[منقول] يوم المسلمة في رمضان

[مسلمة وفخورة]

ملخص "درس يوم المسلمة في رمضان" للشيخ / هاني حلمي
قامت به الأخت "بك أستعين"
في منتدى الشيخ هاني حلمي
لتحميـل الدرس
اللهم صلّ وسلم على سيدنا محمد

الفرصة أمامك لكى تتغيرى.. لكى تنالى القــــرب من الله ..
لكى تحرم عليكى النار وتعتقين منها،،
الفرصة أمامك لـِكـَى تـُغفر لـَكـِى كل الذنوب ... لكى تـُرى الله من نفسك أنك فعلا تحبيه وتتمنين أن تتقربى إليه،،
الشيـــــــاطيـــــن مصفـــــدة والجنـــــــــة تنــــــاااااادى عليك
يا باغية الخير اقبلى انى فاتحة أبوابى
’’مضى زمان النوم يا خديجه ،،
نعم... هذا هو شعارك هذه السنه يا خديجة الاسلام لا للنوم هذه السنه نريد من البداية أن نحدد اهدافنا ونوايانا ...
عايز اسألك
عايزة ايه من رمضان ؟؟؟
كل ما ذكرته ......
لالالالا... مش عايزين الكلااام الكبير الذى عند رؤيه بواطن الامور نجده شعارات فقط، لكن فى الواقع ليست هذه هى النوايا الحقيقية ....لكن ما هى نيتك تحديداً ؟؟؟
"انا عايزه جائزة العتق من النار ....."
النبى صلى الله عليه وسلم فى الحديث الذى رواه الترمذى وابن ماجه وحسنه الالبانى قال : " إذا كان اول ليلة من شهر رمضان صفدت الشياطين ومردة الجن وغلقت ابواب النار فلم يفتح منها باب وفتحت ابواب الجنة فلم يغلق منها باب ونادى منادى ياباغى الخير اقبل ويا باغى الشر اقصر ولله عتقاء من النار وذلك فى كل ليلة ".
الحديث سمعناه كتير... انتى عايزة فعلا ان تعتقى من النار؟... طيب انتى تعرفى ايه عن النار؟؟...
إنك تعرفى يعنى ايه " نار"، إذهبى إلى قسم الحروق فى مستشفى من المستشفيات وستعرفى ما معنى نار وعندما ترى هذا المنظر ساعتها ستخرجى وتقولى يا رب اعتق رقبتى من النار..
عايزة ايه من رمضان ؟؟؟
"انا عايزه جائزة المغفرة ......"
أنا عملت ذنوب، الذنوب دى هى اللى قاطعة بينى وبين الله ...
أنا نفسى رواسب الجاهلية ونفسى آثار الذنوب هذه اتخلص منها ....
جاءت لكى الفرصة "مَنْ صَامَ رَمَضَانَ وَفِي حَدِيثِ قُتَيْبَةَ أَنَّ النَّبِيَّ صَلَّى اللَّهُ عَلَيْهِ وَسَلَّمَ قَالَ مَنْ قَامَ شَهْرَ رَمَضَانَ إِيمَانًا وَاحْتِسَابًا غُفِرَ لَهُ مَا تَقَدَّمَ مِنْ ذَنْبِهِ وَمَنْ قَامَ لَيْلَةَ الْقَدْرِ إِيمَانًا وَاحْتِسَابًا غُفِرَ لَهُ مَا تَقَدَّمَ مِنْ ذَنْبِهِ"[سنن النسائى].
عايزة ايه من رمضان ؟؟؟
"انا عايزة اتقرب من ربنا .. "
نفسى .... نفسى اوى ان الله يحبنى وان انا احب ربنا من كل قلبى مايبقاش فى قلبى حد الا هو...
عايزة إيه من رمضان؟؟
جااااء شهر نزول القرءان ،
وانا نفسى تكون هذه جائزة من الجوائز التى نحصلها السنادى أن
قلوبنا تشرب قرءان، قلوبنا تبقى عامرة بالقرءآن
كلام رب العالمين يزييييل كل شىء فى القلب تبعدنا عن ربنا .. يمكن فى ذرة كبر ، يمكن فيه شوية عجب ... ينزل القرءان يطهرقلبى وقلبك .....

يومك فى رمضان
الأمر الأول
الأول عايزك لما تعرفى ان بكرة رمضان
تسجدى
النبى صلى الله عليه وسلم فى الحديث الذى رواه ابن ماجه وحسنة الالبانى "كان اذا جاءه امر يسره اويسر به خر ساجداً " شكراً لله تبارك وتعالى ..
فعايزين نستحضر معنى الشكر ده أول ما تعرفى إن بكرة رمضان .. تعملى كدا
تدخلى على ربنا من باب الشكر ده فلذلك انا قلت لك ان اول حاجة تسجدى سجدة شكر وعايزك على لسانك
" اللهم لك الحمد "– "الحمد لله "
من داخل قلبك تحمدى ربنا انه بلغك رمضان

الأمر الثاني
عايزك تقدمى بين يدى الشهر تجديد التوبة
لابد أن تجددى التوبة { وَتُوبُوا إِلَى اللَّهِ جَمِيعًا أَيُّهَا الْمُؤْمِنُونَ لَعَلَّكُمْ تُفْلِحُونَ } [النور – 31]
كلنا لازم نتوب كلنا لازم نجدد توبتنا ، عشان ندخل على رمضان بالقلب الطاهر ..

الأمر الثالث
نريد نيات أكيدة
اكدي نيتك
مش أمانى زى ما قلت لك انك تقولى انا عايزة ده وعايزة ده وعايزة ده ... النييية تظهر فى عمل .. نريدك تباااادرى فى طلب رضا الله،،
عايزك تبادرى بالأعمال لسان حالك .. شعارك اللى لازم كل شوية أجدده معاكى (( وعجلت إليك ربى لترضى )) ، أنا ناوية السنادى اعمل اعمال عمرى فى حياتى ماعملتها..

الأمر الرابع
اصدقى الله فى طلب الإصلاح
إن حاجة من الحاجات إن انتى تبقى ناوية ان ينصلح حالك مع ربنا عشان كده حتقولى معي هذا الدعاء
وحتقوليه كثيرا فى زمان رمضان عشان ربنا يصلح لنا أحوالنا ...
النبى صلى الله عليه وسلم كان من دعائه _ والحديث فى صحيح مسلم _ كان يقول " اللهم اصلح لى دينى الذى هوعصمة أمرى واصلح لى دنياى التى فيها معاشى واصلح لى آخرتى التى فيها معادى واجعل الحياة زيادةً لى فى كل خير واجعل الموت راحةً لى من كل شر "
وأوصى النبى صلى الله عليه وسلم بنته حبيبته السيدة فاطمة رضى الله تعالى عنها
أوصاها إنها تدعى الدعوة دى تبقى دعوة غالية اوى وكلنا محتاجين ننفذ وصية النبى صلى الله عليه وسلم أوصاها إنها تقول ايه إذا أصبحت وإذا أمست ؟؟؟ أن تقول
" يا حى يا قيوم برحمتك أستغيث أصلح لى شأنى كله ولا تكلنى إلى نفسى طَرفة عين"
رمضان فرصتك لإصلاح نفسك وإصلاح حالك مع ربنا،،

الأمر الخامس
استشعرى الإصطفاء
لما تشعرى ان ربنا اصطفاكى وإن ربنا منَّ عليكى هوده إحساس العبد الشاكر لأنعم الله .. انتى لوفعلاً شاكرة لنعمة ربنا حتحسى اد اييييه منِّة ربنا عليكى برمضان .. فده حيحصل منه ايه ؟
إنك تجاااهدى نفسك ... انظرى ربنا يقول ايه ؟
{ يَا أَيُّهَا الَّذِينَ آمَنُوا ارْكَعُوا وَاسْجُدُوا وَاعْبُدُوا رَبَّكُمْ وَافْعَلُوا الْخَيْرَ } _ افتحى فى كل باب _ { لَعَلَّكُمْ تُفْلِحُونَ وَجَاهِدُوا فِي اللَّهِ حَقَّ جِهَادِهِ } _ ليه يا رب ؟؟ _ { هُواجْتَبَاكُمْ } [الحج – 77-78] _ هواصطفاكى .. هومنّ عليكى .. هورزقك هذا الرزق العظيم..

الأمر السادس
تاجرى بنواياكى
تاجرى بنواياكى .. شوفى ... رمضان زمان إيماناً واحتساباً
النبى صلى الله عليه وسلم فى كل الحاجات العظيمة دى صيام .. وقيام .. وقيام ليلة القدر يقول دائماً ماذا ؟؟
إيماناً واحتساباً ..... قصة الإحتساب
ميين اكتر واحدة ستطلع هذه السنه بخير رمضان ؟
اكتر واحدة هتاجر بنوياها مع ربنا .... ممكن واحدة تصوم بنية .. وواحدة تانية تصوم وتبقى محتسبة فى الصيام ده 6 - 7 - 8 نوايا .... مين الاكتر ثواب؟؟؟؟ الاكثر احتساب .......
اول ماتصحى كده تفكرى....
ايه العمل الفذ اللى انهارده حدخل به على ربنا ؟
وأيضا الموضوع ده حيجيب معنا
قصة العذر الشهرى
الذى يأتى للنساء، فالمرأة لما يأتيها العذر الشهرى من الحيض يتعطل عليها حاجات كثيرة، فهى الان ليست صائمة، لا تصلى، وبعض العلماء يقول لا تقرأ القرءان ( قول جمهور العلماء :إنها لا تقرأ فى زمان الحيض .... فهكذا الأبواب كلها حاجات كثيرة.
تعطلت عنها... لكن هى محتسبة والنبى صلى الله عليه وسلم قال " إِنَّ الْعَبْدَ الْمُسْلِمَ إِذَا مَرِضَ أَوْ سَافَرَ كُتِبَ لَهُ مِنْ الْأَجْرِ كَمَا كَانَ يَعْمَلُ مُقِيمًا صَحِيحًا"[مسند أحمد]..
هى محتسبة فى نهار رمضان أن هى معذورة فيه محتسبة الأجر ولاتنسي أيضًا
الاكثار من الذكر
يبقى لكى اوراد كبيرة عظيمة من
الاستغفار ومن الصلاة على النبى صلى الله عليه وسلم والتسبيح والتحميد والتهليل والتكبير...
تعملى اعمال كبيرة اوى اوى فى زمان العذر الشهرى ..

الأمر السابع
إبخلى بالدقيقة .. لأ .. إبخلى بالثانية
إبخلى بالثانية
أقل حاجة فى زمان رمضان .. زمان الشهر ده انا عايزك تحسبيه بالثوانى
لأ .. احنا مش حنتحسر .. احنا إن شاء الله حنستغل كل دقيقة .. كل ثانية فى رمضان .. ومش حنضيعه زى ما بيحصل فى كل سنة ..

جدول رمضــان
أولاً :: كل ليلة يجب ان تجددى الدعاء بالعتق
كل ليلة .. ليه ؟
النبي صلى الله عليه وسلم قال " ثلاث دعوات مستجابات دعوة الصائم ودعوة المظلوم ودعوة المسافر " [الراوي: أبو هريرة - خلاصة الدرجة: صحيح]
وقال صلى الله عليه وسلم " إِنَّ لِلَّهِ عِنْدَ كُلِّ فِطْرٍ عُتَقَاءَ وَذَلِكَ فِي كُلِّ لَيْلَةٍ " [سنن ابن ماجه]
فانتى مع آذان المغرب ترفعى يديكى واحنا قلنا حنوحد الدعاء كلنا وحتدعى بظهر الغيب كمان لأخواتك ولا تنسينى فى دعوة بظهر الغيب كذلك ، إنّ إنْ شاء الله إن شاء الله نكتب جمييييعاً من عتقاء الله من النار فى رمضان فى هذا العام

ثانياً :: لازم كل يوم تفطرى مش اقل من عشرة صائمين
يعنى تعملى الاكياس اللى هى خاصة بالتمر وتفطير الصائمين وتشاركى بيدك ..
انا مش عايزك تعملى العمل كده يعنى واحدة تدفع شوية فلوس كده فى مكان وتقول خلاص يبقى هما يعملوا كذا ..
لأ حسى بالمعنى ده ان انتى بيديكى كده تساهمى فى افطار الصائمين ،
النبى صلى الله عليه وسلم قال " مَنْ فَطَّرَ صَائِمًا كَانَ لَهُ مِثْلُ أَجْرِهِ غَيْرَ أَنَّهُ لَا يَنْقُصُ مِنْ أَجْرِ الصَّائِمِ شَيْئًا " [سنن الترمذى]

احنا حناخد مع بعض كده من اول المغرب لغاية المغرب ابتدينا من اول ليلة فى رمضان وماشيين ،
1-
أول حاجة مع الاذان
نحن لانضيع أي ثانية :-
فمع اول مغرب عليكى ان تبدأى تجددى نواياكى والكلام الى احنا قلناه التوبة، والشكر، وتسجدى لله اول ما تعرفى ان رمضان دخل ، ترددى الاذان، وتقولى الدعاء بعده،
مع ترديد الآذان وتقولى بعده الدعاء " وَأَنَا أَشْهَدُ أَنْ لَا إِلَهَ إِلَّا اللَّهُ وَحْدَهُ لَا شَرِيكَ لَهُ وَأَشْهَدُ أَنَّ مُحَمَّدًا عَبْدُهُ وَرَسُولُهُ رَضِيتُ بِاللَّهِ رَبًّا وَبِمُحَمَّدٍ صلى الله عليه وسلم رَسُولًا وَبِالْإِسْلَامِ دِينًا غُفِرَ لَهُ "[سنن أبى داود].
وتصلى على النبى محمد صلى الله عليه وسلم وتسألى الله له الوسيلة ، تحتسبى ايه ؟
مش احنا قلنا زمان إيماناً واحتساباً ؟ احتسبى فى الكلمتين دول انه يكون سبب فى دخولك الجنة ،،
النبى صلى الله عليه وسلم فى حديث فى صحيح مسلم قال : " من قالها من قلبه " خدى بالك من قلبك " من قالها من قلبه دخل الجنة " ،
حقول لك على سبب تانى للمغفرة يا طالبة المغفرة انك تقولى الصيغة هذه وتردديها اللى هى ايه ؟
" أشهد أن لا إله إلا الله وحده لا شريك له وأشهد أن محمداً عبده ورسوله رضيت بالله رباً وبمحمدٍ رسولاً وبالإسلام ديناً" ...
حديث فى صحيح مسلم قال النبى صلى الله عليه وسلم " غفر له ما تقدم من ذنبه "
لو مش حافظة لازم يكون معاكى فى زمان رمضان اى كتاب من كتيبات الأذكار
لأن دى حاجة من الحاجات الى بتضاعف بها الأجور فى رمضان

2-
انصحى زوجك أوأخوكى أووالدك بإدراك انه يدرك الجماعة فى المسجد ،
انصحيه ،دى وظيفة الدعوة ، عشان تأخذى أجره انه يصلى جماعة وانتى كمان تبتدى تتجهزى...

3-
وانتى تتوضئى تنوى ان ربنا يطهر قلبك من الذنوب والآثام ،
علشان تتناثر السيئات ، وإسباغ الوضوء زى ما النبى قال : " من أسبغ الوضوء غفر له ما تقدم من ذنبه وما تأخر " الحديث رواه البزار بإسناد حسن.

4-
ماتنسيش الدعاء بعد الوضوء
عشان تفتح لكى ابواب الجنة ، تقولى ( أشهد أن لا إله إلا الله وحده لا شريك له وأن محمداً عبده ورسوله) أيضا احنا مش سايبين حاجة ، فمن الحاجات خدى بالك _ من دلوقتى تجهزى الامور دى _ سواكك ...... هوالسواك دا حاجة ؟ اه مافيش حاجة " لَا تَحْقِرَنَّ مِنْ الْمَعْرُوفِ شَيْئًا "[مسند أحمد].. هودا شعار من الشعارات الخاصة برمضان،
لا تحقرى من المعروف شيئاً..

5-
بعد كده عليكى انك تؤدى الصلاة فى اول الوقت
الصلاة فى أول الوقت أفضل الأعمال، ولا تنسى أذكار دُبُر الصلاااة وبالذات في صلاة المغرب أوي أوي
النبى صلى الله عليه وسلم قال " مَنْ قَالَ لَا إِلَهَ إِلَّا اللَّهُ وَحْدَهُ لَا شَرِيكَ لَهُ لَهُ الْمُلْكُ وَلَهُ الْحَمْدُ يُحْيِي وَيُمِيتُ وَهُوَ عَلَى كُلِّ شَيْءٍ قَدِيرٌ عَشْرَ مَرَّاتٍ عَلَى إِثْرِ الْمَغْرِبِ " يحصله ايه ؟ " بَعَثَ اللَّهُ مَسْلَحَةً " قوات كوماندوز، مسلحه من الملائكة " بَعَثَ اللَّهُ مَسْلَحَةً يَحْفَظُونَهُ مِنْ الشَّيْطَانِ "
عشان لا تقولى اصل الشيطان راكبنى ، اصل الشيطان مش عارف ايه ، لأ ، احنا فى زمان صفدت فيه الشياطين فخلاص يبقى حفظ ورعاية من الله عز وجل "يَحْفَظُونَهُ مِنْ الشَّيْطَانِ حَتَّى يُصْبِحَ وَكَتَبَ اللَّهُ لَهُ بِهَا عَشْرَ حَسَنَاتٍ مُوجِبَاتٍ وَمَحَا عَنْهُ عَشْرَ سَيِّئَاتٍ مُوبِقَاتٍ " خدى بالك " وَكَانَتْ لَهُ بِعَدْلِ عَشْرِ رِقَابٍ مُؤْمِنَاتٍ " [سنن الترمذى].
انا لسه قايل لك ايه ؟ اعتقى تُعتقى، يبقى انتى وانتى بتقوليها بعد صلاة المغرب رحتى قايله الذكر ده عشرمرات جه على قلبك على طول كده ايه ؟
يا رب دول بمثابة عتق عشر رقاب يا رب اذا كنت انا ساهمت بالعمل اليسير ده فى انه يكون عتق عشر رقاب يا رب اعتقنى انا ، يقع فى قلبك على طول هذا المعنى عشان تُبلغى ثمرة العتق...

6-
بعد كده تصلى السنة البعدية فإنها راتبة
ومع كل سنة بتصليها بتفتكرى على طول ايه ؟ الثمرة بتاعة القرب ، المحبة مش ربنا قال
" ولا يزال عبدى يتقرب إلى بالنوافل حتى أحبه "
انا بتقرب اليك بشىء يسير هودا الى فى مستطاعى ومقدورى ، يا رب بلغنى حبك بأداء هذه النوافل،،،

7-
بعد كده تجهزى وجبة الإفطار وتنوى تفطير الصائمين
ايوة ... اخوكى وزوجك وابنك كل الى انتى بتساعدى فى تفطيرهم دول مش حكاية ان انتى لازم عليكى انك تعملى الامور دى .. لأاا .. تنوى بردو انه يكون افطاااار للصائمين فتاخدى اجورهم إن شاء الله...

8-
عايزين بعد ما نتناول وجبة الافطار
نتذاكر شىء عن فضل رمضان أو نسمع شىء مفيد مثلاً نسمع درس اوما شابه، حاجة كده تنشط قلوبنا على اساس ان احنا كل شوية نجدد نوايانا...

9-
عايزين بعد كده تقومى تنظفى محل الطعام سريعاً
وتذكرى انك بمساعدتك فى الامر ده هذا من باب البر سواء للوالدة اومن باب طاعة الزوج، وباب بر الوالدة ده يبلغك محبة الرب ورضا الرب،

10-
بعد كده لو اتسع وقت ممكن تصلى
_ انتى صليتى خلاص الراتبة انا عارف _ بس فى سنة مهجورة الى هى ( إحياء ما بين العشاءين )
إحياء ما بين المغرب والعشاء

11-
بعد كده تستعدى اللى حتنـزل تصلى صلاة العشاء والتراويح
تذكر ان شروعها فى العمل بيبتدى الأجر يحتسب من دلوقتى..اعرفى وانتى بتتجهزى ان نيتك دى بتبلغك ثواب العشاء وثواب التراويح من أول ما أنتى بدأتى تتجهزى، وافتكرى وانتى نازلة النية دى، احنا حنروح نصلى ايه؟ عشاء وتروايح،
طيب
النبى فى الحديث الذى رواه الطبرانى فى الكبير وحسنه الألبانى قال : " من مشى إلى صلاة مكتوبة فى الجماعة فهى كحجة ، ومن مشى إلى صلاة تطوع فهى كعمرة "
ماتنسيش وانتى نازلة أذكار الخروج من المنزل ودخول المسجد وتحتسبى الأجر فى هذا كله ،

12-
وبعد كده ستؤدى صلاة العشاء
واحتسبى وانتى تؤدى صلاة العشاء ، انا قلت لك، انا كل شوية بقولك احتسبى احتسبى وبأكد على المعنى رمضان يا جماعة غنيمه المحتسبيـــــــن، وانتى بتصلى العشا تحتسبى ايه ؟
انك حزتى على ثوااااب قيام نصف الليل وفى نفس الوقت ان يكون ربنا طهرك من آفات النفاق لأن أثقل الصلاة على المنافقين صلاة العشاء والفجر

13-
بعد كده حتؤدى صلاة التراويح
اذكرى وانتى داخــلة كده تكبرى تكبيرة الإحرام وانتى حتبتدى صلاة التراويح مررى على قلبك " من قام رمضان إيماناً واحتساباً غفر له ما تقدم من ذنبه " ،
تصلى حتى ينصرف الإمام ليـُكتـَب لكِ ثواب قيام الليلة كلها
وفى نفس الوقت حتحتسبى إن ربنا إن شاء الله (( يلحقك بركب الصالحات والصديقات ))

14-
صلاة الليل يا أختاااه
دأب الصالحين قربة إلى رب العالمين مُكفرة للسيئات ومنهاة عنها، طيب انتى حتصلى خلف الإمام سواء حيصلى بجزء حيصلى بأقل حيصلى بأكثر حتصلى حتى ينصرف، سيكون لكِ ورد خاص انتِ فى التهجد لازم تفتكرى درجات القائميــــــن فى رمضان،
النبى صلى الله عليه وسلم فى الحديث الذى رواه أبوداود وصححه الألبانى قال : " من قام بعشر آيات لم يكتب من الغافلين ومن قام بمائة آية كتب من القانتين ومن قام بألف آية كتب من المقنطرين "
(ألف آية لوقرأتى جزء عمّ وتبارك كل يوم تجيبى الألف آية لوانتى صليتى بهم تهجد كل يوم تجيبى الألف آية دول ويتكتب لك قنطار من الأجر)

من الامور اللى توصى بها فى مسألة قيام الليل
أيضا حاولى انك تصلى خلف أحد الأئمة الى بيطول شوية، ليه ؟ لأن النبى صلى الله عليه وسلم قال " أَفْضَلُ قَالَ طُولُ الْقُنُوتِ "
[مسند أحمد].
ممكن تصلى فى مسجد بيقرأ بجزأ وتنصرفى وتتهجدى بالليل لا بأس من ذلك، بس من الحاجات الوصايا الى انا عاوز اقولها لك بعد ما تصلى وتنتهى بيبقى الواحد خد شحنة إيمانية بذات مع دعاء الوتر وكده،

15-
انصحك بعدم الكلاااام مع الأخوات بعد الصلاة
علشان انا عااارف الشحنة الإيمانية بتروح امتى، حتعدى تتكلمى والكلام حيجيب من هنا لهنا.. تضيعى الشحنة الإيمانية اللى انتى حصلتيها فى الليل والوقت دلوقتى وقت تركيـــز فى رمضان .... فعشان كده لا تذهبى أثر هذا بالكلام...
خدى بالك النبى صلى الله عليه وسلم قال : " لَا يَسْتَقِيمُ إِيمَانُ عَبْدٍ حَتَّى يَسْتَقِيمَ قَلْبُهُ وَلَا يَسْتَقِيمُ قَلْبُهُ حَتَّى يَسْتَقِيمَ لِسَانُهُ "[مسند أحمد].
فلو لقيتى قلبك مزوغ ومش مركز اعرفى ان الخطر جه من لسانك،

16-
بعد كده انصرفى سريعاً لبيتك
وأول حاجة تعمليها فى بيتك امسكى مصحفك عشان تستغلى الشحنة الإيمانية الى انتى طلعتى بها من صلاة التراويح تقرأى وردك من القرءان أوجزء من وردك وبعد كده ممكن تنامى جزء من الليل فى أول عشرين يوم
إنما فى زمان العشر لاااااا نوووم..
فى العشر الأواخر ما ينفعش تنامى فى الليل، احتسبى لما تدخلى تنامى كل لحظة ما إحنا قلنا مفيش ثانية حنضيعها، كان سيدنا معاذ يقول ( احتسب نومتى كما احتسب قومتى ) ،
والنبى صلى الله عليه وسلم قال " مَنْ أَتَى فِرَاشَهُ وَهُوَ يَنْوِي أَنْ يَقُومَ فَيُصَلِّيَ مِنْ اللَّيْلِ فَغَلَبَتْهُ عَيْنُهُ حَتَّى يُصْبِحَ كُتِبَ لَهُ مَا نَوَى وَكَانَ نَوْمُهُ صَدَقَةً عَلَيْهِ مِنْ رَبِّهِ"
[سنن ابن ماجه].

17-
ماتنسيش ساعة ماتروحي تنامى
تتأدبى بآداب النوم وأذكار النوم بالذات الأذكار اللى فيها الحفظ ..

18-
بعديهااا وقت السحر
وقت النزووول ، وقت المناجاة .... تبتدى تاخدى وردك، وانا عايز يا جماعة نركز فى الكيف شوية ، يعنى انا مش عايز اجلس اقول لك كل يوم تقيمى بخمس اجزاء بجزئين بتلاتة ... لأ انا عايز اركز اوى فى الكيف ، عايزين ندخل القرءااااان فى قلوبنا يا جماعة ،القرءان يدخل كده جوا قلوبنا{ إِنَّ نَاشِئَةَ اللَّيْلِ هِيَ أَشَدُّ وَطْءًا وَأَقْوَمُ قِيلا } [المزمل – 6]
عايزة تستقيمى ؟ عايزة بعد رمضان تمشى على درب الإيمان ؟
والله البداية هنا { إِنَّ نَاشِئَةَ اللَّيْلِ هِيَ أَشَدُّ وَطْءًا وَأَقْوَمُ قِيلا } ، سبيل الاستقامة ، سبيل انك تكونى على الدرب انك تحافظى على ورد الليل وتسألى ربنا سبحانه وتعالى فى الاسحاااار انه يبلغك منزلة عباده الصالحين ..

19-
لما قمتى عشان لحظة السحر
هذه أيقظى زوجك أولادك او أخاكى للتهجد عشان ربنا يتنزل عليكى بالرحمة " رَحِمَ اللَّهُ امْرَأَةً قَامَتْ مِنْ اللَّيْلِ فَصَلَّتْ وَأَيْقَظَتْ زَوْجَهَا فَإِنْ أَبَى نَضَحَتْ فِي وَجْهِهِ الْمَاءَ "[سنن أبى داود]،
وعشان تكتبوا البيت كله كده إن شاء الله ... البيت كله يُكتب من الذاكرين الله كثيراً والذاكرات ،،
20-
بعد كده حتقومى تعدى وجبة السحور ،
وانتى بتعدى وجبة السحور بتاخدى نية احنا قايلين احتسبى فى كل لحظة انك تاخدى أجر السنة ،
يقول صلى الله عليه وسلم : " إِنَّ السَّحُورَ بَرَكَةٌ أَعْطَاكُمُوهَا اللَّهُ عَزَّ وَجَلَّ فَلَا " [مسند أحمد]،
ويقول صلى الله عليه وسلم : " فَإِنَّ اللَّهَ وَمَلَائِكَتَهُ يُصَلُّونَ عَلَى الْمُتَسَحِّرِينَ " [مسند أحمد]،
عايزة ايه احلى من كده ؟
انك تساعدى ان اسماء كل الى حتكونى سبب فى تسحيرهم دول حيبقوا فوق يثنى عليهم فى الملأ الأعلى ، مش ربنا حيصلى عليهم ؟ وصلاة الله ثناؤه عليهم فى الملأ الأعلى وكمان الملائكة قاعدة تستغفرلهم وتترحم لهم ( اللهم اغفر لهم – اللهم ارحمهم ) .. فانتى حتساعدى فى أجر السنة دى،
انك حتعينيهم على طاعة ربنا حيتسحروا عشان يتقووا بهذا الطعام على صيام النهار، يبقى انتى كده ساعدتيهم على الطاعة يبقى حتاخدى أيضا اجورهم ،،

21-
بعد ما نتسحر نسيب كده وقت 10 دقائق ربع ساعة علشان الاستغفار والدعاء ،
يعنى المفروض نتسحر قبل الفجر كده بنص ساعة نتسحر فى ربع ساعة ، ونجلس فى الربع ساعة الأخيرة اوالعشر دقائق الأخيرة استغفار ودعاء..
واحنا قلنا الدعاء ساعة الافطار وأيضا فى السحر ( يا رب اعتق رقابنا من النار وبلغنا الفردوس الأعلى فى الجنة ) كلنا موحدين الدعاء عشان خاطر إن شاء الله ربنا يبلغنا هذه المنزلة هكذا حتى أذان الفجر،،

22-
لما يؤذن الفجر استحضرى نية الصيام
وانتى مفروض من قبليها واحنا بنتسحر كنا ناويين ان الصيام بكرة والسحور فى حد ذاته نية ، مع الأذان انتى دلوقتى صائمة فأنا عايزك تحتسبى أجر الصيام ، عايز اقولك كام نية كده عشان خاطر تمرريها على قلبك ، مش انا قلت لك اللى حيتاجر مع ربنا بنواياه هودا الى حيفوز

نوايا الصيام
1 - أن يُغفر لى ما تقدم من ذنبي..
2 - ان اُبلغ منزلة التقوى
قال تعالى : { كُتِبَ عَلَيْكُمُ الصِّيَامُ كَمَا كُتِبَ عَلَى الَّذِينَ مِن قَبْلِكُمْ لَعَلَّكُمْ تَتَّقُونَ } [البقره – 183]، انتى عارفة لوبقيتى من المتقين حتبقى ايه ؟ حيبقى ربنا وليِّك {وَاللَّهُ وَلِيُّ الْمُتَّقِينَ}[الجاثيه – 19]..
3 - أن تبلغى أعظم الدرجات عند رب العالمين ..
4 - إنك تستشفى من كل آفاتك..
5 - انك تحفظى من الفتن ( الشبهات والشهوات )..
6 - إنه يكون سبب فى مباعدتك عن النار ..
قال رسول الله صلى الله عليه وسلم " مَنْ صَامَ يَوْمًا فِي سَبِيلِ اللَّهِ عَزَّ وَجَلَّ بَاعَدَ اللَّهُ مِنْهُ جَهَنَّمَ مَسِيرَةَ مِائَةِ عَامٍ "[سنن النسائى]..
7 - طلب الشفاعة ..
"الصِّيَامُ وَالْقُرْآنُ يَشْفَعَانِ لِلْعَبْدِ يَوْمَ الْقِيَامَةِ يَقُولُ الصِّيَامُ أَيْ رَبِّ مَنَعْتُهُ الطَّعَامَ وَالشَّهَوَاتِ بِالنَّهَارِ فَشَفِّعْنِي فِيهِ وَيَقُولُ الْقُرْآنُ مَنَعْتُهُ النَّوْمَ بِاللَّيْلِ فَشَفِّعْنِي فِيهِ قَالَ فَيُشَفَّعَانِ"[مسند أحمد]، فيمكن الصيام ييجيلك يشفعلك ، يشيل من كبائر وقعنا فيها واحنا مش واخدين بالنا عشان كده عايزين ننوى هذه النوايا ..
8 – سبب لدخولك الجنة..

فنريد أن نأخذ النوايا هذه مع أذان الفجر ، احنا دلوقتى صائمين أخذنا النوايا هذه عشان العمل يضاااعف إن شاء الله عند رب العالمين..

23-مع أذان الفجر ماتنسيش ترددى الأذان وتقولى الدعاء بعده ،
وبعد الفجر بالذات تقومى بسرعة تؤدى ركعتى الفجر اللتَين هما خير من الدنيا وما فيها
وبعد ما تصلى الركعتين دول فى الأولى صلى بـ{ قُلْ يَا أَيُّهَا الْكَافِرُونَ} [الكافرون-1] والتانية { قُلْ هُوَ اللَّهُ أَحَدٌ } [ الإخلاص-1] ،
بعدما تصليهم تضطجعى ، تنامى على شقك الأيمن لأنها سنة عن النبى
24-
بعد كدا تؤدى صلاة الفجر
أحياناً جماعة لأن احنا محتاجين من السنة زى ما كانوا نساء الأنصار بيعملوا أحياناً تخرجى مع أحد محارمك عشان نبقى دخلنا من كل أبواب الخير زى ماحنا متفقين ... لكن الأفضل ان انتى تصلى جنب سرير نومك علشان تبقى إن شاء الله أعظم من الصلاة فى مسجد النبى الى الصلاة فيه بألف صلاة..
25-
بعد ماتصلي الفجر
مصليتك اللى انتى حتصلى فيها دى حتعدى عليها وتاخدى سنة عن أمِّنا جويرية أعدت كده تسبح ربنا وتقول أذكار الصباح والدعاء ووردك من القرءان لغااااية شروق الشمس عشان تكتب لك إن شاء الله الحجة والعمرة التامة التامة، ممكن تجلسى لبعد الشروق بتلت ساعة وتصلى ركعتين وتبقى انتى كده حصلتى الأجر، او انتى تجلسى الى الشروق وبعد كده تشوفى أمورك ...
26-
وقت مابعد الشروق
حتبتدى فى وردك من القرءان ، حتنامى بعض الوقت ، وفى ناس الى حتروح جامعاتهم كل واحدة حسب أحوالها،
اللى متفرغة الأمر يختلف، لأن الوقت ده وقت البكور والنبى قال : " اللَّهُمَّ بَارِكْ لِأُمَّتِي فِي بُكُورِهَا "[سنن أبى داود]، فالوقت بركة ، فاستغليه فى وردك من القرءان ،
لووجدتى فى بعض الاوقات شىء من الضعف نامى لتتقوى بهذا النوم لكي تؤدي ما تبقى لكى من اعمال صالحة، بس حتصحى قبل الظهر بساعة _ دى المتفرغة _ حتعمل ايه فى الوقت ده ؟ حتصلى الضحى فى هذا الوقت ، انما الى خارجة لكليتها اورايحة الشغل دى تصلى الضحى قبل ما تنزل،

وكمان نية جميلة، قال رسول الله صلى الله عليه وسلم: " من صلى الضحى أربعاً وقبل الأولى يعنى قبل صلاة الضهر أربعاً بنى الله له بيتاً فى الجنة " بيت فى الجنة بأربع ركعات ضحى وأربع ركعات قبل الضهر ، وكمان ان شاء الله هنبنى بيوت كتير فى الجنة حنصلى 12 ركعة نوافل يُبنى لنا فيها بيت فى الجنة ،

خدى كمان واحدة قصر فى الجنة تقولى " { قُلْ هُوَ اللَّهُ أَحَدٌ } عشر مرات " يعنى تصلى مثلاً عشر ركعات بـ { قُلْ هُوَ اللَّهُ أَحَدٌ } وانتى ناوية قصر يعنى نزودهم نخليهم 12 ركعة ؟ يبقى انتى اتبنالك بيت فى الجنة وقصر فى الجنة بهذا العمل ايه رأيك فى الشغل الكبير العظيم ده ؟،
27-
وقت صلاة الظهر
طيب عند صلاة الظهر حتصلى السنة القبلية كام ؟ 4 ، والسنة البعدية كام ؟ 4، يا من تطلبين العتق من النار
النبى صلى الله عليه وسلم قال : " مَنْ حَافَظَ عَلَى أَرْبَعِ رَكَعَاتٍ قَبْلَ الظُّهْرِ وَأَرْبَعٍ بَعْدَهَا حَرَّمَهُ اللَّهُ عَلَى النَّارِ "[سنن الترمذى]،
انا عايز اقول لك على حاجة يمكن الناس لا تعلمها اوبتغفل عنها
ان وقت الظهر ده هوالوقت الذى تفتح فيه ابواب السماء فلا يغلق منها باب حتى تُُصلى الظهر، الوقت من اول أذان الظهر لغاية الوقت اللى حيصلى فيه الظهر السماء اتفتحت ادعى كتير الآن..
قال رسول الله صلى الله عليه وسلم ( حديث رواه الطبرانى فى الكبير والأوسط وحسنه الألبانى ) : " إذا زالت الشمس فتحت أبواب السماء فلا يغلق منها الباب حتى تُصلى الظهر، فأنا أحب أن تُرفع لى فى تلك الساعة خير" ...
28-
بعد أدائك لصلاة الظهر ..
أ)بالنسبة لوواحدة راجعة من شغلها اومن كليتها حتأخذ وقت لغاية العصر علشان تتقوى على صلاة الليل ، وزى ما قلنا نياااتك ... تحتسبين نومتك كما تحتسبين قومتك،
اللى خلاص نامت ( الى مش بتشتغل ولا راحت الكلية ) يبقى تاخد الوقت ده ورد القرءان وممكن تستذكر شىء نافع
( تسمع مثلا موعظة ترقق قلبها ) .. تفتح لها باب من أبواب الخير..

ب)أريد أن تستغلي الوقت، نريد أن نقلب المكالمات في رمضان إلى الدعوة إلى الله ... ( اجعليها لله مش علشان الأنس ) ، احنا دائما نظل نتكلم كثير فعايزنها نستغلها في باب دعوة ،يبقى بيننا وبين بعض تذكير و" الدَّالَّ عَلَى الْخَيْرِ كَفَاعِلِهِ "
[مسند أحمد]..

ج)ممكن فى الوقت ده أيضا تبدأى تعدى العدة عشان أكياس التمر
الى حتتوزع مثلاً فى الطرقات..
د)انك تحثى اولادك او اخواتك على الذكر والقرءان علشان خاطر تأخذى أيضا اجورهم ..
ه)لو انتى مركزة اوى يبقى ورد القرءان عايزين نزود فيه أمامك ساعتين تقرأى فيهم ،
واحنا عايزين نجمع فى رمضان ما بين طريقتين فى القراءة جمع الحسنات ( تقرأى بسرعة ) ووقت للتفكر خلى بتاع التفكر ده فى الوقت لما بتصلى التهجد، وانتى فى صلاة التراويح يبقى وقت تفكر..
وصية
انا من الحاجات التى أوصى بها يبقى معاكى كشكول وانتى رايحة تصلى التراويح او وانتى بتصلى التهجد لو آية كده دخلت قلبك اكتبيها على طول عشان تفكرى نفسك بها كل شوية
احنا كده من اول صلاة الظهر لغاية العصر..
29-
أُذن للعصرحتؤدى السنة القبلية ،
قال رسول الله صلى الله عليه وسلم " رَحِمَ اللَّهُ امْرَأً صَلَّى قَبْلَ الْعَصْرِ أَرْبَعًا " [سنن أبى داود]، احنا فى زمان شهر الرحمة ونريد ربنا ينزل علينا الرحمة ، والرحمة ده البنزين ، البنزين الى حيشغلك ، انتى مش حتعرفى تشتغلى إلا لما الرحمة تنزل

30-
بعد كده أداء صلاة العصر فى اول الوقت ،
مررى على قلبك وانتى رافعة يديكى تكبرى تكبيرة الاحرام " مَنْ صَلَّى الْبَرْدَيْنِ دَخَلَ الْجَنَّةَ "[مسند أحمد]، اللى يصلى العصر ويصلى الفجر يدخل الجنة ، افتكرى انها سبب عظيـــــم لدخول الجنة ،
وصية
حاجة من السنن المهجورة انك بعد صلاة العصر فى أذكار دبر الصلاة تقولى زى ما قلتى بعد صلاة المغرب وزى ما قلتى بعد الفجر ( لا إله إلا الله وحده لا شريك له الملك وله الحمد يحيى ويميت وهوعلى كل شىءٍ قدير ) ،
هناك رواية عند الإمام النسائى وحسنها الألبانى " من قالهن حين ينصرف من صلاة العصر أُعطى مثل ذلك فى ليلته ".
31-
وقت إعداد الطعام لأهل البيت وللتوزيع
وانتى بتعدى الهجي بأذكار المساء ، وانتى فى مطبخك سامعة قرءان ، فاتحة درس بتسمعيه ، وماتنسيش الأذكار والدعاء على لسانك بشكل مستمر ، هكذا إلى أذان المغرب ،
32-
حين يؤذن للمغرب تفطرى وتتعجلى فإنها السنة
قال النبي صلى الله عليه وسلم: " لَا يَزَالُ النَّاسُ بِخَيْرٍ مَا عَجَّلُوا الْفِطْرَ "[مسند أحمد]،
يبقى تتعجلى الفطار وما تنسيش سنة النبى صلى الله عليه وسلم وانتى بتفطرى تقولى الدعاء
"ذَهَبَ الظَّمَأُ وَابْتَلَّتْ الْعُرُوقُ وَثَبَتَ الْأَجْرُ إِنْ شَاءَ اللَّهُ "[سنن أبى داود]،
الإفطار بيبقى على تمر أورطب اوجرعة ماء ،

حقول لك على حاجة أيضا عايزين نعملها السنة دي!!
1-
عايزك تفطرى يوم مع مساكين ، تعرفى تعملى الحكاية دى ؟ اول حاجة حتكسرى بها ذرة الكبر ، وتانى حاجة هتنفذى هدْى من هدْى صحابة النبى صلى الله عليه وسلم سيدنا ابن عمر كان لا يفطر الا مع المساكين،
فيها ايه لما نطلع فى يوم من الايام نروح اى مكان من الاماكن دى ونفطر معاهم؟ ، واللهِ تتخلصى من الآفة دى ،
عايزين نعمل الحكاية دى ، فيها مجاهدة للنفس ، النبى قال كده : " ما استكبر من أكل معه خادمه "
2-
كذلك الإفطار أكيد مرة حتدعى أقاربك عشان تبقى صلة أرحام ... وانتى بتدعيهم اوانتى الى بتلبى دعوتهم افتكرى انها سبب عظيم جدا جدا لتكفير السيئات وفى نفس الوقت القرب من الرحمن ،
ماهى المشكلة للأسف ان احنا متعودين فهذه الجلسات بتيجى بآثار سيئة مع إنها المفروض انها قربة لرب العالمين بس احنا مش عملنها قربة احنا عملنها عادة ..
3-
ماتنسيش سبب عظيم اوى للمغفرة بعد الافطار تقولى بعد الفطار " الْحَمْدُ لِلَّهِ الَّذِي أَطْعَمَنِي هَذَا الطَّعَامَ وَرَزَقَنِيهِ مِنْ غَيْرِ حَوْلٍ مِنِّي وَلَا قُوَّةٍ " [سنن أبى داود]،
دا كدا البرنامج اليومى

فيه عبادات هنْسقَّطْها فى الأيام مثلاً
(*)الصدقة
لازم يبقى كل يوم صدقة ( وانتى رايحة صلاة التراويح ، وانتى نازلة كليتك أورايحة شغلك ) المهم لازم يبقى لكى صدقة يوميه ، وتحتسبى فيها الصدقة تطفىء الخطيئة كما يطفأ الماء النار ،
وفى نفس الوقت يا ريت تبقى صدقة سر عشان نتعلم درس الإخلاص فى رمضان ..
"انا فى سباق مع الريح المرسله"
انتى اسرع من الريح فى انك تتصدقى بصدقات ، عايزك تتصدقى بصدقة عمرك فى حياتك ما تصدقتى بيها ، رقم عمرك ما كنتى تتخيلى انك تعمليه فى رمضان السنادى عشان تُبَلَّغى المنزلة العظيمة دى ..
(*) النظر في المصحف
من العبادات ايضاً الى مش عايزك تنسيها وانتى بتقرأى ورد القرءان .... النظر فى المصحف ، ده فى حد ذاته عبادة ، دى وظيفة ، النظر فى المصحف تبلغ محبة الرحمن ،قال رسول الله : " من سره أن يحب الله ورسوله فليقرأ فى المصحف "

طيب وردك من القرءان حيبقى اد ايه ؟
أقل حاجة ... السلف كانوا طـــــــــــــول السنة بيختموا كل اسبوع ، احنا خلينا احنا اقل حاجة نعملها فى رمضان اقل حاجة اربع ختمات ، ده لوحدة تكون نشطة ،
واحدة لسه فى البداية انت بتقلى اربع ختمات ايه ده انا يادوبك بجيب الختمة بالعافية ، طيب انتى اكتر حاجة عملتيها ختمة ؟ يبقى تضاعفيها يبقى اعمليها ختمتين ، اوانتى اكتر حاجة عملتيها ختمتين خليهم اربعة ، اكتر حاجة جبتى اربعة انا عايزك تزودى زودى اختمى كل تلاتة .... ايوة كده ده زمان السباق ... امال احنا قايلين ايه
(( استبقوا الخيرات ))

جددى توبتك ، اكثرى من الذكر ، على طول لسانك وانتى رايحة الشغل وانتى فى الكلية وانتى فى مطبخك فى كل مكان وظيفة،
على طول فى لسانك كثرة الاستغفار
كثرة الصلاة على النبى
عليكى بغراس الجنة " سبحان الله العظيم وبحمده "
عليكى بما بينفض الخطايا كما تنفض الشجرة ورقها ( سبحان الله – الحمد لله – لا إله إلا الله – الله أكبر)

آخر حاجة في الأعمال ....
الخروجات
عايزين خروجة مثلا كل خمس ايام يعنى اربع خروجات فى اول عشرين يوم ، ايه الاربع خروجات ؟
الخـــــــــروجـــــــة الاولى ::
: عيادة مريض .... وتنوى فيها انك تخوضى فى رحمة الله فى زمان الرحمة وبالذات فى العشر الاوائل الى هما فيهم الرحمات .... فى العشر الاوائل عايزين خروجة لمستشفى .. عيادة مريض عشان ينادى المنادى ( أن طبتى وطاب ممشاكى وتبوأتى من الجنة منزلا ) .... ومن عاد مريضا خاض فى رحمة الله .
الخـــــــــروجـــــــة التانية ::
ملجأ ( يوم 10 مثلا اوفى خلال العشر ايام التانيين ) ، خروجة فى ملجأ عشان ..
النبى صلى الله عليه وسلم قال : " إِنْ أَرَدْتَ تَلْيِينَ قَلْبِكَ فَأَطْعِمْ الْمِسْكِينَ وَامْسَحْ رَأْسَ الْيَتِيمِ" [مسند أحمد]، انا أريدها فى الخمسة التانيين ليه ؟ يكون قلبك بدأ يفتر ، احوالك بدأت تانى ترجع لمألوفاتك ، فعشان خاطر الوقت ده نلين فيه قلبنا نعمل فيه خروجة الملجأ .
الخـــــــــروجـــــــة الثالثة::
خروجة لمساكين ، تروحى تطعمى مساكين وتفطرى معاهم ، دى حاجة أيضا من الحاجات الى يلين بها القلب.
الخـــــــــروجـــــــة الرابعة ::
تشييع جنازة اوزيارة قبر ، يا إما تعمليها يا إما تعملى حاجة من التلاتة التانيين تكرريها .... المهم عايزين اربع خروجات فى العشرين يوم الأولانيين عشان خاطر هذه الاعمال العظيمة .

ده كده برنامج ليكى على مدار الشهر والاعمال الى احنا عايزين نتقرب بيها الى رب العالمين
الزمان .... زمان سباق ... فاستبقى الخيرات ، عايزك ترفعى الشعار دائما أمام عينيكى
وعجلت إليك ربى لترضى
لن يسبقنى إلى الله أحد
عايزك يبقى أمامك المعنى ده
المــــــــــــره دى
:: أيظن أصحاب محمد أن يستأثروا به دوننا والله لنسابقنهم عليه ::

انا عايزك تبقى بالهمة دى .... بالإرداة دى ..... أمام عينيكى الثمرات العظيمة
عايزين نتقرب الى ربنا ..... عايزين نبلغ العتق من النيران .... عايزين نكتب إن شاء الله من عباده المتقين
إن شاء الله نبلغ الفردوس الأعلى فى هذا الزمان.

بالله ماتخليش رمضان السنادى زى كل رمضان .. رمضان السنادى لازم يبقى احلى رمضان فى حياتك
وافضل رمضان فى حياتك ، والبداية الحقيقية لإلتزامك
الشيخ هاني حلمي
منقوووول

[حاملة اللواء]

رد: يوم المسلمة في رمضان

جزاكم الله خيرا

جعله الله في موازيين حسناتكم

[اقرأ القرآن وأذكر ربك]

رد: يوم المسلمة في رمضان

السلام عليكم ورحمة الله وبركاته
جزاكم الله خيرا ونفع بكم
أسأل الله لنا ولكم الاخلاص والقبول
عن أبي سعيد الخدري رضي الله عنه : " أن رسول الله صلى الله عليه وسلم سئل : أي العبادة أفضل درجة عند الله تعالى يوم القيامة ؟ قال : الذاكرون الله كثيرا ، قلت : يا رسول الله ومن الغازي في سبيل الله عز وجل ؟ قال : لو ضرب بسيفه في الكفار والمشركين حتى ينكسر سيفه ويختضب دما لكان الذاكرون الله أفضل منه "
أكثر من الاستغفار: فإنَّه يطهر القلب والجنان، ومدعاة لتكفير الذنوب والآثام.

أكثر من الصلاة على النبي صلى الله عليه وسلم: فإنها من أعظم أسباب تنزل الرحمات، وبها تستجلب محبة الحبيب صلى الله عليه وسلم وشفاعته يوم المعاد، وترفع بها الدرجات، وتقضى الحاجات.

[مسلمة وفخورة]

رد: يوم المسلمة في رمضان

جزاكم الله خيرا

جعله الله في موازيين حسناتكم

السلام عليكم ورحمة الله وبركاته
جزاكم الله خيرا ونفع بكم
أسأل الله لنا ولكم الاخلاص والقبول
عن أبي سعيد الخدري رضي الله عنه : " أن رسول الله صلى الله عليه وسلم سئل : أي العبادة أفضل درجة عند الله تعالى يوم القيامة ؟ قال : الذاكرون الله كثيرا ، قلت : يا رسول الله ومن الغازي في سبيل الله عز وجل ؟ قال : لو ضرب بسيفه في الكفار والمشركين حتى ينكسر سيفه ويختضب دما لكان الذاكرون الله أفضل منه "
أكثر من الاستغفار: فإنَّه يطهر القلب والجنان، ومدعاة لتكفير الذنوب والآثام.

أكثر من الصلاة على النبي صلى الله عليه وسلم: فإنها من أعظم أسباب تنزل الرحمات، وبها تستجلب محبة الحبيب صلى الله عليه وسلم وشفاعته يوم المعاد، وترفع بها الدرجات، وتقضى الحاجات.

وخيرًا جزاكم الله

[درعمية وافتخر]

رد: يوم المسلمة في رمضان

جزاكم الله خيرا

جعله الله في موازين حسناتكم

[عبدالسلام بيومى]

رد: يوم المسلمة في رمضان

[مسلمة وفخورة]

رد: يوم المسلمة في رمضان

جزانا الله واياكم
واعتقنا من النــار وبلغنا ليلة القدر