتقدم من الذنوب .
_ان تستجاب كل يوم دعوه .
_ادراك ليله القدر ....
....
......
.........

( حدد اهدافك واكتبها تحيدا )
وبعدين بعد ما احدد الاهداف .... هعمل ايه فى الاهداف .


بعد تحديد الاهداف واهم شىء فى تحديد الاهداف والى يساعد على تحقيقها:

1_التركيز فى الهدف.
من تدريبات اللياقه الايمانيه ... ان احنا نتدرب على التركيز.
مثلا : القطه عند مراقبتها الفار لكى تنقض عليه . تركز بسكون شديد " التركيز فى الهدف"

2_ وجود روح الهدف فى جميع الاعمال .

3_ التخلص من كل ماينافى الهدف .

اولا " التركيز فى الهدف "

الانسان اللى مركز أنه يعتق من النار ..... عينيه مركزه على العتق من النار.


(( ونذكر موقف عكاشه عندما تحدث الرسول عن سبعون الف يدخلون الجنه من غير حساب ولا سابقه عذاب..... فاغتنم عكاشه دعوه النبى له ليكون منهم ..... مركز على الهدف . ))

لابد ان تكون مركز جدا لكى تصل الى اهدافك.



ثانيا " وجود روح الهدف فى جميع الاعمال "

اللى عاوز يعتق من النار ... هيسال وهيدور عن آيات تذكر أو تتكلم عن العتق من النار
ويسأل عن أحاديث تحدثت عن العتق من النار فى غير رمضان.

..... هيبــــدأ التركيز .....

صاحب الهدف اى عمل عليه تكت
(( العتق من النار ))





ثالثا " التخلص من كل ماينافى الهدف .


اذا كان الهدف الجنه .ممكن اضحى باى حاجه تانيه مقابل الجنه .


الاخلاص

اللهم ارزقنا الاخلاص واجعلنا من اهله .
عاوزين قبل رمضان نركز فى ايجاد الاخلاص .
اللهم اجعل عملنا كله صالحا واجعله لوجهك خالصا
اللهم يا ارحم الراحمين ياذا الجلال والاكرام ياحى ياقيوم اللهم اجعلنا اول عتقاءك من النار
اللهم اجعلنا اول المرحومين
اللهم اجعلنا اول من غفرت له ذنوبه
اللهم اجعلنا اول من ادرك دعوه مستجابه فى رمضان
اللهم ادخل علينا رمضان بالرحمات
اللهم ادخل علينا رمضان بالسرور

اللهم أمين يارب العالمين

من غير رمضان الناس تايهه........ فى رمضان الناس طيبه وهادئه ومطمئنه .
أبواب النار مقفله
أبواب الجنه مفتحه



عاوزين وقفــــ قبل ـــــة رمضان ........


* مع الى مش محجبه وهتصوم رمضان .... يالا البسى الحجاب بمناسبه أول يوم من رمضان .

(( أول يوم حجاب وصيام = عتق من النار ... من أول يوم )) .

* ( بنقول للناس اللى مبتصليش ... ابدأ صلى وقرب من ربنا )

* ( بنقول للناس اللى بتدخن ... انت بتدخن ليه . بطل دى فرصه )

* ( بنقول للناس المدمنين تليفزيون بطلوا كليبات وافلام ومسرحيات ....

خلاص بقى ..
متعبتش معاصى !
مزهقتش معاصى !
مزهقتش من المناظر دى !

عشان ينجيك ويعتق رقبتك من الجنه
عاوزين رمضان يكون ليه فرحه فى قلبك


وكمان للمحجبات ..... ظبطوا حجابكم.... مينفعش كده

نتحجـــ صح ــــــــب

لابد ان يكون الحجاب لايشف ولايصف والا يكون زينه فى نفسه وتخرج غير متطيبه او متزينه والا يشبه لباس الرجال والا يكون لباس شهره .....




اقفوا مع نفسكم وحددوا انتم عاوزين ايه ....................!

التدرج فــــ النوافل ــــــــــى

لاينفع تدرج فى ترك الحرام .... ترك الحرام واجب فورا

لكن .....

التدرج مثلا فى قراه القران ..... قيام ليل
عشان نتخلص من معاصينا ونبدا نتظبط لابد من الاخلاص .

احنا ذكرنا اننا اخذنا الفرصه بنعمه الامهال واستقبال رمضان وبعدين تحديد اهدافنا ثم الاخلاص ويليه .......
علو الهمه .

الطلبه قبل الامتحان ممكن مينمش خالص قبل امتحانه ..... هذا علو همه فى الدنيا


شهر رمضــــــان....




ايه رايك لو خففنا موضوع النوم والاكل .....
خففنا موضوع الانشغال والحركه والكلام ...

فضينا نفسنا لله ..... لطلب الهمه
عاوزين فى رمضان علو الهمه ...


فيه ناس مبتنمش للباطل !!!!!!!

الجنه متستهالش !!!!



اظهار الافتقار لاعانه وتوفيق العزيز الغفار

قبل دخله رمضان بلالالالالالالالالالاش المنظره ..... الفتونه

ادخل رمضان وانت بتقول يارب .... انا هنفع عبد من عبيدك ولا منفعش !!!!

يارب انا قريب هتعتق رقبتى من النار ... ولا ستظل فى الرق !!!!!
يارب انا بقرب صح ولا ببعد !!!!!

الافتقار ده والذل والخضوع والقاء حمولك على ربنا طالب رحمته ..... اكيد بيستجيب لك ويقبلك .

بلالالالالالالالا ش الا عجاب والغرور
انت محتاج توفيق الله سبحانه وتعالى .


" اجمع العلماء ان الخذلان ان يتركك الله تعالى ويوكلك الى نفسك "

التوفيق ان ياخذ الله بيدك .
اذا ارادك لأمر هيئك له .
اطلب منه وتذلل اليه ان ياخذ بيدك ويعينك .


يارب خذ بيدى واعنى
يارب دبرنى فانى لااحسن التدبير
يارب خذ بيدى فانى لااحسن السير

اللهم أمين يارب العالمين






والأن

........................
..............
........
....







&&& خطـــ اليوم ـــــــة الرمضانى &&&



كيف تعيش يوما فى






*** اليوم يبدأ من صلاه الصبح ***


1_ التبكير الى صلاه الصبح .

خطط وانوى انك تبكر الى المسجد فى جميع الصلوات

من فوائد التبكير :

* ترديد الاذان والدعاء بعده .

*ادراك تكبيره الاحرام .... اذا صليت 40 يوم تدرك تكبيره الاحرام تاخذ براءتان :

(( براءه من النفاق وبراءه من النار ))

* ادراك الصف الاول .


والنساء بتسأل واحنا نعمل ايه ؟؟؟؟

وانت قدامك الفرصه دى وسيبها وبتضيعها!!!

* التبكير الى المسجد دليل على ان القلب معلق بالمسجد .

*التبكير الى الصلاه رباط .

* المبكر الى الصلاه فى المسجد يقرا قران .

* المبكر الى المسجد هيدخل بسكينه ووقار .

*الدعاء بين الاذان والاقامه لايرد .

* تصلى سنه الصبح .


&& وقفه هامة &&

( نهى رسول الله صلى الله عليه وسلم ان يصلى الرجل بعد اذان الفجر غير ركعتين )

* قراءه القرأن فى الفجر مشهوده ( قران الفجر مشهود ) .

* بعد صلاه الصبح تقول ( لااله الا الله وحده لاشريك له له الملك وله الحمد يحيي ويميت وهو على كل شىء قدير 10 مرات ) .

* تقول اذكار بعد الصلاه واذكار الصباح .




ولاتنس الكلمات الخمس التى هى وصايا مهمة لابد منها :

الكلمـــات الخمس .........

1_ المشارطه
2_ المراقبه
3_ المجاهده
4_ المحاسبه
5_ المعاقبه

كل يوم الصبح قبل ما تخرج من المسجد تقعد مع نفسك بعد الصلاه ... وتقول لنفسك هنفضل لامته كده !

كان على بن ابى طالب يمسك لحيته بيده ويقول
( يادنيا غرى غيرى ) .


اقعد مع نفسك وقول وبعدين يانفسى سنين طويله وانتى تعبانى .
يارب غير ليه نفسى واجعلها نفس مطمئنه .


وتاخد قرار وتقول لنفسك شوفى يانفسى .... هى حاجه من الاتنين

ياندخل الجنه ..... ياندخل الجنه


النفس لعوب

النفس تقول عايز ايه .... تتوب ماشى توب
النفس بتلاعبك متصدقهاش .





(1) المشارطه .....

قول لنفسك انا هديكى راس المال .....
هديكى 11 ساعه
الادوات ....
العينين والاذنين والقلب واللسان .. الجوارح كلها .

نفسك تقلك ربنا يسهل .... اتكلم مع نفسك وقلها يالجنه يابلاش
انت اديت لنفسك راس المال من الوقت والجوارح .... شرط اخر النهار تديك الجنه
تقلها ينفع يانفس .... اتفقنا

لو سبت نفسك هتوديك جهنم

(2) وبعد كده المراقبه .........

راقب نفسك .....
راقب عينيك .... بتروح لمنظر ...
لسانك.... بينطق بكلمه تقوله اتفقنا على ايه .


(( اذا صمت فليصم سمعك وبصرك ولسانك ولاتجعل يوم صيامك كيوم فطرك ))


شعبان حاجه ورمضان حاجه تانيه
المراقبه ... بتراقب ودانك.... اراقب ودانى لما تسمع شىء ... مراقب لسانه .... عينيه ... رجليه .... قلبه ... كل جوارحه .




(3) المجاهده ...........

جاهد ان نفسك متغلطش .




(4) المحاسبه ...........

حاسب نفسك على الصغيره والكبيره اول باول .




(5) المعاقبه ............


عاقب نفسك ..... اذا قصرت فى شىء عاقب نفسك ثم المعاهده ان تعود من اليوم الاخر.






خلصنا صلاه الفجر وجلسنا الى الشروق وقرءنا جزءين قران وبعد الشروق تصلى الضحى ( غايه فى الاهميه ) .


صــــــــلاة الضحى

هى بتكون 2 او4 او 6 او 8

فى حديث عن الرسول صلى الله عليه وسلم ( من صلى الضحى اربع و قبل الاولى اربع بنى الله له بيت فى الجنة ) .

يبقى إن شاء الله الضحى 4

و صلاة الضحى طبعا عشان نذكى عن ال 360 مفصل اللى فى جسمنا .. ما ننساش النية دى



الوقت بعد الفجر هو بركه اليوم


قالت ام المؤمنين عائشه : ( عجبت لمن ينام بعد صلاه الصبح . كيف يرزق ) .


الرزق ليس مال فقط

الرزق .... زواج ... طاعات ... اخلاص .... صبر ...
( ماعند الله لاينال الا بطاعه الله )





ثم تخرج من المسجد

اوعى تنسى انك صـــــايم !!!!! متنساش انك صــــايم

طول الوقت تقول انا صايم .. انا صايم .. انا صايم
طلع مصحفك وابدا القراه .. خلصت شغلك وراجع البيت ....
القران شغال ... الاستغفار .... الباقيات الصالحات .... الكلمتان الخفيفتان
طول الوقت شغال فى الذكر
الى ماقبل المغرب

اوعى تنام الوقت الى قبل المغرب بساعه
( افضل الاوقات هو الساعه الاخيره )


تقعد وتمسك مصحفك.... الانكسار والذل الى انت فيه وعدم مقدرتك على الكلام .... هو ده الى يوصلك
قاعد قبل المغرب .... اهم وقت ... ذل واستغفار ودعاء.....




&& ملحوظه &&


*** بالنسبه للنساء الى فى المطبخ احتسبى الوقت الى بتقضيه فى المطبخ واحتسبى ان الاكل الى بتعمليه لعائلتك يعينهم على طاعه الله والوقوف بين يديه وحاولوا تقللوا الوقت فى المطبخ .

اشغلى نفسك

*** ذكر الله
*** سمعى اللى حفظاه من القرأن .
*** اسمعى شريط درس علم ( و ياااااااريت يكون فقه عشان نسقط الفريضة ) .
*** اسمعى قرآن .


**وبالنسبـــ للطلبة ـــــــــــة &&

احتسب الوقت الذى ستقضيه فى الدراسة .
( من سلك طريق يلتمس فيه علما سهل الله له طريقا الى الجنة ) .




هات اجنده واكتب فيها
من 1 __ 30 رمضان
هتطلب ايه كل يوم
النهارده بتاع ايه

العتق من النار كل يوم
مغفره الذنوب كل يوم
حسن الخاتمه كل يوم
الجنه بغير حساب ولا سابقه عذاب كل يوم

مثلا : النهارده التوبه ..... تقويه القلب .... تحبيب الايمان ....


نحدد دعوه محدده
قبل المغرب تركز جدا






تخرج قبل صلاه المغرب ب3 او 4 دقايق وتاخد معاك تمر وتعطى للناس لتاخد اجر افطار صائم .


تعرف انك تصوم 60 يوم ..... انك تفطر صائم
( هوايه التأمين على العبادات )


انا رايح اصلى اخد واحد معايا يبقى الراجل ده فى ميزان حسناتك
افطر واحد ليه مثل اجره .
احرص انك تصوم رمضان مضاعف .



احب الاعمال الى الله تعجيل الفطر وتاخير السحور ....



عند الاذان افطر .


صلى المغرب فى المسجد .... اوعى تاكل قبل ما تصلى المغرب


عند الاكل اول ماتفطر (( ذهب الظمأ وابتلتِ العروق وثبت الأجرُ إن شاء الله
الحمد لله الذى اعاننى فصمت ورزقنى فافطرت))

وتأكل ولكن لاتملء بطنك
( ما ملاء ابن ادم وعاء شر من بطنه .....)

بعد الاكل اشكر ربنا .....

ثم حلقه قران " اذا كان فيه وقت "





ثم الانطلاق لصلاه العشاء والتراويح ..... عجل للخروج للمسجد لتقف فى الصف الاول


(( ان الله وملائكته يصلون على من يقف فى الصف الاول )) .

تخير المكان الذى يوجد به السكينه وتشعر ان فيه رحمات تنزل
شوف الامام الى بتظن انه يخشى الله
المسجد الى بتظن ان به سكينه
شوف المكان الى بتحس انك خاشع بتحس فيه بالسكينه

قال رسول الله صلى الله عليه وسلم ( ان العبد اذا قام يصلى اوتى بذنوبه كلها فوضعت على راسه وعاتقيه فكلما ركع وسجد سقطت عنه ذنوبه ) .


المراد انه كلما اتم ركنا سقط ركنا من الذنوب .

صليت التراويح وخلصت روح على طول
( خذ لأولادك هديه بسيطه )

ايه رايكـــــــم نريح التليـــــــــــــفون فـــ رمضان ــــــى ؟

طبعا ماعدا اصحاب الاشغال
مفيش تليفونات خالص فى رمضان
اقفل التليفزيون شويه






&& القـــــــــــــــــرأن &&

( جزءين الصبح . جزء بالنهار . جزء قبل المغرب . جزء قبل النوم )







^^^ لسه التهـــــــــــــــجد ^^^

{ وَمِنَ اللَّيْلِ فَتَهَجَّدْ بِهِ نَافِلَةً لَّكَ عَسَى أَن يَبْعَثَكَ رَبُّكَ مَقَاماً مَّحْمُوداً }الإسراء79


* فيه بعد الوتر ركعتين سنه الوتر .... كان رسول الله صلى الله عليه وسلم يصلى ركعتين سنه الوتر .



&& نوايـــــ قيــــام ـــــــــا الليل &&

1) امتثالا لما امرنا باه الله سبحانه و تعالى .
2) لانها سنة عن النى صلى الله عيله وسلم .
3) شرف المؤمن قيام الليل .
4) دأب الصالحين .
5) قرب الى الله جل و على لانه يتنزل الى السماء الدنيا فى هذ الوقت من الليل .
6) منهاه عن الإثم .
7) تكفير للسيئات .
8) مطردة للداء عن الجسد .
9) لان فى الليل ساعة لا يوافقها عبد مسلم يسأل الله عز وجل من خير الدينا و الآخرة الا اعطاه الله اياه .
10) من قام رمضان ايمانا و احتسابا غفر له ما تقدم من ذنبه .
11) لنكتب عن الله من الذاكرين الله كثيرا و الذاكرات .

تنام ساعتين ثم تصلى ركعتين تهجد وتقوم للسحور
( ان الله وملائكته يصلون على المتسحرين )



&& لاتنســـــــ قبل النوم ـــــــــــى &&


* النوم على وضوء

* اذكار النوم

* قبل النوم قول

( سبحان الله 33 مرة , الحمد لله 33 , الله اكبر 34) .
دل الرسول صلى الله عليه وسلم السيدة فاطمة و على رضى الله عنهما على ذلك ليعينهما على المشقة و اعباء المنزل .



* نستغفر الله قبل الفجر بحوالى نص ساعة
( و المستغفرين بالاسحار )

* تتسحر قبل اذان الفجر بنصف ساعه متضيعش بركه البيت وبركه اليوم ( السحور )

بعد السحور الذهاب الى صلاه الفجر .





&&& نصائــــــــــح &&&



* نقطة هامة : يجب أن تُبيت النية بالصيام بالليل كل يوم .


* حافظ على اذكار الصباح والمساء .

واذكار الدخول والخروج من المنزل.
واذكار الدخول والخروج من المسجد .
ودعاء الركوب .
ودعاء الدخول والخروج من الخلاء.
ودعاء قبل الاكل وبعد الاكل .
والذكر بعد الوضوء
( من توضأ فاحسن الوضوء فقال اشهد ان لا اله الا الله وحده لا شريك له و اشهد ان محمدا عبده ورسوله, اللهم اجعلنى من التوابين و اجعلنى من المتطهرين, الا فتحت له ابواب الجنة الثمانية يدخل من ايها شاء ).


* لاتنسوا : اذا سمعتم المؤذن فقولوا مثلما يقول ثم صلوا على فإنه من صلى على صلاة صلى الله عليه بها عشرة ثم اسألوا لى الوسيلة فإنها منزله فى الجنة لا تنبغى الا لعبد من عباد الله و ارجو ان اكون انا هو فمن سأل لى الوسيله حلت له الشفاعة .


* المحافظة على السنن الرواتب .
المفروض 2 قبل الصبح
4 قبل الظهر و 2 بعد الظهر
مفيش سنة للعصر
2 بعد المغرب
2 بعد العشا

لكن احنا هتصلى فى الظهر 4 قبل و 4 بعده
لانه صلى الله عليه وسلم قال : ( من حافظ على اربع ركعات قبل الظهر و اربعا بعدها حرم جسدة على النار )
و كمان هنصلى4 ركعات قبل العصر
لان النبى صلى الله عليه وسلم دعا بالرحمة للى يصليهم .

* قلل من الكلام واكثر من ذكر الله .
* قلل من الطعام واكثر من الصدقه .

* قلل من المواعيد واكثر من المكث فى بيتك واكرام اهلك.
* قلل الخروج من المنزل واكثر المكث فى المسجد .
* الصوم جنه فاذا كان يوم احدكم حفظ السان من الغيبه والنميمه .
* المحافظه على السواك .
* اطعام المساكين .
* عايزين بر والدين .
( و نخلى بالنا ان عقوق الوالدين بتحبط الاعمال )
* صله رحم .

(( خلى بالك من الاخلاص .... تجديد النيه وتحقيقها اكثر من مره )) .

* المحافظه على الذكر .

* عدم مشاهده التلفاز .
* الكف عن المعاصى .
* صيام القلب عن التفكير فى غير الطاعات .
* صيام القلب عن الخواطر الرديئة .
* الزم سنة النبى صلى الله عليه وسلم .
* احرص على الإقلال من الضحك مهما أمكنك .
* عود أطفالك على الصيام والصلاة والقيام .
* اياك وشياطين الإنس .
* احرص على أبواب المغفرة .
* الأمر بالمعروف والنهى عن المنكر .
* الدعاء بظهر الغيب لجميع المسلمين .




اسال الله العظيم ان يتقبل منا ومنكم صيامنا وقيامنا وصدقتنا وزكاتنا ويجعلنا من عتقاءه من النار
وان يبارك لنا فى رمضان ويبلغنا ليله القدر








( المقالة من حلقة فضفضة للشيخ يعقوب , بالإضافة لشريط الشيخ محمود المصرى يوم فى حياة صائمة )

[الراجيه عفو ربها]

رد: &&& يوم فى حياة صائم &&& للشيخ يعقوب / حفظه الله

جزاك الله خيرا

[طريق الايمان]

رد: &&& يوم فى حياة صائم &&& للشيخ يعقوب / حفظه الله

اسمعى شريط درس علم( و ياااااااريت يكون فقه عشان نسقط الفريضة )

جزاك الله خيرا وبارك ربى فيك
ما معنى هذه العباره بارك الله فيك