[بيان] نرجو الدعاء اولا احتاج دعاء لى ثم اصدقائى فى المعتقل ثم ضباط 8 ابريل واسف انقلوه للقسم المناسب

[قرصان بالباشمل]

السلام عليكم ورحمه الله وبركاته اسف على مخالفه الموضوع ولكن التمس اليكم وانتم تتعبدون وتتقربون الى الله فى هذا الشهر المبارك ان لاتنسونى من الدعاء فأنا احتاج الى الدعاء بالتوفيق فى مستقبلى القادم ان شاء الله

ثم الدعاء الى اصدقائى واخواتى واحبائى وكل معتقلى الثورة اللى الجيش اعتقلهم لانهم ثوار حق نادوا بتحيا مصر ويسقط العسكر فكان جزاؤهم الحبس فى المعتقلات

ثم الدعاء الى ضباط 8 ابريل اشرف ضباط على وجه الارض
نبذه مختصره عنهم

دول ضباط الثورة (8ابريل و27 مايو و20 نوفمبر) اللي اشتهروا بضباط 8 ابريل واحكموا انتم هل معقول يكون مصيرهم السجن؟؟؟
ضابط طور تصميم مدفع
وضابط بيحضر ماجيستير في الخرسانة المقاومه للضربات النووية
وضابط بيعلم أصعب فرقه في الجيش فرقة السيل
وضابط مثل مصر في بطولات عالمية
وضابط نفذ عمليات سرية في اسرائيل
وضابط اخد أحسن ظابط مهندس في الجيش
وضابط اتكرم من الامم المتحدة لأدائه المميز
وضابط بيألف كتب عسكرية بتدرس داخل وخارج مصر
... وضابط بيالف كتب دينيه
وضابط خدم في وحدات الصاعقه وأخد بطولات في المصارعه
وضابط ترتيبه الاول علي الجيش المصري في الاستطلاع وفي اركان الحرب
وضابط من اوائل دفعته
وضابط كان بيدرس بالكليه الجويه واللي بيدرس في المعهد الفتي للقوات المسلحه
وضابط انقذ حالات انسانيه مريضه كتير بحكم كون اولا طبيب وكان من اوائل الجمهوريه في الثانويه العامه
وضابط كل همه يشوف مصر صاحبة سيادة علي أرضها

الضباط دول اتقبض عليهم بعد اما خرجوا من الميدان وماحديش عارف مكانهم فين لحد الان

اقسم بالله ان الناس دى محترمه جدا وخريجى الكليه الفنيه العسكريه ياعنى ناس متفوقه دراسيا وعلميا واخلاقيا

ادعو ان ربنا يصبر اهلهم وادعو ان اللى سجنهم ربنا يهديه ويفرج عنهم من اجل اسرهم لا من اجلنا يارب ياالله الناس دى تبات فى بيوتها بقى والله العظيم انهم اشرف ناس فى الارض ودول اللى نتشرف بوجودهم كقاده للجيش المصرى

[قرصان بالباشمل]

رد: نرجو الدعاء اولا احتاج دعاء لى ثم اصدقائى فى المعتقل ثم ضباط 8 ابريل واسف انقلوه للقسم المناسب

عشان الناس اللي بيقولوا ان الضباط تم العفو عنهم ...

اجمالي ضباط الثوره 8 ابريل وضباط 27 مايو وضباط نوفمبر المتبقين 26 ضابط

... تم إخلاء سبيل 19 ضابط وخروجهم من السجون وهم الآن خاضعين لدوره تأهيليه للوقوف على القرار النهائي فيهم وإمكانية رجوعهم شغلهم من عدمه أو رجوعهم السجون لاقدر الله أو طردهم من الخدمه بالقوات المسلحة ...

لم يتم التصديق على أي قرار تجاه الضابط حتى الآن وفي انتظار القرار النهائي بعد نهاية الدوره التأهيليه الخاضعين لها .

متبقي7 ضباط لايزالوا داخل 4 سجون حربيه ولم يتم البت في أمرهم حتى الآن

1- الرائد\ محمد عمر (السجن الحربى)

2- الرائد \ فؤاد الدسوقى (سجن الجبل الأحمر)

3- الملازم اول \ محمد الوديع (في غرفة حبس القوات البحريه فى راس التين الاسكندرية)

4- الملازم اول \ مصطفى عبد المجيد ( سجن القوات الجوية )
5-الرائد تامر بدر (السجن الحربي)
6-الرائد احمد شومان (السجن الحربي)
7-النقيب عمرو متولي (السجن الحربي)

هناك أيضا موقف متعلق لقضايا أمام المحكمه العسكريه متهمين فيها بعض ضباط 8 ابريل وضباط مؤيدين لهم داخل السجن الحربي ولايزال الجلسات مستمره حتى الان

وهم :
رائد / محمد عمر علي ( السجن الحربي )
نقيب / محمد محمود فهمي ( خاضع للدوره التأهيليه )
ملازم أول / محمد طارق الوديع ( غرفة حبس القوات البحريه )
ملازم أول / ياسر ابراهيم بخاتي ( خاضع للدوره التأهيليه )
ملازم أول / رامي أحمد عبد العزير ( خاضع للدوره التأهيليه )
ملآزم أول / محمد الحنفي( خاضع للدوره التأهيليه )

(ضباط 8 ابريل )

عقيد / حسام خيري ( تم الافراج عنه )
نقيب / محمد مجدي ( السجن الحربي )

أرجوا الدعاء لضباط 8 ابريل وضباط 27 مايو ونوفمبر أن يفك الله كربهم ويرجعوا لينا سالمين غانمين مرفوعي الرأس ... وأن يصدر المجلس العسكري قرار بالعفو الشامل عن جميع الأحكام الصادره ضدهم ورجوعهم وحداتهم لأنهم نواه طيبه وشريفه داخل قواتنا المسلحة ....

[طالب العافية]

رد: نرجو الدعاء اولا احتاج دعاء لى ثم اصدقائى فى المعتقل ثم ضباط 8 ابريل واسف انقلوه للقسم المناسب

نسأل الله أن يوفقك أخي الحبيب في مستقبلك
وأن يفك أسرى إخواننا الضباط من أيدي الظالمين
وأن يصبر أهلهم
وأن يعيدهم سالمين غانمين
وبإذن الله لن أنساهم بالدعاء
أخي رمضان كريم وكل عام وأنت إلى الله أقرب