سوري فهموني يا ملتزمين احنا من الارض وانتم من المريخ؟؟؟؟

[عضو 13]

مرسي ليكم كلكم

عاوز افهم حاجة ليه بتعاملوا الناس اللي مش ملتزمة متلكم بطريقة استكبارية؟؟؟؟

من شوي عملت موضوع بقسم الترحيب و فجأة يتحدف بدون اي سبب او مبرر ومغلطتش بحاجة لكن الزاهر انه مراقب القسم مش عاجبه طريقتي

ازااي هتجزبوا الناس ليكم لو كان تصرفكم كده معهم؟؟؟؟؟ ايه انتم من كوكب المريخ؟؟؟ و ليه الئسوة دي بالتعامل معنا؟؟؟؟

أسئلة كتيرة نفسي حد فيكم يعرف يجاوبني عنها.... لو محدش جاوب برضو احسن مش عاوز اعرف

[فارس التوحيد]

رد: سوري فهموني يا ملتزمين احنا من الارض وانتم من المريخ؟؟؟؟

السلام عليكم ورحمة الله.

مالك يا أخى الحبيب؟

زعلان ليه؟

وايه الاسم اللى انت مشترك بيه ده؟

وبعدين محدش من الأخوة استكبر عليك ولا أساء لك عشان تزعل كده.

واضح يا أخى انك داخل المنتدى وانت مشحون ضد الأخوة.

لو الكلام ده قلته فى أى منتدى تانى كنت اتفصلت فى ساعتها.

بس احنا برده بنحبك وبنحب كل المسلمين من أهل السنة.

[M_S_A]

رد: سوري فهموني يا ملتزمين احنا من الارض وانتم من المريخ؟؟؟؟

اخى الحبيب

حضرتك نورت المتندى

ومفيش داعى لعمل اكثر من موضوع

فالموضوع اللى حضرتك تقصده راجع تانى مفيش داعى

انك تعمل فى كل قسم موضوع

بارك الله فيك ونفع الله بك

احبك فى الله

[فارس التوحيد]

رد: سوري فهموني يا ملتزمين احنا من الارض وانتم من المريخ؟؟؟؟

فين الأسئلة اللى انت عايز عليها اجابات؟

[المستعصم بالله]

رد: سوري فهموني يا ملتزمين احنا من الارض وانتم من المريخ؟؟؟؟

السلام عليكم ورحمه الله وبركاتة

اخى الحبيب

لية النرفزة فى الحوار ,,المفروض الغلظة دى فى الحوار تكون من الناس المتشددة الى هما احنا

مش دة المفهوم عن الملتزمين

وانا حاسس من كلامك انك قاسم الناس الى نوعين ملتزمين وغير ملتزمين

انا بس عايز افهم الانقسام الى انت عملته دة بناءا على اية ؟! واية المعايير الى انت قسمت على اساسها؟!

لانك فى كلامك كل حاجة تقول انتم

اخى فى الله

احنا هنا مجرد اخوة اجتمعنا على شىء واحد وهو حب الله ورسوله

بنحاول بقدر الامكان ناخد بأيدى بعضنا نحو الفردوس الاعلى

واى عضو جديد سريعا ما ينسجم وسطنا

لكن اخى الحبيب انت لم تعطى لنا فرصة للاى شىء

لو الموضوع اتحذف ممكن يكون فية غلط فى تصميم الموضوع

وانت طرحت هذا الموضوع لتوضيح لكن ختمت الموضوع بجمله مالها داعى

لو محدش جاوب برضو احسن مش عاوز اعرف

لية اخى الحبيب حكمت علينا من غير ما تعرفنا

اعطى لنفسك تتعرف علينا وبعدين احكم احنا من الماريخ

ولا مجرد ناس عاديين من كوكب الارض زينا زيك

وعموما اهلا بيك وسط اخواتك وان شاء الله تعرف اننا فى الارض

[7afed 3omr]

رد: سوري فهموني يا ملتزمين احنا من الارض وانتم من المريخ؟؟؟؟

يا جماعة اهدوا شويه الموضوع مش مستاهل كل ده

[عضو 13]

رد: سوري فهموني يا ملتزمين احنا من الارض وانتم من المريخ؟؟؟؟

مرسي ليكم و اسف اني كنت معصب كده بس ده بعد ما حذف المراقب موضوعي

لكن بشكل عام منتشر فكرة انه الملتزم متشدد

يعني لو حاجة مش عاجباه (او هو بيفتكرها حرام يعنيي) بيحاول يغيرها غصبا عن انف الشب

ليه كده؟؟؟ يعني مش الشب ده بني ادم و عنده مشاعر؟ و هل كده كان النبي عليه الصلاة والسلام ينصح الشباب؟؟؟؟

اكيد ده اسلوب منفر و بيخلي الشباب يبعدوا عنكم

لازم تنتبهوا لمشاعر الناس و ما تفكتكرونا بحرب معكم

دلوئتي اسالوا اي شب عن الملتزمين هيئولك دول متشددين و متزمتين وبيعملوا حاجات وحشة مع اي حد ضدهم

ليه الفكرة دي منتشرة طيب؟؟؟

[قلب باكي]

رد: سوري فهموني يا ملتزمين احنا من الارض وانتم من المريخ؟؟؟؟

السلام عليكم ورحمة الله وبركاته اخي احبيب (بصراحة انا كنت عايز اقول اسمك لكن الاسم اللي انت داخل بيه فعلا بصراحة غريب) وهدانا الله وإياك ان شاء الله وجميع شباب المسلين وإن كان ده منظروك لرمضان يبأة صدقني غلطت أكبر غلطة ومش هتحس بيها غير بعدين اخي الحبيب رمضان ليس إلا للعبادة فإنه شهر الرحمة والمغفرة والعتق من النار بالله عليك قلي في الاخرة لما ربنا يقلك عملت ايه في رمضان هتقله ايه ( هتقله اه ياربي انا شوفت 10 مسلسلات وأكلت اشهى الأكلات وحضرت أجمل السهرات ) ساعتها هينادى عليك بايه انك فزت وفلحت لا وربي بل خبت وخسرت

ثاني شيء يا اخي الحبيب انت دخلت سخن اوي علينا كده بمجرد انك حضيت موضوع واتح>ف مسألتش نفسك ليه الموضوع اتحذف من المنتدة إلا إذا كان في شيء خارج عن قوانين المنتدى احنا هنا اخوة والحمد لله متحابين في الله وشعارنا واحد وهو

طاعة الله ورسوله
اتباع سنة حبيبه المصطفى
الدعوة إلى الله
الحب في الله

وصدقني انت عارف لو كنت دخلت باي موضوع في مشكلة عندك ف حياتك الشخصيه او عندك هموم والله صدقني كلنا هنقف معاك ونحاول نقويك

وبالعكس الفكرة اللي انتو واخدنها عن الملتزمين صدقني غلط جدا واقسملك بالله مش هتلاقي اقرب ولا احسن من الملتزم عشان يقف جمبك جرب وشوف لكن اصحاب السوء والهوى صدقني في اول شدة بيبعدو عنك وخصوصا لو حصلتلك مشكلة بسببهم والله مهتشوف حد منهم

وعلى العموم أهلا بيك اخي احبيب في بيتك الثاني ان شاء الله ولو عندك اي مشكلة او اي موضوع اتفضل اطرحه بس بما يناسب المنتدى دون الخروج عن اي حدود

واسف على الإطالة

[قلب باكي]

رد: سوري فهموني يا ملتزمين احنا من الارض وانتم من المريخ؟؟؟؟

الاخ الكريم مردش علينا هو زعل مننا ولا ايه على العموم حياك الله في اي وقت

[اسلام الميهى]

رد: سوري فهموني يا ملتزمين احنا من الارض وانتم من المريخ؟؟؟؟

يا جماعه كل الموضوع انه اولا :كان متضايق ان الموضوع اتحذف
ثانيا:انه ممكن يكون حس ان الملتزم يتكبر على غيره وحط تحت حس 5000 خط
فياريت حد يهديه ويكلمه بهدوء ويفهم الموضوع صح
:a3:

[أبو جعفر محمد المصرى]

رد: سوري فهموني يا ملتزمين احنا من الارض وانتم من المريخ؟؟؟؟

السلام عليكم ورحمه الله وبركاته
___________________
الحمد لله والصلاة والسلام على رسول الله
باركم الله فيكم اخوتى الاحباب على تلك المشاركات العطرة التى أمتلئت بالحب والغيرة .
وأنى قائل لاخوانى جميعاً ان الامر ليس كما قال الاخ رمضان ان الملتزم يحارب الشاب انما ما يحاربه الملتزم هو الفساد سواء كان هذا الفساد فى نفسه او فى غيره فلك ان تفرح حينما يكلمك شاب ملتزم او غيره ان كنت مبتلاً مثلاً بالتدخين كأغلب الشباب ولا حول ولا قوة الا بالله .. والحمد لله الذى عافانا ... فكما قال الله جل وعلا (انما المؤمنون اخوة).. اما سمعت هذه الاية اخى الكريم ؟؟؟
وللعلم لست هنا لكى ادافع عن اى شخص دون الاخر ولكن ... اننا لنا هوية لابد ان نرجع الى هويتنا والى حقيقتنا ان اردنا النصر وان اردنا ان نلتزم فعلا ... والله اسأل ان يهدينا واياكم فانا اصحاب قلوب مريضة ..نسألالله ان يشفى مرض قلوبنا ويصحح عقيدتنا ويصلح فساد قلوبنا .وجزاكم الله خيرا
أحبكم فى الله