إعـــــــلان

تقليص
لا يوجد إعلان حتى الآن.

يا ترى مشتاقين لرمضان؟؟؟؟؟

تقليص
X
تقليص
 
  • الصفحة لـ 1
  • تصفية - فلترة
  • الوقت
  • عرض
إلغاء تحديد الكل
مشاركات جديدة
السابق template التالي
  • #1

    يا ترى مشتاقين لرمضان؟؟؟؟؟

    السلام عليكم ورحمه الله وبركاته
    الحمد لله حمدا كثيرا مباركا كما ينبغى لجلال وجهه وعظيم سلطانه
    والصلاة والسلام على رسول الله

    أسألكم بالله ........... كيف حال قلوبكم بعد رمضان ؟؟؟؟؟؟؟؟

    ياااااااااااه رمضان مين ....... انتى لسه فاكره ....... كل رمضان وانتى طيبه بقى

    إيه ده لحقتو تنسو ... لا حول ولا قوة إلا بالله .. إنا لله وإنا إليه راجعون

    بس لا ... انا عارفه ان فى ناس بتقول الحمد لله كأننا لسه خارجين من رمضان إمبارح

    إحنا لسه بنقوم الليل .. إحنا لسه عايشين القرآن .. إحنا لسه بنبر والدينا .. إحنا لسه بنصل رحمنا .. إحنا لسه بنطعم المساكين .. إحنا لسه شايلين هم الدعوه .. إحنا لسه ......

    دول بقولهم مبارك عليكم أدركتم رمضان بإذن الله


    كلنا يا جماعه بنقول فين شعور رمضان ؟؟؟؟؟؟؟ مش كده ؟؟؟؟؟؟؟؟

    فين جلسة الضحى زى فى رمضان ؟؟؟

    يا جماعة بجد إحنا متخيلن إن وإحنا قاعدين جلسة الضحى كأننا عملنا عمرة؟؟؟؟

    فى أخت كانت فى المعتكف كل لما الأخوات يجو ينامو تقول لا فاضل على التهجد كام ساعة .. بعد التهجد .. لا خلاص ماعدش حاجه على الفجر .. بعد الفجر لا بقى دى بقدر عمره وكلو فضل قاعد
    المهم هى غفلت فى آخر جلسة الضحى وصحيت على الشروق بتقول إنتو صحتونى ليييييييييه؟؟؟ إنتو عارفين انا كنت فين؟؟؟؟؟؟ أنا كنت بعمل عمرة فى الرؤيا و و أنا بطوف فى الشوط ال... قابلت فلانة وفلانة ..... وأنا فى الشوط ال.... قابلت فلانة .... إنتو صحتونى ليه ؟؟؟

    إحنا فين منها؟؟؟؟؟؟؟؟؟ هل هى من النبيين ؟؟ لأ طبعا .... يا جماعة دى واحده زيها زينا .. بس أكيد قلبها مش زى قلوبنا ......... ربنا يطهر قلوبنا ويقويها بحبه


    طيب والقيام؟؟؟؟؟؟

    إحنا فى رمضان كان الواحد بيصلى ويقول إيه ده فات ركعتين إحنا لحقنا وبعدين يلاقى خطبه يقول الله؟؟؟؟؟ فات أربعه ؟؟؟؟؟؟ هو الشيخ بيخلص بسرعه كده ليه؟؟

    بنصلى ونعيش قرآن فين دموع رمضااااااان؟؟ بعد الأيات يجى الشيخ يقول الله أكبر .. نلاقى من جوانا لا بقى كمل قرائه ..... نركع نبقى مش عاوزين نقوم من الركوع .. يقول سمع الله لمن حمده يااااااه نحمد ربنا ونثنى عليه بأفضل المحامد والمثانى .. يجى يسجد تقول لأ أنا عاوز أكمل ... بعد لما تسجد الله أكبر .... ياااااااااااه حبيبى أنا قريب منك أوىىىىى .... سبحاااااااااااااان ربى الأعلى وندعى ونتذلل ونبكى .......... عايشين صلاة

    لو جينا بقى نصلى القيام بعد رمضان ..... هه صليت ركعتين .. يا معين باقى سته ونخلص .. بعد السته
    تبوس يدك وش وظهر و تقول بس الحمد لله خلصت .. أشهد ان لا إله إلا الله ...... بتضحكوا ؟؟ ( والله فعلا هم يبكى وهم يضحك )


    تعالو نأخد مشهد من المشاهد الرمضانية ((( التهجد )))
    ما أخدتوش بالكم يا جماعة بالذات اللى كانو فى الشرعية العشرة الأواخر ... مش الشيخ اللى كان بيقرأ فى أول رمضان هو نفس الشيخ اللى بيصلى بينا فى التهجد؟؟؟؟؟؟؟ بس إسمعه فى أول رمضان وأسمعه وهو بيقرأ فى التهجد ....... يا ترى إيه الفرق مع إن كلو فى رمضان ....... لا فى فرق .. يا ترى إيه هو ؟؟؟؟؟؟؟؟؟؟؟؟ صح زى ما إنتو قولتو ... لأن إحنا فى التهجد بنكون فى الوقت اللى بيتنزل فى الملك عز وجل تنزلا يليق بجلاله وكماله ليس كمثله شىء وهو السميع البصير.

    نيجى بقى للنوم فى رمضان ... نوم .. نوم مين ده ؟؟؟ هو حد فى رمضان فاضى للنوم ؟؟؟؟

    ياااااااااااااااااه رمضان كان عداد كبيييييييييير للحسنات وإتقفل ....... يا ترى لحقناه ؟؟؟
    اللى مالحقش بنقوله ربك كريييييييييييييييييييييييم .. قدم إنت بس خطوه وهو يكسوك برحمته بإذنه عز وجل ........ واللى لحق ربنا يثبته


    عارفين يا جماعة الناس بعد رمضان ثلاثة أنواع:

    أول نوع ... ناس بجد عاشت رمضان فاكرين كل حاجه ، زى مثلا واحده إبنها مات وفات على وفاته 6 شهور وواحده جايلها تقولها إنا لله وإنا إليه راجعون ، هتعد تبكى كأنه لسه ميت النهارده .
    هو ده شعور اللى فينا دلوقتى كان بيحب رمضان أوى ومصدق بجد إن رمضان جه عشان يعبد ربنا حق عباده .

    تانى نوع .... ناس كانت فى رمضان زى ما تكون فى سجن عماله تقول يا رب سهل باقى عشرين يوم من رمضان ويخلص إيه ده هو الوقت بيمر براحه كده ليه؟؟؟؟؟لحد لما رمضان يخلص .... وفى اول يوم العيد رجعو تانى كما كانو فى الدنيا لاهين ......

    ثالث نوع .... وأعيذ الله ان نكون منهم ناس ما تعرفش إن ده رمضان غير لان فى خيمة رمضانية ....
    أو سحور راقص .... أو حفلات دى جى جديدة وأسعار محصلتش ..... بركة رمضان بقى .. أو ..أو ..


    عاوزين يا جماعه نبقى ناس إيجابية إزاى يا ترى ؟؟؟؟؟؟؟

    يعنى لما بتتكعبل وإنت ماشى فى الشارع ، تلقائى بتبص وراك تشوف إتكعبلت فى إيه ؟؟ عشان ما تتكعبلش فيه تانى ... مش كده؟؟

    طيب ... رمضان فات وقدر الله وما شاء فعل .. مش هنقدر نغير حاجه فاتت .. بس لازم نقف وقفات مع نفسنا نعيد فيها حسابتنا صح؟؟؟؟؟؟؟؟

    أولا وقفة شوووووووق .... إتكلمت فيها فى أول الموضوع عن بعض مشاهد عشناها فى رمضان ... رمضان يا جماعه فيلم جميييييييييييييييييييل إنتو أبطاله ... ماتخلوش الفليم يخلص بمجرد إن رمضان خلص ... لا خلوه يخلص لما أرواحكم تروح لخالقها .

    ثانيا وقفة محاسبه وقولنا عليها بردو ..

    ثالثا وقفة متستخلص ... دى أهم وقفه بقى يا جماعة .. إللى هو بقى هنعرف أخطائنا وهنصلح اللى كان بايظ ...

    يارب ما أكون طولت عليكم ........ إذا وجدت قبول للموضوع هيكون له بقيه إن شاء ربنا وأراد

    أستودعكم الله ....... لا تنسونى من دعائكم وإنتو ساجدين فى صلاة الوتر بردو

    يا جماعة أنا واخدة الكلام دة من نقاط فى درس الحاجه اميمة الصاوى

    وانا الكلام ده كتباة لنفسى قبل ما اكتبهلكم

    ربنا يهدينا جميعا
    التعديل الأخير تم بواسطة طالبة الجنان; الساعة 24-08-2009, 07:13 AM.
    هذا طريق السالكين لربهم *** فاسلك حباك الله بالإيمان
    ولتتبع هدى النبى المصطفى *** فبهديه تنجو من النيران
    وازهد أخى فى متاع ذائل *** واقهر غرور النفس والشيطان
    واعمل لجنات النعيم وطيبها *** فنعيمها يبقى وليس بفان
    الكلمات الدلالية (Tags): لا يوجد
  • #2
    السلام عليكم
    ماشاء الله ,بجد كلام رائع ومعنويات عالية ,ربنا يبارك فيكم
    ياريت حضرتك تكملى وياريت لو يبقى فى عدة روابط لعدة دروس عن بعد رمضان ونبعتهم على الجروب ,يبقى جزاكم الله خيرا

    والله الواحد حزن وهو بيقرأ الكلام ده على بعض الاحاسيس الى مكنتشى موجوده معاه وفى نفس الوقت فرح باحاسيس تانيه كانت معاه
    ربنا يتوب علينا ويصلح قلوبنا ويمتعنا بطاعته فى كل زمان ومكان ,امين
    جزاكم الله خيرا
    التعديل الأخير تم بواسطة رقية 2; الساعة 27-08-2009, 10:41 PM.

    لبثت ثوب الرجا و الناس قد رقدوا و قمت أشكو إلى مولاي ما أجد
    و قلت يا عدتي في كل نائبة و من عليه لكشف الضر أعتمد
    أشكو إليك ذنوبا أنت تعلمها ما لي على حملها صبر و لا جلد

    تعليق

    • #3
      يااااااااااااااااااااااااااااااااااااااااااااااااا ااااه
      شعور رائع و الله
      ياااااااااااااااااااه بجد مش عارفة اقول ايه
      اقول بحبك يارب
      اقول اللى يعرف ربنا هيعيش حياته كلها ليه بيحبه و عارفه و متعلق بيه بشدة
      مش هيفرق معاه رمضان من غير رمضان
      اقول الحمد لله على ان الواحد قرب من قربنا
      اقول الحمد لله على الاسلام
      اقول ايه بس
      اقول الحمد على الحبيب صلى الله عليه و سلم
      اقول الحمد لله ان الواحد حاسس ان ربنا قبله لانه مثبته بعد رمضان على طاعته
      اقول الدعاء اللى كنت اتذلل بيه طوال الشهر
      " اللهم لا تحرمني منك ولا تقطعني عنك "
      اقول ايه
      اقول نفسي اعيش ليلي و نهاري كله ليك يارب
      اقول سبحانك يارب ما عبدناك حق عبادتك و ما شكرناك حق شكرك
      و ما عرفناك حق معرفتك و ما حمدناك حق حمدك
      اقول ايه
      سبحان الله
      أحيانا بنشعر باحاسيس منقدرش نوصفها
      يمكن بتبكي
      يمكن بتحس انك طاااااااااااااااااير من على الارض
      يمكن بحس اني خفيفة
      يمكن بحس انى شايلة الدنيا من قلبي

      يمكن تحس ان ياااااااااااااااه اد كده يارب بتحبنا
      و كل ده نعم
      مش عارفة اقول ايه بس موضوعك خلاني اخرج مشاعري
      جزاكي الله خيرا كثيرة وجزى الحاجة اميمة خيرا كثيرا
      بس الحمد لله انتم عارفين رمضان بالذات السنة ديه فارق معايا
      يعنى انا الحمد لله عدى عليا من يوم ما التزمت 3 رمضان كاملين
      اجمل رمضان هوا رمضان السنة ديه
      يااااااااااااااااااااااااااااااااااااااااااااااااا اااااااااااااااااااااااااااااااااه
      عارفين علاقة تانية مع ربنا
      مفاهيم تانية
      احاسيس تانية
      علاقة بالقرآن بطريقة تانية
      بجد مش قادرة اكمل
      التعديل الأخير تم بواسطة رقية 2; الساعة 27-08-2009, 10:42 PM.
      (( وَتَوَكَّلْ عَلَى اللَّهِ وَكَفَى بِاللَّهِ وَكِيلاً )) سورة الأحزاب .
      (( الَّذِي خَلَقَنِي فَهُوَ يَهْدِينِ{78}وَالَّذِي هُوَ يُطْعِمُنِي وَيَسْقِينِ{79}وَإِذَا مَرِضْتُ فَهُوَ يَشْفِينِ{80}وَالَّذِي يُمِيتُنِي ثُمَّ يُحْيِينِ{81}وَالَّذِي أَطْمَعُ أَن يَغْفِرَ لِي خَطِيئَتِي يَوْمَ الدِّينِ{82} )) سورة الشعراء .

      تعليق

      • #4
        وجزاكم الجنة بإذن الله

        بالنسبة للاخ سلفى : ان شاء الله انا هروح الدرس النهارده واجيب النقاط واكتبلهم الموضوع وهدور على الدروس واجيبها بإذن الله

        بالنسبه لآية الله : ربنا يحبك ويكرمك ويعزك ويثبت اقدامك وينور قلبك ويبلغك رمضان ويجعله قربة لله أكثر من رمضان اللى فات
        هذا طريق السالكين لربهم *** فاسلك حباك الله بالإيمان
        ولتتبع هدى النبى المصطفى *** فبهديه تنجو من النيران
        وازهد أخى فى متاع ذائل *** واقهر غرور النفس والشيطان
        واعمل لجنات النعيم وطيبها *** فنعيمها يبقى وليس بفان

        تعليق

        • #5
          دروس عن بعد رمضان

          ماذا بعد رمضان للشيخ محمد حسين يعقوب :
          http://www.yaqob.com/site/docs/s_sharayet.php?id=738&selsala_id=0&cat_id=1

          ماذا بعد رمضان للشيخ أحمد نشأت :
          تم حذف الرابط من قبل المراقب لأنه لا يعمل ويؤدى إلى روابط أخرى ... شاكرين حسن تفهمكم

          وماذا بعد رمضان للشيخ عبد العظيم بدوى :
          http://www.islamway.com/?iw_s=Lesson&iw_a=new

          وقفة للمحاسبة بعد رمضان للشيخ محمد حسان :
          http://www.islamway.com/?iw_s=Lesson&iw_a=view&lesson_id=56916

          أبواب الاجر بعد رمضان للشيخ محمود عبد الحميد :
          http://www.islamway.com/?iw_s=Lesson&iw_a=view&lesson_id=56809

          برنامج ما بعد رمضان للشيخ هانى حلمى عبد الحميد :
          http://www.islamway.com/?iw_s=Lesson&iw_a=view&lesson_id=56809

          رب رمضان رب شهور العام للشيخ نشأت أحمد :
          http://www.islamway.com/?iw_s=Lesson&iw_a=view&lesson_id=56790

          لقد انتهى رمضان للشيخ أحمد نشأت :
          http://www.islamway.com/?iw_s=Lesson&iw_a=view&lesson_id=56759

          الثبات بعد رمضان للشيخ محمد حسين يعقوب :
          http://www.islamway.com/?iw_s=Lesson&iw_a=view&lesson_id=56756

          وداعا رمضان للشيخ صلاح الدين على عبد الموجود :
          http://www.islamway.com/?iw_s=Lesson&iw_a=view&lesson_id=56699

          وماذا بعد رمضان للشيخ محمد صالح المنجد :
          http://www.islamway.com/?iw_s=Lesson&iw_a=view&lesson_id=56698

          وماذا بعد رمضان للشيخ أحمد فريد :
          http://www.islamway.com/?iw_s=Lesson&iw_a=view&lesson_id=56696

          الثبات على الطاعة بعد رمضان للشيخ محمد محرم :
          http://www.islamway.com/?iw_s=Lesson&iw_a=view&lesson_id=56693


          التعديل الأخير تم بواسطة رقية 2; الساعة 27-08-2009, 10:45 PM.

          لبثت ثوب الرجا و الناس قد رقدوا و قمت أشكو إلى مولاي ما أجد
          و قلت يا عدتي في كل نائبة و من عليه لكشف الضر أعتمد
          أشكو إليك ذنوبا أنت تعلمها ما لي على حملها صبر و لا جلد

          تعليق

          • #6
            جزيتم خيرا
            التعديل الأخير تم بواسطة طالبة الجنان; الساعة 24-08-2009, 07:30 AM.
            هذا طريق السالكين لربهم *** فاسلك حباك الله بالإيمان
            ولتتبع هدى النبى المصطفى *** فبهديه تنجو من النيران
            وازهد أخى فى متاع ذائل *** واقهر غرور النفس والشيطان
            واعمل لجنات النعيم وطيبها *** فنعيمها يبقى وليس بفان

            تعليق

            • #7

              وجزيتم مثله
              التعديل الأخير تم بواسطة طالبة الجنان; الساعة 24-08-2009, 07:31 AM.

              لبثت ثوب الرجا و الناس قد رقدوا و قمت أشكو إلى مولاي ما أجد
              و قلت يا عدتي في كل نائبة و من عليه لكشف الضر أعتمد
              أشكو إليك ذنوبا أنت تعلمها ما لي على حملها صبر و لا جلد

              تعليق

              • #8
                جزاكم الله خيرا على الموضوع

                وربنا يأجركم ان شاء الله على هذا الموضوع المفيد ..
                التعديل الأخير تم بواسطة طالبة الجنان; الساعة 24-08-2009, 07:31 AM.
                أخى الكريم : فرق شاسع جدا فى المعنى بين الإرادة وبين الخلق أوالصنع
                فاحرص على أن تكتبها ( إن شاء الله ) لا أن تكتبها ( إنشاء الله )
                ثم تدبر معى قوله تعالى
                (إِنَّ فِي خَلْقِ السَّمَاوَاتِ وَالأَرْضِ وَاخْتِلاَفِ اللَّيْلِ وَالنَّهَارِ لآيَاتٍ لِّأُوْلِي الألْبَابِ**الَّذِينَ يَذْكُرُونَ اللّهَ قِيَاماً وَقُعُوداً وَعَلَىَ جُنُوبِهِمْ وَيَتَفَكَّرُونَ فِي خَلْقِ السَّمَاوَاتِ وَالأَرْضِ رَبَّنَا مَا خَلَقْتَ هَذا بَاطِلاً سُبْحَانَكَ فَقِنَا عَذَابَ النَّارِ)
                (آل عمران :190-191)
                __________________________
                C O M I N G S O O N ... A L L A H W I L L I N G
                ________________________________
                أعتذر لقلة الردود حالياً نظراً للانشغال الشديد .....

                تعليق

                • #9
                  باقى الموضوع هيتحط كمان دقائق إن شاء الله
                  التعديل الأخير تم بواسطة طالبة الجنان; الساعة 24-08-2009, 07:32 AM.
                  هذا طريق السالكين لربهم *** فاسلك حباك الله بالإيمان
                  ولتتبع هدى النبى المصطفى *** فبهديه تنجو من النيران
                  وازهد أخى فى متاع ذائل *** واقهر غرور النفس والشيطان
                  واعمل لجنات النعيم وطيبها *** فنعيمها يبقى وليس بفان

                  تعليق

                  • #10
                    باقى الموضوع

                    سئلت المحاضرة (الحاجة أميمة) من منكن إمتلكت ثمرة من رمضان ؟؟

                    فإجابت أخت أنها امتلكت الألفه بينها وبين القرآن ، وأخرى تقول أنها إعتادت الخير ، .........،...


                    فما ثمرتك ؟؟؟؟؟؟؟؟؟

                    فى الموضوع السابق كان تقريبا كله على روحانيات رمضان ، طيب إيه الحاجات العملية اللى بيها نمتلك الروحانيات دى؟؟؟

                    الموضوع ده بيترتب على وفقه من وقفاتنا ،،، ألا وهى وقفة المنادى على رمضان

                    كلنا بنقول إزاى أثبت . أقولكم على سر الكلمة دى وحشه أوى فى حقكو ....... ليه؟؟؟

                    لما تكون انت خلصت كليه وتروح لواحد كان معاك بس فضل فى الكيه وتقوله ، ما شاء الله إنت ثابت

                    عرفتو .......إحنا عاوزين ننطلق مش نثبت فى مكاننا

                    يقول المولى عز وجل : ويزيد الله الذين اهتدو هدى ) ، ( والذين اهتدو زدناهم هدى )

                    إحنا مش عاوزين يا جماعه نبقى نبات متسلق مستنى حاجه يتسند عليها ، إحنا عاوزين نبقى زى النخله اللى أساسها صح ومنطلقه لفووووووق

                    قال بن القيم رحمة الله عليه ( من ثواب الحسنة الحسنة بعدها ومن عقاب السيئه السيئه بعدها )

                    * ملحوظة*

                    كلنا هنقول احنا مش قادرين نبقى زى رمضان ويجيلنا احباط بقى ونيأس لأ لأ لأ إوعو تعملو كده

                    إحنا ناس عاقلة بإذن الله رمضان غير أى شهر فعلا ربنا جعله مبارك فى كل شىء

                    مستحيل اللى عمل جمعيه مثلا عشان يطعم فقراء فى رمضان هيقدر يعملها كل شهر ، ولا اللى كان سايب حاله ومفرغ نفسه للدعوه تماما هيقدر يعمل كده كل شهر ، ولا اللى كان مفضى شقته عشان يعمل مائدة رحمن هيخلى بيته كده باقى السنة ، ولا اللى كان واخد أجازه عشان يعتكف هيقدر يأخد اجازه كل شهر ، ولا ...ولا ..... لازم نكون واقعيين

                    إحنا نخلى مقياس التقدم بعد رمضان مش انا كنت ايه فى رمضان وبعدين ايه اللى حصلى بعد رمضان ..لأ .. شوف إنت كنت فين فى شعبان وفى شوال بقيت فين ؟؟؟


                    هنأخدها فى خطوات عملية :

                    الخطوة الاولى عرض المادة ) إعرض كل اللى إنت كنت بتعمله فى رمضان ( صيام - قيام - ضحى - إطعام - دعوة - .........)

                    الخطوة التانيه إختيار ما يناسبك منها) يعنى انت كنت تمام فى الصيام وسهل بالنسبالك خلاص خلى الصيام هو العباده اللى تطلع منها من رمضان ،وهكذا طبعا حسب العبادة اللى سهله عليك

                    * ملحوظه" : فى ناس يا جماعه بتشوف ايه اصعب عبادة عندها وتعملها وتقول انا بادب نفسى وكذا ....... الكلام ده غلط ... كل منا له لحظات فتور .. لو انت عبادتك اللى مخصصها صعبه فى أوقات فتورك مش هتعمل حاجه ، أما لو انت عبادتك يسيره ممكن تعمل على الاقل جزء منها ... طبعا بإستثناء الصيام

                    الخطوة الثالثة إنتقاء القدر ) يعنى شوف القدر اللى يناسبك بحيث فى حالة فتورك تقدر تعمله

                    الخطوة الرابعة المداومة ) قال المصطفى ( صل الله عليه وسلم) : " خير الأعمل أدومها وإن قلت " ، إنت اخترت عمل سهل عليك مداوم عليه بتاخد أخر واحد طاحن نفسه فى عبادة أجرها قليل لكنه اخترها عشان صعبه

                    ** فى حالات ممكن الانسان يجيله ضيف مثلا فى وقت الورد بتاعه او وقت العباده اللى هو اختارها ، هل يسيب الضيف ويمشى يقول أنا بداوم ؟؟ لأ طبعا الضيف أهم ، ( من المستحب ترك المستحب لتأليف القلوب ) لا اذكر هل المقوله دى لإبن القيم ولا للحسن البصرى كنت وخداها فى درس تانى ، يا ترى ليه المقوله دى ؟؟؟ لان انت لما هتقابل الضيف ده هتاخد ثواب أكرام الضيف غير إنك من جواك نفسك تعمل عبادتك فا بتاخد بالنيه كمان ثواب العبادة .

                    ** لازم نبقى اذكيه فى التعامل مع ربنا ..... ازاى ؟؟؟؟ صح الأوكازيزنات الربانية ...... إنتقو أوقات إستجابة الدعاء ، إنتقو الذكر اللى تأخدو بيه حسنات كتير ويا سلام لما يكون ربك بيحبه " سبحان الله وبحمده سبحان الله العظيم " ، سبحان الله وبحمدى عدد خلقه وزنة عرشه ..... ، الحج إنك تعمل عمره فى رمضان ، وهكذا ....
                    التعديل الأخير تم بواسطة طالبة الجنان; الساعة 24-08-2009, 07:36 AM.
                    هذا طريق السالكين لربهم *** فاسلك حباك الله بالإيمان
                    ولتتبع هدى النبى المصطفى *** فبهديه تنجو من النيران
                    وازهد أخى فى متاع ذائل *** واقهر غرور النفس والشيطان
                    واعمل لجنات النعيم وطيبها *** فنعيمها يبقى وليس بفان

                    تعليق

                    • #11
                      تابع الباقى

                      الخطوة الخامسة : الوقوف على الأشياء التى كانت تعينك فى رمضان ) يعنى اللى تقدر تستغنى عنه سيبه ...... فييييييييييييين ايام الاعتكاف الواحد كان لما يخرج لحاجه معينه يلاقى محلات يقول اه انا عاوزه اجيب دى ودى لا أأجل لبعد رمضان ،، والله وتلاقى اللى انت مأجله جالك لحد عندك بعد رمضان ، الشاهد إننا نقدر نأجل حجات ، كانت الحاجه سميه فى الاعتكاف بتقولنا سبحان الله احنا قادرين نعيش فى الاعتكاف مافيش سراير وفى دوشه والنور متولع اربعه وعشرين ساعه وبنام ، اكلنا تلت تربعه حجات مؤقته وبناكل ، يعنى قادرين اهه نعيش عيشه بسيطه جداااااااااا .... النشيد بتاع ارى الدنيا لمشارى فيه المعنى ده ، وبعد كده كرس إهتمامك على الحاجات اللى كانت بتعينك الصحبه ، او انك تروح تعتكف فى يوم الجمعه ، حاول تعمل جو رمضان بأى وسيله


                      الخطوة السادسة : دى مهمه أوى يا جماعه ( العبادات التى لا تكلف )00

                      ** اللساااااااااااااان << الذكر << إنتو طرفكم بيتعب؟؟؟ انفاسكم هل بتتعبك وهى بتطلع ؟؟ يعنى ممكن اوقولك ثوانى اما اخد شهيق و أكمل ......... لأ طبعا طيب ليه لسانك ميبفاش بيذكر على طول ؟؟؟ ....... اللهم ألهمنا الذكر .. إذكر حبيبك بأحب الأذكار إليه ، إبعد عن النار حديث البطاقه ، .....،....... ،.....

                      يعنى سبحان الملك ربنا والله كريم اوىىىىىىىىىىىىى وغنى اوىىىىىىىىىىىى ، أنت ليك إتنين عمالن يحسبو لك ( الملكين ) وهو عز وجل بيضاعف بمنه وكرمه

                      عاوز تبقى فى معية الله ؟؟ اذكره ((( الملك عز وجل ))) يقول " انا عند ظن عبدى بى وانا معه إذا ذكرنى " ، إنت عاوز إيه أكتر من كده؟؟؟؟؟؟؟ إنت تطول تبقى مع ملك الملوك عز وجل؟؟؟؟؟؟؟

                      ** التأمين على العبادة << يعنى إنت تعبان مش فادر تقوم الليل تتصل بواحد صاحبك انت عارف انو مجتهد فى القيام وتقوله انا بذكرك بالقيام ، و هكذا فى باقى العبادات ، بالتالى إنت بتاخد اجر اللى بيعمل وانت ماعملتش حاجه ، بس مش مهنى كده ان احنا نعد نأمر بالمعرف ولا نأتيه .....لأ ...... دى فى حلات عدم المقدره فقط

                      الخطوة السابعة والأخيرة : الثبات بإستعانة ) قال تعالى : ربنا لا تزغ قلوبنا بعد إذ هديتنا وهب لنا من لدنك رحمه إنك انت الوهاب ) ، ( إياك نعبد وإياك نستعين ) ، إستعن بالله لكى يثبتك على عبادتم وإسأله أن يطلقك فيها

                      أسأل الله ان يجعلنا من المقبولين والمعتوقين من النار بعد رمضان
                      هذا طريق السالكين لربهم *** فاسلك حباك الله بالإيمان
                      ولتتبع هدى النبى المصطفى *** فبهديه تنجو من النيران
                      وازهد أخى فى متاع ذائل *** واقهر غرور النفس والشيطان
                      واعمل لجنات النعيم وطيبها *** فنعيمها يبقى وليس بفان

                      تعليق

                      • #12
                        السلام عليكم ورحمة الله وبركاته

                        ما شاء الله ولا قوة إلا بالله ....

                        أكرمكم الله وجزاكم الله خيراً كثيراً على هذا الأسلوب فى الطرح .....

                        *كان لى تعقيب بسيط ::أن الوسيلة الأولى والمليون هى الإستعانة بالله والإنكسار بين يديه والإفتقار إليه وطلب المعونة بصدق منه سبحانه وتعالى...

                        بإنتظار المزيد دوماً إن شاء الله...
                        التعديل الأخير تم بواسطة طالبة الجنان; الساعة 24-08-2009, 07:41 AM.
                        تالله ما الدعوات تُهزم بالأذى أبداً وفى التاريخ بَرُ يمينى
                        ضع فى يدىَ القيد ألهب أضلعى بالسوط ضع عنقى على السكين
                        لن تستطيع حصار فكرى ساعةً أو نزع إيمانى ونور يقينى
                        فالنور فى قلبى وقلبى فى يدىَ ربىَ وربى حافظى ومعينى
                        سأظل مُعتصماً بحبل عقيدتى وأموت مُبتسماً ليحيا دينى
                        _______________________________
                        ""الدعاة أُجراء عند الله ، أينما وحيثما وكيفما أرادهم أن يعملوا ، عملوا ، وقبضوا الأجر المعلوم !!!..وليس لهم ولا عليهم أن تتجه الدعوة إلى أى مصير ، فذلك شأن صاحب الأمر لا شأن الأجير !!!!...
                        __________________________________
                        نظرتُ إلىَ المناصب كلها.... فلم أجد أشرف من هذا المنصب_أن تكون خادماً لدين الله عزوجل_ لا سيما فى زمن الغربة الثانية!!
                        أيها الشباب ::إنَ علينا مسئولية كبيرة ولن ينتصر هذا الدين إلا إذا رجعنا إلى حقيقته.

                        تعليق

                        • #13
                          وجزاكم الجنه

                          الله المستعان
                          هذا طريق السالكين لربهم *** فاسلك حباك الله بالإيمان
                          ولتتبع هدى النبى المصطفى *** فبهديه تنجو من النيران
                          وازهد أخى فى متاع ذائل *** واقهر غرور النفس والشيطان
                          واعمل لجنات النعيم وطيبها *** فنعيمها يبقى وليس بفان

                          تعليق

                          • #14
                            رد: يا ترى مشتاقين لرمضان؟؟؟؟؟

                            جزاكم الله خيرا


                            تعليق

                            • #15
                              رد: يا ترى مشتاقين لرمضان؟؟؟؟؟

                              ماشاء الله عليكم حقيقى انا اشعر بالفرحه عندما اكون فى هذا المنتدى فعلا ماشاء الله عليكم وبارك فيكم ونفع بكم وياريت يا mero لو تراسلينى وتقولين لى اين ومتى دروس الحاجه أميمه

                              تعليق

                              السابق template التالي
                              يعمل...
                              X