سلسلة ::*.*:: صح وغلط وقصة طريفة ::*.*:: الحلقة الـعــاشـرة

[A_E_B]

الحمد لله وحده والصلاة والسلام على من لا نبى بعده

ومع الحلقة رقم 10

من سلسلة

" صح وغلط وقصة طريفة "

1 - صح :-

صلاة الفجر

ايه اخبارك مع صلاة الفجر ؟

اه .. الحمد لله بصحى الصبح اخش اتوضأ واصلي الفجر وانزل الشغل

ده بيبقى الساعه كم ؟؟

على الساعه 8 كده ...!ا

يعنى بعد ما خرج وقتها

ده فعلا حال كثيييير من المسلمين إلا من رحم ربي

طيب فيه ناس كده برضه في رمضان ؟؟

للأسف اه ... لا لا مش ممكن .. انت بتبالغ .. مين ده اللى يضيع الفجر في رمضان ؟؟ في كثير للأسف

صلاة الفجر تشتكي كثرة الهاجرين .. صلاة الصبح تأن من قلة المصلين

مينفعش ابدا يبقى مسلم في رمضان بيصلي تراويح - لنفترض يعنى - ومبيصليش الفجر .. تيجى ازاى ديه بالله عليكم ؟

يصلي السنة ويسيب الفرض

قال رسول الله صلى الله عليه وسلم :-

" من صلى البردين دخل الجنة "

البردين : الصبح والعصر
الراوي: أبو موسى الأشعري المحدث: البخاري - المصدر: صحيح البخاري - الصفحة أو الرقم: 574
خلاصة حكم المحدث: [صحيح]

وقال صلى الله عليه وسلم :-

" لن يلج النار أحد صلى قبل طلوع الشمس و قبل غروبها "
الراوي: عمارة بن رؤيبة المحدث: الألباني - المصدر: صحيح الجامع - الصفحة أو الرقم: 5228
خلاصة حكم المحدث: صحيح

وقال صلى الله عليه وسلم :-

" من صلى الصبح فهو في ذمة الله "

في ذمة الله يعنى : في حماية الله
الراوي: جندب بن عبدالله المحدث: الألباني - المصدر: صحيح الجامع - الصفحة أو الرقم: 6339
خلاصة حكم المحدث: صحيح

وقال صلى الله عليه وسلم :

" إن أثقل صلاة على المنافقين صلاة العشاء وصلاة الفجر، ولو يعلمون ما فيهما لأتوهما ولو حبوا "
الراوي: أبو هريرة المحدث: مسلم - المصدر: صحيح مسلم - الصفحة أو الرقم: 651
خلاصة حكم المحدث: صحيح

لازم نحافظ إن شاء الله على صلاة الفجر ونكلم صحابنا ونسالهم .. ايه اخبار صلاة الفجر معاكم .. ونكلمهم علشان يصحوا و ندعوهم لصلاة الفجر

خصوصا في رمضان يعنى وعموما طول السنة

__________________________________

2 - غلط :-

خلاص فات ثلث رمضان .. وبما ان فات ثلث رمضان .. ده معناه ان فات 10 أيام من شهر رمضان

وده يقودنا إلى أننا لو فتحنا الراديو - طبعا اقصد إذاعة القرآن الكريم- قبل صلاة التراويح في يوم 10 رمضان

حتلاقى واحد حييجي وبصوت تخييين اوى - معرفش ليه لازم يبقى صوته تخين - !!ا

وهو كمان يتخن صوته -يعنى هى ناقصة - ويروح خاضك و قايل :

ها قد ولت أيام الرحمة !!! وبدأت أيام المغفرة

فقد قال رسول الله صلى الله عليه وسلم :

" شهر رمضان أوله رحمة ، وأوسطه مغفرة ، وآخره عتق من النار"

أو حتى فى بعض البرامج أو بعض أئمة المساجد

بيقولوا الحديث ده

حتى في المسجد الذي نصلي فيه .. جاء مفتى سابق لمصر وقال الحديث

بس المشكلة ان الحديث ده : منكر .. ضعيف جدا

يعنى مش بس سنده ضعيف .. لا ضعيف جدا .. وكمان متنه منكر

انظر : سلسلة الأحاديث الضعيفة للألباني حديث رقم 1569 وضعيف الجامع 2135

وبعدين ده كلام يتقال أصلا : ها قد ولت ايام الرحمة !!ا ايه خلاص مفيش رحمة تانى ؟!!ا

وبدأت أيام المغفرة !! ايه مكانش فيه مغفرة قبل كده !!ا

يعنى حتى من معناه باين انه غلط

لا شهر رمضان كله رحمة وكله مغفرة وكله عتق من النار بفضل الله عزّ جلّ

وطبعا لو سمعت حد بيقوله..

برااااااااااحه

_______________________________________

3- قصة طريفة :-

ذكر ابن الجوزي - رحمه الله - في ذكره للمغفلين من الأئمة :-

" وقرأ إمام في صلاته : (( وواعدنا موسى ثلاثين ليلة وأتممناها بعشر فتم ميقات ربه خمسين ليلة )) فجذبه رجل وقال : ما تحسن تقرا ؟ ما تحسن تحسب ؟ ."

يعنى لا عارف تقرا ولا عارف تحسب .. الراجل مستحملش راح شادّه من قفاه

كثير جدا بنبقى عايزين نقرا بسرعه أو عايزين نختم كذا مرة .. ده مطلوب جدا .. بس المشكلة

ان ساعات نقرا بسرعه جدا لدرجة اننا منبقاش عارفين احنا بنقرا ايه اصلا .. وما أبرّئ نفسي

من كثر معايزين نخلص .. نقرا من غير اى تركيز لدرجة ان لو خلصت قراءة ورجعت تكمل بعد كده .. بسبب السرعه ديه من غير تركيز

ممكن تقعد شوية مش عارف اصلا انت وقفت فين قبل كده ..
طيب هو انا قريت الأيات ديه قبل كده ولا لا !!ا

مش فاكر الآيات ديه قراها انهارده قبل كده ولا لا

تلاقي واحد تقوله وصلت لفين ؟؟ يقولك : الحمد لله في الجزء 17

في سورة ايه بقى ؟؟

يقولك مش فاكر انا في ال 17 ده المهم .. فاضل 13 جزء يا باشا واختم

بيبقى هم كثير منا هو في الجزء الكام وعايز يخلّص وخلاص ..
مش مهم هو واخد باله اصلا هو بيقرا ايه ولا لا .. ممكن ميبصش اصلا لاسم السورة اللى بيقرأها

لو حطيتله اى حاجه تانية بين القرآن ممكن يقراها وهو مش واخد باله .. قطار ماشي

المهم يجري ويخلص علشان صحابوا ميبسبقوهوش .. وغير كده انسى بقه الأحكام ديه

يعنى لا غنّه ولا مد ولا علامات وقف ولا اى حاجه .. انا عايز اوصل لسورة النااااااااااس ياعم الحاج

احكام مين

انا ناوى الشهر ده اختم بتاع 10 مرات كده ..

وهو اصلا مش فاكر اى حاجه من اى حاجه قراها من ال 10 مرات ومفيش اى آية علّقت معاه ولا فاكرها

طيب ده كلام ؟؟!ا

طبعا ده كلام غلط في غلط

لازم نحاول نختم عدة مرات لكن بتركيز ..

علشان نفهم اللى بنقراه ونقدر نتدبر

ونعرف ثلاثين وعشرة كام

__________________________________

سؤال حلقتنا اليوم :
سؤال سهل جداً والمعظم يعرفه
ما هى الشجرة الملعونة التى ذكرت فى القرآن الكريم ؟

ملاحظات *
توضع الاجابات فى هذا الموضوع ،
يمكن البحث فى جوجل لكن هتكون مشاركة وليست اجابة !! واللى يبحث فى جوجل ياريت يقول ،،
والكلام طبعاً على جميع محركات البحث ^^

__________________________________

كده خلصت الحلقة العاشرة يارب متكونوش زهقتوا ومعلش طولت عليكم

وبكره إن شاء الله نلتقى في الحلقة الحادية عشر إن شاء الله

وجزاكم الله خيراً

__________________________________

ابسط ما تساهم به نشر الحلقات ولو بالايميل لأصدقائك

[أمة عزيزة بالله]

رد: سلسلة ::*.*:: صح وغلط وقصة طريفة ::*.*:: الحلقة الـعــاشـرة

الحلقه قيمه جدااا

جزاكم الله خيراا

اما الشجره

فتقريبا شجره الزقوم..؟

جزيتم جنه الرحمن

[أمة عزيزة بالله]

رد: سلسلة ::*.*:: صح وغلط وقصة طريفة ::*.*:: الحلقة الـعــاشـرة

او الشجره التى منع الله سيدنا آدم وامنا حواء بأن يقرباها

[محبة الإيمان]

رد: سلسلة ::*.*:: صح وغلط وقصة طريفة ::*.*:: الحلقة الـعــاشـرة

جزاكم الله خيرا ونفع بكم

شجرة الزقوم بس مش متاكدة

[ابو رياض سفير redsee]

رد: سلسلة ::*.*:: صح وغلط وقصة طريفة ::*.*:: الحلقة الـعــاشـرة

اخى الغالى( . A_E_B . )
اكرمه الله الجنه على مجهوده
يتم نشر السلسله المباركه حتى يستفاد اكبر عدد منها من المسلمين على هذا الرابط وتم نشره لتشجيعك اخى والاستئزان منك اسئل الله ان يحفظكم اخوانى فى الله اعضاء ومشرفى وادارى شبكة الطريق الى الله

https://www.facebook.com/groups/25jan2011/?id=242058685834884&notif_t=group_activity

[A_E_B]

رد: سلسلة ::*.*:: صح وغلط وقصة طريفة ::*.*:: الحلقة الـعــاشـرة

بارك الله فيك اخى الحبيب
وبالفعل هناك مجموعة ع الفيس بوك انا عاملها من اول يوم يتم نشر الحلقات فيها
فقط اكتب فى البحث فى الفيس بوك
سلسلة ::*.*:: صح وغلط وقصة طريفة ::*.*::

[داعية بأخلاقى]

رد: سلسلة ::*.*:: صح وغلط وقصة طريفة ::*.*:: الحلقة الـعــاشـرة

ما هى الشجرة الملعونة التى ذكرت فى القرآن الكريم ؟

[وَإِذْ قُلْنَا لَكَ إِنَّ رَبَّكَ أَحَاطَ بِالنَّاسِ وَمَا جَعَلْنَا الرُّؤْيَا الَّتِي أَرَيْنَاكَ إِلَّا فِتْنَةً لِلنَّاسِ وَالشَّجَرَةَ المَلْعُونَةَ فِي القُرْآَنِ وَنُخَوِّفُهُمْ فَمَا يَزِيدُهُمْ إِلَّا طُغْيَانًا كَبِيرًا] {الإسراء:60}
هى شجرة الزقوم

جزاكم الله خير

[ابو رياض سفير redsee]

رد: سلسلة ::*.*:: صح وغلط وقصة طريفة ::*.*:: الحلقة الـعــاشـرة

جيد هذا من فضل الله علينا واقل ما يمكننا تقديمه لكم ولك

[A_E_B]

رد: سلسلة ::*.*:: صح وغلط وقصة طريفة ::*.*:: الحلقة الـعــاشـرة

جزاكم الله خيراً جميعا
وطبعاً الاجابة الصحيحة هى
شجرة الزقوم
" وَإِذْ قُلْنَا لَكَ إِنَّ رَبَّكَ أَحَاطَ بِالنَّاسِ وَمَا جَعَلْنَا الرُّؤْيَا الَّتِي أَرَيْنَاكَ إِلَّا فِتْنَةً لِلنَّاسِ وَالشَّجَرَةَ المَلْعُونَةَ فِي القُرْآَنِ وَنُخَوِّفُهُمْ فَمَا يَزِيدُهُمْ إِلَّا طُغْيَانًا كَبِيرًا "
- الإسراء : 60 -

[محبة الإيمان]

رد: سلسلة ::*.*:: صح وغلط وقصة طريفة ::*.*:: الحلقة الـعــاشـرة

اليوم الحادى العشر والحلقة لم توضع حتى الان
منتظرين،،بارك الله فيكم

[A_E_B]

رد: سلسلة ::*.*:: صح وغلط وقصة طريفة ::*.*:: الحلقة الـعــاشـرة

اليوم الحادى العشر والحلقة لم توضع حتى الان
منتظرين،،بارك الله فيكم

نعتذر عن التأخير
ولكن كان هناك عطل بالجهاز
بارك الله فيكم

[أمة عزيزة بالله]

رد: سلسلة ::*.*:: صح وغلط وقصة طريفة ::*.*:: الحلقة الـعــاشـرة

وفقكم الرحمن وسهل امركم

[محبة الإيمان]

رد: سلسلة ::*.*:: صح وغلط وقصة طريفة ::*.*:: الحلقة الـعــاشـرة

لا عليكم
نسأل الله ان ييسر لكم

[زهور علي الدرب]

رد: سلسلة ::*.*:: صح وغلط وقصة طريفة ::*.*:: الحلقة الـعــاشـرة

الحلقة روعة طبعا والشجرة هي الزقوم
وطلعنا منها بمعلومة جديدة انا مكنتش اعرف انه الفجر والعصر صلاتهم تدعي بالبردين
جزاكم الله خيرا

[أميرة بإسلامي2]

رد: سلسلة ::*.*:: صح وغلط وقصة طريفة ::*.*:: الحلقة الـعــاشـرة

السلام عليكم ورحمة الله وبركاته
جزاكم الله خيرا ونفع بكم
الشجرة الملعونة فى القران هى شجرة الزقوم