سلسلة ::*.*:: صح وغلط وقصة طريفة ::*.*:: الحلقة الــخــامــســة

[A_E_B]

الحمد لله وحده والصلاة والسلام على من لا نبى بعده

ومع الحلقة رقم 5

من سلسلة

" صح وغلط وقصة طريفة "

1- صح :-

مما دفعنى للحديث عن أمر السحور في الحلقة السابقة

أن أحد الأصدقاء أخبرني أنه لا يتسحر مطلقا

فكان الحديث بالأمس عن أمر النبي عليه الصلاة والسلام بالسحور

طيب هل الأمر بالسحور يقتصر على أن بالسحور بركة أم أن هناك أمرا أخر ؟

قال رسول الله صلى الله عليه وسلم :-

" فصل ما بين صيامنا و صيام أهل الكتاب أكلة السحر "
الراوي: عمرو بن العاص المحدث: الألباني - المصدر: صحيح الجامع - الصفحة أو الرقم: 4207
خلاصة حكم المحدث: صحيح

أى أن الفرق بين صيامنا وبين صيام أهل الكتاب هو السحور

فالسحور مع أهميته .. هو فرق بيننا وبين أهل الكتاب

وهو مخالفة لأهل الكتاب

فكما أمرنا بمخالفة أهل الكتاب

فنحرص على السحور وتكون من نوايانا أننا نخالف اليهود والنصارى

ومتخافوش خلاص بكره إن شاء الله حاجه تانية غير موضوع السحور

2 - غلط :-

إن شاء الله في هذا الجزء من الحلقات

ستفاجئون بكثير من الأحاديث التى نرددها ونعتقد أنها صحيحه ونرددها ونسمعها كثيرا

وهي غير صحيحة

طبعا في شهر رمضان .. كلنا بنصوم .. واكيد كلنا بنفطر

عند المغرب طبعا

طيب اول ما الأذان بيأذن في لمح البصر تلاقي الواحد فينا ماسك التمر أو ماسك الكوب وحيبدأ بقه

بس طبعا فيه دعاء بنقوله قبل منفطر

ايه هو الدعاء ده ؟؟

ااااه بنقول :-

" اللهم لك صمت وعلى رزقك أفطرت وعليك توكلت "

مش كده برضه ؟؟

اه .. بس الحديث ده .. ضعيف !!ا

ضعيف بجد ؟؟

ايوا ضعيف .. ومثبتش ان الرسول عليه الصلاة والسلام كان بيقول كده عند الإفطار

امال نقول ايه ؟؟ ايه الصح ؟؟

فكروا و ابحثوا وغدا إن شاء الله في الحلقة القادمة نعلم ايه الصح اللى نقوله عند الإفطار

3- قصة طريفة :-

من غير مقدمات خالص بقه المرة ديه

قال ابن الجوزي -رحمه الله- :

عن محمد الداري قال : كان عندنا رجل بدارا وكان فيه غفله ، فخرج من داراً ومعه عشرة أحمر - جمع حمار- ، فركب واحدا وعدّها ، فاذا هى تسعة ، فنزل وعدّها فإذا هى عشرة ، فركب واحدا وعدّها ، فاذا هى تسعة ، فنزل وعدّها فإذا هى عشرة ،فلا زال كذلك مراراً ، فقال : أنا أمشي وأربح حمارا خير من أن أركب ويذهب مني حمار ، فرأيتُه يمشي حتى كاد يتلف - كان حيموت من التعب - إلى أن بلغ قريته. !!ا

مش لاقى حاجه اقولها بصراحه

بس اللى أقدر أقوله انك لو شفت الراجل ده متسيبوش .. لانه مسلّي جدا

لكن المستفاد أننا كثيرا ما نفعل شئ خاطئ .. ولا ندري أننا نفعل الخطأ ويعدّى علينا واحنا مش واخدين بالنا اننا بنعمل حاجه غلط .. فخلي ليك صديق يصدقك .. يظهر لك أخطائك .. فالصديق مرآة صديقه .. ولو حد نبهك لغلط بتعمله .. فكر فيه .. يمكن فعلا انت بتعمل غلط وانت مش واخد بالك .. متقولش ايه اللى جاى يقول اى كلام ده ؟!؟

ازاى يقولى كده .. لا طبعا انا مش كده

لا فكر في النصيحة .. يمكن فعلا انت على غلط

مش يمكن تكون فعلا راكب الحمار وعمال تعد اللى قدامك وناسي اللى راكبه !!ا

بكده خلصت الحلقة الخامسة يارب متكونوش زهقتوا

وبكره إن شاء الله نلتقى في الحلقة السادسة إن شاء الله

وجزاكم الله خيراً

___________________
ابسط ما تساهم به نشر الحلقات ولو بالايميل

[محبة الإيمان]

رد: سلسلة ::*.*:: صح وغلط وقصة طريفة ::*.*:: الحلقة الــخــامــســة

بارك الله فيكم ونفع بكم

[أمة عزيزة بالله]

رد: سلسلة ::*.*:: صح وغلط وقصة طريفة ::*.*:: الحلقة الــخــامــســة

جزاكم الله خيراااا
حلقه قيمه جدا وفقكم الرحمن


==
هل هذا هو الحديث

عن مروان بن سالم ؛ قال : رأيت ابن عمر يقبض على لحيته فيقطع ما زاد على الكف ، وقال : كان رسول الله صلى الله عليه وسلم إذا أفطر ؛ قال : ذهب الظمأ ، وابتلت العروق ، وثبت الأجر إن شاء الله تعالى
الراوي: عبدالله بن عمر المحدث: الدارقطني - المصدر: شرح العمدة (الصيام) - الصفحة أو الرقم: 1/512
خلاصة حكم المحدث: إسناده حسن

الذى نقوله عند الافطار

[A_E_B]

رد: سلسلة ::*.*:: صح وغلط وقصة طريفة ::*.*:: الحلقة الــخــامــســة

جزاكم الله خيراااا
حلقه قيمه جدا وفقكم الرحمن


==
هل هذا هو الحديث

عن مروان بن سالم ؛ قال : رأيت ابن عمر يقبض على لحيته فيقطع ما زاد على الكف ، وقال : كان رسول الله صلى الله عليه وسلم إذا أفطر ؛ قال : ذهب الظمأ ، وابتلت العروق ، وثبت الأجر إن شاء الله تعالى
الراوي: عبدالله بن عمر المحدث: الدارقطني - المصدر: شرح العمدة (الصيام) - الصفحة أو الرقم: 1/512
خلاصة حكم المحدث: إسناده حسن

الذى نقوله عند الافطار

ما شاء الله
نعم هو ان شاء الله
بارك الله فيكم

[أمة عزيزة بالله]

رد: سلسلة ::*.*:: صح وغلط وقصة طريفة ::*.*:: الحلقة الــخــامــســة

ما شاء الله
نعم هو ان شاء الله
بارك الله فيكم

وفيكم بارك الرحمن فى انتظار بقيه الحلقات وفقكم رب البريه

[A_E_B]

رد: سلسلة ::*.*:: صح وغلط وقصة طريفة ::*.*:: الحلقة الــخــامــســة

بارك الله فيكم ونفع بكم

وفيكم بارك الله ونفع بنا وبكم

[أميرة بإسلامي2]

رد: سلسلة ::*.*:: صح وغلط وقصة طريفة ::*.*:: الحلقة الــخــامــســة

جزاكم الله خيرا جعل الله ما تقدموه فى ميزان حسناتكم
بارك الله فيكم
ننتظر باقى الحلقات

[تلميذة حازم شومان .]

رد: سلسلة ::*.*:: صح وغلط وقصة طريفة ::*.*:: الحلقة الــخــامــســة

جزاكم الله خير
ونفع الله بكم
جميل جدا احسن الله اليكم

[راجيه جوار الحبيب محمد]

رد: سلسلة ::*.*:: صح وغلط وقصة طريفة ::*.*:: الحلقة الــخــامــســة

ماشاء الله أحسن الله إليكم أخونا الفاضل
فى إنتظار باقى الحلقات إن شاء الله
إن شاء الله أقوم بنشر الحلقات بالمنديات
بارك الله فيكم