عفوا..لقد نـُسف رصيدكم!!

[Salafy4ever]

ازيكم كلكم..

معلش ..هندخل فى موضوعنا على طوووول ..

عايزكم تتخيلوا معايا الموقف ده ..

تخيل نفسك رايح مشوار لواحد صاحبك بيته فى الدور العشرين..
المهم..لقيت الدنيا رايقه والاسنانسير فاضى..ركبت فيه..ظبطته ع الدور العشرين..
فجاه..وعند الدور ال15 الاسانسير اتعطل..وقدام حيطه!!
النور اتفطى..والتكييف اتعطل..
استنيت شويه منتظر حد يسأل عن الاسانسير ..
مفيش حد سأل..

بدأت تعرق..وبدأ قلبك ينبض..

الاسانسير ممكن يقع فى اى لحظه..!!
هعمل ايه؟؟
هاخرج ازاى؟؟!!

انتظرت كمان ربع ساعه وبرده محدش سأل ..!!

بدأت ترتعش ..وضربات قلبك زادت اكتر..وخوفك زاد اكتر..!!

فجأه..

افتكرت ان معاك محمول!

كنت هتطير من الفرحه..

اخيرا لقيت طوق النجاه!

هاتصل بصاحبى او اى حد يجي ينقذنى من الموت!
طلعت المحمول..
اتصلت بالرقم..
سمعت حد بيقولك..

عفوا لقد نفذ رصيدكم!!!!!

ايه!!!!!!

ياترى هتتصرف ازاى فى الموقف ده؟؟

بعد المقدمه دى انا عايز اتكلم معاكم فى موضوع يهم كل شاب وكل بنت بيستخدموا النت..

اكيد طبعا عرفتوا انا عايز اكلمكم عن ايه..مش محتاجه فهلوه!

المواقع الاباحيه..

آآآآآآآآآآآآآآآآآآآآآآآآآآآآآآآآه..

جيت على الجرح انا عارف..

بس اعمل ايه..لازم اتكلم ..الموضوع اخطر مما انت وانتى وانا متخيليين!

ازاى بس!
ما هى صور زى اى صور بنشوفها فى كل حته دلوقتى!
فى الشارع ولا فى التليفزيون ولا فى السينيما ولا على البلاج..ما هو كله بقى عادى دلوقتى..!

لا يا حيبيب قلبى ..لا يا اختى..

اسمعوا الحديث ده..

عن ثوبان رضي الله عنه عن النبي صلى الله عليه وسلم أنه قال لأعلمن أقواما من أمتي يأتون يوم القيامة بأعمال أمثال جبال تهامة بيضاء فيجعلها الله هباء منثورا
قال ثوبان يا رسول الله صفهم لنا جلهم لنا أن لا نكون منهم ونحن لا نعلم قال أما إنهم إخوانكم ومن جلدتكم ويأخذون من الليل كما تأخذون
ولكنهم أقوام إذا خلوا بمحارم الله انتهكوها

انت عارف يعنى ايه الكلام ده؟؟

يعنى واقف يوم القيامه بتنظر فى اعمالك لقيت عندك جبااااااااااااااال حسنات ..وحسنات بيضاء كمان..صلاه على صيام على صدقه على بر والدين على صلة رحم على عطف على الفقرا والايتام على حسن خلق..
جبااااااااااااااااااااااااال..
وانت واقف وخلاص بعد ما شفت حسناتك وحطيت فى بطنك كوم بطيخ انك مش هتدخل الجنه وبس..ده انا هطير على الفردوس الاعلى بصاروخ..

تبص تلاقى ربنا بيقول
(وَقَدِمْنَا إِلَى مَا عَمِلُوا مِنْ عَمَلٍ فَجَعَلْنَاهُ هَبَاءً مَنْثُورًا)

فين الحسنات؟؟؟

عفوا..لقد نـُسف رصيدكم!!

فين الحسنات؟؟؟
كله راااااااااااح..مفيش ولا حسنه واحده!!
ليه كده يارب؟؟

لانهم (قوم إذا خلوا بمحارم الله انتهكوها)

طيب وبعدين ..
وبعدين ايه..
مفيش مكان غير النار!!
عارف يعنى ايه النار؟؟؟

آآآآآآآآآآآآآآآآآآآآآآآآآآآآآآه..

كان اول ما يلاقى البيت فاضى؟؟
كانت اول ما تدخل اوضتها وتقفل الباب؟؟
كان او ما يحس انه لوحده؟
كانت اول ما تحسى انها ما حدش شايفها؟

تبدأ المصيبه الكبرى...

ناس بتبدا الطريق ده من دافع الفضول..
وناس الفراغ بيقتلها والشيطان مش سايبها..
وناس رابط واحد فتحته كان سبب هلاكها..
وناس مشيت خطوه خطوه .شات برئ..ثم كلام فى الجنس وبعدين لقت نفسها مع صوره وبعدين مع فيلم والنهايه بقت بالشكل ده!!

وللاسف..الاباحيه مش بحر..!
الاباحيه محيييييييييييييييييييط..مش بيطلع حد منه بالساهل!!
والله اعرف ناس بقالها عشر سنين وعشرين سنه ومش قادر يبطل..وللاسف تلاقى منهم متجوزين..
وناس وصلت بيهم الدرجه للجواز العرفى والزنا ..وناس وناس....!!

يعني ايه؟؟
مفيش فايده؟؟

مين قال كده..؟؟!
الامل موجود..والانسان اللى عنده دافع انه يتغير هيتغير..!

طيب ايه الدافع اللى يخليك تتغير..؟؟
خوفك من ربنا..خوفك على حسناتك..خوفك من جهنم..

ده انا عايزك تسمع الحديث المرعب ده كمان..

قال رسول الله صلى الله عليه وسلم:

(إذا عملت الخطيئة في الأرض كان من شهدها فكرهها وقال مرة أنكرها كمن غاب عنها ومن غاب عنها فرضيها كان كمن شهدها)

عارف يعني ايه؟؟

يعنى مجرد انك بتتفرج على الافلام دى ..ده معناه انك راضى عن اللى بيحصل فيها..متقوليش بتفرج وقلبى بيتقطع ومش راضى ..احنا هنضحك على بعض.؟؟

رضاك بالافلام دى..يجعلك كأنك عياذا بالله انت اللى بتزنى بالظبط..
تيجى يوم القيامه تلاقى فى صحيفتك
100 الف حالة زنا..!!

يارب ده انا عمرى ما زنيت ولا مره؟؟

بس كنت بتتفرج على الزنا وراضى بكده!

شوفت المصاااااااااااااايب ..!!

يا جماعه طريق الافلام الاباحيه فى الاخره ملهوش نهايه غير جهنم لو متبتش من الذنب ده..!!

وفى الدنيا ..عياذا بالله الذنب مش هيجيب غير ذنب..
الافلام هتقلب بعاده سريه ..
شويه شويه عياذا بالله زنا..
شويه شويه ضياع النخوه ويقلب بزنا محارم ..
ومصايب وبلاوى لا يتخيلها احد!!

واخطر حاجه فى الموضوع حتى لو محصلكش اى حاجه من دول..هى موت القلب!!
صوره ورا صوره ..وفيلم ورا فيلم ..والقلب عمال يسود..لحد ما يموت القلب..!

تلاقى نفسك يتعصي ربنا عاااااااااااادى جدااا..
مفيش اى مشكله فى كده..

مفيش طعم لاى عباده..ولا حاسس بصلاه ولا صوم ولاقرايه قران..!

خلاص القلب مات..!

وعقبال ما يرجع ..هتتعب جاااااااااااااااااااااااااااااااامد فى ترجيعه!!

علشان مطولش عليكم..

مفيش حاجه اسمها انا عارف انفسى وانا عارفه نفسى والكلام ده..متخلوناش نتكلم..

لو كنت شيخ الاسلام..سد باب الفتنه احسن ما تندم طول عمرك..

وعلى رأى اللى بيقول..ما خلا شاب او فتاه بالنت الا كان الشيطان ثالثهما..!

انت وانت قاعد على النت كانك قاعد فى مكان ملغم بالقنابل!!
فيه حد يلعب بالقنابل..؟؟

ده يبقى مجنون رسمى!!

لازم تاخد كل احتياطاتك الامنيه المشدده علشان تطلع سليم..

نصيحه ..شيل النت لو مش محتاجه ضرورى..

طيب لو محتاجه ومتقدرش تستغنى عنه..
يبقى لازم برنامج مانع للمواقع الاباحيه..

يعنى من الاخر هيسد عنك باب كبيييييييييييييييييييير ..
ساعة ما تصطب النسخه يبقى ده اول برنامج تصطبه..وقوم كاتب باسورد فى ملف تكست وخدها كوبى وباست علشان لو عرفت الباسورد هيبقى ولا كأنك عملت حاجه..!!

ونصيحه كمان..
هات ملصق من اللى بتلاقيهم فى كل حته بربع جنيه من بتوع الموت والقبر والحساب..والزقه على الشاشه علشان يفكرك دايما

وخليك فاكر كويس..

(عن ثوبان رضي الله عنه عن النبي صلى الله عليه وسلم أنه قال لأعلمن أقواما من أمتي يأتون يوم القيامة بأعمال أمثال جبال تهامة بيضاء فيجعلها الله هباء منثورا
قال ثوبان يا رسول الله صفهم لنا جلهم لنا أن لا نكون منهم ونحن لا نعلم قال أما إنهم إخوانكم ومن جلدتكم ويأخذون من الليل كما تأخذون
ولكنهم أقوام إذا خلوا بمحارم الله انتهكوها)

يلا نبدأ صفحه جديده على النت..

نستخدمه فيها علشان نتعلم ديننا ..

ونجمع اكبر قدر من الحسنات..

علشان نعيش
احلى حياة فى طاعةالله..

**
أخوكم..هنعيشها صح ..

منقول
مع بعض التعديلات البسيطة

[sasa sasa]

رد: عفوا..لقد نـُسف رصيدكم!!

اولا جزاك الله خيرا

ثانيا هابعت please call me

[Salafy4ever]

رد: عفوا..لقد نـُسف رصيدكم!!

اولا جزاك الله خيرا

ثانيا هابعت please call me

أولا
وجزاكم الله الفردوس
ثانيا
يعني ايه please call me

[أبو السائب المصرى]

رد: عفوا..لقد نـُسف رصيدكم!!

موضوع جيد اخى الحبيب
وتناولته بشكل شيق
جزاك الله خيرا ونفع بك

[moamen talha]

رد: عفوا..لقد نـُسف رصيدكم!!

جزاكم الله خيرا اخى الحبيب
موضوع جميل
هذا يوم لا ينفع رصيد به ولا please call me
اذا امر الله امره ان يا ملك الموت نفذ فقد تجمد رصيدك مع طلوع روحك
بارك الله فيكم
احبك فى الله

[Salafy4ever]

رد: عفوا..لقد نـُسف رصيدكم!!

موضوع جيد اخى الحبيب
وتناولته بشكل شيق
جزاك الله خيرا ونفع بك

وجزاكم الله الفردوس
ورفع قدركم

جزاكم الله خيرا اخى الحبيب
موضوع جميل
هذا يوم لا ينفع رصيد به ولا please call me
اذا امر الله امره ان يا ملك الموت نفذ فقد تجمد رصيدك مع طلوع روحك
بارك الله فيكم
احبك فى الله

وجزاكم الله الفردوس
ورفع قدركم

وفيكم بارك الرحمن
اسأل الله أن يحاسبنا حسابا يسيرا

[تائب بإذن الله]

رد: عفوا..لقد نـُسف رصيدكم!!

جزاك الله خير الجزاء اخى الحبيب

موضوع طيب ثبتك الله ونفع الله بك

[الفارس محمود]

رد: عفوا..لقد نـُسف رصيدكم!!

جزاك الله خيرا أخي الحبيب
وشكرا على موضوعك القيم

[الأمير قطز]

رد: عفوا..لقد نـُسف رصيدكم!!

بارك الله فيك

[Salafy4ever]

رد: عفوا..لقد نـُسف رصيدكم!!

جزاك الله خير الجزاء اخى الحبيب

موضوع طيب ثبتك الله ونفع الله بك

وجزاكم الله خير الجزاء ورفع قدركم

جزاك الله خيرا أخي الحبيب
وشكرا على موضوعك القيم

وجزاكم الله خير الجزاء ورفع قدركم

بارك الله فيك

وفيكم بارك الرحمن