قلوب خارج نطاق الخدمه.............

[dr_Muslim]

3) تالت سبب لخروجه من الخدمه الهموم !!!!!!!!!!!

ماهو انت شايل اللي ماتقدرشي عليه وانت عارف انك مش قد اللي انت شايله فمات قلبك مات فعصته ونحن في زمن كل واحد له هموم ذاتيه شخصيه جانبيه فرعيه وهموم اخرين ملقاة على عاتقه

يعني ايه ياعم يعني الواحد يستهبل ويسوق فيها ويرمي كل ده ويعيش وخلاص

لأ – اجعل الهموم كلها هم واحد فيكفيك الله كل ما أهمك

اذاااااي بقى ؟؟؟

أقولك أدفع الأول ؟؟

واسمع قول حبيبك (صلى الله عليه وسلم ) : من جعل الهموم هما واحدا كفاة الله ما أهمه " ايه هو الهم الواحد ده ؟؟؟؟

قال رسول الله صلى الله عليه وسلم من كانت الآخرة همه جعل الله غناه في قلبه وجمع له شمله وأتته الدنيا وهي راغمة ومن كانت الدنيا همه جعل الله فقره بين عينيه وفرق عليه شمله ولم يأته من الدنيا إلا ما قدر له

يارب صلي على النبي محمد وآله وصحبه وسلم تسليما كثيرا

يبقى المفروض همك يكون ايه ؟
همك الاخره التي قد تأتي بغته
همك اذا مت دلوقتي يبقى ربنا راضي عنك ولا لأ

أااااااااااااااه لو كانت الهموم لغير الله فتشتته
والحل ان يكون هم الاخره هو الغالب فلا المال يهمك ولا الطعام
وغيره

واحد يقولك انا هاستغل فترة الشباب واشتغل كتير قوي أااااااااااااه فينسى الله
ويقولك يا عم دا انا باكل كذا وكذا وينظر لها باستحقار فأكبر معصيه للقلب ان تزدري نعمة الله عليك
واحد من السلف كان يفت الرغيف في الماء علشان ما ياخدش من وقت قراءته للقرءان فالوقت ده يقرأ خمسين أيه

أن فقراء المهاجرين أتوا رسول الله صلى الله عليه وسلم فقالوا ذهب أهل الدثور بالدرجات العلى والنعيم المقيم فقال وما ذاك ؟ ..........................

أول مانشوف الحديث فقراء راحوا يشتكوا أغنياء يبقى عاوزين أيه
قلت أاااااااااه يبقى عاوزين فلوس ----------- لأ اسمع كده بيقولوا ايه ؟؟؟؟

أنفقراء المهاجرين أتوا رسول الله صلى الله عليه وسلم فقالوا ذهب أهل الدثور بالدرجات العلى والنعيم المقيم فقال وما ذاك قالوا يصلون كما نصليويصومون كما نصوم ويتصدقون ولا نتصدق ويعتقون ولا نعتق فقال رسول الله صلى اللهعليه وسلم أفلا أعلمكم شيئا تدركون به من سبقكم وتسبقون به من بعدكم ولا يكونأحد أفضل منكم إلا من صنع مثل ما صنعتم قالوا بلى يا رسول الله قال تسبحون وتكبرونوتحمدون دبر كل صلاة ثلاثا وثلاثين مرة
..... فرجع فقراء المهاجرين إلى رسول الله صلى الله عليه وسلم فقالوا سمع إخواننا أهل الأموال بما فعلنا ففعلوا مثله فقال رسول الله صلى الله عليه وسلم ذلك فضل الله يؤته من يشاء

الحديث
ذلك فضل الله يؤتيه من يشاء ----
الشاهد:: المسابقة في الخير مش حكاية فلوس لأ - هم الآخره هو الفرض علينا

ان البيئة السيئه لا تؤثر الا في قلب يقبل السوء اما القلب الطاهر فلا يؤثر فيه

هات دليل

أقولك بإذن الله



سيدنا يوسف عليه السلام تربى في بيت عزيز مصر أسوء بيوت مصر فيه كل فواحش وشرك وزني وكله فقال معاذ الله انه ربي احسن مثواي"فخرج طاهر نظيفا – وبعد كده انتقل من البيت الفاسد للسجن بيت أسوأمنه ومع ذلك خرج منه برضه نظيف قال " ما كان لنا لنشرك بالله من شيء " ربي قلبك على النظافه تأنف القذاره عود قلبك على الطهاره – تستعمل قلبك في الطاعة فتروضه وتعوده فيعيش على الطاعه

كيف نتخلص من الهموم ؟؟؟





بغني القلب اني أكتفي بحب الله الواحد تعيش الحب ده بجد –

يارب ماليش غيرك
أبات وأصحى في خيرك
ماتحوجنيش لغيرك

تعيش التوحيد بجد

بجميع معانيه توحيد ربوبيه وتوحيد ألوهيه وتوحيد اسماء وصفات

مش اني احفظ توحيد ربوبيه لم يختلف فيه احد من الخلق الا الملاحده المجرمين
توحيد ألوهية هذا سبب ارسال الرسل وانزال الكتب وقامت عليه سوق الجنه والنار ورفع سيف الجهاد
وتوحيد اسماء وصفات بين مرجئة ومعطلة وجهميه وووو

لأ – دا علم تحفظه لكن الواقع فين – العلم ده يبقى واقع حقيقي


ابقى عارف ان الرزاق هو الله


مش ان واحده تسيب جوزها مثلا يشتغل شغله حرام ولا انه يكتر الشغل علشان يكفيهم

لأ - الرزاق هو الله والبركة من الله

أو واحده تفتكر أنها لما ربنا يهديها للنقاب إنها مش هاتتجوز وللإخوة أيضا لما يلتحى يبقى خلاص مش هايتجوز

لااااااااااااااا


أنظروا فوقكم


إنه الله

عاوزين التوحيد يبقى واقع عملي

يارب المهم انك تبقى راضي
فلما تلقاه وهو راضي ها يرضيك

يبقى الهم هم أخره

امتى يبقى قلبك غني لما تتوكل على الله بصدق ويقين

الواجب العملي ::::::

1) نأتي للثلاثون آيه التاليه يعني كده نقف على الآيه التسعين بفضل الله وطبعا أنتم معايا
2) كل يوم جزء من كتاب الله ومفيش حجج
3) على الأقل تكلم شخص واحد عن لذة الذكر وتتابعه وتذكره وترسل له رساله تذكير بالموبيل أخت لأخت وأخ لأخ أو ترسل رساله ميل لكل الأشخاص المسجلين عندك الله المستعان وطبعا تذكر أنت كمااااان ... بإذن الله ياعم خلاص عرفت انك بتذكر طب زود لله
4) تدعو لإخوانك المسلمين في كل مكان

وانتظرونا مع أهم سبب لخروج قلوبنا عن نطاق الخدمه


اللهم إجعل قلوبنا سليمة يارب

[ريهام تعشق الاسلام]

السلام عليكم
جزاكم اله خيرا فعلا اللهم احي قلوبنا يار ب والهم الواحد يكون رضا الله عنا فى كل شئ وهذا يكون طبعا بالاحتساب يعنى قبل ما تعمل العمل لازم تسئل نفسك بعملو لميييييييييييييييييييييين????????يجب ان يكون لله وءالا مفيش اجر قال تعالى يذكرنا بهذا (قل ان صلاتى ونسكى ومحياي ومماتى لله رب العالمين)الشاب اللى بيقول انا صغير والعمر طويل يعرف انى بقى موت الشباب هو الاكتر يعنى هو مش ضامنها
ربنا يصلح احوال الشباب والمسلمين وردهم اليك ردا جميلااميييييناللهم ازقنا الاخلاص والقبول

[dr_Muslim]

جزاكم ربي خيرا أختنا وفيكم بارك الله

وإنتظرونا بإذن الله مع السبب الأخير والخطير لخروج قلوبنا خارج نطاق الخدمة

؟؟؟؟

[حفيدة خديجة]

جزاكم ربي خيرا

[طوبى للغرباء]

يا مقلب القلوب ثبت قلوبنا على دينك
اللهم لا تجعل الدنيا أكبر همنا و لا مبلغ علمنا
اللهم علمنا ما ينفعنا
جزاكم الله خيرا و أعاننا و إياكم على الفضائل

[ganat alah]

ما شاء الله
جزاكم الله خيرا و بارك فيكم

[شريف يحى فاضل]

أَلَمْ تَرَ كَيْفَ ضَرَبَ اللّهُ مَثَلاً كَلِمَةً طَيِّبَةً كَشَجَرةٍ طَيِّبَةٍ أَصْلُهَا ثَابِتٌ وَ

موضوع ممتاز جدا

[dr_Muslim]

اللهم إجعله حجة لنا لا علينا يارب
وإجعل عملنا كله صالحا واجعله لوجهك خالصا ولا تجعل لأحد فيه غيرك شيئا

وجزاك ربي خيرا أخي الحبيب شريف وأهلا أهلا بك أخونا الحبيب في منتداك
وإنتظرنا في باقي الموضوع بإذن الله
فالجزء القادم فيه كلام كبير
الله أسأل أن ينفع به المسلمين
وإنتظرووووووووووووووووووووووووووووونا بإذن الله

[dr_karmen]

جزاكم الله خيرا

[رُحماك يالله]

جزاك الله خيرا اخى فى الله

[هبـة الله]

جزاكم الله خيرا و نفع بكم

[dr_Muslim]

وإياكم إخواتاه وبكم نفع الله

[dr_Muslim]

السلام عليكم ورحمة الله وبركاته

معايا ولا أيه ؟
بإذن الله معايا
إحنا كده وصلنا بفضل الله للسبب الأخير
والكلام اللي فيه كلام كبير
أسأل الله أن ينفعنا به إنه على كل شيء قدير
ركًز بقى وخليك معايا ............

4) السبب الرابع من اسباب خروج القلب خارج نطاق الخدمه المعاصي والذنوب

تقولي عديها انت مش قلتها قبل كده في مواضيع فاتت
ياعم ولا احنا هانقعد نكرر بقى الكلام – أقولك أيوة انا بكرر الكلام ياعم فيه واحد أهوه عاوزها صح ؟؟؟؟؟؟؟؟

مش انت عاوز ؟؟؟؟؟؟ هاااااا

عاوز قول ياعم – طيب وعلشان تعرفوا بس اني بخاف عليكم هاكمل برضه –باذن الله
بص كده ...............



ذي واحد مش مش ناوي يتوب لأ مش عارف يتوب



واحد كلما تاب يرجع تاني لواحده بيحبها وكلما رجع زاد ذنوبا ودي مشكلة الناس كلها

المعاصي والذنوب هي السبب في عدم التوبه



المعاصي لها رق يعني تأسره يبقى عبد لها مش قادر يبعد عنها اتعود على المعاصي


كيف نتخلص من رق المعاصي ؟



السبيل الاوحد : الاقلاع عنها والمجاهده في عدم العوده اليها



كله قال هايقول حاجه جديده – لأ – ماهو الحل واحد ماهو المعاصي واحده للكل تشترك في ان كلها ذذنوب كبيرها وصغيرها كلها ذنوب
مثلا : واحد صغير عنده سخونيه فقال ابوه يادكتور اديله شوية فيتامينات فقال له الدكتور – احنا هانبني وسط النار
مش نطفي النار الاول وبعد كده نبني
عاوزين نطفي نار المعاصي
بندخل الصلاة من غير قلب




وفيه حديث عن سيدنا رسول الله صلى الله عليه واله وصحبه وسلم " يؤتى بأناس من أمتي لهم حسنات مثل جبال تهامه بيضاء .......................... الحديث طبعا كلنا عارفينه بإذن الله
غير انهم اذا خلوا بمحارم الله انتهكوها "


واحد بيقولي فلان عمل فيا وعمل دا حرامي – يا عم دي غيبة
وراء الناس ذئب ينهش في أعراض الناس وأمامهم شيخ الاسلام



المعاصي تضعف القلب



عاوزين نتوب بجد






ذكر شيخنا ابن القيم رحمه الله 15 عقوبات المعاصي على القلوب
يعني عقوبات خروج القلب عن نطاق الخدمة
بس طبعا مع زيادات ربنا ييسر ويتقبلها





1) وحشة القلب ::::::
لان الطاعه توجب القرب والمعصيه توجب البعد فكلما زاد القرب قوي الأنس وكلما زاد البعد قوي الوحشه – انك تحس من جوا قلبك انك مش عارف تقول يارب

تسجد وما تعرفشي تدعي – ولو مرة واحده في حياتك رفعت ايدك وقلت يارب بقلب لازم عنيك تغرقك دموع اذا لقيت عنيك جامده يبقى انت مالكشي قلب

الوحشه من أثر الذنب " فلولا اذ جاءهم بأسنا تضرعوا ولكن قست قلوبهم "


قلبك مش قادر يحضر مات






2) ظُلمَه ::::::
يجدها العاصي في قلبه حاسس ان جوا قلبه ظلمه مش شايف ( حاسس ان طعم قلبه وحش سواد ظلام ).
ظلمته يجدها في قلبه حقيقة يحس بها كما يحس بظلمة الليل البهيم إذا أدلهمفتصير ظلمة المعصية لقلبه كالظلمة الحسية لبصره فان الطاعة نور والمعصية ظلمة وكلماقويت الظلمة ازدادت حيرته حتى يقع في البدع والضلالات والامور المهلكة وهو لايشعركاعمى أخرج في ظلمة الليل يمشي وحده وتقوى هذه الظلمة حتى تظهر في العين ثم تقوىحتى تعلو الوجه وتصير سوادا في الوجه حتى يراه كل أحد قال عبد الله بن عباس ان للحسنة ضياء في الوجه ونورا في القلب وسعة في الرزق وقوة في البدن ومحبة في قلوبالخلق وإن للسيئة سوادا في الوجه وظلمة في القبر والقلب ووهنا في البدن ونقصا فيالرزق وبغضة في قلوب الخلق






3) وهن القلب :::
حتى تزيل حياته بالكليه

توهن القلب والبدن أما وهنها للقلبفامر ظاهر بل لايزال توهنه حتى تزيل حياته بالكلية وأما وهنها للبدن فان المؤمن
قوته من قلبه وكلما قوى قلبه قوى بدنه وأما الفاجر فانه وإن كان قوى البدن فهو أضعف شيء عند الحاجة فتخونه قوته عند أحوج ما يكون إلى نفسه فتأمل قوة أبدان فارس والروم كيف خانهم عند أحوج ما كانوا اليها وقهرهم أهل الايمان بقوة أبدانهم وقلوبهم








4) تضعف الارادة ::
فتقوى إرادة المعصية وتضعف إرادة التوبة شيئا فشيئا الى أن تنسلخ من قلبه إرادة التوبة بالكلية فلو ماتنصفه لما تاب الى الله فيأتي بالاستغفار وتوبة الكذابين باللسان لشيء كثير وقلبهمعقود بالمعصية مصر عليها عازم على مواقعتها متي أمكنه وهذا من أعظم الامراضوأقربها إلى الهلاك.
أوعى تفكر انك بتعصي وربك بينسى
لأ - كل ذنب له جزاء في الدنيا والاخره - يعني لو واحد شتمك مثلا وقلت له جزاك الله خيرا ما تردش عليه ربنا هاياخد حقك مش في الاخره بس لأ وفي الدنيا برضه فاي معصيه ستعاقب عليها في الدنيا قبل الاخره
بيستغفر وبيتوب بس بيرجع تاني يوم الصبح – طيب حلها ايه ؟؟ ان تقلع عن المعصيه








ولسه فيه ماحنا قلنا 15 عقوبة
فإنتظرونا بإذن الله
وأخوكم مسلم كان عاوز يخلًص الموضوع بس
علشان الواجب هانأخر الإنتهاء من الموضوع لحين تكملة على الأقل سورة البقرة في الحفظ بإذن الله
معايا ولا ؟؟؟؟؟؟؟
ياعم مالكشي دعوة إنت
أنا بقول للي معايا وبيحفظ معايا أو اللي بيراجع معايا
ربنا يهديك ويتوب عليك
وأنا معاك ياعم متزعلشي



ونيجي بقى بإذن الله






للواجب العملي





1) نكمل حفظ ال 30 آيه التالية يبقى كده وصلنا ل 120 آية بفضل الله ياااااااااااااه - الحمد لله ماشاء الله والله أكبر
بتحفظ معايا ولا أيه ؟؟؟؟
2) طيب بالنسبة للذكر والصلاه على النبي صلى الله عليه وآله وصحبه وسلم نزودها شوية عن المرات السابقة وخليك جدع يعني خليك راجل ماشي ياعم عارف إنك راجل بس خليك راجل في وعدك طالما دخلت معانا على الموضوع يبقى خلاص إنت معانا في الوعد بإذن الله
3) بلاش مصاحبة أصدقاء السوء - مالكشي ماشي ياعم - طيب تعرف على صديق جديد تحسبه على خير يعني من المسجد وكلًمه وأذكر له فضل الذكر
4) إذا أحببت أحد إخوتك فقل له أنك تحبه في الله يلاااااااااا مستني أيه ؟
5) الصدقة ب نصف جنيه يومي أو خمسه جنيه أسبوعيا - مامعاكشي - يبقى إبتسم في وجه أخيك وبلاش التكشيره دي
6) قراءة الجزء اليومي وكمًل اللي إنت مالحقتش تخلصه يلا ياعم فين الهمًه

رب يسر وأعن وتمم بخير ياكريم



الله أسأل أن يجعل عملنا كله صالحا ولوجهه خالصاً ولا يجعل لأحد فيه غيره شيئا



وإنتظروناااااااااااااااااااااااااااااااا
بإذن الله
0000

معايا ولا أيه ؟؟؟

[tabebat-al-islam]

جزاكـــــــــــــــــــــــــم الله خــــــــــــــــــــــــــــــــــــــيرا

[أم دعاء]

بارك الله فيكم وأحسن الله اليكم