Tweet
الاتجاه الى القاع.......
الحكايه دى خيال على واقع لكن ياترى لو حصل الكلام دة مع حد قريب منكم رد فعلكم هيكون ايه؟
صعب اوى موضوع اتجاة الى القاع
الحكايه بدات لما بدا اول سهم نور لشعاع الايمان يدخل قلبه
يمكن الحكايه بدات من قبل كدة
الاول كنت بقول يا ترى احنا عايشين ليه؟
هو ايه الفكره فى ان ربنا خلقنا وهيموتنا تانى ويدخل مننا الجنه ويدخل مننا النار
طيب مانا بقعد العب على الكومبيوتر وبكون دوله وبعمل شعب وبعمل جنود وباسسلهم كمان الديانه وانا اللى بقرر مين يحارب ومين ميحاربش وانا اللى بتحكم فى قواعد اللعبه
هل الدنيا ممكن تكون كدة
هل الدنيا ممكن تكون مجرد لعبه
طيب ازاى ربنا خلقنا علشان يلعب بينا
دة فى ناس علماء بتقول ان الكون كله مجموعه انفجارات وبالصدفه اتكون الانسان
هل سيدنا محمد صلى الله عليه وسلم كان رج قيادى ومن شده الذكاء قدر يجمع قصص الانبياء وقدر انه يكون واحدة من اكبر الدول بل ويضع علامه فى ظل اشهر العصور الا وهى العصر الاسلامى
كل دى اسئله كانت بتمر ف عقلى وكانت بتقودنى الى الجنون
وبصراحه لما كنت بفكر فيها ارجع واقول لنفسى ايه
هو انت هتكفر
يا اخى على الاقل انت قلت الشهاده يعنى تعتبر مسلم
ايه يعنى مبتصبيش ما الشيخ الفلانى بيقول ان اللى وراه صلاه هيبقى يصليها كلها فى جهنم الاول وبعدين يدخل الجنه
الصيام ما انت بتصوم اهو ومظبط حالك
اهو وبكدة يبقى انت كدة كدة داخل الجنه طالما مسلم وقلت الشهادة
وتعدى ايام وليالى
ويبدا اصعب موقف مر ف حياتى
صاحبى واعز اصحابى كان بيصيف ومقضيها واتفقنا انى رايحله
وقبل الحادثه الىل عملها 3 ساعات كلمته وقلتله انى مش هقدر اجى
زعل منى شويه وقلتله انى هوصل عندة تانى يوم ونهيس ونقضيها باه
بكلمه تانى يوم قالولى دة عمل حادثه ورقبته انكسرت وهو فى المستشفى الفلانى
نزلت زى المجنون اجرى يمين وشمال وفجاه لقيتنى واقف قدام المستشفى
بدور على اى حد اعرفه مش لاقى
يا ترى الىل حصل دة ممكن يكون مقلب
لا يا عم استنه
دة فى ناس هناك اهى وبتقول معاهم حاله جايه من المصيف وماتت
بس دول مش اهل صاحبى لا دى طلعت حادثه تانيه وصاحبى فى العنايه والتانى مات
ايه دة الناس دى انا اعرفها دول قرايبه جايين من جوة المستشفى يارب سلم سلم
دة فعلا الحكايه طلعت بجد
وتعدى الايام والشهور وصاحبى فى العنياه والحمد لهل بيتحسن
بس المشكله انه اصيب بشلل كلى يدوب بيتكلم
ولما رجع البيت ربنا كان ميسر انه يكون اصدقائه حواليه
طبعا مش كلهم بل بالعكس بعد ما كان اصحابه بالمئات اصبح قليلين اوى ويمكن 3 هما الىل واظبوا على الزياره
ويبدا صاحبى رحله العلاج الطبيعى
ويبدا يتماثل للشفاء لا دة كان كلها كام شهر ويقف على رجليه تانى
و ف عز النشاط والحيويه توفاه الله عز وجل
جالى الخبر الساعه 7 الصبح صاحبى بيصحيمى وبيقولى قوم ياعم انت ايه اللى منيمك وبيحاول يهزر بس صوته كان فيه كابه السنين
وقالىل البقاء لله فلان مات
مبقيتش عارف اجمع عمال ابكى واقوم واقعد واحضن فى اهلى ونزلت اجرى اتاكد من الموضوع ولقيته بجد
واقف قدام جسكانه مستنيه يهزر معايا زى مبيهزر علطول
شكله مش ميت يا جماعه دة نايم كانه نايم عادى وهيقوم كمان شويه
وبعدين دة نايك وبيضحك علينا
ايوة وشه مبتسم وبيضحك اهو
اكيد بتهظروا انتوا بتعيطوا ليه
شويه وغسلوة
وشويه وشيلناة وصلينا عليه
وشويه وشيلناة ودخلناه القبر
وقفلنا عليه
ازاى طيب الكلام دة
دة بيتحاسب يا جماعه ادعولة
ندعيله اة
دة فى حياه وموت
وحساب
ورب السموات والارض اللذى لايغفل ولا ينام ولكن احنا الىل غفلنا عنه
طيب هو مش ممكن تكون انت ماكنه؟
اه ممكن طيب عملت ايه لليوم دة
ولا حاجه
طيب انا معرفش حاجه عن دينى
دانا حته مش حافظ غير قل هو الله احد
طيب لو حبيت اصلى طيب هصلى ازاى
طيب ربنا الىل هيحاسبنى وانا هعبدة اعرف عنه ايه عز وجل يخلينى اعبدة
وبدات اسمع شرايط ولو لقيت اى درس ف مسجد اقعد واسمع
واسال طيب انا سمعت انى فى صلاه قيام ليل
بتتصلى ازاى
وواظبت وصيام كل اثنين وخميس
وراجه نفسيه عمرى ما حسيت بيها فى حياتى ابدا
بدات احفظ قران
كنت كل لما ادعى ربنا بامر احس ان دعائى مستجاب
راضى بقضاء الله
كل لما ازكر اسم الله ابكى ندما وشوقا لرؤيته عز وجل
وكل يوم اقوم السلام عليك يارسول الله وابدا ازكار الصباح والمساء وبدات ادور على الماجد البعيده مانا لازم الحق واعوض
مافيش سنه عرفتها الا لما بدات اعملها
وبدات اللحيه تنبت
وبدا الصراع
انت عاوز تموتنا بحصرتنا عليك
يا ابنى هيا مش بالدقن يا ابنى انت عاوز يتقبض عليك زى فلان وعلا وعلان وترتان
انت ايه
لو مش خايف على نفسك خاف علينا احنا
وبعدين اديك شايف كل الدقون اعلبهم نصابين
كان الايمان فى قلبى ممكن يشق الكره الارضيه 2
بطلت سجاير
وبطلت اغانى وبطلت افلام وبطلت تلفزيون يدوب الكمبيوتر وانلت علشان انحمل الدروس واسمع قران
يمكن كل حاجه بدات معاياي بسرعه بل بالعكس فى ناس كتير اوى استغربت من التحول الىل اتحولتله خصوصا وانى كنت شاب كوول ودماغ زى ما بيقولو
اجى اسمع قران الوالد يقولى يا ابنى وطى شويه انا حاسس اننا قاعدين فى ميتم
والىل كانت بتشجعنى علطول والدتى لان هيا تقريبا الوحيده اللى بتصلى فى البيت
ومرت الايام واحلى لحظات حياتى
احلم بالجنه
واجى ساعه اذان الفجر الاقى صوت قوى بيرن ف ودانى
ويقولى قوم علشان تستظل بعرش الله يوم لا ظل الا ظله وتلاقى الهمه والنشاط حاجه تفرح
و ف يوم من الايام
قاعد مش لاقى حاجه اعلمها افتكرت فيلم كرتون لسه نازل
قلت انا مبيتهيقليش ان الكارتون حرام
ودى كانت اول غلطه
بدات اتفرج على فيلم كرتون
ودة طبعا قلل من سماعى للدروس الدعويه
الفيلم جاب وراه فيلم جاب وراه فيلم
وشويه طيب فيها ايه لو تتفرج على فيلم عادى طالما مفيهوش اباحيات
ويوم والتانى وشهر والتانى ومبقاش فى دروس بتتسمع ولا بتتحضر ولا صلاه قيام ليل وكل الامور بتتدهور
تركب مع صاحبك عربيته وهو بيوصلك تلاقى الاغانى وعلى اعلى حاجه ويبدا قلبك يحن لايام زمان
ياه اه الاغنيه دى كنت بحبها سيبها يبنى
لا على شويه كررها تانى
شويه
انا دقنى فيها حساسيه وعاوز احلقها
انا وشى كله حبوب ووارم من الحبوب بسب بدقنى والحر والقرف بتاع الحر
وبدت ترجع الاغانى والافلام وبدات قله قراءه القران وصلاه الفجر بتفوت علشان سهران
ويوم وراهة يوم وراة يوم
الحق يا جدع افلام ممنوعه من العرض
ياعم انات مش هتموت دلقوتى يعنى اتفرج وابقى امسح واستغفر ربنا
مممممم طيب طريقك اللى انت ماشى فيه دة هيوديك على فيييييييين؟؟؟؟؟؟؟؟
كملو انتوا باقى الحكايه
استودعكم الله
تعليق