رمضانيات...... الحلقه الثالثه

[Yusuf Shams al-Din]

اليوم تامن ايام رمضان تخيلوا فات من رمضان8 ايام
عايزين نشد ياجماعه الهمه
ياترى اخبار رمضان ايه معاك حاسس انك قريب من الله ..

حاسس بارتياح فى الدعاء شديت قوى وناوى تجيب كام خاتمه واحده ولا اثنين ..
تخيل انك فى يوم 30 شعبان وحاتموت بكره وراح ربنا اعطاك شهر فرصه حاتعمل ايه ..شد الهمه بقه..

انتوا متخيلين احنا فى شهر ايه ؟؟؟
ابواب الجنه اتفتحت منذ 8 ايام ...
سامعين صوتها ..سامعين صوت الابواب وهى بتتفتح ..

شاميين ريحتها ... الجنه يا جماعه..


طب هو ربنا بيعمل معانا ليه كده؟؟؟؟
اصله كريم عايز يدخلنا الجنه ..عايز يرجعنا ..عايز يرحمنا
بعت لك فرصه حط نفسك عالفرصه قوله انا جاى
8رمضان فات ويصدق قول الله سبحانه اياما معدودات...ايام معدوده وبتعدى انتوا عارفين ياجماعه الواحد بيحس بايه..

الواحد بيحس ان رمضان زى ما يكون بيكلمنا بيقول لنا

انا جاى وحامشى بس حاخد حته من عمرك رضيت ام لم ترضى .
اطعت ربنا ولا عصيته ....وحاجى السنه الجايه وحاخد حته تانيه من عمرك ..
وحافضل كده لحد ما ييجى يوم ويخلص فيه عمرك ويقولوا مات ..
وساعتها حابقى انا سبب من اسباب نجاتك او سبب من اسباب بكاؤك..
فاستعدوا يا جماعه واجهزوا ...

نيجى لموضوع اليوم وهو استجابه الدعاء..

ودى احنا محتاجينها قوى...

"إن للصائم عندفطره دعوة لا ترد"
(ضعيف/ الألباني/ إرواء الغليل/ 921)

إ ن النبي صل الله عليه وسلم يعدك أنها لن تردفلا يمكن إلا أن تستجاب وتتحقق

ولذلك لما تنظر في نهاية آيات الصيام الثلاثة في سورة البقرة نجد الله تعالى يقول لنا

{وإذا سألك عبادي عني فإني قريب أجيب دعوة الداعِ إذا دعانِ، فليستجيبوا لي وليؤمنوا بي لعلهم يرشدون} (البقرة 186)

اشمعن دى جت فى اخر ايات الصيام ؟؟؟
لان الدعاء له علاقه شديده برمضان

فليستجيبوا لي... أي ليصوموا بحق

مبروك حايستجيب دعاؤك..ربنا حايستجيب...

نصيحه حط لنفسك 3 او 4 ادعيه وادعى بيهم فى كل صلاهوكل سجده وكل تراويح نام واصحى عليهم ..


ايه المانع انك السنه دى يكون عندك شعار انك تعبد ربنا كما لم تعبده من قبل
.
وكانك شايف كلمه سيدنا زكريا ولم اكن بدعائك رب شقيا..
انا عمرى ما دعيتك ولم تستجيب لى ..

فقد كان الصحابة رضوان الله عليهم يجهزون لرمضان دعوات مخصوصة يلحون عليها إلحاحاً شديداً
فلا يأتي رمضان التالي إلا وقد استجيبت دعواتهم
ورسول الله صل الله عليه وسلم يقول لنا أن دعوة الصائم عند فطره لا ترد
فالمسألة محسومة

انظروا إلى كرم الله تعالى وإكرامه لأمة حبيبه محمد صل الله عليه وسلم

فأحيوا هممكم... وأيقظوا إخوانك...حتى تستيقظ الأمة بأكملها.... فلن نكون أنانيين

يقول كل منا نفسي نفسي.... بل نريد أن تحيا الأمة بأكملها معنا

وكفايه عليكوا كده اليوم ونكمل فى الحلقه القادمه مع ليله القدر ان شاء الله لو فى العمر بقيه

[أمـة الله]

رد: رمضانيات...... الحلقه الثالثه

حلقة رائعة
بارك الله فيكم

[Yusuf Shams al-Din]

رد: رمضانيات...... الحلقه الثالثه

حلقة رائعة
بارك الله فيكم

شكر لمروركم الطيب وبارك الله فيكم ورزقكم الفردوس الاعلى
وجزاكم الله خيرا على متابعتكم الطيبه

[اقرأ القرآن وأذكر ربك]

رد: رمضانيات...... الحلقه الثالثه

السلام عليكم ورحمة الله وبركاته
جزاكم الله خيرا ونفع بكم
أسأل الله لنا ولكم الاخلاص والقبول
عن أبي سعيد الخدري رضي الله عنه : " أن رسول الله صلى الله عليه وسلم سئل : أي العبادة أفضل درجة عند الله تعالى يوم القيامة ؟ قال : الذاكرون الله كثيرا ، قلت : يا رسول الله ومن الغازي في سبيل الله عز وجل ؟ قال : لو ضرب بسيفه في الكفار والمشركين حتى ينكسر سيفه ويختضب دما لكان الذاكرون الله أفضل منه "
أكثر من الاستغفار: فإنَّه يطهر القلب والجنان، ومدعاة لتكفير الذنوب والآثام.

أكثر من الصلاة على النبي صلى الله عليه وسلم: فإنها من أعظم أسباب تنزل الرحمات، وبها تستجلب محبة الحبيب صلى الله عليه وسلم وشفاعته يوم المعاد، وترفع بها الدرجات، وتقضى الحاجات.