في انتظار أعظم ليلة في رمضان

[يسرإسلام]

بسم الله و الحمد لله و الصلاة و السلام على رسول الله

انتصف شهر رمضان و فيه ناس بدأت تحس إن الشحنة اللي بدأت بيها الشهر بدأت تضعف و العبادة اصبحت روتين و فيه ناس تانية حاسة بالفتور و فقدت لذة الطاعة ...و ده شعور خطيييييييييييييييير جدا لأانو لو اتمكن من قلبك ممكن يخليك تتراجع في الطاعة ..
و هنا تظهر حكمة ربنا في ان اعظم ليلة في الشهر كلو تجي في العشر الأواخر..
الجايزة الكبيرة : ليلة القدر

انت عارف يعني إيه ليلة القدر
قال تعالى :" ليلة القدر خير من ألف شهر " عبادة ليلة تعدل عبادة الف شهر يعني ما يعادل 83 سنة ....يا خبر يعني اكتر من معدل عمر الانسان....ياااااااااااااااااااااااااه ده ربنا كريم و ودود و معطي و وهاب سبحانه و تعالى

مش بس كده ...ده فيه جائزة تانية ...قال رسول الله صلى الله عليه و سلم :" من قام ليلة القدر إيمانا و احتسابا غُقر له ما تقدم من ذنبه " يا كرمك يا رب يعني بعبادة ليلة واحدة تغفر لي بلاوي السنين اللي عدت كلها ..

مستني إيه بعد ده كلو . يلا صحصح و اشحن تاني ..لسه الفرصة قدامنا ما دمنا في الحياة ..شمروا و احتسبوا و أخلصوا النوايا و احسنوا الظن بالله تعالى و استعينوا بالله

اللهم بلغنا ليلة القدر و اكتبنا ممن يقومها إيمانا و احتسابا على الوجه الذي يرضيك عنا

في أمان الله