سلسلة ::*.*:: صح وغلط وقصة طريفة ::*.*:: الحلقة الثالثة

[A_E_B]

الحمد لله وحده والصلاة والسلام على من لا نبى بعده

ومع الحلقة رقم 3

من سلسلة

" صح وغلط وقصة طريفة "

1- صح :-

جزء صح بتاعنا انهارده .. حيكون حديث .. والحديث ده يتضمن احياء سنة

...

وانت رايح تصلى التراويح او وانتِ رايحة تصلي التراويح

كثييير جدا بعد أول أربع ركعات تلاقى ناس كثير روحت

والأكثر منه بعد ال 8 ركعات وقبل صلاة الوتر تلاقى أفواااج بتمشي

زي ميكون الإمام حيصلى الوتر بره المسجد وهما طالعينله

طيب مشيوا ليه ؟؟ وراهم حاجه مهمه ؟؟

لا

طيب تعبانين أو مريضين ؟؟

برضه لا

طيب قاموا ليه ؟؟

مفيش .. كفاية كده .. نبقى نصلي في البيت بقه الوتر ..

طيب ده صح ولا غلط ؟؟

لا غلط .. طيب ايه الصح ؟؟

الصح إن الرسول عليه الصلاة والسلام قال :

" إنه من قام مع الإمام حتى ينصرف كتب له قيام ليلة "
الراوي: أبو ذر الغفاري المحدث: الألباني - المصدر: إرواء الغليل - الصفحة أو الرقم: 2/193
خلاصة حكم المحدث: إسناده صحيح رجاله كلهم ثقات

يعنى ايه بقه ؟؟ يعنى اللى يصلي مع الإمام لحد ما الإمام يخلص

يكتب ليه قيام الليلة .. يعنى الصح اننا نصلي مع الامام لحد ميخلص خااااالص وينصرف

طيب احنا بنحب نصلي الوتر بليل في البيت قبل الفجر .. نعمل ايييييه ؟؟

تصلى مع الامام الوتر ولما يسلم قوم صلى ركعة كمان .. يبقى انت مصلتش وتر

وفي نفس الوقت مضيعتش عليك أجر قيام الليلة

2 غلط :-

كثير جدا لما حد يعمل عمل كويس أو عمل خير ..

نلاقى الناس اتبسطت كده وراحت قايله :

يا سلاااام .. فعلا .. زي ما النبي -عليه الصلاة والسلام - قال :

" الخير في وفي أمتي إلى يوم القيامة"

وتلاقى اللى معاه راح قايل : ااااه .. صدق رسول الله

هو طبعا صدق رسول الله -صلى الله عليه وسلم - ..

بس الرسول مقالش الكلام ده ..

الحديث ده : لا أصل له

اختراع يعنى

حاجه مش موجوده فى كتب السنة أصلا

فنحذر من الحديث .. بس فيه حديث تانى صحيح ويفيد نفس المعنى ..

حد عارفه ؟؟

فكروا وحنقولوا إن شاء الله في حلقة قادمة

3- قصة طريفة :-

بمناسبة جزء الغلط الثابت في حلقتنا

كثير منا بيعمل الغلط علشان لقى الناس بتعمله

وده في حد ذاته غلط .. لأنه متأكدش اللى بيعملوه صح ولا غلط

ايه بقى الكلام اللى محدش فاهم منه حاجه ده ؟؟

اقرأ القصة ديه وانت تفهم :-

ذكر ابن الجوزي -رحمه الله- أن بعضهم قال :-

" و مررت بقوم اجتمعوا على رجل يضربونه ، فقلت لرجل يجيد ضربه : ما حال هذا ؟ قال : والله ما أدري ما حاله ، ولكنى رأيتهم يضربونه فضربته معهم لله عزّ وجلّ وطلبا للثواب "

ده من غير ميعرف هما بيضربوه ليه أصلا .. وخلي بالك من حتة انه بيضربه لله وطلبا للثواب ديه

كثير منا نفس الكلام شاف الناس بتعمل فعمل .. من غير ميعرف اللى بيعملوه صح ولا غلط

يعنى كثير يجيلك ايميل فيه حديث موضوع مكذوب .. من غير منفكر نعرف صحيح ولا لا ..

على طوووووووووووووول ندوس على

Forward

وتكتب ايميلات صحابك وصحاب صحابك واللى يعرفوا صحابك واللى ميعرفوش صحابك

وانت في دماغك انك بتعمل كده طلبا للثواب وبتعمله لله

وانت بتساهم في نشر كلام كذب عن النبي صلى الله عليه وسلم

والغريب ان لو جاله حديث صحيح .. ميبعتوش !!

يقولك ما هو الناس تلاقيها عارفاه !!

فلازم نتأكد قبل مننشر حاجه عن الدين أو نساهم في حاجه أنها صح ولا غلط

مش علشان لقينا صحابنا بيعملوها .. نعملها

بكده خلصت الحلقة الثالثة يارب متكونوش زهقتوا ..

وبكره إن شاء الله نلتقى في الحلقة الرابعة إن شاء الله

وجزاكم الله خيراً

___________________
ابسط ما تساهم به نشر الحلقات ولو بالايميل

[أمة عزيزة بالله]

رد: سلسلة ::*.*:: صح وغلط وقصة طريفة ::*.*:: الحلقة الثالثة

حد عارفه ؟؟

فكروا وحنقولوا إن شاء الله في حلقة قادمة

===
اولا جزاكم الله خيراا على الحلقه فعلاا قيمه وفقكم الرحمن ومنتظرين البقيه

===
ثانياا هل هذا هو الحديث المقصود

رقم الحديث: 4164
أَخْبَرَنَا أَبُو عُثْمَانَ سَعِيدُ بْنُ مُحَمَّدِ بْنِ مُحَمَّدِ بْنِ عَبْدَانَ النَّيْسَابُورِيُّ ، أنا أَبُو عَبْدِ اللَّهِ مُحَمَّدُ بْنُ يَعْقُوبَ الْحَافِظُ ، نا السَّرِيُّ بْنُ خُزَيْمَةَ ، نا مُوسَى بْنُ إِسْمَاعِيلَ ، نا سُلَيْمَانُ بْنُ الْمُغِيرَةِ ، نا ثَابِتٌ ، عَنِ ابْنِ أَبِي لَيْلَى ، عَنْ صُهَيْبٍ ، قَالَ : قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : " عَجَبًا لأَمْرِ الْمُؤْمِنِ إِنَّ أَمْرَ الْمُؤْمِنِ كُلُّهُ خَيْرٌ إِنْ أَصَابَتْهُ سَرَّاءُ فَشَكَرَ كَانَ خَيْرًا لَهُ ، وَإِنَّ أَصَابَتْهُ ضَرَّاءُ فَصَبَرَ كَانَ خَيْرًا " . أَخْرَجَهُ مُسْلِمٌ فِي الصَّحِيحِ ، مِنْ حَدِيثِ سُلَيْمَانَ بْنِ الْمُغِيرَةِ .

====
وفقكم الرحمن

[أميرة بإسلامي2]

رد: سلسلة ::*.*:: صح وغلط وقصة طريفة ::*.*:: الحلقة الثالثة

جزاكم الله خير الجزاء وننتظر باقى لحلقات
باذن الله تعالى افعل جعله الله فى ميزان حسناتكم

[محبة الإيمان]

رد: سلسلة ::*.*:: صح وغلط وقصة طريفة ::*.*:: الحلقة الثالثة

حلقة رائعة
بارك الله فيكم

[تلميذة حازم شومان .]

رد: سلسلة ::*.*:: صح وغلط وقصة طريفة ::*.*:: الحلقة الثالثة

جزاكم الله خير وبارك فيكم
موضوع ممتاز

[A_E_B]

رد: سلسلة ::*.*:: صح وغلط وقصة طريفة ::*.*:: الحلقة الثالثة

===
اولا جزاكم الله خيراا على الحلقه فعلاا قيمه وفقكم الرحمن ومنتظرين البقيه

===
ثانياا هل هذا هو الحديث المقصود

رقم الحديث: 4164
أَخْبَرَنَا أَبُو عُثْمَانَ سَعِيدُ بْنُ مُحَمَّدِ بْنِ مُحَمَّدِ بْنِ عَبْدَانَ النَّيْسَابُورِيُّ ، أنا أَبُو عَبْدِ اللَّهِ مُحَمَّدُ بْنُ يَعْقُوبَ الْحَافِظُ ، نا السَّرِيُّ بْنُ خُزَيْمَةَ ، نا مُوسَى بْنُ إِسْمَاعِيلَ ، نا سُلَيْمَانُ بْنُ الْمُغِيرَةِ ، نا ثَابِتٌ ، عَنِ ابْنِ أَبِي لَيْلَى ، عَنْ صُهَيْبٍ ، قَالَ : قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ : " عَجَبًا لأَمْرِ الْمُؤْمِنِ إِنَّ أَمْرَ الْمُؤْمِنِ كُلُّهُ خَيْرٌ إِنْ أَصَابَتْهُ سَرَّاءُ فَشَكَرَ كَانَ خَيْرًا لَهُ ، وَإِنَّ أَصَابَتْهُ ضَرَّاءُ فَصَبَرَ كَانَ خَيْرًا " . أَخْرَجَهُ مُسْلِمٌ فِي الصَّحِيحِ ، مِنْ حَدِيثِ سُلَيْمَانَ بْنِ الْمُغِيرَةِ .

====
وفقكم الرحمن

جزانا الله واياكم كل خير
ولكن ليس هذا الحديث الذى نريده يمكنكم المحاولة مرة آخرى
وستم ان شاء الله التعرف عليه فى الحلقات القادمة

جزاكم الله خير الجزاء وننتظر باقى لحلقات
باذن الله تعالى افعل جعله الله فى ميزان حسناتكم

اللهم آمين ،، واياكم
بارك الله فيكم

حلقة رائعة
بارك الله فيكم

وفيكم بارك الله ونفع بكم

جزاكم الله خير وبارك فيكم
موضوع ممتاز

جزاكم الله مثله ونفع بكم

[محبة الإيمان]

رد: سلسلة ::*.*:: صح وغلط وقصة طريفة ::*.*:: الحلقة الثالثة

ممكن يكون هذا الحديث

لا تزال طائفة من أمتي ظاهرة على الحق لا يضرهم من خالفهم ولا من خذلهم حتى تقوم الساعة
الراوي: - المحدث: ابن تيمية - المصدر: الجواب الصحيح - الصفحة أو الرقم: 2/180
خلاصة حكم المحدث: صحيح

[A_E_B]

رد: سلسلة ::*.*:: صح وغلط وقصة طريفة ::*.*:: الحلقة الثالثة

ممكن يكون هذا الحديث

لا تزال طائفة من أمتي ظاهرة على الحق لا يضرهم من خالفهم ولا من خذلهم حتى تقوم الساعة
الراوي: - المحدث: ابن تيمية - المصدر: الجواب الصحيح - الصفحة أو الرقم: 2/180
خلاصة حكم المحدث: صحيح

جزاكم الله خيراً
ما شاء الله حديث جميل
ولكنه ليس ايضا الحديث المراد
بارك الله فيكم

[HossaM.H]

رد: سلسلة ::*.*:: صح وغلط وقصة طريفة ::*.*:: الحلقة الثالثة

جزاكم الله خيرا

[زهور علي الدرب]

رد: سلسلة ::*.*:: صح وغلط وقصة طريفة ::*.*:: الحلقة الثالثة

نى ايه بقه ؟؟ يعنى اللى يصلي مع الإمام لحد ما الإمام يخلص

يكتب ليه قيام الليلة .. يعنى الصح اننا نصلي مع الامام لحد ميخلص خااااالص وينصرف

طيب احنا بنحب نصلي الوتر بليل في البيت قبل الفجر .. نعمل ايييييه ؟؟

تصلى مع الامام الوتر ولما يسلم قوم صلى ركعة كمان .. يبقى انت مصلتش وتر

وفي نفس الوقت مضيعتش عليك أجر قيام الليلة
انا قريت فتوة قبل كدة مدعمة بحديث صحيح انه ممكن نوتر اول الليل وبعدين لو قمنا اخر الليل ممكن نصلي
من غير وتر بمعني شفع ودي تضاف لما سبق صلاته في اول الليل
هو كان حديث مش فاكره نصه بس فيما معناه انه الرسول صلي الله عليه وسلم سأل ابو بكر وعمر عن صلاتهم فاحدهم اوتر اول الليل والثاني ءاخره وفضل الرسول ءاخره وكان ذاكر حديث اخر للسيدة عائشة بيأكد انه ممكن نصلي بعد ما اوترنا مع الامام بس المهم ميبقاش فيه وتران في ليلة واحدة

[A_E_B]

رد: سلسلة ::*.*:: صح وغلط وقصة طريفة ::*.*:: الحلقة الثالثة

نى ايه بقه ؟؟ يعنى اللى يصلي مع الإمام لحد ما الإمام يخلص

يكتب ليه قيام الليلة .. يعنى الصح اننا نصلي مع الامام لحد ميخلص خااااالص وينصرف

طيب احنا بنحب نصلي الوتر بليل في البيت قبل الفجر .. نعمل ايييييه ؟؟

تصلى مع الامام الوتر ولما يسلم قوم صلى ركعة كمان .. يبقى انت مصلتش وتر

وفي نفس الوقت مضيعتش عليك أجر قيام الليلة
انا قريت فتوة قبل كدة مدعمة بحديث صحيح انه ممكن نوتر اول الليل وبعدين لو قمنا اخر الليل ممكن نصلي
من غير وتر بمعني شفع ودي تضاف لما سبق صلاته في اول الليل
هو كان حديث مش فاكره نصه بس فيما معناه انه الرسول صلي الله عليه وسلم سأل ابو بكر وعمر عن صلاتهم فاحدهم اوتر اول الليل والثاني ءاخره وفضل الرسول ءاخره وكان ذاكر حديث اخر للسيدة عائشة بيأكد انه ممكن نصلي بعد ما اوترنا مع الامام بس المهم ميبقاش فيه وتران في ليلة واحدة

جزاكم الله خيراً اختنا الفاضلة على هذه الاضافة

[أميرة بإسلامي2]

رد: سلسلة ::*.*:: صح وغلط وقصة طريفة ::*.*:: الحلقة الثالثة

جزاكم الله خيرا ونفع بكم