مش عارف اعمل ايه حد ينصحني

[فراس اهاب محمد]

السلام عليكم ورحمة الله وبركاته انا مش عارف اعمل ايه ملتزم بس اصحابي مش سيبني في حالي وانا سبتهم بس مفيش حد ملتزم تاني عندنا اصحبه يعني فضلت مكلمهمش بس لما الدراسه بدئت رجعويكلموني تاني وانا بردك بس لما بقف معاهم بحس ان انا مخنوق وبقفل معاهم وامشي بس لما بيكون في لعب كورة بروح العب معاهم وطبعا في بعض الناس تشتم وتتريق بهزار بس انا مبقدرش ارد زي مكنت برد قبل ما التزم وانا مصاحبهم علي اد ان انا العب معاهم كوره يوم الخميس بس وجربت ادعوهم بس كانو همه اللي هيخلوني ارجع معاهم تاني وانا مش عارف اعمل ايه امشي من غير اصحاب ولا اعمل ايه

[dr_ameera]

مش عارفه اخي الكريم ..الكلام غير مقنع..يعني مافي بجوار بيتك مسجد.. تلاقي فيه واحد من سنك بيحافظ على صلاته وعفة لسانه تمشي معاه..؟
اعتقد ان الاوان انك تكون اكثر ايجابيه وتسيبهم مؤكد وتدور على الصحبه الصالحه...دور وهتلاقي..القضيه مش سهله..لازم تتعب حتى تجد ما يسرك
ولاكن انت في سنه كام .. ومنين..ممكن تراسل احد المشرفين هنا,, وهو هيعرف مكانك ويعرفك بناس كويسه من منطقتك لو كان احدهم هنا بجوراك
اعتقد هذا حل...؟

[dr_Muslim]

أخي الحبيب أقول وأنا أحبك في الله ولست إلا ناصحا نصيحه لله
أتركهم لله بل وإترك الكرة التي ترجعك لهم أيضا لله
ولو ذهبت لأقرب مسجد فسيعوضك الله - بإذن الله - عنهم خيرا منهم
والباب اللي يجيلك منه ذنوب سده وتوووووووب
أُصدق الله يصدُقك
والله أعلم

[فراس اهاب محمد]

انا عندي 16 سنه ومن الصعب ان اجد حد ادي ملتزم في السن ده بس والله اريح حاجه فعلا ان انا اتركهم لان الفتره اللي انا كنت سايبهم فيها كانت احسن فترات حياتي

[فراس اهاب محمد]

انا عندي 16 سنه ومن الصعب ان اجد حد ملتزم في السن ده بس انا استشرتكم وانا هتركهم ان شاء الله لان الفتره اللي انا سبتهم فيها كانت احسن فترات حياتي

[طوبى للغرباء]

أسأل الله أن يرزقك صحبة صالحة تعينك على الطاعة و تجنبك المعصية
و احرص على صلاة الجماعة و سيسخر الله لك عونا و صاحبا ان شاء الله
و أكثر من الدعاء بالصحبة الصالحة
ثبتك الله على ما يحب و يرضى

[محمد عبد رب النبى]

رد: مش عارف اعمل ايه حد ينصحني

التزم المسجد وقراءة القران وستجد الخير ان شاء الله

[آية الله]

رد: مش عارف اعمل ايه حد ينصحني

بسم الله ما شاء الله ...ولا حولا ولا قوة الا بالله
ربنا يثبتك و يحفظك يا أخي ...و يوفقك لما يحب و يرضى..

أولا :جزاك الله خيراً إنك بتسأل لان الواحد بيبقى عنده مشكلة و يسأل على حلها فعلا بيكون دليل على قلب فعلا عايز يكون كويس و يتحسن ...
ثانيا : استعن بالله ...و الله العظيم كتيييييير من الناس اللى بتلتزم في البداية مش بتكون لاقية صحبة صالحة و بيكون ده اختبار ليهم ...هيثبتوا ولا لأ؟؟!! و هيستعينوا بالله ولا لأ...؟!..
مفيش اجمل من انك تجعل صاحبك و رفيق دربك القرآن ..مفيش أجمل من أنك تسجد بين يدي مولاك تحكي له كل ما تريد ...ادعيه يرزقك صحبة صالحة و يثبتك ...
و صدقني .." اصدق الله يصدقك "...
سيبهم علشان الله ...ضحي بيهم ..و قول لربك حبيبك انا عملت كده علشانك يارب فأبدلني خيرا ..
"من ترك شيئاً لله عوضه الله ما هو خيراً منه "
وو الله لسة هتشوف فتوحات و ربنا هيكرمك بس انت اصبر و استعين بالله ..و ضحي بيهم من اجله و يوم لما تثبت كده و تبقى ليك ارض في الالتزام تقدر ترجع تدعوهم و انتى قوي و تشدهم ليك ..
خلي شعارك " دينك دينك ..لحمك دمك "
ضحي بيهم من أجل ربك و مولاك ..قوله يارب انا سيبت كل اصحابي و حبايبي علشانك ..فحبني يارب ...و ارزقني صحبة تقربني منك ...و قوله وصلني ليك يارب ..يارب ربيني ..يارب انا لوحدي و مليش غيرك ..
خلي شعارك و انت بتضحي .." فيك يارب "
عايزة اقولك برده حاجة ..اوعى تتغر ان في السن ده و ملتزم ..علشان تحافظ على قلبك من الامراض بل دائما اتهم نفسك بالتقصير ...و تذكر لاصحابة كانوا اصغر منك بكتير و هما اللى اعزوا هذا الدين و نصروه...
خلي الصحابة رضوان الله عليهم دول اصحابك ..اقرأ في سيرهم و قصصهم ..هتلاقي نفسك عايش معاهم و بتحبهم ..و حاسس انهم ادام عينيك علطول...
انت دلوقتي ادامك يا انك تختار ربنا و تقوله اي حاجة هتقف في طريقي ليك يارب هدوسها هفرمها و مش هتهمني بس اهم حاجة رضاك عليا ... بس اهم حاجة ديني ...اهم حاجة علاقتي بيك ..
ربنا قادر يرزقك في لحظة بصحبة صالحة ...بس انت لازم تثبت جديتك و تثبت موقف رجولة و موقف صدق مع الله ..ان حتى لو ملقتش دلوقتي صحبة صالحة ..مش هسيب طريقك يارب ..و موقن انك هترزقني ...

ثالثا : عليك بالدعاااااااااااااء ...و عليكِ بسهام الليل في قيام الليل ..فإن سهام الليل صائبة ...

و تذكر ان الطريق اللى الله لازم يكون فيه عقبات و ابتلاءات ...و بتكون حب و تطهير من ربنا لذنوبنا و اختبار لينا ...
فاصبر و استعن بالله و اثبت ...

و تذكر كمان ان ده زمن الغربة ...و حبيبك صلى الله عليه و سلم قال :
" طوبى للغرباء "

و ما شاء الله المنتدى هنا في صحبة صالحة ممكن تنضم ليهم ...يعني مثلا قولهم بلدك لعلهم يفيدوك ...و ادخل دروس الغرفة الصوتية على الموقع ...صدقي هتسعد جداااااااا

رابعا : انت ممكن تعمل حاجة جميلة اووي مدام انت بتقول انك بتحب تلعب كورة و كده ...
انت ممكن تروح تصلي في المسجد و تدور على شباب ملتزم و مش شرط ادك في السن بالزبط يعني في سن بيبقى متقارب هياخدوا بايدك جامد و هتعيش احلى ايام و الله ..
و تتفق معاهم على فكرة جميلة ان انتم تعملوا دورات كورة بين مساجد المنطقة كلها مثلا يعني ...بس تلبسوا الشرط تحت الركبة ... و مواعيد المطشات تكون لا تتعارض مع الصلاة ..و ممنوع الشتايم ...
و تتفقوا المسجد اللى هيكسب ... هياخد الكأس و ممكن تعملوا دوري ما بينكم ..صدقني كده فعلا هتبقى طريقة تخلي اصحابك ينجذبوا اليكم جدااااا لانهم شايفنكوا بترضوا الله ..
و يا سلام مثلا لما يشوفوكوا بتعمل شرط الاشتراك في الدوري ده مثلا حفظ سورة معينة ..
و تنظموها ...
اخر كلامي ....
كفى بالله ...كفى بالله ...كفى بالله

[د.خالد الرفاعي]

رد: مش عارف اعمل ايه حد ينصحني

بسم الله الرحمن الرحيم

فيه مثل إنجليزي يقول ( Get Busy ) يعني أشغل نفسك لا تترك نفسك نهبا للأفكارو لرفقة السوء

طبعا بتقول كلام مكرر ....... أيه الجديد

شوف يا اخي الحلول ببساطة

1- شوف مكان بيحفظ قرآن و الزمه و شوف اللي حيحصل معاك

2- أسمع شرائط تساعدك على الثبات مثل هذا الشريط

http://www.islamway.com/?iw_s=Lesson&iw_a=view&lesson_id=843

3- اشترك معنا في أنشطة المنتدى مثل هذا الرابط

http://way2allah.com/forums/forumdisplay.php?f=74

أخيرا خليك على اتصال معنا واحنا بجنابك و لن نترك بس يا ريت ما تزهقش منا

أخوك

خالد

[رشيده]

رد: مش عارف اعمل ايه حد ينصحني

ربنا يثبتك ياأخى خليك على طريق الحق

[أم شعيب]

رد: مش عارف اعمل ايه حد ينصحني

بارك الله فيك أخى وأعانك على الثبات
أزيد على ما قاله لك الأخوة والأخوات أنه عليك
أن تهجر أماكن المعصية فأياك إياك أن تذهب إلى مكان وتعلم أنهم سيذهبون إليه لأنهم سيذكرونك بما كنت عليه ويعيدونك إليه مرة أخرى بكل تأكيد
وعليك أن تشغل وقتك فالفراغ يقتلك ببطىء
وعليك بنفسك أولا ولا يُزين لك الشيطان أن تدعوهم لأن من الواضح أنك تحتاج إلى الثبات فإن ثبت فلن يضرك إغوائهم بإذن الله
واستعن بالله ولا تعجز
والله المستعان

[الجنة تنادي]

رد: مش عارف اعمل ايه حد ينصحني

اخي الكريم اولا بحبك في الله
ثانيا انت بتقول انك مش هتلاقي حد قدك ملتزم في السن ده
طيب يا اخي انا عندي 18سنة يعني اكبر منك بسنتين وياريت لو موافق اني ابقه اخوك ياريت ترد وهسيبلك رقم تليفوني في رسالة هبعتهالك ابقه شوفها وهستني تليفون منك باذن الله
انتي برضه بتقول محدش ملتزم في سنك ...هقولك عارف مين اللي قتل ابو جهل؟؟؟؟؟فكر وقول مين وبعد ما تقول مين قول كان عندهم كام سنة

[●..مـُحـب الجـنـة..●]

رد: مش عارف اعمل ايه حد ينصحني

لا استطيع ان ازيد عما قاله الاخوة والاخوات جزاهم الله خيرا
نسأل الله ان يهدينا جميعا سواء السبيل ويرزقنا الصحبة الصالحة التى تعيننا على الطاعة
اللهم آمين

[فجـــــــــــــــر]

رد: مش عارف اعمل ايه حد ينصحني

ماشاااااااااااء الله الاخوه والأخوات لم يتركوا لي شئ أقوله
بارك الله فيك وثبتك على طريق الحق

[الساعى الى الله]

رد: مش عارف اعمل ايه حد ينصحني

أخى الحبيب جزاك الله خيرا وأدعو الله لك بالثبات ولكن أخى الفاضل الحل أمامك وهو أن تبحث عن الصحبة الصالحه أما بالنسبة لأصدقائك القدامى فإذا كان الله من عليك بالهداية والألتزام قبلهم فليس معنى ذلك أن تقطع علاقتك بهم نهائيا ولكن حينما تقابلهم أبتسم فى وجههم وأبدا بالسلام عليهم لعل الله يجعل على يديك هداية أحدهم وأصبر على البلاء فمسيرة الألتزام دائما ما ستجد أمامك بها صعوبات وعقبات وبالصبر والثبات والصحبة الصالحة التى تعينك تتخطاها بإذن الله