Tweet
اتكلمنا فى الحلقه الاولى عن النعمه الاولى من رمضان وهى المغفره وقولت انك حاتتفتح لك صفحه جديده فى حياتك يعنى غسلت كل ذنوبك
والتانيه كانت العتق من النار
واليوم اتكلم معكم عن النعمه التالته وهى كنوز الحسنات
فبعد أن يغفر لك الله ذنوبك ويعتقك من النار فيعصمك فيما بقي من عمرك
يعرض عليك كنوزاً من الحسنات،تغتنم منها ما تشاء لترقى وتعلو منزلتك في الجنة
"من تقرب فيه بخصلة من الخير؛ كان كمن أدى فريضة فيما سواه، ومن أدى فريضة فيه؛ كان كمن أدىسبعين فريضة فيما سواه"
يعنى ايه الكلام ده .. اقولك تيجى نحسبها سوا ..
هيا بنا نحسب سوياً كمية الثواب الهائلة
مش انا بقول لكم موسم ياجماعه والله حاتندم يالى مش حا تحصل عليها
لنفرض أنك صليت الظهر
الحسنة بعشرة أمثالها أي 10 حسنات
وتضاعف في رمضان سبعين ضعفاً = 700 ضعف
في جماعة ×27= 18900 ×5 صلوات في اليوم والليلة 94500
أي تقريباً 100 ألف صلاة
أي كأنك ذهبت إلى مكة وصليت في الحرم.
يعنى صلاه يوم فى رمضان = صلاه فى الحرم مبروك عليك كانك موجود فى مكه كل يوم
طب دى الصلاه وماذا لو قرات القران
ولو قرأت القرآن فالحرف بعشر حسنات
في جزء القرآن حوالي700 حرف × 7000= 4900000 حسنة في نصف ساعة قرآن
× 30 جزء في الختمة الواحدة× 2 لو أنهيت ختمتين
لن تستطيع الآلة الحاسبة أن تعطيك الرقم بعد ذلك
يالا ياعم افرح واسعد مش بقول لك اوكازيون ..تنزيلات حسنات ببلاش
هذا عن ثواب الصلاة والقرآن
فماذا عن ثواب الصيام نفسه؟
يقول النبي صل الله عليه وسلم
" من صام يوما في سبيل الله، بعدالله وجهه عن النار سبعين خريفا"
(صحيح البخاري 2840)
وهذا في صيام التطوع
فما هو ثواب صيام الفريضة؟
إنه ثواب مجهول لا يعلمه إلا الله فقد جاء في الحديث القدسي
" كل عمل ابن آدم له إلاالصوم، فإنه لي وأنا أجزي به، ولخلوف فم الصائم أطيب عندالله من ريح المسك"
( صحيح البخاري 5927 )
فكل عمل ابن آدم بين الله لنا أجره فإما أن تضاعف حسناته عشرة أضعاف أو سبعين ضعفاً
إلا الصوم فأجره من شدة عظمته اختص الله تعالى بعلمه.
واحد يقول لى برضه مش فاهم طب بص ياسيدى يوم القيامه ربنا حايحاسب كل واحد على حده ولو خلصت كل حسناتك وبقيت على الجنت او الزيرو
حا تروح فين....؟
النار والعياذ بالله لانك ما عندكش رصيد كله خلص ..
اه بس انت كنت غاوى صيام ابتغاء مرضاه الله فيجى ربنا من نعمه علينا يقول لك ادخل الجنه بصيامك..
ياه شفت الصيام بينفع ازاى ؟؟؟؟
والى لقاء اخر ان شاء الله لو اطال الله فى اعمارنا ومع الدعاء..لاننا محتاجينها قوى
ومن هنا لحد ما نتقابل عايز كل واحد يركز على كام دعاء باقى الشهر والح عليهم
تعامل مع ربك كانك طفل يتعامل مع ابوه لو عايز منه حاجه
تعليق