شريط ذكرياتي في المنتدى

[أبوالمعالـي]

رد: شريط ذكرياتي في المنتدى

اتكلم اقول ايه بس
انا زهقت

انا اتكلمت مع خلق الله كلهم

ومع ربنا كتيييييييييييييييييييييييييييييييييييييييييييييييي ير

ومفيش فايدة

انا يا سيدى الفاضل لعبة فى ايدين اى حد

انا لا عاوز دنيا ولا عاوز احد حاجة

...

للأسف أنت اللآن لعبة في يد الشيطان
سواء قبلت كلامي أم لا
أنت عارف بأن هذه هي الحقيقة
إكبح جماح نفسك بالله عليك
يا رجل ارحم نفسك

[أبوالمعالـي]

رد: شريط ذكرياتي في المنتدى

هقعد اتكلم وارغى واعيد واتنيل على عين اهلى
خلاص انا بقالى اكتر من 4 شهور بعانى معاناة وسخة

طيب يا أخي
إحكيلي من البداية في إيه؟؟
منذ 4 شهور ما الذي حصل
أنا وأنت بنرغي وبنتكلم
نتكلم في حاجة تفيدك وتفيدني
رحمة ربنا واسعة سواء إعترفت بهذا أم لا...
وأنت تعرف لكن شيطانك بيتكلم نيابة عنك
أخرس شيطانك..تكلم أنت الإنسان...

[أبوالمعالـي]

رد: شريط ذكرياتي في المنتدى

هعمل ايه بالميل

هتسمع كلام هيخليك متعكنن ، مش هقول ليك كلام وحش

بس انا تقريبا فى عداد الكفار

يعنى انا انسان هالك بلا محالة

ومش بفكر انى اغير حاجة

انا جربت وفشلت فشل ذريع

ومش مستعد بعد ما كرهته انى اطيعه تانى

هعمل ايه يوم القيامة
هقوله انت اللى مالك الملك ، لو انا امتلكت الملك كنت فنيت نفسى
ومش هشوفه تانى ولا هشوف اى حاجة
ولا عاوز نعمته ولا دنيته ولا جنته

..

أستغفر الله العظيم وأتوب إليه
عارف أنا بستغفر ليه؟؟
لأنني أخاف الله
إصحى يا مسكين
أنت فقدت عقلك يا ابني ولا ايه؟؟

[أبوالمعالـي]

رد: شريط ذكرياتي في المنتدى

يا عم فكك
هو من زمان وبيلعب بيا
وربنا قاعد يتفرج
وكله بيتفرج

يعني كأن الدنيا لم يبتلى فيها حد غيرك؟؟!!
ربنا ابتلى الكثير من عباده بمصائب كبيرة
لكنهم صبروا لأنهم عارفين بأنه رحمن رحيم
ولم يقنتوا من رحمتة عز وجل..
إذا كنت أنا الإنسان الضعيف
لسة عندي أمل وبدعي ربنا يفك عنك ضيقتك
ويفرج همك وينور قلبك..
الله أرحم مني ومنك بنفسك
لكن أشتمني يا ابني ولا تشتم الله
اتق الله.....فاهمني؟؟؟

[أبوالمعالـي]

رد: شريط ذكرياتي في المنتدى

القصة عندى مش انى اخاف ولا ما اخافشى

القصة عندى انى صبرى نفذ

شبهات ، شهوات ، غم ، هم ، مصايب ، ضيق حال

وكل ده وانا فى طريقه

طيب لازمتها ايه بقى

هو فرحان يعنى بحالى

الدنيا كدا تمام ... يعنى انا بن ستين كلب ما تساهلشى حاجة حلوة منه

والله كلامك هذا جميل
ما عدا حاجة وحدة وهي أنت مش ابن ستين كلب
أنت ابن ناس كويسين..
جرب إبكي اللآن أذرف دموعك
إضغط على نفسك
حاول أن تستعيذ بالله من الشيطان الرجيم
بالله عليك يا صاحبي يا ابني
والله إقشعر بدني من كلامك

شبهات ، شهوات ، غم ، هم ، مصايب ، ضيق حال

وكل ده وانا فى طريقه

ربك يبتليك كما ابتلى الأنبياء والرسل
ربنا يختارك فلماذا تسخط وتنقم من الله!!!
عدوك هو الشيطان
فاتخذه عدوا...
أنا مش مصدقك أنت انسان رائع
وعايش صراع مع نفسك
أغلب نفسك الأمارة بالسوء
أغلب شيطانك
ربنا رحيم بيك يا ابني
أنت عارف أن رحمة ربنا واسعة
لا تقنط بالله عليك

[أبوالمعالـي]

رد: شريط ذكرياتي في المنتدى

الساعي للخير بانتظارك

[أبو الدحداح السلفي]

رد: شريط ذكرياتي في المنتدى

طبعا المفروض في رسالة خاصة بيني وبين أبو المعالي أنا برسلها وهو مش بيرد عليها
(مش تعظموا حرمات الله)
هدخل الفجر مخصوص عشان أبو المعالي طبعا لو الشبكة مقطعتش عندي :(

[أبوالمعالـي]

رد: شريط ذكرياتي في المنتدى

طبعا المفروض في رسالة خاصة بيني وبين أبو المعالي أنا برسلها وهو مش بيرد عليها
(مش تعظموا حرمات الله)
هدخل الفجر مخصوص عشان أبو المعالي طبعا لو الشبكة مقطعتش عندي :(

هل هذه ذكريات يوم أمس؟؟
صدقاً مش عارف ايه حكاية الرسائل الخاصة
رسالتك وصلتني ورديت عليها والله..!!
بارك الله فيك

[أبو سعيد الأزهرى]

رد: شريط ذكرياتي في المنتدى

السلام عليكم ورحمة الله وبركاته
ممكن أشارك فى الموضوع
وأعتذر لأخى وحبيب قلبى
(لدين الله)
حقيقة أخى لو أعلم أنك تحتاج لأحد ليتكلم معك وليساعدك
أقسم بالله غير حانث إن شاء الله
أترك المنتدى وكل شئ علشان حضرتك
حبيب قلبى
أكبر دليل على إن ربنا حابب هدايتك
إن لسه وازع الدين بداخلك
إن ربنا سلط عليك الهموم والأحزان
لأن الله عزوجل
لما يرى إن أحد عباده بعد عنه بيرده
ازاى
بيسلط عليه الهموم والأحزان فعبده وحبيبه يرجع ليه
أخى
إن كان لا يوجد مبتلى على وجه الأرض مثلك
إن كان لا يوجد على وجه الأرض شخص
عنده مصايب ومشاكل مثلك
فهل فكرت يوماً أن لديك عينين تنظر بهما إلى الشاشة الآن
هل فكرت يوماً أن لديك يدان تكتب بهما الآن
وفى ناس محرومه ونفسها فى النعم دى
كان فى شخص بيعمل فى مستشفى فصاحب المستشفى قال له إن فى شخص مهم
هيجى بعد فترة دوامك لازم تنتظره
وبالفعل إنتظره ولما جاء نظر صحبنا للسيارة
اللموزين السيارة الطويلة دى
ونظر لسيارته وقال أدى العربيات ولا بلاش مش الخرده اللى أنا ركبها
نزل السواق وشاف اللبس اللى كان مرتديه السواق
وصعب عليه حاله
وكانت الصاعقه لما نزل صاحب السيارة والليلة كلها
إذ به رجل يجلس على كرسى مبتور أحد القدمين
ولما إستقبلهم صاحب السيارة قال لصحبنا
فين غرفة التخدير علشان معاد التنويم جاء
راح سأله ليه حضرتك
قاله علشان هيقطعوا الرجل التانية ولازم أتخدر من دلوقتى وأنفجر فى البكاء
صحبنا أخفى وجه وبكى لأنه علم أنه جحد نعم ربنا عليه ولم يشكره
عارف أنك عندك حاجات فى ناس تتمنى تبيع كل اللى وراها واللى قدمها
علشانها
أخى أن مش بوبخك ولكن بنتفكر أنا وإنت
وعايزك كده تبحث عن إبتلاء سيدنا داوود
وقارنه ببتلاءك أدخل قسم سرك فى بير
وشوف الناس أحوالهم أزاى
حقيقة القسم ده أنا بتعلم منه كتير
أما بقى الشهوات والشبهات مين قال إنك وحدك فيها
ومين قال إنها مشكلة
الرسول بيقول لى وليك
إن الناس جميعاً مش معصومين إلا الأنبياء طبعاً
عن أنس بن مالك - رضي الله عنه - قال : قال رسول الله - صلى الله عليه وآله وسلم - : " كل بني آدم خطاء وخير الخطائين التوابون " .
شوفت حبيب قلبى الحل
مش إنك تستسلم إنك ترجع
وعلشان تعرف اللى أنت فيه من محن وإبتلاءات
شئ محمود
إقرأ ما قاله أحد السلف لما سأل عن المحن
"قيل لبعض السلف: ألم تصدك المحن عن الطريق؟ قال: والله لولا المحن لشككت في الطريق"
وخلى بالك المحن يعنى مصايب وإبتلاءات وشهوات وشبهات وكل اللى يختر فى بالك
حبيبى وأخى
الموضوع مش إنك بعدت عن ربنا وهو مش عايزك لأنه لو مكنش عايزك مكنتش دخلت هنا تانى
مكنتش فكرت باللى بيدور فى داخلك
لأنك سعتها هتكون ضايع مش لاقى نفسك
أنا عارف إنك وصلت لمرحلة كبيرة فى البعد
بس فى ناس بعدت أكتر منك ورجعت رجعة كانت أفضل فيها من الملتزمين من قبلها
زى الشاب اللى ذهب أمريكا وودخل النصرانية علشان البنت اللى بيحبها
وبعد كده رجع لربنا ومات وهو ساجد
وغيره وغيره أنت مش حاجه فى الشباب والناس دى
عايزك لو عجبك كلامى وحابب تتكلم وتفضفض
أكتر قول وإن شاء الله نمشى مع بعض خطوه خطوه
ونشوف ربنا يستاهل العباده ولا لأ
ونشوف أكرمك وأنعم عليك ولا لأ
بس حط رد بإنك عايز تتكلم وأن هبقى أسعد إنسان فى الدنيا وربنا يعلم
وأوعى تفكر إنك مش هتقدر ترجع وإنك فى مرحلة خلاص كل شئ فيها إنتهى
لأ
أنت فى مرحلة من أفضل المراحل اللى ممكن ترجعك لربنا
بقوى وتسعد فى الدنيا والأخرة
أحبك فى الله
وأعتذر لك إن كان المنتدى والإخوة قصروا معاك
أنا حزين جداً
إنك كنت فى وقت محتاج لينا فيه وإحنا تركناك
لإننا كده كاننا بنفخ فى قربة مخرومة
لأننا بنتشدق ونقول إننا بندعوة إلى الله
وأكبر شئ وهو حاجة أحد الإخوة إلينا قصرنا فيها
ربنا يسامحنا
وأنا أهوه بمد إيدى ليك
وبقول لك فضفض وأفتح قلبك
ووالله هتكون الأولوية لى فى المنتدى
بارك الله فيك وهدنا وإياك إلى ما يحب ويرضى

[أبوالمعالـي]

رد: شريط ذكرياتي في المنتدى

ما شاء الله
جزاك الله كل خير أخي الحبيب عبدالرحمن
والله أنك قلت ما في قلبي
الأخ الحبيب في الله لدين الله
لم يعد يدخل هنا تاني
لكنه سيقرأ كلامك زائرا بإذن الله
لا تنسوه من دعائكم بالله عليكم
بارك الله فيك يا حبيب

[أبو الدحداح السلفي]

رد: شريط ذكرياتي في المنتدى

إلى الأخ لدين الله
أنا قرأت كلامك في اللإقباسات الخاصة بوالدي الغالي أبو المعالي
بص يا غالي كلنا في الهوا سوا
مما يعني أنا هكلمك من قلبي بما أننا شباب زي بعض
بص يا حبيبي ومن الآخر لو إنت فاكر من أول الأدمن (ألمدير العام بتاع المنتدى )
لحد أصغر عضو (أنا )
لا يذنب يشكل شبه يومي يبقى إنت مش عارف ولا حاجة
هتقولي إنت هتتفلسف هنا ياض
لا أنا مش بتفلسف تعالى نفيس كلامي ده عليك
في ناس هنا ملتزمخه بقالها كتييييييييير وبيذنبوا كل يوم ذنب أو اثنين حسب شطارة الشيطان يعني
المهم يا غالي الناس دي أول ما التزمت كانت بتمشي شوية وتقع اسألأني أنا لأني ما زلت شوية ماشي صح وشوية تسقط الهمة وتلاقيني ركنت على جانب الطريق لو انت أول ما مشيت في طريق ربنا لقيت نفسك زي الفل والصلوات في معادها وصيام اتنين وخميس ومفيش ذنوب تبقى دي (سذاجة) ولو كان في حد كدا بص له بعدها بشر أو شهرين هتلاقيه حالجته تانية خالص هيرجع زي ما كان وأسوأ بكثير وأ،ا أعرف ناس كتير كده وكانوا ملتزمين وانتهى بيهم الأمر بترك الصلاه وواحد أعرفه شرب مخدرات
ليه عشان عمل فيها برم وأخدها مره واحده
إنت غلطت اليوم أول ما خلصت غلطتك دي علطول تبت واخد بالك على طووووووووول في ساعتها أول ما خلصت ذنبك تبت ربنا يغفرلك وده أمر مؤكد
شوف يا ع م هتقول بهيس ماشي لكن القرآن موجود وربنا بيقول

(إنما التوبة على الله للذين يعملون السوء بجهالة ثم يتوبون من قريب فأولئك يتوب الله عليهم وكان الله عليما حكيما)
من قريب يعني في وقتها مش محتاجة فتاكة هتقولي الآية مكتوب فيها بجهاله وأنا عارف إن ده حرام هتتعبني معاك ليه بأه طيب
بص القول ده
( للذين يعملون السوء بجهالة ) قال قتادة : أجمع أصحاب رسول الله صلى الله عليه وسلم على أن كل ما عصي به الله فهو جهالة عمدا كان أو لم يكن ، وكل من عصى الله فهو جاهل . وقال مجاهد : المراد من الآية : العمد ، قال الكلبي : لم يجهل أنه ذنب لكنه جهل عقوبته ، وقيل : معنى الجهالة : اختيارهم اللذة الفانية على اللذة الباقية .

الصحابة أجمعوا
طيب تعالى نشوف النبي قال إيه علينا لو لم نذنب
((لو لم تُذنِبوا لذهب الله بكم ولأتى بقوم يُذنبون فيستغفرون فيَغفِر الله لهم))، بل قال عليه الصلاة والسلام: ((كلّ بني آدم خطّاء، وخير الخطّائين التّوابون))،
عارف يعني إيه خير الخطائين يعني خير الناس كلهم الناس كلهم خطائين (إلا المعصومون) وخير الخطائين التوابون
خد بالك من التوابون دي معناها كثييييييييييييييييير التوبة يعني كثييييييير الخطأ

[أبو الدحداح السلفي]

رد: شريط ذكرياتي في المنتدى

من الآخر كده هم كلمتين ورد غطاهم
هتوب يعني هتوب
أصلك يا غالي مهما كانت ذنوبك عملت تل ذنوب يعني الحمد لله تل ذنوب هو ده قتلت كام واحد؟
ولا واحد !!
يعني مقتلتش حد وزعلان أوي كده
طيب شفت الراجل إلي قتل مئه نفس بتعرف تعد لحد ميه يعني الراجل ده أزهق مئة نفس كلهم من البشر

عَنْ أَبِي سَعِيدٍ الْخُدْرِيِّ ، أَنَّ نَبِيَّ اللَّهِ صَلَّى اللَّهُ عَلَيْهِ وَسَلَّمَ قَالَ : " كَانَ فِيمَنْ كَانَ قَبْلَكُمْ

رَجُلٌ قَتَلَ تِسْعَةً وَتِسْعِينَ نَفْسًا ، فَسَأَلَ عَنْ أَعْلَمِ أَهْلِ الْأَرْضِ ، فَدُلَّ عَلَى رَاهِبٍ فَأَتَاهُ ، فَقَالَ

: إِنَّهُ قَتَلَ تِسْعَةً وَتِسْعِينَ نَفْسًا ، فَهَلْ لَهُ مِنْ تَوْبَةٍ ؟ ، فَقَالَ : لَا ، فَقَتَلَهُ ، فَكَمَّلَ بِهِ مِائَةً ، ثُمَّ

سَأَلَ عَنْ أَعْلَمِ أَهْلِ الْأَرْضِ ، فَدُلَّ عَلَى رَجُلٍ عَالِمٍ ، فَقَالَ : إِنَّهُ قَتَلَ مِائَةَ نَفْسٍ ، فَهَلْ لَهُ مِنْ

تَوْبَةٍ ؟ ، فَقَالَ : نَعَمْ ، وَمَنْ يَحُولُ بَيْنَهُ وَبَيْنَ التَّوْبَةِ انْطَلِقْ إِلَى أَرْضِ كَذَا وَكَذَا ، فَإِنَّ بِهَا أُنَاسًا

يَعْبُدُونَ اللَّهَ فَاعْبُدِ اللَّهَ مَعَهُمْ ، وَلَا تَرْجِعْ إِلَى أَرْضِكَ فَإِنَّهَا أَرْضُ سَوْءٍ ، فَانْطَلَقَ حَتَّى إِذَا

نَصَفَ الطَّرِيقَ أَتَاهُ الْمَوْتُ ، فَاخْتَصَمَتْ فِيهِ مَلَائِكَةُ الرَّحْمَةِ وَمَلَائِكَةُ الْعَذَابِ ، فَقَالَتْ مَلَائِكَةُ

الرَّحْمَةِ : جَاءَ تَائِبًا مُقْبِلًا بِقَلْبِهِ إِلَى اللَّهِ ، وَقَالَتْ مَلَائِكَةُ الْعَذَابِ : إِنَّهُ لَمْ يَعْمَلْ خَيْرًا قَطُّ ،

فَأَتَاهُمْ مَلَكٌ فِي صُورَةِ آدَمِيٍّ ، فَجَعَلُوهُ بَيْنَهُمْ ، فَقَالَ : قِيسُوا مَا بَيْنَ الْأَرْضَيْنِ ، فَإِلَى

أَيَّتِهِمَا كَانَ أَدْنَى فَهُوَ لَهُ ، فَقَاسُوهُ فَوَجَدُوهُ أَدْنَى إِلَى الْأَرْضِ الَّتِي أَرَادَ ، فَقَبَضَتْهُ مَلَائِكَةُ

الرَّحْمَةِ " ، قَالَ قَتَادَةُ : فَقَالَ الْحَسَنُ : ذُكِرَ لَنَا أَنَّهُ لَمَّا أَتَاهُ الْمَوْتُ نَأَى بِصَدْرِهِ .

اقرأ القصة

وبعد الكلام ده كله (رغاي أنا صح؟)
هختم بآية

( قل ياعبادي الذين أسرفوا على أنفسهم لا تقنطوا من رحمة الله إن الله يغفر الذنوب جميعا إنه هو الغفور الرحيم ( 53 ) وأنيبوا إلى ربكم وأسلموا له من قبل أن يأتيكم العذاب ثم لا تنصرون ( 54 ) واتبعوا أحسن ما أنزل إليكم من ربكم من قبل أن يأتيكم العذاب بغتة وأنتم لا تشعرون ( 55 ) أن تقول نفس يا حسرتى على ما فرطت في جنب الله وإن كنت لمن الساخرين ( 56 ) )

( أو تقول لو أن الله هداني لكنت من المتقين ( 57 ) أو تقول حين ترى العذاب لو أن لي كرة فأكون من المحسنين ( 58 ) بلى قد جاءتك آياتي فكذبت بها واستكبرت وكنت من الكافرين ( 59 ) ) .)
خد بالك الطريق قدامك مفتوح والشيطان أقنعك بالعكس توب لربنا واغلط وتوب وفي كل مره أعزم على عدم العودة هتلاقي نفسك بتقل تدريجيا :)
أحبك في الله وأتمنى إنك تكون قرأت كلامي أخي لدين الله

بالمناسبة إسم جميل

[أبو الدحداح السلفي]

رد: شريط ذكرياتي في المنتدى

إذا لم تجد طريق الله فاصنع أنت طريقك إلى الله

[أبوالمعالـي]

رد: شريط ذكرياتي في المنتدى

إذا لم تجد طريق الله فاصنع أنت طريقك إلى الله

ما شاء الله
جزاك الله كل خير على دعمك الطيب
وبإذن الله حبيبنا لدين الله يقرأ كلامك الجميل
بارك الله فيك ونفع بك

[أبو الدحداح السلفي]

رد: شريط ذكرياتي في المنتدى

ما شاء الله
جزاك الله كل خير على دعمك الطيب
وبإذن الله حبيبنا لدين الله يقرأ كلامك الجميل
بارك الله فيك ونفع بك

وفيك يا والدي الغالي ربنا يبارك وأسأل الله أن يجزيك خير الجزاء على دعمك الجميل بارك الله فيك