رمضانيات ..... الحلقة الخامسه

[Yusuf Shams al-Din]

احنا اتكلمنا فى الحلقات السابقه عن ثواب رمضان وقلت لكم هو باختصار

1 مغفرة الذنوب
2 العتق من النار
3 كنوز الحسنات
4استجابة الدعاء
5 ليلة خير من ألف شهر
قال تعالى
( إنآ أنزلناه في ليله القدر* ومآ أدراك ما ليلة القدر*ليله القدر خير من ألف شهر)
ليلة القدر= 84 سنه من العبادة
6 فرحة الله بعباده

طب ده ثواب رمضان ..وهل ثواب رمضان ده لاى احد حايصوم ..؟

اقول لك لا ..؟
ليه ؟
اصل الناس الللى حاتصوم ببطنها بس ... ماهو بعد ماقولنا ثواب رمضان نقول ان فى نوعين من الصيام

1 بطن صايمه يعنى لا ياكل ولا يشرب

هل هو ده الصيام اللى حايجيب العتق من النار ؟
انا اسف اقولك لا مش ممكن امال فين ايمانا واحتسابا ..؟
وفين فليستجيبوا لى ..؟
وواحد تانى ماهومش هنا خالص واهو صايم
ياجماعه النبى صل الله عليه وسلم يصف أمثال هؤلاء بكلام مؤلم موجع

" رب قائم حظه من القيام السهر، ورب صائم حظه من الصيام الجوع والعطش"
(حسن صحيح/ الألباني/ صحيح الترغيب/ 1083)

وقال: "من لم يدع قول الزور والعمل به، فليس لله حاجة في أن يدع طعامه وشرابه" (صحيح البخاري/ 1903)

يعنى تلاقى اللى حايكذب والى حاينم واللى حايغش ..مش معناها انك تروح تفطر بقه ...
لا ؟
لاتتحجج ..معناها انت وحش قوى ..؟
واحد يسالنى... امال انت عايز صيام ايه ..؟
ايه اللى يجيب العتق ..
ايه اللى يجيب كنوز الحسنات ...
ايه اللى يجيب المغفره...
ايه اللى يخلى ربنا يبلغنى ليله القدر..
بص اصلها مش بشطارتك ده توفيق من ربنا انى اجيب ليله القدر....
طيب ايه اللى يخليه مش صيام البطن ؟
امال صيام ايه...؟


2 صيام الجوارح

فالعين تصوم عما حرم عليها النظر إليه سواء في الشارع أو في التلفزيون أو في الانترنت
فأغض بصري حتى لا تفطر عيني وإذا كانت البطن ستفطر عند المغرب فإن العين ستواصل صيامها طوال الشهر الكريم.

ويدي صائمة فلا يمكن أن أمسك بها لفافة تبغ (سيجارة) حتى بعد المغرب فهذه معصية لا يمكن أن تقترفها يدي طوال الشهر
ولا أستطيع أن أؤذي أحداً بيدي أو بلساني
ورجلي صائمة فلا يمكن أن أذهب بها إلى الخيمة الفلانية حيث ترتكب المعاصي

وأذني صائمة فلا أصغي بها إلى غيبة ولا نميمة.

ياجماعه انا بقول لكم كده عشان احنا عايزين العتق والمغفره ..؟
طب ايه رايكوا ..
تيجوا السنه دى نصوم بجد بقه ؟
بالله عليكم اغتنموا الفرصه
ياجماعه شوفوا حديث النبى صل الله عليه وسلم
فان كان يوم صوم احدكم يعمل ايه يارسول الله ..؟؟
مش فلا ياكل ؟؟ امال ايه ..؟
فلا يرفس ولا يسخط ولا يفسق مش عايزين فسق ولا جدال ..؟
فان شاتمه احد او جادله يعمل ايه ...؟
فليقل مرتين ..انى صائم انى صائم .. طب بصوت عالى ولا فى سره ..؟
والعلماء يقولوا فيها كلام حلو قوى..مرتين عشان واحده فى سرك وواحده بصوتك عشان تفكر بيها نفسك
اصل انا صايم مش حاقدر ارد عليك ...
ياجماعه احنا بتوع جنه سلعه الله الغاليه
طيب احنا اتكلمنا عن صوم البطن وده مش حاياخذ عتق
والتانى صوم الجسم
ولكن فيه صوم ثالث صوم القلب
انا قلبى صايم عن كل حاجه الا ربنا
ما فى قلبى الا ربنا 30 يوم
تقدر تجيب التالته دى
ده اللى حاكمله معاكم ان شاء الله لو فى العمر بقيه

[اقرأ القرآن وأذكر ربك]

رد: رمضانيات ..... الحلقة الخامسه

السلام عليكم ورحمة الله وبركاته
جزاكم الله خيرا ونفع بكم
أسأل الله لنا ولكم الاخلاص والقبول
عن أبي سعيد الخدري رضي الله عنه : " أن رسول الله صلى الله عليه وسلم سئل : أي العبادة أفضل درجة عند الله تعالى يوم القيامة ؟ قال : الذاكرون الله كثيرا ، قلت : يا رسول الله ومن الغازي في سبيل الله عز وجل ؟ قال : لو ضرب بسيفه في الكفار والمشركين حتى ينكسر سيفه ويختضب دما لكان الذاكرون الله أفضل منه "
أكثر من الاستغفار: فإنَّه يطهر القلب والجنان، ومدعاة لتكفير الذنوب والآثام.

أكثر من الصلاة على النبي صلى الله عليه وسلم: فإنها من أعظم أسباب تنزل الرحمات، وبها تستجلب محبة الحبيب صلى الله عليه وسلم وشفاعته يوم المعاد، وترفع بها الدرجات، وتقضى الحاجات.