Tweet
مين انت؟
مين انت؟
ناصح أمين: أيوه أنت مين؟
عبدالله: يا راجل مش عارف أنا مين ,أنا عبدالله.
ناصح أمين: يعني انت مسلم؟
عبدالله: أيوه انا مسلم.
ناصح أمين: طب أنت مش سمعت الاذان وماقمتش صليت ليه؟
عبدالله: اصلي ليه,ياعمي مادام القلب ابيض وزي القشطه كل سنه وانت طيب.
ناصح أمين: يا اخي ان اول عمل حيحاسبك عليه الله يوم القيامه هو الصلاه عارف ولأ؟
عبدالله: يا أخينا عارف بس الله مش غفور رحيم.
ناصح أمين: انت عارف معنى الاسلام؟
عبدالله: لأ.
ناصح أمين: معنى الاسلام هو الاستسلام والاذعان لاوامر الله ورسوله صلى الله عليه وسلم.
عبدالله: لأ الكلام ده كبير وضح يعني؟
ناصح أمين: يعني انت مخلوق والغرض من خلقك هو انك تعبد الله ،بص الله بيقولك في القرآن"وما خلقت الجن والانس الاليعبدون"وأول امر في كتاب الله في سورة البقره قال الله تعالى فيه"يا ايها الناس اعبدوا ربكم الذي خلقكم والذين من قبلكم لعلكم تتقون".
عبدالله: طب احنا مش بنعبد ربنا؟
ناصح أمين: العباده مش مجرد شعائر وعبادات, لأ العباده اسم جامع لما يحبه ويرضاه الله من الأقوال والأفعال.
عبدالله: يعني ايه يعني؟
ناصح أمين: يعني العبادات تنقسم الى اربع أنواع, بدنيه وماليه وقوليه وقلبيه.
عبدالله: مش فاهم ... فصل كلامك؟
ناصح أمين: العبادات البدنيه زي الصلاه واالحج والعبادات الماليه زى الزكاه والصدقه والعبادات القوليه زي الدعاء وقراءة القرآن والذكر والامر بالمعروف والنهي عن المنكر والعبادات القلبيه زي التوكل والخشيه.
عبدالله: كل اللي انت قلته من شويه حلو بس الدين يسر مش عسر وفيه حريه؟
ناصح أمين: ايوه الاسلام يسر مش عسر فمثلا انت لو لابس الشراب وعاوز تصلي تمسح على الشراب ولو لابسه على طهاره بل ممكن تصلي على اي حته فى الارض ماعدا المقابر والحمامات ولومسافر في رمضان ممكن تفطر وتقضي في اي وقت والحج اللي هو من فرائض الاسلام بييبقى على القادر فقط ولو قعدت تقول الدين يسر لحد الصبح ... لكن عاوز اقولك حاجه؟
عبدالله: ايه هو؟
ناصح أمين: ان الدين يسر في الطاعه مش في المعاصي فانت متقولش الدين يسر فنضيع الصلاه وشرب السجائر ونخلع الحجاب و...
عبدالله: الله , هي مش ديه حريه شخصيه مش كل واحد حر ؟
ناصح أمين: لأ.
عبدالله: مش الله قال "فمن شاء فليؤمن ومن شاء فليكفر" وقال "لااكراه في الدين".
ناصح أمين: بص ياعبدالله انت قريت تفسير الايتين دولة؟
عبدالله: هي دي محتاجه فهم يا اخينا الدين فيه حريه شخصيه.
ناصح أمين: انصحك انك تقرأ تفسير للقرآن لان الايتين دولة واحده فيها وعيد وترهيب زي ماابوك بيقولك ذاكر او متذاكرش الحساب اخر السنه فهمت؟
عبدالله: والايه التانيه حلوه " لااكراه في الدين ".
ناصح أمين: الايه دي مش منطبقه على المسلمين دي تنطبق على الكفار يعني محدش يرغم حد على دخول الدين لكن لازم يجي مستسلم لله لكن انت مسلم ابا عن جد لازم تكون مستسلم كلك لله.
عبدالله: يعني مفيش حريه شخصيه في الاسلام؟
ناصح أمين: مين اللى قال كده فيه حريه شخصيه بس في المباح يعني عاوز تركب عجله عربه قطر على راحتك عاوز تلبس عبايه ولا قميص وبنطلون عادي.
عبدالله : يعني ماانفعش ابقى مسلم وماكنشي بصلي؟
ناصح أمين: ينفع يعني إزاي ، امال فين الاذعان والاستسلام ؟؟؟؟ لما الله بيقولك " واقيموا الصلاه".
عبدالله : طب ايه يخليني اعبد الله صح؟
ناصح أمين: حاجات كتيره عدها معايا:
1- اصلاح النيه فانما الاعمال بالنيات.
2- التوبه الى الله في كل حال من كل ذنب صغير او كبير فالتائب من الذنب كمن لا ذنب له.
3- الاستعانه بالله فاذا استعنت فاستعن بالله.
4- متابعة هدي النبي صلى الله عليو وسلم الظاه والباطن فكل الامه تدخل الجنه الا من ابى ان يطيع الرسول.
5- حضور دروس العلم ومجلس المشايخ فهم القوم لايشقى بهم جليسهم.
6- مصاحبة الصالحين ومخالطة الاتقياء فالمرء على دين خليله.
عبدالله : ياه امال احنا فبل كده مش مسلمين؟
ناصح أمين: انت ما سمعتش قول الله تعالى " قالت الاعراب امنا فل لم تؤمنوا ولكن قولوا اسلمنا ولما يدخل الايمان في قلوبكم" .
عبد الله: يعني ايه؟
ناصح أمين: يعني انت عندك اصل الايمان وهي شهادة الااله الا الله وان محمدا رسول الله بس مابتعملش مقتضاها.
عبد الله: وايه مقتضاها؟
ناصح أمين: انك تعبد الله وتتابع سنة النبي صلى الله عليه وسلم.
عبد الله: دلوقتي انا فهمت ليه لاصدري مقبوض وحاسس اني في ظلمه ، جزاك الله خيرا.
"فمن يرد الله ان يهديه يشرح صدره للاسلام ومن يرد أن يضله يجعل صدره ضيقا حرجا كأنما يصعد في السماء كذلك يجعل الله الرجس على الذين لايؤمنون"
نسألكم الدعاء لكل نن شارك في اعداد الورقه وحقوق الطبع محفوظه لكل مسلم
ابن العوضي
تعليق