إعـــــــلان

تقليص
لا يوجد إعلان حتى الآن.

سلسلة ::*.*:: صح وغلط وقصة طريفة ::*.*:: الحلقة الثامنة عشر

تقليص
X
 
  • تصفية - فلترة
  • الوقت
  • عرض
إلغاء تحديد الكل
مشاركات جديدة

  • سلسلة ::*.*:: صح وغلط وقصة طريفة ::*.*:: الحلقة الثامنة عشر

    الحمد لله وحده والصلاة والسلام على من لا نبى بعده

    ومع الحلقة رقم 18

    من سلسلة

    " صح وغلط وقصة طريفة "

    1- صح :-

    في أيامنا هذه .. في ازمة كبيرة جدا في الشقق

    يعنى الشباب اللى عايزين يتزوجوا أو اللى فقدوا الأمل
    عمّالين يدوروا على شقه

    والشقق بقت أسعارها غير طبيعية .. وتقسيط على 20 سنة

    وبرضه مفيش فايدة


    البيت في الدنيا اللى الواحد مننا حيعيش فيها بالكثير يعنى
    يمكن 60 سنة كمان بقه صعب جدا أن حد يحصل عليه

    واللى اخيييييرا بيعرف يجيب شقة .. حيعيش فيها قد ايه ؟؟
    40 سنة مثلا أو 50

    طيب محدش فكر ازاى يفوز ببيت يفضل معاه على طول

    ازاى بقه على طول ديه ؟

    في الجنة .. اذا كان ثمن بيت في الدنيا الفانية اللى ممكن نسيبها في اى لحظة صعب قوى كده

    طيب ازاى بقه نفوز ببيت في الجنة اللى البيت فيها بقه مش زي اى بيت في الدنيا ديه

    ولا الدنيا ديه كلها كده تساوى بيت في الجنة

    علشان نفوز ببيت في الجنة .. الموضوع مش صعب

    قال رسول الله صلى الله عليه وسلم :

    " ما من عبد مسلم يصلي لله تعالى كل يوم ثنتي عشرة ركعة تطوعًا غير الفريضة، إلا بنى الله له بيتًا في الجنة "
    الراوي: أم حبيبة رملة بنت أبي سفيان المحدث: الألباني - المصدر: صحيح الترغيب - الصفحة أو الرقم: 579
    خلاصة حكم المحدث:
    صحيح

    حديث اليوم معناه أن من صلى لله كل يوم 12 ركعة غير الصلوات المفروضة بنى الله له بيتاً في الجنة

    فتخيل ما هو الثمن للحصول على بيت الجنة ..

    تصلى 12 ركعة تطوع في اليوم .. بس كده ؟! أه بس كده ونسال الله القبول

    ركعتين قبل الفجر

    اربع ركعات قبل الظهر واثنان بعده او العكس

    ركعتين بعد المغرب

    ركعتين بعد العشاء

    نشد حيلنا ونحاول نحافظ على ال 12 ركعة كل يوم .. خصوصا احنا في رمضان

    _________________________________
    2 - غلط :-

    زي مقلنا قبل كده .. كثير قوى ممكن نقابل محبّي الإفتاء

    اى حاجه يقعد يفتي وخلاص .. عارف او مش عارف لازم يقعد يفتي

    في امور الدنيا او في الدين .. مش فارقه معاه

    المهم واحد نفسه يعرف اجابة سؤال عنده .. فقابل صديق ليه من النوعيه ديه

    فسأله سؤال التانى جاوبه على حاجه تانية خالص

    فواحد سمعهم .. طبعا مش محتاجه يعنى علشان يفهم ان ده عمال يفتي

    راح داخل قايله : ياعم حرام عليك .. ايه ؟؟ عماااال تفتي كده وخلاص

    ان مسمعتش قول رسول الله عليه الصلاة والسلام :

    " أجرؤكم على الفتيا أجرؤكم على النار "

    ....................

    أظن كلنا سمعنا الحديث ده ..

    هذا الحديث ضعيف
    وانظر السلسلة الضعيفه حديث رقم 1814 وضعيف الجامع الصغير حديث رقم 147

    فهذا حديث لا يصح عن النبي صلى الله عليه وسلم .. وإن صحّ معناه

    فلو سمعناه نعرف انه مش صحيح وننبه على ده

    برفق


    _________________________________

    3- قصة طريفة :-

    ذكر ابن الجوزي -رحمه الله - :-

    " وكان أعرابي يقول : اللهم اغفر لي وحدى ، فقيل له : لو عممت بدعائك ، فإن الله واسع المغفرة ، فقال : اكره ان أثقل على ربي "


    طبعا هذا خطأ كبير .. في أحيان كثيرة بعضنا يستحي من الدعاء

    بيتكسف يدعي بكل اللى هو عايزه .. مش عارف ليه !!ا
    وساعات للأسف بعضنا بيحس ان اللى هو عايزه ده كبير قوى

    فمبيدعيش .. زي ميكون ده كبير على الله مثلا .. و استغفر الله على ذلك

    اى شئ كبير سواء كان خير تريده او شر تريد ان ينصرف

    ادع الله

    وملكش دعوه


    ولا تعجل واستمر في الدعاء .. وفائدة مهمه جدا حبيت انقلها هنا .. هي من كلام الشيخ " سامي المسيطير " حفظه الله

    قاعدة مش شغلك

    لن أسرد القصة التى ذكرها الشيخ حتى لا أطيل لكن المستفاد

    لو وجدت نفسك في مأزق وضاق بك الوقت و جاءت الشيطان ليثبطك وييأسك ويقول أنها خلاص مش حتفرج والدعاء مش حيجيب نتيجة

    ويحاول أنه يفقدك الأمل

    قل للشيطان : مش شغلك .. ملكش دعوه
    قل لنفسك : مش شغلك .. ملكيش دعوه
    قل للناس جميعا : مش شغلكم .. ملكوش دعوه

    أنا أدعو الكريم ... الرؤوف .. الرحيم ... وهو أعلم بحالي .. وأرحم بي من نفسي ...

    يا نفس ... عليكِ الدعاء والصدق مع الله ...

    وكيفية الفرج من الله تعالى ... هو يتولاه .. بكرمه ... وقدرته ... سبحانه وتعالى

    وملكش دعوه كيف يقضي الله الأمر .. فوض أمرك لله وتوكل عليه .. واحسن الظن ..ثم انتظر كرم الكريم ورحمة الرحيم .. وسترى قدرة القدير

    ادع انت بس والح في الدعاء ولا تيأس ولا تعجل ومتقولش دعيت وربنا مستجبش

    ممكن الفرج يأتي في أخر لحظة كما في القصة التى ذكرها الشيخ

    وإن شاء الله اضع القصة في مشاركة مستقله فيما بعد


    الله أمرنا أن ندعوه

    الدعاء هو العباده
    بالمناسبة حديث الدعاء مخ العبادة غير صحيح

    ومتعملش زي الأعرابي .. مفيش حاجه اسمها تثقل على الله ..

    __________________________________

    سؤال حلقتنا اليوم :

    من هو أكثر الأنبياء ذكراً فى القرآن الكريم ؟؟

    ملاحظات *

    توضع الاجابات فى هذا الموضوع ،
    يمكن البحث فى جوجل لكن هتكون مشاركة وليست اجابة !! واللى يبحث فى جوجل ياريت يقول ،،
    والكلام طبعاً على جميع محركات البحث ^^

    أكثر ثلاثة أعضاء هيجوبوا على أسئلتنا سيكون لهم شهادة تقدير آخر الشهر ان شاء الله ،،
    وبااااارك الله فيكم

    -----------------------------------
    كده خلصت الحلقة الثامنة عشر يارب متكونوش زهقتوا
    وبكره إن شاء الله نلتقى في الحلقة التاسعة عشر إن شاء الله
    وجزاكم الله خيراً
    __________________________________
    ابسط ما تساهم به نشر الحلقات ولو بالايميل لأصدقائك
    __________________________________
    ونذكركم بفهرس السلسلة
    فهرس سلسلة ::*.*:: صح وغلط وقصة طريفة ::*.*:: متجدد بإذن الله " حصرى "

    نسألكم الدعاء
    اذكر الله ^_^



  • #2
    رد: سلسلة ::*.*:: صح وغلط وقصة طريفة ::*.*:: الحلقة الثامنة عشر

    جزاكم الله خيرا ونفع بكم

    حلقة رائعة
    لا تقل من أين أبدأ ... طاعة الله بداية
    لا تقل أين طريقى ... شرع الله الهداية
    لا تقل اين نعيمى ... جنة الله كفاية
    لا تقل غدا سأبدأ ... ربما تأتى النهاية

    تعليق


    • #3
      رد: سلسلة ::*.*:: صح وغلط وقصة طريفة ::*.*:: الحلقة الثامنة عشر

      السلام عليكم ورحمة الله وبركاته
      جزاكم الله خيرا ونفع بكم
      من هو أكثر الأنبياء ذكراً فى القرآن الكريم ؟؟سيدنا موسى عليه السلام
      [[ يا أيها الذِينَ آمنوا هل أَدلكم على تجارة تنجيكم من عذاب أليم * تؤمنون بالله ورسوله وتجاهدون في سبيل الله بأموالكم وأنفسكم ذلكم خير لّكم إن كنتم تعلمون * يغفر لكم ذنوبكم ويدخلكم جنات تجري من تحتها الأنهار ومساكن طيبة في جنات عدن ذلك الفوز العظيم ]] اللهم إرحم أبي .

      تعليق


      • #4
        رد: سلسلة ::*.*:: صح وغلط وقصة طريفة ::*.*:: الحلقة الثامنة عشر

        السلام عليكم ورحمة الله وبركاته
        بارك الله فيكم وجعله الله فى ميزان حسناتكم
        ((الاجابة:سيدنا موسى عليه السلام))

        بحبــ ــك يا ربـــــــ وأسألك حبــــك
        تعصي الله وأنت تظهر حبه ، هذا لعمري في القياس شنيع ،لو كان حبك صادقا لأطعته ، إنَّ المحب لمن يحب مطيع ، في كل يوم يبتديك بنعمة ، منه وأنت لشكر ذاك مضيع
        يمَّن الله كتابك يسَّر الله حسابك أبتاه

        تعليق


        • #5
          رد: سلسلة ::*.*:: صح وغلط وقصة طريفة ::*.*:: الحلقة الثامنة عشر

          السلام عليكم ورحمه الله وبركاته
          جزاكم الله خيرا
          الاجابه هي{سيدنا موسى عليه وعلى نبينا الصلاه والسلام}


          تعليق


          • #6
            رد: سلسلة ::*.*:: صح وغلط وقصة طريفة ::*.*:: الحلقة الثامنة عشر

            جزاكم الله خيراً جميعا
            والاجابة الصحيحة هى

            سيدنا موسى عليه السلام

            بارك الله فيكم
            نسألكم الدعاء
            اذكر الله ^_^


            تعليق


            • #7
              رد: سلسلة ::*.*:: صح وغلط وقصة طريفة ::*.*:: الحلقة الثامنة عشر

              السلام عليكم ورحمة الله وبركاته

              كنت امل ان اشارك لكنى لم الحق
              جزاكم الله خيرا

              تعليق


              • #8
                رد: سلسلة ::*.*:: صح وغلط وقصة طريفة ::*.*:: الحلقة الثامنة عشر

                جزاك الله خيرا
                الحمد لله رب العالمين
                إنا لله و إنا إليه راجعون وفاة أحد المصلين اسمه(عبد اللطيف) (ادعوا له )
                اللهم اغفر لإبراهيم و لأبا أحمد و لجميع موتى المسلمين


                تعليق

                يعمل...
                X