Tweet
واحنا رايحين للتراويح بنحتاج شوية حاجات
السلام عليكم ورحمة الله وبركاته
واحنا رايحين للتراويح بنحتاج شوية حاجات ناخدها معانا وحاجات نعملها قبل ما نروح علشان نقدر نستمتع بالصلاة ونركز فيها بقدر الامكان
* خدي معاكي :
1- ملابس مريحة : قطنية لو أمكن علشان الحر .. ممكن عباية واسعة و إيشارب كبير قطن علشان الحر .
2- كوباية بلاستيك .
3- شنطة صغيرة بتتعلق على الكتف .. علشان ما تبقيش قلقانة وانتِ بتصلي على الشنطة وكمان الشنط الكبيرة بتلخم وما بنعرفش نحطها فين .
4- مناديل علشان لو ربنا أكرمنا وبكينا في الصلاة أو الدعاء .
5- لو عايزة ثواب أكتر هاتي معاكِ إزازة ماية ساقعة واسقي الناس أثناء فترة الدرس .. وما تنسيش شوية كوبايات بلاستيك .
( أفضل الصدقة سقي الماء )
الراوي: سعد بن عبادة و ابن عباس المحدث: الألباني - المصدر: صحيح الجامع - الصفحة أو الرقم: 1113
خلاصة حكم المحدث: حسن
6- وقبل كل شيء قلب خاضع خاشع مشتاق .. نسأل الله أن يرزقنا إياه .
* سيبي في البيت :
1- البرفان والميك آب :
( لا تمنعوا إماء الله مساجد الله ، وليخرجن تفلات ) ..
لراوي: أبو هريرة المحدث: الألباني - المصدر: إرواء الغليل - الصفحة أو الرقم: 2/293
خلاصة حكم المحدث: إسناده حسن
تفلات :معناه: غير متعطرات ولا متزينات
2- رنة الموبايل ... صامت الله يكرمك .
* قبل ما تروحي :
1- مش تتقلي في الأكل ساعة الفطار علشان ما يكيسش على نفسك وتنامي وانتِ بتصلي ويمكن ما تقدريش تروحي من الأصل ... كلي نص الطبق وكملي الفطار لما ترجعي من التراويح .
2- ريحي بعد الفطار شوية 10 دقائق غمضي عينك وسيبك من التلفزيون والبرامج التافهه اللى شغالة دلوقتي .
3- مُري بعينك على الجزء اللي هيقرأه الإمام النهاردة في الصلاة بيخليكِ مركزة أكتر في الصلاة .
4- اتأكدي إن باباكِ ومامتك مش محتاجين حاجة وإنهم راضيين عنك قبل ما تنزلي .. افتكري إن التراويح سُنة ورضاهم فرض ولو انتى متزوجه يبقى طبقى ده على زوجك .
5 - جددي نيتك وتوكلي على الله وما تنسيش دعاء الذهاب للمسجد
*وأنتِ في المسجد :
1- ما تنسيش تحية المسجد .
2- بلاش رغي وكلام مع صاحباتك .. كأنك رايحة تزوري حد علشان عايزة منه حاجة مهمة جدًا جدًا تسيبيه وتقعدي تتكلمي مع باقي الضيوف .
3- ما تشغليش بالك كتير بالناس التانية سواء لبسهم ، شكلهم ، تصرفاتهم .. ركزي على الهدف .
4- حاولي تساوي الصف وبعدين ما تشغليش بالك بالناس اللي بوظوا الصف وركزي في صلاتك .
ربنا يكرمكم ويبارك فيكم ويرزقنا وإياكم الإخلاص والخشوع .
منقول بتصرف
واحنا رايحين للتراويح بنحتاج شوية حاجات ناخدها معانا وحاجات نعملها قبل ما نروح علشان نقدر نستمتع بالصلاة ونركز فيها بقدر الامكان
* خدي معاكي :
1- ملابس مريحة : قطنية لو أمكن علشان الحر .. ممكن عباية واسعة و إيشارب كبير قطن علشان الحر .
2- كوباية بلاستيك .
3- شنطة صغيرة بتتعلق على الكتف .. علشان ما تبقيش قلقانة وانتِ بتصلي على الشنطة وكمان الشنط الكبيرة بتلخم وما بنعرفش نحطها فين .
4- مناديل علشان لو ربنا أكرمنا وبكينا في الصلاة أو الدعاء .
5- لو عايزة ثواب أكتر هاتي معاكِ إزازة ماية ساقعة واسقي الناس أثناء فترة الدرس .. وما تنسيش شوية كوبايات بلاستيك .
( أفضل الصدقة سقي الماء )
الراوي: سعد بن عبادة و ابن عباس المحدث: الألباني - المصدر: صحيح الجامع - الصفحة أو الرقم: 1113
خلاصة حكم المحدث: حسن
6- وقبل كل شيء قلب خاضع خاشع مشتاق .. نسأل الله أن يرزقنا إياه .
* سيبي في البيت :
1- البرفان والميك آب :
( لا تمنعوا إماء الله مساجد الله ، وليخرجن تفلات ) ..
لراوي: أبو هريرة المحدث: الألباني - المصدر: إرواء الغليل - الصفحة أو الرقم: 2/293
خلاصة حكم المحدث: إسناده حسن
تفلات :معناه: غير متعطرات ولا متزينات
2- رنة الموبايل ... صامت الله يكرمك .
* قبل ما تروحي :
1- مش تتقلي في الأكل ساعة الفطار علشان ما يكيسش على نفسك وتنامي وانتِ بتصلي ويمكن ما تقدريش تروحي من الأصل ... كلي نص الطبق وكملي الفطار لما ترجعي من التراويح .
2- ريحي بعد الفطار شوية 10 دقائق غمضي عينك وسيبك من التلفزيون والبرامج التافهه اللى شغالة دلوقتي .
3- مُري بعينك على الجزء اللي هيقرأه الإمام النهاردة في الصلاة بيخليكِ مركزة أكتر في الصلاة .
4- اتأكدي إن باباكِ ومامتك مش محتاجين حاجة وإنهم راضيين عنك قبل ما تنزلي .. افتكري إن التراويح سُنة ورضاهم فرض ولو انتى متزوجه يبقى طبقى ده على زوجك .
5 - جددي نيتك وتوكلي على الله وما تنسيش دعاء الذهاب للمسجد
*وأنتِ في المسجد :
1- ما تنسيش تحية المسجد .
2- بلاش رغي وكلام مع صاحباتك .. كأنك رايحة تزوري حد علشان عايزة منه حاجة مهمة جدًا جدًا تسيبيه وتقعدي تتكلمي مع باقي الضيوف .
3- ما تشغليش بالك كتير بالناس التانية سواء لبسهم ، شكلهم ، تصرفاتهم .. ركزي على الهدف .
4- حاولي تساوي الصف وبعدين ما تشغليش بالك بالناس اللي بوظوا الصف وركزي في صلاتك .
ربنا يكرمكم ويبارك فيكم ويرزقنا وإياكم الإخلاص والخشوع .
منقول بتصرف
تعليق