Tweet
" فَسَبِّحْ بِحَمْدِ رَبِّكَ وَاسْتَغْفِرْهُ إِنَّهُ كَانَ تَوَّاباً " .
ربنا أراد من الرسول صلى الله عليه وسلم التسبيح والاستغفار
لما كان ابن عباس قاعد مع كبار الصحابة وسيدنا عمر قاعد ، فسيدنا عمر سألهم سورة النصر نزلت ليه؟
قالو له :
ربنابيقول للنبى سبح واستغفر.
ابن عباس قاله لاربنا بينعى للنبى صلى الله عليه وسلم نفسه إزاى ؟
ربنا بيقول للنبى موتك جه خلاص .
طب إيه العلاقة بين التسيبح والاستغفار والموت؟
الكلام ده نستفاد منه أخر نص ساعة فى رمضان نعمل فيها إيه ،
أخر ساعة فى رمضان نعمل فيها إيه؟
آخر حاجة فى حياة النبى ربنا قاله : سبح واستغفر
إنت مقامك عندالله على أد حاجتين :
* على أد مافى قلبك من ايمان بالله،
* وعلى أد مافى جوارحك من إسلام لله ،
يعنى إنت فى قلبك يقين أد إيه؟ ..
فى قلبك يقين بالله وحب لله أد إيه؟
وفى نفس الوقت
إنت أطعت ربنا أد إيه ؟ صليت أد إيه ، دعيت أد إيه ؟ زكيت أد إيه بعدت عن المعاصى اد ايه؟
العبد ذنوبه نوعين :
ذنوب تتعلق بالإيمان :
ذنوب الايمان لما ربنا فعل الإبتلاء الفلانى أسأت الظن بالله ، ده قلبى ..
ده المشكلة فى ايمانى ..
لماحصلى الموقف اللى معرفش إيه كده شكيت فى رحمة الله ، ذنوب الايمان
ذنوب تتعلق بالاسلام :
ذنوب الإسلام بصيت لواحدة ، اغتبت واحد ، يبقى دى ذنوب جوارح .
طب دلوقتى أنا عايز اقابل ربنا كامل الايمان كامل الإسلام ،
وأنا عملت ذنوب فى الأثنين ..
ذنوب الجوارح إيه اللى يعوضها ؟
الإستغفار،
ذنوب القلب دى الإستغفار مايعوضهاش .
امال إيه اللى يعوضها ؟
هياذنوب القلب دى ( سوء الظن بالله ، الشك فى قدرة الله ) دى كلها ايه؟
نقص تعظيم مقام الله
التسبيح هو ايه؟
تعظيم مقام الله.
يبقى
ذنوب القلب الإستغفار منها :
بالتسبيح مش بالإستغفار.
يبقى لما ربنا قال للنبى سبح واستغفر كأنه بيقول له كمل
إيمانك وكمل إسلامك عشان إنت خلاص جاى لى فأت لى وأنت كامل الإيمان و كامل الإسلام.
إيه أكتر عمل نركز عليه واحنا فى الساعة الأخيرة من رمضان؟
التسبيح والأستغفار ..
عشان رمضان بتاعنا يطلع لربنا وإحنا كاملين الايمان كاملين الاسلام ..
د حازم شومان
منقول
تعليق