Tweet
السلام عليكم ورحمة الله وبركاته
http://www.youtube.com/watch?v=B_ReHKafhkY
وصايا لاستقبال رمضان والعتق من النيران "جمعية رمضان"
للشيخ محمد حسين يعقوب
أصل الموضوع
https://forums.way2allah.com/showthread.php?t=290842
1-تفـــــــــــــــــائل :-
أسس فى قلبك إرادة الله خير لك .
"مَا يَفْعَلُ اللَّهُ بِعَذَابِكُمْ إِنْ شَكَرْتُمْ وَآَمَنْتُمْ وَكَانَ اللَّهُ شَاكِراً عَلِيماً"
"147"
أسس فى قلبك إن الله يريد لك الخير .
يا باغى الخير أقبل
يا باغى الشر أقصر
يا باغى الخير أقبل ..
الرحمة مقبلة عليك ..
الشياطين مسلسلة عنك
الجنة مفتوحة أبوابها لك
اظهر رغبتك فى الخير
أحسن ظنك بالله
"من يرد الخير << يوفق له "
تفــــــــــــــائل :-
دعك من نغمة أصل أنا مش قادر
أترك طريقة أصل أنا مش عارف مالى اليومين دول
دعـــــــــك من هذا وأقبل
2-أعمل جمعية " جمعية القلب إلى الله "
لا تفرق شمل قلبك
لا ينفرط عقدك فى رمضان
نلخصها فى جملة واحدة
"أنا هعيش على مراد الله منى"
إيه رأيك ياللى بتقول أنك مش قادر
وإنك مش عارف مالك
وإنك مش عارف تتعبد فى رمضان وبتقول حاسس إنك كسلان وإنك أما تقرأ قرءان تسرح أو تنام
وإنك الذنوب بتوقعك كل شوية
اقتراح
إيه رأيك
لو تستضيف شيخ محمد حسين يعقوب عندك فى البيت
اه استضفنى عندك
هو ينفع يا شيخ
اه ينفع بس انت استضيفنى عندك فى شهر رمضان كله
إيه رأيك
مش أحنّ هنتحمس ونعين بعض ونشجع بعض على الطاعات
ونروح التراويح سوا ونقرأ قرءان سوا
طيب ايه رايك
تستضيف حد أحسن منى حد ما فيش بينى وبينه مقارنة أصلا
ايه رايك
تستضيف سيدنا النبى عليه الصلاة والسلام طوال شهر رمضان فى بيتك
إنك تتصور إن النبى صلى الله عليه وسلم عايش معاك
فى الـ 30 يوم الى جايين دوووول
إنك تتصور إن النبى صلى الله عليه وسلم :-
♥ أما يسمع الآذان ياترى هيصلى فى البيت
ولا هتقوم تتوضأ وتصلى معاه فى المسجد
♥ أما النبى عليه الصلاة والسلام يفطر إنت عارفه إنه صلى الله عليه وسلم لا يحب الإسراف وبيحب البساطة
فبعد الأكل فى عشر دقايق هتعمل ايه
هتشغل أى فزروة ..؟
هتسمع النبى أى مسلسل ..؟
هتابع أى برنامج .,..؟
ولا هتقوم ماسك مصحف وتفضل تسأل النبى صلى الله عليه وسلم على حاجات او تقرأ قرءان
♥ ياترى هتصلى التراويح مع شيخ بيطير فى القراءة
ولا هتروح مع النبى صلى الله عليه وسلم
فى مسجد كويس وشيخ بيقرأ جزء
ومسجد لا يوجد به نساء ولا أطفال ولا الهيصة دى
♥♥♥♥♥♥♥♥♥
إيه رأيك
لو النبى عاش معاك وجدانيا الشهر دا
هترجع بعد التراويح
هتسمع مسرحية ولا فيلم
ولا هتشغل ايه
يا ترى الصور اللى معلقة فى بيتكم هتخليها والنبى هيشوفها صلى الله عليه وسلم
يا ترى مراتك وولادك
أكيد فى حاجات كتير هتتصلح لو عشت وجدانيا إنه ربنا مراقب بيتك ورقيب عليك
ومراقب أعمالك فى رمضان
أعمل جمعية
أجمع قلبك على الله
وسع لقلبك مكان لرضا ربنا عليك فى رمضان
3-توكل على الله وحده:-
يقول الشيخ محمد حسين يعقوب
تعلمت فى حياتى على مدار السنين اللى فاتت
إن الناس يخذلون من توكل عليهم
فلا تتوكل إلا على الله
تأديب الله لعبده ,, عندما يخذله الناس
تربية الله لخلقه
لا تتوكل إلا على الله
كتير جدا إنك تتعمد على شيخ هتصلى وراه التراويح فتبص تلاقى الليلة ضاعت
متعلقش قلبك بحد
روح هنا روح هناك
ابحث عن مكان يصلى على السنة
تلاقى فيها فرصه
إنك تدعى وتناجى ربنا
توكل على الله وحده
لا تربط قلبك بحد
متقوليش اصله باخد معايا مراتى وبنروح نصلى فى المسجد دا
خليها فى بيتها صلاتها فى بيتها أفضل
مش لازم تاخدها
متقوليش اصل العيال ولازم نروح نصلى
متقوليش الشيخ هيزعل
رمضان فرصة لا تعوض
إنت ممكن لا تدرك رمضان القادم
وأوع تفتكر إنك لو أدركت رمضان القادم
وخسرت رمضان اللى فات
يبقى انت كدا كويس
لا طبعا برضه خسران
وهتتحاسب عليه
كل رمضان له حساب لوحده
4-عوض بقلبك ما فاتك بجوارحك
النية تسبق العمل
وإذا اردت الهداية فاستقم كما أمرت
حب الله – اليقين – قوة الرجاء
5- "وَلَا تَطْغَوْا"
أى لا تتجاوزوا الحد
" وَلا تَرْكَنُوا"
لا تفرطوا
6- قدم لنفسك بين يدي كل عبادة
أعط للاستحضار وقته
اعط للإحسان وقته
اسوأ شئ فى زماننا
أننا نزعم دائما
"مافيش وقت"
الوقت ضيق
إنها دعوة كاذبة تضيع روح الأعمال
قال تعالى
" وَاذْكُرِ اسْمَ رَبِّكَ وَتَبَتَّلْ إِلَيْهِ تَبْتِيلاً (8)"
"تبتل" ,, انقطع إليه انقطاعا
افضى لربك شوية
فضى نفسك لربنا شوية
انتهى
بلغنا الله وإياكم رمضان
وأعاننا فيه على الصيام والقيام وقراءة القرءان
سبحانك اللهم وبحمدك
أشهد أن لا إله إلا أنت استغفرك وأتوب إليك
تعليق