Tweet
الحمد لله وحده والصلاة والسلام على من لا نبى بعده
ومع الحلقة رقم 12
من سلسلة
" صح وغلط وقصة طريفة "
__________________________________
1- صح :-
1- صح :-
صلاة الوتر
تسأل واحد : بتصلي صلاة الوتر ؟؟
مم صلاة الوتر .. مش ديه اللى الامام بعد مبيخلص ال 8 ركعات فى التراويح يروح قايل صلاة الوتر إن شاء الله وتلاقى نص المسجد مشي ؟؟
اه هي ديه .. بتصليها ؟؟
لا بصراحه أصلي تبع النص اللى مشي
طيب بتصليها في البيت ؟؟
بيت ؟! يعنى ايه بيت ؟! هو انا حصلي تراويح في الجامع وارجع اصلي الوتر ديه في البيت كمان ؟!ا
.................................
بعد رمضان بشهرين مثلا .. نقابل حد من صحابنا
ايه اخبار صلاة الوتر معاك ؟
وتر ؟! وتر ؟! انا سمعت الاسم ده قبل كده .. سمعته فين ياربي .. سمعته فيييين ؟!ا
مش ديه تقريبا الصلاة بتاعت رمضان اللى بتبقى بعد ال 8 ركعات في التراويح ؟
!!!!!!!!!!!!!!!!!!!!
الفكرة ديه ممكن تبقى عند كثير من الناس .. ان صلاة الوتر ديه مش مهمه .. او انها خاصة برمضان
طيب ايه الصح ؟؟
الصح ان صلاة الوتر ديه مهمه جدا .. وهي اهم صلاة تقريبا في قيام الليل
فالرسول عليه الصلاة والسلام
لم يكن يترك صلاة الوتر لا في الحضر ولا في السفر
حتى في السفر الذي تقصر فيه الفروض ويُترك فيه بعض بعض السنن الرواتب لم يكن يترك صلاة الوتر
قال رسول الله صلى الله عليه وسلم :
" اجعلوا آخر صلاتكم بالليل وترا "
الراوي: عبدالله بن عمر المحدث: البخاري - المصدر: صحيح البخاري - الصفحة أو الرقم: 998
خلاصة حكم المحدث: صحيح
الراوي: عبدالله بن عمر المحدث: البخاري - المصدر: صحيح البخاري - الصفحة أو الرقم: 998
خلاصة حكم المحدث: صحيح
يعنى اللى بيسيب الإمام قبل صلاة الوتر ويمشي لغير علة - يعنى موراهوش حاجه ومشي كده من غير سبب-
ومبيصليهاش حتى في البيت مخطئ
ومبيصليهاش حتى في البيت مخطئ
لإن الرسول صلى الله عليه وسلم أمرنا بصلاة الوتر
واللى فاكر انها في رمضان بس غلطان .. ديه طول السنة
وسنّة مؤكده طول السنة مش في رمضان بس
وسنّة مؤكده طول السنة مش في رمضان بس
وحتى إن نمت عن الوتر
قال صلى الله عليه وسلم :
" من نام عن وتره أو نسيه فليصله إذا ذكره "
الراوي: أبو سعيد المحدث: الألباني - المصدر: صحيح أبي داود - الصفحة أو الرقم: 1431
خلاصة حكم المحدث: صحيح
الراوي: أبو سعيد المحدث: الألباني - المصدر: صحيح أبي داود - الصفحة أو الرقم: 1431
خلاصة حكم المحدث: صحيح
طيب الوتر ديه كم ركعة ؟؟
أقلها ركعة .. ومش محدد لها عدد معين .. يعنى حتى لو ركعة بس تصليها قبل متنام
يبقى نحافظ على هذه الصلاة المهمه جدا .. سواء في رمضان أو غير رمضان
ركعة واحده حتى قبل مننام .. طووووول السنة مش رمضان بس
___________________________________
___________________________________
2 - غلط :-
واحنا في شهر رمضان كثير بيمسك المصحف ويقعد يقرأ
تيجى بعد صلاة الظهر في المسجد
تبص تلاقى واحد قاعد وفاتح المصحف وباصص فيه
تقول ما شاء الله .. الراجل بيقرأ
تستنى يقلب الصفحه .. أبدا
دلوقتى حيقلبها .. مفيش .. طيب هو بيحفظ ؟!؟
لو كان بيحفظ كان زمانه ختم
الفضول حياكلك .. رحت وسألته:
هو حضرتك فاتح المصحف على الصفحتين دول خصوصا ليه ؟؟ بيفكروك بحاجه ؟
يرد : لا مش على دول خصوصا .. أنا عادي فتحت اى صفحتين عادي كده
طيب حضرتك بتعمل ايه ؟؟ مبتقراش ليه مثلا
مفيش اصلى قريت عشر آيات بعد صلاة الفجر وحسيت ببعض الارهاق فقلت حكتفى انهارده بالعشر ايات دول
مم .. طيب حضرتك لا مؤاخذه يعنى بتعمل ايه دلوقتى ؟؟
مفيش ببص على المصحف بس
بتبص للمصحف بس ؟؟
اه انت متعرفش ولا ايه ؟؟ شباب اليومين دول اللى مش عارفين اى حاجه دول ..
تعالى يبنى لما اعلمك حديث عن الرسول عليه الصلاة والسلام
قال رسول الله صلى الله عليه وسلم :
" النظر في المصحف عبادة "
..............................
حد سمع الحديث ده قبل كده ؟؟
الحديث ده موضوع
موضوع يعنى مكذوب .. كذب يعنى
وانظر السلسلة الضعيفة للألباني حديث رقم 356 و 1586 و 1710
فنخلي بالنا من الحديث ده ونعرف انه موضوع
وزي متفقنا ..
بالشلووووووت
خلاص انت الكبير
براااحه
______________________________________
3- قصة طريفة :-
ذكر ابن الجوزي - رحمه الله- :-
" ذكر أبو الحسين بن برهان : دخلت مرة على بعض أصدقائي وفيهم مريض العين ومعي بعض المغفلين ، فقال له المغفل : كيف عينك ؟ قال : تؤلمني ، فقال : والله إن فلانا آلمته عينه أياما ثم ذهبت ، فاستحييت واستعجلت الخروج "
بيسأله ايه اخبار عينك ؟؟ قاله تاعباني ، قاله : والله اعرف واحد عينك كانت تعباه كم يوم وبعدين راحت
في أوقات كثير فعلا ممكن تلاقى حد " مدبّ " يعنى بيقول كلام زي الطوب
مبيفكرش في كلامه
الملافظ سعد يا عمنا
عايزين نفكر في كلامنا قبل منقوله للناس .. ساعات الناس ممكن تتشائم مننا
أو متحبش تشوفنا بسبب الكلام اللى زي الدبش ده
وخصوصا لو كان الموقف حساس
زي مرض مثلا .. منعملش زي اخونا المغفل .. لازم نديله أمل
زي واحد ربنا أنعم عليه نعمه.. بلاش نقول كلام يحسسه اننا بنحسده
قدامي مرة واحد اعرفه ربنا انعم عليه برزق .. فبيحط ايده في جيبه لقى فلوس .. قال الفلوس ديه بتاعت ايه
راح حد قايله : اه مهو من كثر الفلوس مبقتش عارف ديه ايه ولا ايه .. فعلا اتضايق جدا من الحد ده وحس انه بيحسده
زي موت لقريب واحد مثلا .. محدش يقوله خلاص متضايقش نفسك ، مهو كان ميت ميت
لازم نراعي كلامنا ونبطل الدبش .. علشان منضايقش حد مننا
ونكرهه فينا
ونكرهه فينا
..
في حد هنا عينه واجعاه ؟؟
أنا أعرف بقه واحد .....................
__________________________________
سؤال حلقتنا اليوم :
ما هى أطول آية فى القرآن الكريم ؟؟
" مع كتابة رقم الآية وفى سورة ايه ، بدون كتابة الآية "
ملاحظات *
توضع الاجابات فى هذا الموضوع ،
يمكن البحث فى جوجل لكن هتكون مشاركة وليست اجابة !! واللى يبحث فى جوجل ياريت يقول ،،
والكلام طبعاً على جميع محركات البحث ^^
_____________________________
__________________________________
سؤال حلقتنا اليوم :
ما هى أطول آية فى القرآن الكريم ؟؟
" مع كتابة رقم الآية وفى سورة ايه ، بدون كتابة الآية "
ملاحظات *
توضع الاجابات فى هذا الموضوع ،
يمكن البحث فى جوجل لكن هتكون مشاركة وليست اجابة !! واللى يبحث فى جوجل ياريت يقول ،،
والكلام طبعاً على جميع محركات البحث ^^
_____________________________
كده خلصت الحلقة الثانية عشر يارب متكونوش زهقتوا
وبكره إن شاء الله نلتقى في الحلقة الثالثة عشر إن شاء الله
وجزاكم الله خيراً
__________________________________
ابسط ما تساهم به نشر الحلقات ولو بالايميل لأصدقائك
تعليق