تحديد الهدف وصناعة الطموح

[أبو السائب المصرى]

حدد هدفك
وقولنا بقة إنت بتشتغل إيــــــــه ؟؟

نريد تحديد أكتر من عمل حتى نتكلم في أهدافه وقوته وكيف أكسر روتيني اليومي ؟؟
ازاي يتمتع بشغله بجد

ازاي ينزل الشغل وهو نفسه يقضي طول اليوم في الشغل !!!!
طبعا مستحيييل .. انا بروح شغلي بالعافية .. لولا إني مسؤل عن أهلي ما كنتش فكرت انزل من بيتي !!!

ابعد عن الإيحاءات السلبية دي تماما
وتعالوا نعمل مالا نحب حتى نعمل ما نحب .. وكله بتوفيق ربنا جل وعلا

تقدر ترسم بسمة على كام وجه منذ نزوك من منزلك ؟
تقدر تذكر ربنا في وقت اد ايه من ساعة مانزلت من بيتك ؟
تقدر تعد كام حسنة أخدتها انهاردة ؟
كام واحد ممكن تساعده انهارده ؟
كام نية حطيتها قبل ما تنزل من بيتك ؟ وعملت بذلك فعلا ؟؟
صلاتك متظبطة ولا لسة ؟؟

بعد كل ده ندخل انطلاقة اسبووووع واحد وتعالوا نشوف التغيير الجذري في حياتك *
والجزء القادم :: غير اسلوب حياتك للأفضل

[أبو السائب المصرى]

رد: تحديد الهدف وصناعة الطموح

غير اسلوب حياتك للأفضل

ارسم روح المتعة والمرح والإرتياح على يومك من الأول للآخر

أولا : اعلم ان حياتك ستكون أفضل أفضل ما تكون كلما كنت أقرب إلى الله ستجد متعة وراحة وستذوق حقا حلاوة الإيمان

ثانيا : عشان أعيش يومي بشكل جديد لازم اغير الاسلوب الروتيني في حياتي وخصوصا في شغلي
إزاي ؟؟؟؟

هيا وبسرررعة : أسأل نفسك دلوقتي حالا : أنا بشتغل ليييه ؟؟
هل لأنني لم أجد شغل غير هذا ؟
أم لأني لا أريد أن يقول الناس عليا عااطل ؟!
أم ماذا ؟؟

وإن كانت هذه من ضمن أهدافك .. فهل هذه فقط هي أهدااافك ؟؟؟؟
هي دي بس كدة ؟؟؟؟

دي أول نقطة ومهمة جدا .. حدد هدفك صح .. هتشتغل وتوصله صح

أنا بشتغل عشان أنفع نفسي أولا ..
عشان امحو الجهل عن نفسي وعن غيري
عشان اتعلم حاجة جديدة
حتى ((اكفي أهلي بالحلااااال)) وهذا هدف قوي جدااا وثوابه عظيم جدا جدا
حتى انفع الناس حولي
حتى اكون قدوة لغيري (قدوة صالحة حقااا)
حتى ادعو غيري

تفتكر لما تكون كل دي اهدافك هتنام يوم واحد عن شغلك ؟؟
هتنامي يوم واحد عن مذاكرتك ؟؟
هتضيع يوم من انهاردة ؟؟

عايزين الأسبوع القادم ليك في شغلك (بعد يوم عطلة العمال) يكون من أقوى الأسابيع في حياتي

تكون إنطلااااقة ..
تعالوا نسمي الأسبوع الجاي أسبوع الأول التمهيدي لتحقيق أهدافي وإنجازات حياتي

هنعمل إيه في الأسبوع ده ؟؟
تابعوناااا

[أبو السائب المصرى]

رد: تحديد الهدف وصناعة الطموح

هنعمل إيه في الأسبوع ده ؟؟
1/ هنام بدري قدر الإمكان يعني لا تأتي الساعة 12 عليا مهما كانت الظروف (الساعة11) كويس جدا
2/ قبل ما انام هقول اذكار النوم وانام على جنبي اليمين وأسأل الله التوفيق في عملي وأن يقدر الله لي الخير حيث كان ويعنني
3/ هقوم قبل الفجر بربع ساعة بس وهذا شئ سهل جداا
اتوضأ واصلي ركعتين خفيفتين أسأل الله فيهم التوفيق والإعانة وتذوق حلاوة الإيمان
4/ اصلي ركعتي الفجر (السنة) في البيت ثم انطلق إلى المسجد لآداء صلاة الصبح في جماعة
5/ نختم الصلاة ونطلع على البيت هقول اذكار الصباح .. ودي خطوة كويسة جدا جدا لأن الأرزاق توزع في هذا الوقت المبارك
6/ هفطر فطار خفيف وانزل على شغلي بقلب جامد وروح ونشاط غير عادي
لييييييه ؟؟ لأني محدد هدفي وعارف أنا رايح أعمل ايييه ؟؟
مش ماشي وخلاص وزي ما تيجي تيجي .. لااا .. اطلاقااا
7/ وانا في اتوبيس الشغل لساني شغال في الذكر
والإبتسامة لا تفارق شفتي أبدااااا مهما كانت الظروف
8/ القاء السلام على كل من اراه (سواء اعرفه أو لا اعرفه) طالما كلنا مسلمين وفي دائرة عمل واحدة (ابسامة واحدة في الصباح تعني الكثييير والكثييير) ولا تنسى قال رسول الله صلى الله عليه وسلم: ( وتبسمك في وجه أخيك صدقة ) صحيح الألباني.
((كلامنا كله تحت بند ..ازاي امشي على الطريق الصح ؟؟ ازاي أكسب أكبر أكبر قدر ممكن من الثواب والأجر العظيم))
فلعل عمري قليل لكن عملي بإذن الله كثير ورب عمل عظمته النية
9/ اول ما تركب وتسلم على اللى جانبك قله لسانك واقف ليه ؟؟ شغله معايا يالا نتنافس في الطاعة فالذكر ثوابه عظيم جدا جدا وخير لك من انفاق الذهب والفضة ..
لو قالك : يا عم انا مش فايقلك اصطبح وقول يا صبح !!
ولا يهمك : أخدت الأجر ولعله مضاعف ابتسم له واشتغل انت وبكرة هتلاقيه غير نظرته ليك للأفضل
10/ وصلت الشركة ؟؟ ............... الحمد لله
عارفة لما يدخلوك على كنز كبيييير ويقولولك خذ منه ما تشاء .. امامك 8 ساعات ؟
هتعملي ايه ؟؟
هتقضي ال8 ساعات جري جري تأخذ من الكنوز ما تشاء وتحاول تجمع أكبر قدر ممكن
هتتعبي ؟؟
اه هتعب .. بس هرتاح جداااا بعد كدة
مثل الكنوز مثل الشركة بالضبط لكن لأجر مختلف تماما واكبر بكتيييير مما تتخيل

[أبو السائب المصرى]

رد: تحديد الهدف وصناعة الطموح

إيه الأعمال اللي أقدر اكنزلها لنفسي في شغلي ؟؟
ممكن أساعد أي حد أقدر اساعده حتى وان كانت قليلة جدا كأن توصل زميل بزميل .. أو انك تنزع ورقة من على الأرض وتلقيها في السلة
أو إنك تعرف الزميل الجديد بالزملاء القدامى .. أو إنك تبتسم لأخيك
أوكبر خدمة ممكن تقدمها
لو انت شغال في مصلحة حكومية او خاصة وتعاملك مع الجمهور العادي البسيط
يااااااااااااااااااااه
ده كنز كبير أوي أوي أوي لحد بكرة !!
وثوابها عظيم جدا
تقدر تساعده طب ساكت ليه ؟ اعمل كل ما في وسعك
اشتغل اجتهد .. ربنا هيجازيك خير كبير .. هتمسع دعوة حلوة خالصة من القلب .. هتكون قدوة صالحة جدا باذن الله ولك أجر كل من تعامل معك وحاول ان يكون مثلك
هتحس بمعنى شغلك وحياتك وأد إيه أنا عضو مهم جدا في الدنيا دي
غير كل ده :

* (.. ومن فرَّج عن مسلم كربة فرَّج الله عنه كربة من كربات يوم القيامة .. ) [رواه البخاري ومسلم].
* «ولأن أمشي مع أخي المسلم في حاجته أحب إلى من أن أعتكف في مسجدي هذا شهرا» رواه الطبراني

ثواب لا تستطيع حصره أبداااا
وستشعر بلذته في الدنيا قبل الآخرة

طيب في ناس بتعاملني وحش .. وفي ناس كشرة (مكشرين دايما) زي ما بيقولوا ؟؟ وأنا بتخنق !!
بتتخنق من إيه ؟ الموضوع كله يتحل بابتسامة صغيرة وكلمة تكسر حدة الموقف (هزر معاه) العملية هتمشي .. اسائ ليك لا تلتفت لذلك
انا جاي آخد ثواب .. انا عضو مصلح .. أقصى شئ ممكن تعمله لا ترد
وربنا هيبارك لك في عملك طالما لا تسئ لغيرك وهدفك واااااااااضح

طيب انا مش بتعامل مع الجمهور ؟
بس اكيد بتتاعمل مع زمايلك .. اكيد في طريق تقدر تنطلق فيه فكر .. انا وضعت لك أول طريق التميز الصحيح
امشي فيه وتوكل على الله
هتلاقي أبواب الخير كتيييير مفتوحة
ممكن الساعي اللي عندك في الشركة انت عارف انه محتاج للشئ الفلاني ابنه مريض مثلا .. (جمع من زمايلك) مبلغ صغير جدا من مجموعة كبيرة من الزملاء وقل لهم : هنساعده ونفرج عنه كربه وندخل السرور على قلبه والصدقة من لا تنقص المال
(« مَا نَقَصَتْ صَدَقَةٌ مِنْ مَالٍ وَمَا زَادَ اللَّهُ عَبْداً بِعَفْوٍ إِلاَّ عِزًّا وَمَا تَوَاضَعَ أَحَدٌ لِلّهِ إِلاَّ رَفَعَهُ اللَّهُ »صحيح مسلم)
بل ربنا هيعوضك خير كبير في الدنيا قبل الآخر
وبكدة كمان هتكون أخدث ثواب مثل ثواب اصدقائك يعني ثوابك مضعاف يعني مثلالو اتفقتم كل واحد يطلع 10 جنيه من مرتبه وانتم 20 زميل يبقى كأنك طلعت 200 جنيه والله يضاعف لمن يشااااء
وكمان اخدت ثواب الدعوة إلى الله
وأي كلمة قلتها عن ربنا في يومك كل مع اصدقائك هتكفر 70 مجلس سوء إذا قلت كفارة المجلس بعدها
وتتحط في ميزان حسناتك

أبواب الخير كتييييييير كتييييييير كتييييييير
وكلها مفتوحة ....... تفتكر هتضيع بعد كدة يوم واحد ؟؟؟؟؟
اظنه مستحيييييل

[أبو السائب المصرى]

رد: تحديد الهدف وصناعة الطموح

انطلقوا في اسبوع الايجابية
واول خطوة ايجابية ممكن تعملها دلوقتي تحط الرابط ده في توقيعك
اعمله كوبي وبيست بس

تفضل :
شاركنا في : أقوى أسبوع في حياتي الأسبوع الأول لتحقيق أهدافي وإنجازات حياتي ((غير حياتك للأفضل))
كلنا إيد واااحدة

حط الورقة على ملف ورد واديها لكل اصدقائك في العمل ثوابك هيتضاعف اكتر واكتر
الموضوع كاااامل على ملف ورد
ورقة واحدة وش وظهر للطباعة والنشررر
حمل الآن
انشر في منتديات الجزء الخاص بالاسبوع الايجابي

المرة القادمة هنتكلــــــم عن إيييييه؟؟
هنتكلم عن 9 خطوات للتميز والإبتكار في العمل

ابدع ... ابتكر .. غير حياتك للأفضل .. أكسر روتينك اليومي الممل
حدد هدفك .. اصنع طموحك إنطللللللق !

[محمود فاروق]

رد: تحديد الهدف وصناعة الطموح

ما شاء الله موضوع متميز جداً

جزاكم الله خيراً وبارك فيكم

[مراكب]

رد: تحديد الهدف وصناعة الطموح

جزاكم الله خيرا
نفع الله بنا وبكم

[فارس جباره]

رد: تحديد الهدف وصناعة الطموح

جزاك الله خيرا اخى الحبيب
موضوع رائع من اوله .. لى عودة لقراءة باقى الاسابيع ^~^
نظرا لوجود صعوبات بالتصفح داخل الموقع
تقبل تحياتى
احبك فى الله

[أبو بكر مح ـمد المصرى]

رد: تحديد الهدف وصناعة الطموح

جزاك الله خيرا يا ابو السائب على هـذا النقل المتميز

[مهندس خالد]

رد: تحديد الهدف وصناعة الطموح

ماشاء الله لاقوة الا بالله
اتحفتنا يا اخى والله بهذا الموضوع
حفظكم الله واثابكم الجنه