إعـــــــلان

تقليص
لا يوجد إعلان حتى الآن.

الكل لازم يدخل يقول موافق ولا مش موافق ..خليك ايجابي و شارك؟

تقليص
X
تقليص
 
  • الصفحة لـ 1
  • تصفية - فلترة
  • الوقت
  • عرض
إلغاء تحديد الكل
مشاركات جديدة
السابق template التالي
  • #1

    الكل لازم يدخل يقول موافق ولا مش موافق ..خليك ايجابي و شارك؟

    :lll:

    بسم الله الرحمن الرحيم

    السلام عليكم و رحمة الله تعالى و بركاته

    انا داخلة انهارده علشان خلاص معتش في الا يوم واحد يوم واحد بس و تسلسل الشياطين و ينطلق الفجر الجديد المشرق و ينزل مطر الحسنات و الرحمات و الهدى علينا و نرجع بقى لموطنا الاصلى الا و هو الفردوس الاعلى ...و الله رمضان اللى هيرجعك بلدك ...الجنة هيا بلدي هيا وطني هيا حلمي..
    و أكيد حلمي و حلمك و حلمنا كلنا .....حلم كل الناس من غير ما تاخد بالها نفسها في السعادة هتلاقيها في الجنة نفسها في الحب و الالفة هتلاقيها في الجنة نفسها في السلام و الاخوة و النعيم هتلاقيه في الجنة ...نفسه يشوف النبي الحبيب صلى الله عليه و سلم و يتلذذ بالنظر اليه و الحديث معه هيلاقيه في الجنة ..نفسك في أجمل حاجة اجمل نعمة اللى مفيش نعمة زيها ......ياااااااااااااااه
    عارفين هيا بالنسبة ليا ..
    ان ربنا هو ربنا ....
    تخيل انك في الفردوس الاعلى و سقف بيتك عرش الرحمن هتعوز ايه اكتر من كده نفسك في ايه بعد كده لما ربنا تبارك و تعالى يخاطبك يكلمك انت و أنتِ و أنا كل واحد منا لوحده يقول عملت ايه و سترتك و انت تبت و انا غفرتلك و برحمته يدخلك جنته ...تخيل انه يقولنا اليوم انا راض عنكم فهل انتم راضون عني؟؟؟؟

    ياااااااااااه يارب بعد كل النعم ديه و مش راضين بعد الاسلام و مش راضين بعد الحبيب و مش راضين بعد النعم اللى لا تعد ولا تحصى و شم راضين ...
    لالالالالالالالالالالالا يارب و الله راضية ولو اتقطعت علشانك و علشان ترضى هرضى و بكل فرح ...
    يارب أحبك ...أحيك يا الهى .....يا حبيبي

    انتم عارفين ليه اشتركت باسمي علشان في اسم حبيبي علشان اسمي " آية الله " اجمل حاجة في اسمي ان فيه اسم الله تبارك و تعالى ...أسأل الله ان يجعلني آية له في أرضه حقا ...
    المهم شهر رمضان هو طريقك و طريقك للفردوس الأعلى بما فيه من طاعات و جبال حسنات و هدى و سعادة و فرح و قرب من الله و نقاء و صفاء و طهارة و انك ماشي مفيش معاك شيطان كله اتبعد عنك باقي ليك انت بس !!!!!!!!
    ياترى بقى هتصلح نفسك ..على فكرة من اجمل حاجة في شهر رمضان انه يعرفك ايه الذنوب اللى من الشيطان و ايه من نفسك ؟؟فتتحل مشكلتك و تعرف ان الذنوب ديه من نفسك يبقى توقفها ....

    انا داخلة علشان اقترح اقتراح بس لازم الكل يشارك برأيه بكلمة موافق او غير موافق فقط للكل شباب و بنات علشان نبعت ان شاء الله للادارة ..

    الموضوع مهم جدا قبل ما قنبلة الحسنات و الرحمات و العتق و المغفرة تنفجر ...
    و ما اجملها قنبلة هتنفجر في الامة كلها ...
    ( إبـــتــــســــــــــــــــــــامـــــة )

    الموضوع ببساطة اننا نوقف شغل على المنتدى في رمضان ؟؟؟
    طبعا الناس هتبرق و هتقول ايه العبيطة الهبلة ديه ...هيا مش عارفة احنا داخلين هنا ليه ولا ايه !!؟
    لأ عارفة اننا داخلين علشان ندعو الى الله و ان اننا نقدر نستخدم كل وسائل التكنولوجيا الحديثة في طاعة الله و الدعوة اليه و نشر العلم و العلوم المختلفة للناس و نظهر نموذج للاسلام صح
    و علشان نعلى مع بعض في طاعة الله و نكون صحبة صالحة و ننشط الحب في الله ما بنا و نفيد بعض و ناخد بايد غيرنا ..
    طبعا هتقولوا امال بتقولى كده ليه ؟؟
    أنا هقولكم ليه
    السنة 12 شهر ...لما انت 11 شهر على المنتدى و بتعمل و بتدعو ووووووو
    و تيجي في الشهر العظيم المبارك توقف علشان ربا ايه المشكلة
    دلوقتى احنا عايزين الشهر ده طاقة متحركة بلا توقف حتى النوم تحتسبه نوم الصائه عبادة انا اصلا مش عارفة مين اللى بيهون عليه ينام في رمضان و الله انا كنت بنان من التعب و علشان خاطر حاجة واحدة بس اني اركز في القرآن و في الصلاة
    و الله ما كنت بنام الا يمكن 2 او بالكتير لما ببقى هموت كده 4 ساعات
    لان الشهر ده مينفعش نضيعه ..ازاي نضيع لافردوس الاعلى ...ازاي ده الشهر ده عتق و رحمة و مغفرة و علو همة و جنة و زيادة علم و طاقة جديدة لخدمة الدين و الانة و البلد و النهضة الاسلاميه
    فانا بقترح اقتراح مقتنعة بيه تماما اننا نعمل النتدى

    "وقف لله تعالى "
    ده يبقى شعارنا الاخوات هنتقابل في المسجد و كذلك الاخوة
    انما مواضيع و شغل على المنتدى نوقف نختزن كل وقتنا لله و الله العظيم ما هتلاقوا وقت
    لازم نبقى رجالة و جدعان في رمضان فرسان بالليل و بالنهار
    " اروا الله من انفسكم خيرا "
    " و الله ليرين الله ما اصنع في شهر رمضان "
    " على خطى الحبييب "
    " و سارعوا الى مغفرة من ربكم و جنة عرضها السموات و الارض اعدت للمتقين "
    " و قالى اني ذاهب الى ربي سيهدين "
    " و عجلت اليك ربي لترضى "
    " انا ليك يارب ملكك مليش غيرك ..."
    " او كلمة الجنيد :
    " عبد ان تكلم فعن الله ...و ان سكت فمع الله ...و ان تحك فبامر الله
    فهو بالله و لله و مع الله "

    مش ديه كلها شعارتنا يا جماعة انا عن نفسي كل دول شعاري طول الشهر جايالك يارب ففررت اليك
    و كلي فرحة و سعادة اني جايالك و ليك ...

    يبقى خلاص نوقف مشاركات على المنتدى و نتقابل بعد رمضان علشان يا نهنى بعد و نبارك لبعض ان ربنا تقبل منا رمضان ان شاء الله بيقينا فيه ...يا نعزي بعض بعيد الشر ان شاء الله بخسرانا الشهر
    و ان شاء الله نهني بعض
    عموما انا قلت الاقتراح لاننا مش هيبقى عندنا و قت و صدقوني انا مجربة و الله
    هيبقى عندكِ و عندك مليون حاجة تتعمل و الله ده غير الدراسة
    فياريت يا جماعو نوقف وضع مشاركات و مواضيع بقرار من الادارة بعد موافقة الجميع ان شاء الله و نعيش بقى مع ربنا في خلوة بينك و بين الله حتى و انت بين الناس انت مع ربنا بس

    و امرهم شورى بينهم علشان كده قلت ناخد القرار مع بعض انتظر ارائكم بلهف و ياريت بسرعة علشان نلحق ..


    أسفة على الاطالة و انتظر الرد من الجميع بكلمة موافق او غير موافق...(شباب و بنات ) علشان نعرف رأي الكل بعد اذنكم

    و كل رمضان و انتم الى الله اقرب و على طاعته ادوم و الى الخير اسرع [الله الم:

    احبكم كثيرا في الله ( إبتسامة )
    سبحانك اللهم و بحمدك اشهد الا اله الا انت استغفرك و اتوب اليك
    استودعكم الله الذي لا تضيع ودائعه
    في رعاية الله و ىمنه و حفظه
    و السلام عليكم و رحمة الله و بركاته
    التعديل الأخير تم بواسطة رقية 2; الساعة 26-08-2009, 02:25 AM.
    (( وَتَوَكَّلْ عَلَى اللَّهِ وَكَفَى بِاللَّهِ وَكِيلاً )) سورة الأحزاب .
    (( الَّذِي خَلَقَنِي فَهُوَ يَهْدِينِ{78}وَالَّذِي هُوَ يُطْعِمُنِي وَيَسْقِينِ{79}وَإِذَا مَرِضْتُ فَهُوَ يَشْفِينِ{80}وَالَّذِي يُمِيتُنِي ثُمَّ يُحْيِينِ{81}وَالَّذِي أَطْمَعُ أَن يَغْفِرَ لِي خَطِيئَتِي يَوْمَ الدِّينِ{82} )) سورة الشعراء .
    الكلمات الدلالية (Tags): لا يوجد
  • #2
    جزاكِ الله خيرا أختى الكريمة ..
    وتقبل الله منكم مشاعركم الجميله تجاه دينك ووطنك _وأصبت في قولكم ووصفكم_ اللهم آميين

    ولكن هناك موضوع مثار بالفعل بإمكانك أن تزوريه الآن لتدلى بدلوك

    https://forums.way2allah.com/viewtopi...=1642&start=15

    التعديل الأخير تم بواسطة رقية 2; الساعة 26-08-2009, 02:25 AM.
    أخى الكريم : فرق شاسع جدا فى المعنى بين الإرادة وبين الخلق أوالصنع
    فاحرص على أن تكتبها ( إن شاء الله ) لا أن تكتبها ( إنشاء الله )
    ثم تدبر معى قوله تعالى
    (إِنَّ فِي خَلْقِ السَّمَاوَاتِ وَالأَرْضِ وَاخْتِلاَفِ اللَّيْلِ وَالنَّهَارِ لآيَاتٍ لِّأُوْلِي الألْبَابِ**الَّذِينَ يَذْكُرُونَ اللّهَ قِيَاماً وَقُعُوداً وَعَلَىَ جُنُوبِهِمْ وَيَتَفَكَّرُونَ فِي خَلْقِ السَّمَاوَاتِ وَالأَرْضِ رَبَّنَا مَا خَلَقْتَ هَذا بَاطِلاً سُبْحَانَكَ فَقِنَا عَذَابَ النَّارِ)
    (آل عمران :190-191)
    __________________________
    C O M I N G S O O N ... A L L A H W I L L I N G
    ________________________________
    أعتذر لقلة الردود حالياً نظراً للانشغال الشديد .....

    تعليق

    • #3
      و جزاك الله خيرا منه
      اللهم آآآمين
      تم الرد على الموضوع و الحمد لله
      و لكن حضرتك لم تبدي الرد موافق ام مش موافق؟!
      و ياريت يبقى على الرابط ده

      https://forums.way2allah.com/viewtopic.php?p=6938#6938
      (( وَتَوَكَّلْ عَلَى اللَّهِ وَكَفَى بِاللَّهِ وَكِيلاً )) سورة الأحزاب .
      (( الَّذِي خَلَقَنِي فَهُوَ يَهْدِينِ{78}وَالَّذِي هُوَ يُطْعِمُنِي وَيَسْقِينِ{79}وَإِذَا مَرِضْتُ فَهُوَ يَشْفِينِ{80}وَالَّذِي يُمِيتُنِي ثُمَّ يُحْيِينِ{81}وَالَّذِي أَطْمَعُ أَن يَغْفِرَ لِي خَطِيئَتِي يَوْمَ الدِّينِ{82} )) سورة الشعراء .

      تعليق

      السابق template التالي
      يعمل...
      X