Tweet
سلي صيامك معانا ( 1 )
ازيك يا عمنا
أنت
ايوة انت
اخبار معاليك ايه
يارب تكون بخير والسنة الى جاية تتجوز علشان نخلص منك بقى
سامع انك بتدور على عروسة صح
صح طب كويس والله
سامعك ليل ونهار بتقول اللهم ارزقنى الزوجة الصالحة لكن يا ابو خال
عندي ليك كلمتين
قول ياعم حسن وانجز
طب ياعم براحة علينا
انت ازاى يا عمنا عمال تدعي وتطلب زوجة من جنس الملائكة وانت اصلا من جنس الشياطين
حسن بطل غلط
ابراهيم السلفي : ياعمنا حسن طول عمره لسانه بينقط طوب
كويس يا ابراهيم انك عارفنى ^_^
لا بجد انت ليل ونهار بتتمنى الزوجة الصالحة وانت مبتحولش تصلح من نفسك
يعنى مثلا
انت عاوزها بنقاب وانت اصلا بتلبس حظاظة وسلسلة تشبهاً بالنساء لا اقول مثل حيواناً
انت عاوزها عارفة دينها وطالبة علم وانت اصلا لا طالب علم ولا طالب فى اعدادى وعارف حاجات يادوبك فى الدين
انت عاوزها اهلها متدينين وولاد حلال ..وكل اهلك يعنى الى ملايكة
انت عاوزها حافظة كتاب ربنا وانت اصلا حافظ الاخلاص والناس بالعافية
انت عاوزها عمرها ما كلمت شاب وانت ليل ونهار على الفيس بوء بتكلم بنات
انت عاوزها مؤدبة ومحترمة وانت اصلا مش بتسيب اى حد الا لما تشتمه وتطاول عليه
مينفعش يا سديكى
قبل ماتطلب زوجة صالحة خليك انت الاول صالح
إنسيت ان الله قال
الْخَبِيثَاتُ لِلْخَبِيثِينَ وَالْخَبِيثُونَ لِلْخَبِيثَاتِ وَالطَّيِّبَاتُ لِلطَّيِّبِينَ
وَالطَّيِّبُونَ لِلطَّيِّبَاتِ أُوْلَئِكَ مُبَرَّؤُونَ مِمَّا يَقُولُونَ لَهُم مَّغْفِرَةٌ وَرِزْقٌ كَرِيمٌ
خليك كويس ومحترم وعارف ربنا
وساعتها لما تطلب زوجة صالحة ربنا بإذن الله هيرزقك زوجة صالحة وعارفة ربنا
========
استنى بس يا عمنا
قبل ما تطلع من الموضوع عايزك تكون راجل وتاخد قرار
وابدء صلح نفسك وامحوا سلبياتك وابدء بصفحة جديدة مع ربك
وخلى دايما فى بالك
تعليق