هخسر إيه لو رمضان ضاع مني ؟؟

[درعمية وافتخر]

هخسر إيه لو رمضان ضاع مني ؟؟
بسم الله والحمد لله والصلاة والسلام على رسول الله صلى الله عليه وآله وصحبه ومن والاه .. اما بعد ،،،

سؤال محتاج له إجابه فوريه منك ..
هخسر إيه لو رمضان ضاع مني ؟؟

عارف إنه سؤال صعب .. لكن لازم تقف مع نفسك وتفكر قبل ما تكمل قراءة الموضوع وتسأل نفسك

هخسر إيه لو رمضان ضاع مني السنه دي ؟؟

تعالوا نتكلم بشكل عملي ..

رقم واحد هنحدد الأهداف اللي تخليك ميضيعش منك رمضان بإذن الله ..
..

لتكن ال3 أهداف دول .

1-بلوغ ليلة القدر

2-الغفران

3-وزيادة الرصيد عند الرحمن سبحانه وتعالى ..

تعالوا نحط بعد كده المحفذات اللي تخليني أشتغل للوصول لهدفي ..

ده الهدف هوصله ازاي ؟؟

محتاج همه .. محتاج إرادة ..

محتاج أقدر اكمل المشوار ده لغايت ما ينتهي رجب وشعبان وأدخل على رمضان محتاج تهيئة ..

فعاوز حافز .. عاوز شيء يولع حماسي .. يفجر طاقاتي ..

الشيء ده يكون ايه ؟

أول حاجه تخاف منها وتترعب ،
إن ربنا لا يبلغك رمضان هذا العام !
ده أكبر حافز يخليك تشتغل ..

ياما ناس كان نفسهم في رمضان .. ..

وياما ناس تيجي تبص تلاقيه ربنا سبحانه وتعالى يكتب عليه المنية قبل رمضان بيومين أو تلاته ..

يمكن كان نفسه يبلغ رمضان

عارفين انتوا الحديث ده اللي فيه أن رجل من أصحاب النبي صلى الله عليه وسلم كان له صديق .. وتوفي قبله في ساحة الجهاد بسنه ..

فلما مات الثاني فالصحابه نظروا في حال الاتنين قالوا لعل اللي مات الأول ده هو اللي بئى في جنة الفردوس مع النبيين والصديقين والشهداء والصالحين
لأنه مات ميتة الشهداء ..

إنما التاني اللي مات بعده بسنه .. مات ميته عادية ..
فقالوا يبقى الأولاني أعلى في الدرجة من الثاني ..

فالنبي صلى الله عليه وسلم قال لهم عكس كده ..

وقال لهم لا تتعجبوا ..

مش اللي مات متأخر عاش سنه زياده أدرك فيها رمضان وصلى كذا وكذا ركعه وتصدق وفعل خيرات ..

فالنبي صلى الله عليه وسلم
جعل إدراك رمضان في حد ذاته منحة ومنة ربانية ترفع من درجاتنا ..

فلو لم تبلغ رمضان هذا العام

وحالك مع ربنا زي ما انت عارف !!!

يبقى حُرمت بذنوبك من خير عظيم كان منتظرك ..

كان هيمحو من خطيئاتك ويرفع من درجاتك ..

لازم الكلام ده تفكر فيه ويستفز همتك بئى ..
وكفاية معاصي ..

رجب قرب يخلص وشعبان شهر السقيا قرب ..

ورمضان الحصاد دااااااااااخل خلاص ..

فعلشان كده في دعائك في جميع صلواتك ..

يارب يااارب بلغني رمضان هذا العام واكتب لنا فيه العتق من النيران

يارب بلغنا رمضان وارزقنا فيه العتق من النيران ..

يبقى الخوف من عدم بلوغ رمضان والحرمان من الخير العظيم ده أكبر دافع يخليك تشتغل وتبعد عن الذنوب والعوائق ..

نقلا عن الشيخ هاني حلمي حفظه الله

بتصرف يسير .

["راحلة عما قريب"]

رد: هخسر إيه لو رمضان ضاع مني ؟؟

جزاكم الله خيرا
تقبل الله منا ومنكم

[درعمية وافتخر]

رد: هخسر إيه لو رمضان ضاع مني ؟؟

جزاكم الله خيرا
تقبل الله منا ومنكم

وجزاكم اختي
وبارك فيكم

[عبدالسلام بيومى]

رد: هخسر إيه لو رمضان ضاع مني ؟؟

[درعمية وافتخر]

رد: هخسر إيه لو رمضان ضاع مني ؟؟

وجزاكم جميعا
وبارك فيكم
ونفع بكم

[المحبة والمنتقبة لله]

رد: هخسر إيه لو رمضان ضاع مني ؟؟

بارك الله فيكِ
واثابك الله
وكل عام وانت الى الله اقرب

[تسآآآهيل]

رد: هخسر إيه لو رمضان ضاع مني ؟؟

وعليكم السلام ورحمة الله وبركاته
ما تحكى هيك باذن الله ما يضيع منا رمضان خيتى اللهم لا تحرمناالعتق من النار ولا زيارة بيتك الحرام ولا صحبة النبي العدنان ولا الفردوس الاعلى من الجنان

[الداعي إلى الله تعالى]

رد: هخسر إيه لو رمضان ضاع مني ؟؟

بارك الله فيك

[{أنا بك واليك}]

رد: هخسر إيه لو رمضان ضاع مني ؟؟

جزاكم الله خيرا وبارك فيكم