سلسلة ::*.*:: صح وغلط وقصة طريفة ::*.*:: الحلقة السابعة عشر

[A_E_B]

الحمد لله وحده والصلاة والسلام على من لا نبى بعده

ومع الحلقة رقم 17

من سلسلة

" صح وغلط وقصة طريفة "

1- صح :-

بالأمس تكلمنا عن كيف تفوز ببيت في الجنة

انهارده معانا فرصة اخرى للفوز ببيت في الجنة

وحاجه سهله جداااا

سبحان الله بيت في الدنيا 100 متر مربع الناس بتتعب سنين علشان تحصل عليه

لكن شوفوا رحمة ربنا بنا .. علشان تفوز ببيت في الجنة

عمل بسيط بس محتاجين اخلاص كامل وصبر على الطاعه

قال رسول الله صلى الله عليه وسلم :

" من بنى لله مسجدا بنى الله له بيتا في الجنة "
الراوي: - المحدث: ابن كثير - المصدر: تفسير القرآن - الصفحة أو الرقم: 8/71
خلاصة حكم المحدث: صحيح

اعتقد ان الكثير منا يرى ان هذا الامر كبير عليه ولا يطيقه ولكن اذكركم بأن الامر ليس بكثره المال ولكن بالصدق والاخلاص مع الله..فقد تتصدق بجنيه فى بناء مسجد بنيه صادقه ويتقبلها الله منك وغيرك يتصدق بمئات الجنيهات بغير اخلاص ولا يتقبل الله منه

واذكركم بقول النبى صلى الله عليه وسلم..لا تحقرن من المعروف شيئا

ودلوقتى ... كيف نساهم فى بناء المسجد؟؟؟

اغلب المساجد التى نصلى بها ...يوجد بها صندوق لاعمار المسجد...فضع فى هذا الصندوق ما تقدر عليه

وحاول اختيار المساجد اللى لسه بتتبني

وتخيل أنك بعملك هذا إن أخلصت النية وابتغيت وجه الله فلك بكل من يصلى في المسجد أو يذكر الله فيه أجر بفضل الله

ونقطة تانية مهمه جداااا .. حتى لو كان اللى حتساهم به في بناء المسجد حيكفي بناء حتة صغيرة جدا

ففي رواية أخرى قال عليه الصلاة والسلام :

من بنى لله مسجدا و لو كمفحص قطاة أو أصغر بنى الله له بيتا في الجنة

مفحص القطاة تقريبا يساوى موضع جبهة المصلي .. والقطاة نوع من أنواع الحمام ومفحصها يعنى عشها اللى بتبيض فيه

فلا تحقرن من المعروف شيئا .. ونسأل الله أن يتقبل منا

_________________________________

2 - غلط :-

من الحاجات الغلط .. انك تلاقى ناس فعلا نظرتها للحياة سوداء

حاسس ان مفيش في الدنيا خير أبدا

فاضله يومين على الامتحان بتاعه

صاحبه يسأله ايه الأخبار ؟؟ مستعد للإختبار ؟؟

لا مش مستعد ومش عارف أذاكر وكل مذاكر ميجيليش نفس ولو جالي نفس النور يقطع .. اصلي حاسس ان الدكتور حيسقطنى لانه دكتور مش كويس ومش حينجحنى وبعدين المنهج اللى نزل كبير فمشتريتالكتاب ولو جبها مش حلحق أخلصه ولو خلصته مش حفهمه ولو فهمته مش حفتكره ولو افتكرته حيروح عليا نومة ومش حصحى للامتحان ولو صحيت ممكن يحصل حاجه وانا رايح الكلية وانت عارف الميكروباصات ولو محصلش حاجه حروح وحقعد اكتب واحل وفي الاخر

الدكتور حيسقطنى

مفيش فايده !!

حنسقط حنسقط .. حتى لو نجحنا حنسقط

طبعا زميله خلاص جاتله حالة نفسية وحيحجز عند دكتور نفساني

بس قبل ميحجز راح قايله :

اييييييييييه ياعم ده كله .. حرام عليك .. ده انا حسيت انى سقطت خلاص .. طيب حنعيد السنة امتى ؟؟

يا أخي .. غلط كده .. تفاءل .. ده الرسول عليه الصلاة والسلام بيقول :

" تفاءلوا بالخير تجدوه "

.................

أظن الحديث ده كثييير جدا مننا سمعه

هذا الحديث : لا أصل له

قال الشيخ الالباني : وهذا بمعنى الحديث المشهور في بعض البلاد :"تفاءلوا بالخير تجدوه".ولا أعرف له أصلاً

وكان النبي صلى الله عليه وسلم كان يعجبه الفأل الحسن

كما في الحديث الذي صححه الشيخ الألباني -رحمه الله-

" كان يعجبه الفأل الحسن ، ويكره الطيرة "

وطبعا زي مكلنا حفظنا واتعودنا .. لو سمعنا حد بيقوله

اتصل بصحابك واتصرفوا بقه

___________________________

3- قصة طريفة :-

ذكر ابن الجوزي - رحمه الله- :-

" وعضّ ثعلب أعرابياً فأتى راقياً ، فقال الراقي : ما عضك ؟ فقال : كلب ، واستحى أن يقول : ثعلب ، فلما ابتدأ بالرقية ، قال : وأخلط بها شيئاً من رقية الثعالب . "

!!!!

طيب متقول ثعلب يا سيدي وتخلص

ساعات كثير اوى .. لما حد بيبقى عنده سؤال أو طالب فتوى من شيخ أو عالم

بيستحي - بيتكسف- وهو بيسأل يقول كل التفاصيل أو يقول أنا عملت كذا وكذا

وده بيبقى سبب ان الجواب ممكن مبيبقاش صحيح لحالته

لأن هو أخفى على العالم أو الشيخ تفاصيل كثيره .. فخرج الجواب على حالة تانية غير حالته

وده خطأ السائل .. وكما يقولون : السؤال الصحيح الواضح نصف الجواب

طيب لما انت مكسوف عملت كده ليه !! كان الأولى أن تستحى من الله

لكن مادام عملت كده يبقى لازم توضح ده في سؤالك علشان تاخد الجواب الصحيح

وفعلا ممكن حد يستحى انه يفضح نفسه عند عالم يعرفك او كده

فالحل لكده انك لما تسأل العالم اللى يعرفك قوله واحد أعرفه عمل كذا كذا .. يعمل ايه

متتكلمش عن نفسك .. أو تروح تسأل عالم أو شيخ ميعرفكش .. علشان ترفع الحرج عنك

لكن لااااااازم توضح كل التفاصيل المهمه لو عايز فتوى صحيحه

تانى حاجه .. مش كل حاجه نقول حنروح لحد يرقينا .. أفضل الرقيا هي رقية الإنسان نفسه

والحذر الحذر من الدجالين والمشعوذين

ارقي نفسك بنفسك أو لو رقاك أحد لااازم الرقيا تكون فيه 3 شروط

1- أن تكون بكلام الله بالقرآن أو باسماء الله وصفاته أو الوارد عن النبي عليه الصلاة والسلام

2- أن تكون بالكلام العربي المعروف معناه ، مش بالتعاويذ غير المعروفة المعنى

3- أن تعتقد أن الرقيا لا تؤثر بنفسها مبتنفعش بنفسها لكن بتقدير الله

وطبعا ألا يكون فيها شرك .. وسورة الفاتحة من أنفع ما يقرأ من الرقى

وهناك من الأحاديث الوارده عن الرسول في الرقيا الكفاية في أن يقرأه الإنسان على نفسه ويرقى نفسه

مثل الفاتحه وحديث " بسم الله أرقيك .... " وحديث " أعوذ بعزة الله وقدرته من شر ما أجد واحاذر " وغيرهم

ونحافظ على اذكار الصباح والمساء وقراءة آية الكرسي وسور الإخلاص والمعوذتين

ونسيبنا بقه من الدجالين والكلام الفاضي ده واللى يقولك اسم الوالدة ايه واللى يقول هات كام كيلو ايه من كذا واعمل كذا كباية ويحدد عدد لحاجات ولف الورقة ديه فين والبس الحجاب ده علقه في رقبتك واللى يقعد يقول كلام وتمائم غير مفهومه والكلام الفاضي ده كله .. ده كله دجل وسحر

الرقيا الشرعية زي متفقنا ليها شروط والرقيا ملهاش أشخاص محددين .. مش شغلانه هى علشان يبقى واحد مهنته انه بيرقي الناس

ارقى نفسك بنفسك أحسن حاجه و اووووعى تروح لحد من الدجالين وإن كان ظاهرهم انه عامل فيها من اهل الصلاح

ولو عضك تعلب متقولش قرصنى برغوت

__________________________________

سؤال حلقتنا اليوم :

من هم أولى العزم من الرسل ؟؟
" مع كتابة الآية التى ذكروا فيها "

ملاحظات *
توضع الاجابات فى هذا الموضوع ،
يمكن البحث فى جوجل لكن هتكون مشاركة وليست اجابة !! واللى يبحث فى جوجل ياريت يقول ،،
والكلام طبعاً على جميع محركات البحث ^^
أكثر ثلاثة أعضاء هيجوبوا على أسئلتنا سيكون لهم شهادة تقدير آخر الشهر ان شاء الله ،،
وبااااارك الله فيكم

_________________________

بكده خلصت الحلقة الثامنة عشر يارب متكونوش زهقتوا
وبكره إن شاء الله نلتقى في الحلقة التاسعة عشر إن شاء الله

وجزاكم الله خيراً

__________________________________

ابسط ما تساهم به نشر الحلقات ولو بالايميل لأصدقائك
__________________________________
ونذكركم بفهرس السلسلة
فهرس سلسلة ::*.*:: صح وغلط وقصة طريفة ::*.*:: متجدد بإذن الله " حصرى "

[محبة الإيمان]

رد: سلسلة ::*.*:: صح وغلط وقصة طريفة ::*.*:: الحلقة السابعة عشر

جزاكم الله خيرا ونفع بكم

[أمة عزيزة بالله]

رد: سلسلة ::*.*:: صح وغلط وقصة طريفة ::*.*:: الحلقة السابعة عشر

من هم أولى العزم من الرسل ؟؟

سيدنا موسى
سيدنا ابراهيم

الايه لا أتذكر

===
جزيتم خيرا وبارك الله فيكم

===
ملحوظه
الحلقه 17 فى العنوان وداخل الحلقه مكتوب الحلقه 18

جزيتم الجنه

[راجيه جوار الحبيب محمد]

رد: سلسلة ::*.*:: صح وغلط وقصة طريفة ::*.*:: الحلقة السابعة عشر

السلام عليكم ورحمة الله وبركاته
--------------------
حلقه جميله بارك الله فيكم وجعلها فى ميزان حسناتكم
أولي العزم هم : سيدنا محمد صلى الله عليه وسلم
سيدنا إبراهيم عليه السلام
سيدنا نوح عليه السلام
سيدنا موسى عليه السلام
سيدنا عيسى عليه السلام
هذا ما أعلم والله أعلى وأعلم
بالنسبه للأيه لا أذكره جيداً لذالك لم أضعه
جُزيتم خيرا وبارك الله فيكم

[A_E_B]

رد: سلسلة ::*.*:: صح وغلط وقصة طريفة ::*.*:: الحلقة السابعة عشر

ملحوظه
الحلقه 17 فى العنوان وداخل الحلقه مكتوب الحلقه 18

جزيتم الجنه

جزاكم الله خيراً على التذكرة
نرجوا من الرقابة التعديل وتبقى فى الموضوع الحلقة 17
اللــهُ المستعان

[أميرة بإسلامي2]

رد: سلسلة ::*.*:: صح وغلط وقصة طريفة ::*.*:: الحلقة السابعة عشر

السلام عليكم روحمة الله وبركاته
جزاكم الله خيرا ونفع بكم
من هم أولى العزم من الرسل ؟؟
" مع كتابة الآية التى ذكروا فيها "
اولى العزم خمسة وهم سيدنانوح وابراهيم وموسى وعيسى وسيدنا محمد صلى الله عليه وسلم
والايه(( { وَإِذْ أَخَذْنَا مِنَ النَّبِيِّينَ مِيثَاقَهُمْ وَمِنكَ وَمِن نُّوحٍ وَإِبْرَاهِيمَ وَمُوسَى وَعِيسَى ابْنِ مَرْيَمَ وَأَخَذْنَا مِنْهُم مِّيثَاقًا غَلِيظًا} )) [الأحزاب: آية 7]
بارك الله فيكم

[محبة الإيمان]

رد: سلسلة ::*.*:: صح وغلط وقصة طريفة ::*.*:: الحلقة السابعة عشر

جزاكم الله خيراً على التذكرة
نرجوا من الرقابة التعديل وتبقى فى الموضوع الحلقة 17
اللــهُ المستعان

تم بفضل الله

[A_E_B]

رد: سلسلة ::*.*:: صح وغلط وقصة طريفة ::*.*:: الحلقة السابعة عشر

جزاكم الله خيراً جميعا
والاجابة الصحيحة هى
سيدنا محمد صلى الله عليه وسلم
سيدنا إبراهيم عليه السلام
سيدنا نوح عليه السلام
سيدنا موسى عليه السلام
سيدنا عيسى عليه السلام
" وَإِذْ أَخَذْنَا مِنَ النَّبِيِّينَ مِيثَاقَهُمْ وَمِنكَ وَمِن نُّوحٍ وَإِبْرَاهِيمَ وَمُوسَى وَعِيسَى ابْنِ مَرْيَمَ وَأَخَذْنَا مِنْهُم مِّيثَاقاً غَلِيظاً " 7 - الاحزاب
بارك الله فيكم

[أمـة الله]

رد: سلسلة ::*.*:: صح وغلط وقصة طريفة ::*.*:: الحلقة السابعة عشر

جزاكم الله خيرا