[عاجل] ومفوقتش غير في أخر رمضان:( .. ضاع مني خلاص ؟! ..لأ لسة مضعش :)

[حـياتى كلها لله]

*
*




.
.
مش ده الجدول اللى كنت راسمة لنفسي فى رمضان :(

كان نفسي اعبد ربنا افضل من كده بس ياخساارة خلاص رمضان مش فاضي منه غير 10 ايام

انا ضاع مني خلاص رمضان


لا لسة مضعش .. عندي ليك مفاجأة

ايه هي ؟؟ أرجوكم ساعدوني بجد انا مخنوووووووق جداا

هسألأك سؤال .. جدك مات وهو عنده كام سنة ؟؟

وايه دخل جدي بتقصيري في رمضان ؟ وعلى العموم مات عنده 70 سنة



يعنى لو حسبنا من ساعة ما بلغ التكليف يبقى هو قضى حوالى 55 رمضان صح ؟؟

طيب هل تعلم أن ثواب ليلة القدر بــ 83 سنة ونصف


يـااااااااااه 83 سنة



يعني ايه ؟؟

اقتباس: يعني عباداتك كلها تتحسب لك كأنك بقالك 83 سنة ونصف

1- ليلة القدر خيرمن الف شهر اى 83 سنة

2- الصلاة فيها كأنك تصلى 83 سنة

3- الذكر فيها كأنك بتذكر83 سنة

4- قرأة القرأن فيها كأنك بتقرأ قرأن 83 سنة

5- الصدقة فيها كأنك بتتصدق 83 سنة

6- وكذلك البكاء من خشية الله ، وتقبيل يد الام والاب ، كذلك ايضا العمرة ب83 سنة ثواب

ب- " من قام ليلة القدر ايمانا واحتسابا غفر له ما تقدم من ذنبه"

ج- الدعاء فيها مستجاب

د- انها ليلة عتق وكل من يعبد فيها سيعتق فيها بإذن الله

يعني ثواب الأعمال الصالحة في تلك الليلة لا يساوي ثواب العمل لمدة 83 سنة

بل هو خير من العمل المتواصل لمدة 83 سنة ( يعني أكثر وأفضل بكثيييييير )

مين مننا يضمن إنه يعيش 83 سنة أو أكثر ؟؟

ولو حد وصل عمره لـ 83 ، هل بيقضي عمره كله ( الـ 83 سنة ) في العبادة والطاعة ؟؟

ولا فيه ساعات بيضيعها في المعاصي وساعات تانية في النوم والمباحات بدون نية .. وهكذا ؟

فسبحان الله أجر خير من 83 عام كاملة ( فرصة خيالية )

ربنا يبلغنا ليلة القدر ويجبر تقصيرنا وتفريطنا ..

اوعى بقى حد يقصر فيهم ومن دلوقتى حضر ليهم


وقلل من اشتغالك بالدنيا ..


وانتظرونااا فى ملخص صغير نقولك ايه ملخص اعمال العشر الاواخر



ولو عاوز تتحمس أكتر أدخل على الموضوع ده


همساات العشر الأواخر .. قبل أن يرحل قطار الخيرر

بس خلي مرادك مش بس عشان تخد الحسناات لا عشان تفتح صفحة جديدة مع الله

يعنى ايه

أدخل على الموضوع ده لو فاضي وانت تعرف



مرادك ايه من ليلة القدر..؟ نخد الهدية ونجري ونتقابل السنة الجاية فى الجرى !!

ولو مشغووول ادخل على البوستر


هل سألت نفسك هو ليه بعد ليله القدر .. المساجد بتفضى والقطيعه تبتدى



وربنا يجعلنا من المعتوقين من الناار ان شاء الله








للامانة فيه أجزاء من الموضوع منقولة

بارك الله فيكم

[حـياتى كلها لله]

رد: ومفوقتش غير في أخر رمضان:( .. ضاع مني خلاص ؟! ..لأ لسة مضعش :)

تــابع ,,


أنا قولت أحط دلوقتى وصايا الايام العشر (الملخص)


عشان لو ملحقتش ادخل احطه الايام الجاية ان شاء الله

************

وصايا :-




بالنسبة للصلاة :

اولا نحاول نعمل سنة السواك


داوم على جلسة العمرة من بعد صلاة الفجر لحد الشروق

وصلي صلاة الضحى ( 2 ركعة – 4 ركعات – 6 ركعات – 8 ركعات ) زي ما تقدر


وصلي بقى ياعم ( صلاة السنن ) لانها بمقدار فريضة فى رمضان

4 ركعات قبل الضهر و 4 بعده و4 قبل العصر

ويسلام لو صليت صلاة الاوابين ركعتين كده بين المغرب والعشاء

وأستغل وقت الرحمات اللى بيكون بين المغرب والعشاء ده ثوابه كبير بإذن الله وناس كتيرة بتغفل عنه


طيب انا بتابع برامج في الوقت ده


لا سيبك من البرامج بقى يعم دول 10 ايام والله العظيم

ممكن منلحقهموش تااانى اقفل التلفزيون خااااالص الفترة دى


************

وتلاوة القرآن :-

تلاوة القرآن بتدبر وحاول تجيب ختمتين فى العشر بإذن الله

وياريت تشوف الموضوع ده مهم جـداااا

ختمت القرآن 100 مرة ؟!!


***********

ومتنساش التراويح والتهجد والخشوع فيهم ..


عاوز شىء يساعدك على الخشوع أتفضل هنا


أرحناا بهاا يابـــلال .. مش ريحناا منــهاا

************



بالنسبة للدعاااء :-

اهم شــــــــىء الدعاء فى الايام دى

حضر من دلوقتى الادعية اللى عايز تقولهااا عشان متنساش حاجة ودااوم عليها كل يوم لعل يكون فى ليلة فيهم ليلة القدر تتحق بإذن الله ومتنساش تدعي لبلدنا ولكل البلاد العربية

**********



وبالنسبة للصدقات :-

في طريقة حلوة اوي هات كيس صغير وكل يوم حط فيه حاجة جنيه 2 جنيه زي ماانت عايز وقبل رمضان مايخلص بيوم طلعه فى شىء مضمون زى مثلا مسجد – جمعيات خيرية – حد تعرفه محتاج وهكذا

*********
التبرع :-

ملابسك القديمة ادخل دلوقتى افتح دولابك وطلع كل الملابس اللى مش عايزها وزايدة عندك وعند اسرتك واخواتك وطلعها لاى حد محتاج او لجمعية خيرية

***********

وطبعااااااً الاذكاااار :-


( على طول خلى معاكم ) أذكار الصباح والمساء او على الكمبيوتر


تفضلوا كتاب حصن المسلم



http://www.waqfeya.com/book.php?bid=553



وكل يوم اذكر الله كثيرا بتدبر

( والله لو الفترة اللى بين الفجرو الضحى أول ماالشروق يشرق أدخل البلكونة أو أفتح الشباك وأذكر ربك وأدعي ياااااااه هتشعر بخشوووع جميل بإذن الله )


منها تذكر ربك بخشوع ومنها تستنشق هوا نضيف ومها تتدبر فى خلق الله ودى لوحدها عبادة عايزة موضوع لوحده

***


وفيه أذكار جامعة كتيررر مثل :-

عن الرسول صلى الله عليه وسلم


اقتباس:

بأي شيء تحرك شفتيك يا أبا أمامة؟ فقلت: أذكر الله يا رسول الله! فقال: ألا أخبرك بأكثر وأفضل من ذكرك بالليل والنهار؟ قلت: بلى يا رسول الله! قال: تقول: سبحان الله عدد ما خلق، سبحان الله ملء ما خلق، سبحان الله عدد ما في الأرض، سبحان الله ملء ما في الأرض والسماء، سبحان الله عدد ما أحصى كتابه، سبحان الله ملء ما أحصى كتابه، سبحان الله عدد كل شيء، سبحان الله ملء كل شيء، الحمد لله عدد ما خلق، والحمد لله ملء ما خلق، والحمد لله عدد ما في الأرض والسماء، والحمد لله ملء ما في الأرض والسماء، والحمد لله عدد ما أحصى كتابه، والحمد لله ملء ما أحصى كتابه، والحمد لله عدد كل شيء، والحمد لله ملء كل شيء
الراوي: أبو أمامة الباهلي- خلاصة الدرجة: صحيح- المحدث: الألباني- المصدر: صحيح الترغيب- الصفحة أو الرقم: 1575؟

الفتوى كاملة من** هنــــا ** يتضاعف الذكر ويتعدد بعدد ما أحال الذاكر على عدده








ياااااااااااااه كل ده ثوابااااااات وخير فى العشر الاواخر



يـــــــــارب بلغني العشر الاواخر وسوف أرينك ماذا أصنع






النوايااااا:-

ياريت ننوي قبل مانعمل اى عبادة عشان الثوابات تكون مضاعفة ان شاء الله

حتى عاداتنا اليومية زى اليوم والاكل وو ... لو نوتها بنية التقوية على الطاعات هتتحول العادة الى عبادة





بــارك الله فيكم

لا تنسونا من صالح دعائكم ~

[أم عبد الرحمن .]

رد: ومفوقتش غير في أخر رمضان:( .. ضاع مني خلاص ؟! ..لأ لسة مضعش :)

جزاكِ الله خيراً ونفع بكِ أختي .

موضوع ممتاز جداً .

جعله الله في ميزان حسناتكِ يااارب .

[* أم مريـم *]

رد: ومفوقتش غير في أخر رمضان:( .. ضاع مني خلاص ؟! ..لأ لسة مضعش :)

وعليكم السلام ورحمة الله وبركاته
جزاكم الله خيرًا

["رثاء الحياة"]

رد: ومفوقتش غير في أخر رمضان:( .. ضاع مني خلاص ؟! ..لأ لسة مضعش :)

وعليكم السلام ورحمة الله وبركاته
جزاكم الله خيرًا