سلسلة ::*.*:: صح وغلط وقصة طريفة ::*.*:: الحلقة الـتــاسـعــة

[A_E_B]

الحمد لله وحده والصلاة والسلام على من لا نبى بعده

ومع الحلقة رقم 9

من سلسلة

" صح وغلط وقصة طريفة "

1 - صح :-

طبعا في شهر رمضان كلنا بنصلي الفروض -واكيد في غير رمضان- وكمان بفضل الله بنصلي التراويح

طيب اكيد كلنا بنتوضأ

ولا حد عنده راى تانى ؟؟

المهم حديثنا اليوم عن الوضوء

كلنا بنتوضأ كل يوم تقريبا

فيه حديث مهم جدا في الوضوء .. وهو

قال رسول الله صلى الله عليه وسلم :

" ما منكم من أحد يتوضأ فيسبغ الوضوء ثم يقول حين يفرغ من وضوئه: أشهد أن لا إله إلا الله وحده لا شريك له و أن محمدا عبده و رسوله إلا فتحت له أبواب الجنة الثمانية يدخل من أيها شاء "
الراوي: عمر بن الخطاب المحدث: الألباني - المصدر: صحيح الترغيب - الصفحة أو الرقم: 224
خلاصة حكم المحدث: حسن

شوف كلام سهل جدا حفظه .. بس شوفوا الثواب ايه ؟!!!ا

سبحان الله

فتحت له أبواب الجنة الثمانية يدخل من أيها شاء

أجر عظيم .. لكن لكي نحصّل هذا الثواب بإذن الله علينا بالتالي :-

1- نقول بسم الله قبل الوضوء

2- نسبغ الوضوء -بلاش كروته يعنى- اتوضا بذمة

3- نحفظ هذا الذكر السهل جدا ونقوله

أشهد أن لا إله إلا الله وحده لا شريك له و أن محمدا عبده و رسوله

مفيييييييييييييييييييييييش أسهل من كده وبلاش كسل

__________________________________

2 - غلط :-

بمناسبة الصلاة .. احنا في شهر رمضان تقريبا أكثر شهر بنصلى فيه

تلاقى كثير منا بيحافظ على السنن في هذا الشهر أكثر من غيره بالإضافة إلى التراويح والتهجد

وكثير كده مما واحنا بنصلى ورا الامام في التراويح والتهجد

نسرح شوية وكده

فنيجي نسال حد نقوله انا الصلاة سرحت كثير فيها

يقول بص بقه

قال رسول الله صلى الله عليه وسلم :-

" ليس للمرء من صلاته إلا ما عقل منها "

سمعتوا الحديث ده قبل كده ؟؟

اه كثييييييير

اهو ده بقه مش حديث عن الرسول اصلا

يعنى ليس من قول الرسول عليه الصلاة والسلام

ولا اصل له مرفوعا

- يعنى مش موجود في كتب السنة انه منسوب للنبي عليه الصلاة والسلام

إنما هو قول منسوب لسفيان الثوري -رحمه الله- ، وكذا أُشير أنه من اقوال ابن عباس وعمار بن ياسر

وانظر السلسلة الضعيفه للألبانى حديث رقم : 6941

لكن على كل حال هو ليس من كلام النبي صلى الله عليه وسلم

لكن معناه صحيح .. فنجتهد في التركيز في الصلاة والتدبر والخشوع

لان ما سها المرء فيه من صلاته الظاهر انه لا يُثاب عليه ولا يُأجر عليه

يبقى لو سمعنا الحديث ده نعمل ايييييييه ؟؟

خلاص كلنا حفظنا

نعرف انه مش حديث وبعدين ننبه من يقوله على انه مش من اقوال النبي عليه الصلاة والسلام .. بس زي متفقنا

براااااااااااااااااااااااحه

مش باللي في رجلك

______________________________________

3- قصة طريفة :-

علشان طولنا عليكم في الحلقة ديه .. القصة حتبقى قصيرة جدا

بس التعليق طوييييييل

ذكر ابن الجوزي -رحمه الله- :

" أصيب بعضهم بمصيبة - ماتله ميت يعنى - فقيل له : عظّم الله أجرك، فقال : سمع الله لمن حمده. "

!!!!

اى كلام بيتقال ياعم الحاج

ايه اللى جاب الرد ب: سمع الله لمن حمده هنا !!

كثير اوى من الناس بيحب يمثّل

يعنى تبقى راكب الاسانسير وانت نازل تصلي مثلا ويشوفك كده شكلك ملتزم تلاقيه خلاص

فُتِحَ عليه في الذكر فتحا مبينا

تلاقيه عمّال يذكر الله ولازم يسمّعك .. مينفعش يذكر في سره .. لاااااااااااازم يسمّعك

لازم يقول اى حاجه حافظها وخلاص

ونفس الكلام .. وانت رايح المسجد مثلا تعدى جنب حد تقوله السلام عليكم .. وهو اصلا ممكن يبقى ماشي سرحان

يروح رادد السلام ويبدا في وصلة ذكر .. وطبعا لازم بالشرط المعروف

لازم يسمّعك حتى لو انت بعيد عنه

برضه الاخت تبقى نازله ملتزمة بحجابها تقعد جنب واحده ممكن تكون متبرجة في اتوبيس مثلا تلقى السلام .. التانية ترد السلام وتبدأ بقه في حلقة الذكر

وتقعد تقول اذكار غريبة !! ولازم طبعا

تسمّعها

انا نفسي افهم ليييه لازم يسمّعك .. ليه بنحب نمثل !!ا

انا مش بقول بيمثل علشان بيذكر .. لا لأنه قبل ميشوفك كان فعلا ساكت .. وبعدين لما شافك كانه عايز يثبتلك انه برضه مش سهل .. فعمّال بقه ولازم يسمّعك .. مينفعش يتكلم في سره

زي ميكون بيذكر ربنا علشانك انت مش علشان ربنا !!ا ..
مينفعش يعنى يذكر في سره ويخفي عمله

ربنا يرزقنا الاخلاص

برضه لو واحد شكله انه ملتزم ركب تاكسي .. نفس الكلام سواق التاكس يتحول لشيخ طريقة في ثانية

مرة ركبت تاكسي .. واول مقعدت جنب سواق التاكسي وقلت السلام عليكم

تحول في ثانية لشيخ طريقة بقه .. وقاعد يدعي ويذكر وهو كان مشغل اغاني !!

وخلاص حسيت انى حطّلع طبلة واقعد اقول : حي حي حي حي

وعمّال يقول :

ربنا يكرمنا يحق جاه النبي أو يارب استر طريقنا بحق جاه النبي .. حاجات كده مش فاكرها بالظبط

وشغاااال .. بقه اهو اى كلام حافظه وخلاص

قلتله ياعم وايه لازمة بحق جاه النبي ديه ؟؟

ليه مخلّي واسطة بينك وبين ربنا .. ادعي ربنا على طول

" وَإِذَا سَأَلَكَ عِبَادِي عَنِّي فَإِنِّي قَرِيبٌ "

ربنا مقالش : وإذا سألك عبادي عني فقل لهم إنى قريب

منك لربنا على طول متحطش واسطة في الدعاء بينك وبين الله.. ولو حتى كان النبي صلى الله عليه وسلم

ما علينا .. المهم .. ليه بنحب نمثّل كثير ؟!؟

كن أنت

خليك انت .. متمثلش

ومش علشان شفت اللى قدامك قال حاجه ليك مثلا ذكر ثابت ولا حاجه .. انت متعرفش رده .. مش اى كلام بقه وخلاص علشان تحسسه انك حافظ برضه ودقيقتين وتعمل كتاب تفسير

لا قول : جزاك الله خيرا وخلاص

في الرد على تهنئة او تعزية أو مواساة

قول : جزاك الله خيرا .. وخلااااص

قول شكرا ياسيدي

ونبطل تمثيييييييييييييييييييييييييييل

__________________________________

سؤال حلقتنا اليوم :
من هو الإنسان الذى أقسم الله بحياته فى القرآن الكريم ؟
" مع كتابة الآية التى فيها القسم "

ملاحظات *
توضع الاجابات فى هذا الموضوع ،
يمكن البحث فى جوجل لكن هتكون مشاركة وليست اجابة !! واللى يبحث فى جوجل ياريت يقول ،،
والكلام طبعاً على جميع محركات البحث ^^

__________________________________
كده خلصت الحلقة التاسعة يارب متكونوش زهقتوا ومعلش طولت عليكم

وبكره إن شاء الله نلتقى في الحلقة العاشرة إن شاء الله

وجزاكم الله خيراً

__________________________________

ابسط ما تساهم به نشر الحلقات ولو بالايميل لأصدقائك

[محبة الإيمان]

رد: سلسلة ::*.*:: صح وغلط وقصة طريفة ::*.*:: الحلقة الـتــاسـعــة

جزاكم الله خيرا ونفع بكم

أشهد أن لا إله إلا الله وحده لا شريك له و أن محمدا عبده و رسوله

ونزيد ايضا اللهم اجعلنى من التوابين واجعلنى من المتطهرين

الموضوع ليس حصرى وانما كان من سنوات سابقة،،اليس كذلك؟)

[أمة عزيزة بالله]

رد: سلسلة ::*.*:: صح وغلط وقصة طريفة ::*.*:: الحلقة الـتــاسـعــة

من هو الإنسان الذى أقسم الله بحياته فى القرآن الكريم ؟

الحلقه جميله وفعلا فيها من واقعنا كتير جداااا جدااااا جزاكم الله الفردوس الاعلى ونفع بكم

الاجابه من جوجل
لانى اول مره اسمع عن السؤال

الوحيد الذي أقسم الله بحياته في القرآن الكريم هو نبينا محمد صلى الله عليه وسلم، قال الله تعالى: (لَعَمْرُكَ إِنَّهُمْ لَفِي سَكْرَتِهِمْ يَعْمَهُونَ ) [الحجر :72].

[A_E_B]

رد: سلسلة ::*.*:: صح وغلط وقصة طريفة ::*.*:: الحلقة الـتــاسـعــة

اختنا الفاضلة محبة الإيمان نعم هو كذلك ولكن حصرى فى وقتنا هذا يعنى لا يوجد موقع آخر ينشره
ارجوا ان تكونوا فهمتمونا
بارك الله فيكم وزادكم حرصاً

[محبة الإيمان]

رد: سلسلة ::*.*:: صح وغلط وقصة طريفة ::*.*:: الحلقة الـتــاسـعــة

بارك الله فيكم
كنت اريد التاكد
لا شئ ،،

[A_E_B]

رد: سلسلة ::*.*:: صح وغلط وقصة طريفة ::*.*:: الحلقة الـتــاسـعــة

جزاكم الله خيراً اختنا Eman.Bio وننتظر باقى الاجابات

[محبة الإيمان]

رد: سلسلة ::*.*:: صح وغلط وقصة طريفة ::*.*:: الحلقة الـتــاسـعــة

الرسول صلى الله عليه وسلم
الاية
لَعَمْرُكَ إِنَّهُمْ لَفِي سَكْرَتِهِمْ يَعْمَهُون
تم البحث عن الاية فقط
بارك الله فيكم

[داعية بأخلاقى]

رد: سلسلة ::*.*:: صح وغلط وقصة طريفة ::*.*:: الحلقة الـتــاسـعــة

من هو الإنسان الذى أقسم الله بحياته فى القرآن الكريم ؟
" مع كتابة الآية التى فيها القسم "

الاجابة : هو أفضل الخلق محمد صلى الله عليه وسلم "

[لَعَمْرُكَ إِنَّهُمْ لَفِي سَكْرَتِهِمْ يَعْمَهُونَ] {الحجر:72}

[أميرة بإسلامي2]

رد: سلسلة ::*.*:: صح وغلط وقصة طريفة ::*.*:: الحلقة الـتــاسـعــة

السلام عليكم ورحمة الله وبركاته
جزاكم الله خيرا وبارك فيكم
من هو الإنسان الذى أقسم الله بحياته فى القرآن الكريم ؟
" مع كتابة الآية التى فيها القسم "
الوحيد الذي أقسم الله بحياته في القرآن الكريم هو نبينا محمد صلى الله عليه وسلم، قال الله تعالى: (لَعَمْرُكَ إِنَّهُمْ لَفِي سَكْرَتِهِمْ يَعْمَهُونَ ) [الحجر :72].