نفحات رمضانية

[راجية جنة الرحمن]

نفحات رمضانية

نعرض فيها جدول للمحاسبة ينبغى على كل منا ان يتبعه حتى نهيىء انفسنا لاستقبال شهر رمضان وكلنا عزيمة وشوق و يكون شعارنا
(رمضان السنة دى هيغير حياتى)
انا فى رمضان هذا العام ان شاء الله هحمد ربنا اولا انه مد فى عمرى وبلغنى رمضان واستغل ذلك فى ان افتح صفحة جديدة مع الله عل وجل وازينها بالطاعات والعبادات واجتهد بذلك فهيا نكون يدا واحدة فى طريقنا الى الله وذلك يتاتى بالاخلاص لله وتجديد النية والدعاء من اعماق قلوبنا ان يرزقنا الله الاخلاص فى القول والعمل وان يوفقنا دائما وابدا الى ما يحبه ويرضاه
وبالاضافة الى ذلك ان يكون عندنا الصحبة الصالحة التى تقوى من عزمنا وترشدنا الى الصلاح عملا بقول الله تعالى

(وَاصْبِرْ نَفْسَكَ مَعَ الَّذِينَ يَدْعُونَ رَبَّهُمْ بِالْغَدَاةِ وَالْعَشِيِّ يُرِيدُونَ وَجْهَهُ ۖ وَلَا تَعْدُ عَيْنَاكَ عَنْهُمْ تُرِيدُ زِينَةَ الْحَيَاةِ الدُّنْيَا ۖ وَلَا تُطِعْ مَنْ أَغْفَلْنَا قَلْبَهُ عَنْ ذِكْرِنَا وَاتَّبَعَ هَوَاهُ وَكَانَ أَمْرُهُ فُرُطًا)سورة الكهف آية 28

وايضا

(وَالْعَصْرِ(1)إِنَّ الْإِنْسَانَ لَفِي خُسْرٍ(2)إِلَّا الَّذِينَ آمَنُوا وَعَمِلُوا الصَّالِحَاتِ وَتَوَاصَوْا بِالْحَقِّ وَتَوَاصَوْا بِالصَّبْرِ(3)

واول ما نناقشنه هو ورد المحاسبة
وهو كالآتى :

1_ صلاة الفجر
اكيد بيننا من لا يصلى الفجر فى وقته فلنلزم انفسنا جميعا على صلاته ونتحدى انفسنا هقوم يعنى هقوم هصحى اصلى لربى وارضيه يعنى هصحى يعنى لو احنا عندنا ميعاد الصبح بدرى مع مدير او مسئول بصراحة كده بنعمل ايه ليلتها؟؟؟؟؟؟؟؟؟؟؟؟؟؟؟؟
اه صح بنصحى من قبلها بكتييييييييير ويمكن كمان لا ننام طول الليل خايفين للميعاد يروح علينا وبنظبط المنبه وبنوصى حد فى البيت يصحينا ونوصى حد يرن علينا على الموبايل وبنعمل كل الاستعدادت ان احنا نصحى وفى الاخر ممكن المسئول اللى ادنا الميعاد ميجيش اصلا فى الميعاد او يجى وميقبلناش وبيبقى صح بيحصل؟؟؟؟؟؟؟
اه فعلا بيحصل
طيب مابالك بقه ولله المثل الاعلى ان ربنا هو اللى بينادى عليك وانت مبتردش بقى ملك الملوك عز وجل ينادى عليك ومتردش الله ملك الملوك خالقك وخالق كل المسئولين وبديع السموات والارض الذى يقول للشىء كن فيكون ..... ينادى علينا ومنردش ...... ياااااااااااه ما اجحدنا وما اقسانا !!!!!!!!!
وفعلا صدق الله عندما قال(وقليل من عبادى الشكور)
طيب احنا عايزين مع بعض كده نقول حى على صلاة الفجر والحاجات اللى احنا بنستعد بيها علشان نقابل العباد نعملها علشان نقابل رب العباد واكتر كمان ونقف بين يديه ونلجأ اليه فمن اصلح آخرته اصلح الله له دنياه واخرته معا
دى اول التوصيات فى ورد المحاسبة الخاص
بكل حد فينا

وفى اذكار جميلة نقولها بعد الفجر وهاهى

فقد صحت عن النبي صلى الله عليه وسلم أحاديث كثيرة بأذكار وأدعية تقال دبر الصلوات عموماً، وصلاة الفجر خصوصاً، ومن أعظم ما ورد من أدعية تخص صلاة كان النبي يقول بعدما يصلى الصبح بعد ان يسلم
اللهم إني أسألك علماً نافعاً ورزقاً طيباً وعملاً متقبلاً.
،

النبي صلى الله عليه كان يقول

دبر صلاة الفجر وهو ثانٍ رجليه قبل أن يتكلم:
لا إله إلا الله وحده لا شريك له، له الملك وله الحمد، يحيي ويميت وهو على كل شيء قدير عشر مرات، كتب الله له عشر حسنات، ومحا عنه عشر سيئات، ورفع له عشر درجات، وكان يومه ذلك في حرز من كل مكروه، وحرس من الشيطان ولم ينبغ لذنب أن يدركه في ذلك اليوم؛ إلا الشرك بالله عز وجل

أن النبي صلى الله عليه وسلم كان يقول بعد الفجر والمغرب: اللهم أجرني من النار

2- اذكار الصباح
نقولها بعد صلاة الفجر كده بخشوع وتأنى مش علشان نخلص وخلاص لا لازم نفهم معانيها ونستشعرها لان اغلبها تسابيح وادعية جميلة فلماذا نضيع علينا نهر الخيرات
ومنبع الرحمات

3-صلاة الضحى

مهمة جدا نصليها حتى لو ركعتين كل يوم يكفى ان نبينا الكريم صلى الله عليه وسلم أوصانا بها تأملوا معى هذا الحديث الشريف

-( يصبح على كل سلامي من أحدكم صدقة . فكل تسبيحة صدقة . وكل تحميدة صدقة . وكل تهليلة صدقة . وكل تكبيرة صدقة . وأمر بالمعروف صدقة . ونهي عن المنكر صدقة . ويجزئ ، من ذلك ، ركعتان يركعهما من الضحى
(

وتأملوا معى قول أبى هريرة رضى الله عنه

- أوصاني النبي صلى الله عليه وسلم بثلاث لست بتاركهن في حضر ولا سفر نوم على وتر وصيام ثلاثة أيام من كل شهر وركعتي الضحى قال ثم أوهم الحسن فجعل مكان الضحى غسل يوم الجمعة

ونحن نحب نبينا الكريم صلى الله عليه وسلم صح؟؟؟؟؟؟؟؟
كلنا هنقول اه طبعا ومستعدين نفديه باروحنا واموالنا واولادنا وكل ما نملك كمان ..... جميل جدا
طيب مش اللى بيحب حد بيسمع كلامه وبيتمنى انه يعمل اى شىء علشان يرضيه ... صح
طيب هيا بنا نطيع حبيبنا محمد صلى الله عليه
وسلم ونتبع سنته

3- بر الوالدين

طبعا من اهم الحاجات اللى لازم نحافظ عليها فى رمضان وفى كل الايام
لان بر الوالدين ربنا خلاه بعد عبادته مباشرة وعقوقهم كمان من اكبر الكبائر .... تعالوا نشوف ازاى
قال تعالى( واعبدوا الله ولا تشركوا به شيئا وبالوالدين أحسانا)

وقال تعالى (وَقَضَىٰ رَبُّكَ أَلَّا تَعْبُدُوا إِلَّا إِيَّاهُ وَبِالْوَالِدَيْنِ إِحْسَانًاۚ إِمَّا يَبْلُغَنَّ عِنْدَكَ الْكِبَرَ أَحَدُهُمَا أَوْ كِلَاهُمَا فَلَا تَقُلْ لَهُمَا أُفٍّ وَلَا تَنْهَرْهُمَا وَقُلْ لَهُمَا قَوْلًا كَرِيمًا

تأملوا معى هذا الموقف الذى يغنى عن الكلام

جاءأعرابي إلى النبي صلى الله عليه وسلم فقال : يا رسول الله ، ما الكبائر ؟ قال : ( الإشراك بالله ) . قال : ثم ماذا ؟ قال : ( ثم عقوق الوالدين ) . قال : ثم ماذا ؟ قال : ( ثم عقوق الوالدين ) . قال : ثم ماذا ؟ قال : ( اليمين الغموس ) . قلت : وما اليمين الغموس ؟ قال : ( الذي يقتطع مال امرئ مسلم ، هو فيها كاذب .

4- اذكار المساء
ودى برده مهمة جدا ونقولها بعد العصر ان شاء الله وبنفس الخشوع اللى قرأنا بيه اذكار الصباح وكمان اكتر لان الصبح ممكن مش نكون مركزين اوى علشان لسه صاحيين من النوم انما بعد العصر ملناش حجة صاحيين ومتيقظين والحمد لله ونقدر نعقلها اكتر كمان فليه نضيعها ونضيع ثوابها الكبير علينا؟؟؟؟؟؟؟؟؟؟

5-الاحسان للجار

مهم جدا فى رمضان وباقى الايام طبعا ده حبيبنا النبى صلى الله عليه وسلم وصانا على الجار جدااااااااا جداااااااااا فقال صلى الله عليه وسلم

- مازال جبريل يوصيني بالجار، حتى ظننت أنه سيورثه

يااااااااه ده من شدة الترابط والتواد اللى لازم يكون بين الجار وجاره انه كان جبريل عليه السلام بيوصى نبينا الكريم صلى الله عليه وسلم بالجار علشان نبينا يوصينا احنا كمان لدرجة ان النبى قال حتى ظننت انه سيورثه اى سيقول له ان الجار ممكن يورث جاره ياااااااه يعنى اكنه احد اقاربنا اللى نورثهم ويرثونا يعنى المفروض تبقى علاقتنا بجيراننا كويسة جدااااا

ففرصة فى شهر الرحمات لو بينك وبين اى جار لك مشاحنات او غير ذلك فلتصلح ما كسر فيبقى جميل جدا لما نجهز السفرة للافطار نرفع طبق كده ونوديه لجارنا بلاش كده ده ممكن حتى طبق بلح صغير نذهب به الى جارنا ونوصيه انه يفطر منه هو وعائلته وبالطريقة دى نكون كسبنا اجر ثلاثة اشياء مش اجر واحد ازاااااااااااى؟

اول حاجة احسنا للجار و اطعنا نبينا الكريم صلى الله عليه وسلم

ثانيا اخذنا اجر تفطير صائم

ثالثا اطعنا نبينا الكريم حينما قال صلى الله عليه وسلم تهادوا تحابوا
اى ان الهدية تزيد الحب والمودة بيننا

واهم مافى ذلك ان نحتسب ما نفعل لله ونخلص فى اعمالنا بان تكون كلها لله وليس من اجل مصالح او ماشابه ذلك وان شاء الله ربنا يتقبل
منا ومنكم صالح الاعمال

6- علينا بالتسبيح والاستغفار كثيرا

فنفسك ان لم تشغلها بالحق شغلتك بالباطل ولابد للسان من شغل ..... فاشغله بالذكر والتسبيح والاستغفار والا شغلك بالغيبة والكذب والنميمة والفحش من القول

7- صلاة التراويح

والحمد لله اغلبنا ملتزم بيها فربنا يثبتنا عليها ويتقبلها منا ومنكم ... واللى لسه مش ملتزم بيها يالا يصليها لان ثوابها كبير فليه نضيعه فنبينا الكريم صلى الله عليه وسلم يقول(من قام رمضان ايمانا واحتسابا غفر له ما تقدم من ذنبه)
الله ... الله ما شاء الله يعنى اذا صلناها يتغفر لينا ذنبنا وكل مافعلنا وما تقدم من ذنوبنا فليه نضيع الحاجات الجميلة دى من ايدينا بارك الله فيكم
فياريت اخوانى واخواتى نحرص على صلاة التراويح من اول ليلة فى رمضان وجميل لو صلناها فى جماعة ... فالصلاة فى الجموع الكبيرة تلقى الخشية فى القلب وتعلى من الخشوع .... وياريت تغتنم هذه الفرصة الذهبية التى لا تعوض وتدعو غيرك الى الخير وتكون البداية من رمضان ... فلا تذهب الى صلاة التراويح وصلاة الفجر والصلوات الجماعية بمفردنا ممكن نصطحب الجيران او الاصحاب والاقارب
بس الموضوع لازم يكون فيه ضوابط يعنى بالنسبة للاخوات اللى عايزة تخرج تصلى فى المسجد اه ممكن جميل بس فيه شروط وهىصلاة التروايح سنة مؤكدة ، ويبقى الأفضل في حق النساء قيام الليل في بيوتهن لقوله صلى الله عليه وسلم : " لا تَمْنَعُوا نِسَاءَكُمْ الْمَسَاجِدَ وَبُيُوتُهُنَّ خَيْرٌ لَهُنَّ . " رواه أبو داود في سننه باب ما جاء في خروج النساء إلى المسجد : باب التشديد في ذلك . وهو في صحيح الجامع 7458

ولكنّ ذهاب المرأة إلى المسجد يشترط فيه ما يلي :

1- أن تكون بالحجاب الكامل

2- أن تخرج غير متطيّبة

3- أن يكون ذلك بإذن الزّوج

وأن لا يكون في خروجها أيّ مُحرّم آخر كالخلوة مع السّائق الأجنبي في السّيارة ونحو ذلك .

فلو خالفت المرأة شيئا مما ذُكِر فإنه يحقّ لزوجها أو وليها أن يمنعها من الذّهاب بل يجب ذلك عليه

.
وها هى فتوى اخرى

السؤال: هل صلاة المرأة للتراويح في البيت أفضل أم في المسجد؟ الجواب: صلاة المرأة في بيتها أفضل من صلاتها مع الجماعة في المسجد؛ لأن الله سبحانه وتعالى يقول: وَقَرْنَ فِي بُيُوتِكُنَّ[الأحزاب:33]، وقال عليه الصلاة والسلام: (المرأةعورة،فإذاخرجت استشرفها الشيطان)، ولكن إذا كانت الصلاة في المسجد تنشطها أو كانت لا تحسن الصلاة في البيت، ففي هذا وجه للأفضلية

8- صدقة السر

مهمة جدا انتوا فاكرين حديث نبينا الكريم الذى يقول فيه صلى الله عليه وسلم سبعة يظلهم الله بظله يوم لا ظل الا ظله؟؟؟؟؟؟؟؟؟؟؟
تمام هاهو

- (سبعة يظلهم الله يوم القيامة

فى ظله يوم لا ظل إلاظله : إمام عادل وشاب

نشأ في عبادة الله ، ورجل ذكر الله في خلاء

(اى خاليا يعنى بمفرده)

ففاضت عيناه ،ورجل قلبه معلق في

المسجد ، ورجلان تحابا في الله ، ورجل دعته

امرأة ذات منصب وجمال إلى نفسها فقال :

إني أخاف الله ، ورجل تصدق بصدقة فأخفاها

حتى لا تعلم شماله ماصنعت يمينه )

ا

شفتوا منهم (رجل تصدق بصدقة فاخفاها حتى لا

تعلم شماله ما انفقت يمينه)

فاحنا يوم القيامة هنبقى محتاجين جدااااااا ان نستظل من حر الشمس فلو عملنا الحاجات دى ان شاء الله هنستظل يوم القيامة من الشمس ومش بس هنستظل انتوا مش واخدين بالكوا؟؟؟؟؟؟؟؟؟؟؟ مين اللى هيظلنا ؟؟؟؟؟؟؟؟؟ الله سبحانه وتعالى
ما اجمله من احساس وشعور اننا نستظل بظل الرحمن يوم لا ظل الا ظله!!!!!!!!
فهيا معا نعمل حاجة من الحاجات التى تؤهلنا لهذا الظل وهى صدقة السر
وفى فكرة جميلة كمان ..... انتوا عارفين ممكن نعمل صندوق صغير فى البيت ونكتب عليه صندوق الصدقة ونضع فيه احنا واسرتنا كل يوم مبلغ من المال حتى لو كان قليلا ده هينمى روح الحب والتعاون بين افراد الاسرة ويقوى روابطهاوكل اسبوع ناخذ منه اللى جمعناه ونتفقد الفقراء ومستحقى الصدقة ونعطيهم هذا المال ولو كان اللى جمعناه مبلغ كبير شويه ممكن نشترى لبس العيد لاولادهؤلاء الفقراء وزى مااحنا هنفرح نفرحهم معانا ومش كده وبس ممكن كمان ناخد المبلغ ده ونعمل رحلة اسرية مع بعض مش للملاهى..... لا رحلة فى الخير رحلة الى دار الايتام ونكون جايبين بهذه الاموال لعب او ملابس او اى من الاحتياجات الشخصية لهم وما اجملها من رحلة ونقضى معهم جزء من اليوم حتى لو ساعتين نفرحهم ونفرح معهم وناخذ الكثيييير من الثواب ان شاء الله

9- اتقان العمل

فاى حد فينا فى شغل او فى جامعة او مدرسة او ما الى ذلك يتقن عمله اشد الاتقان وحسبنا ان الله ورسوله امرونا بذلك قال الله تعالى(وَقُلِ اعْمَلُوا فَسَيَرَى اللَّهُ عَمَلَكُمْ وَرَسُولُهُ وَالْمُؤْمِنُونَۖ وَسَتُرَدُّونَ إِلَىٰ عَالِمِ الْغَيْبِ وَالشَّهَادَةِ فَيُنَبِّئُكُمْ بِمَا كُنْتُمْ تَعْمَلُونَ)
وقال نبينا الكريم صلى الله عليه وسلم ( إن الله يحب إذا عمل احدكم عملا ان يتقنه)

ده كان ورد المحاسبة هو صغير .... لانه دى البداية اللى هنستعد بيها لاستقبال رمضان .... دى اول خطوة هنخطوها معا ان شاء الله نحو رضى الله ... و ان شاء الله اوافيكم بالجدول العملى واللى ان شاء الله هنفذه فى شهر الطاعات والرحمات .... شهر القرآن ... شهر رمضان .... بإذن الرحمن ...فانتظرونا مع الجدول العملى وان شاء الله فى حاجات كتيييييير مقلنهاش هنا ياترى هى ايه؟؟؟؟؟

[scorpion]

رد: نفحات رمضانية

جزاك الله خيرا


اللهم صلي وسلم وبارك علي سيدنا محمد

وعلي آله وصحبه أجمعين

[الراجيه عفو ربها]

رد: نفحات رمضانية

جزاكم الله كل خير