إعـــــــلان

**تائب بإذن الله** · 18-04-2010, 03:51 AM

رد: حكايتي مع العمرة..رحلتى إلى الله

هنيئا لك اخى الحبيب
اللهم لا تحرمنا حج بيتك الحرام وزيارة نبيك العدنان
ان شاء الله فى انتظار البقيه اخى الحبيب
احبك فى الله

**انا بحبك يا رب** · 18-04-2010, 04:58 AM

رد: حكايتي مع العمرة..رحلتى إلى الله

ربنا يبارك فيك اخى ,ويثبتك على دينك

**Muhammad Ragab** · 18-04-2010, 10:14 AM

رد: حكايتي مع العمرة..رحلتى إلى الله

جزاكم الله خيرا

في انتظار البقية

**ضيف** · 18-04-2010, 11:39 AM

رد: حكايتي مع العمرة..رحلتى إلى الله

ربنا يحفظك ويبارك فيك ويثبتك على طاعته
والله ياأخى أبكيتنى وشوقتنى الى بيت الله وزيارة رسول الله صل الله عليه وآله وسلم
فجزاك الله خيرا
اللهم يسر لنا الحج والعمرة هذا العام ....

**al_ta2eb_elaAllah** · 19-04-2010, 12:58 AM

رد: حكايتي مع العمرة..رحلتى إلى الله

امين وإياكم...وجزاكم الله خيرا ..وربنا يبارك في حضراتكم جميعا.. ويثبتنا جميعا على الطاعة والقبول من الله..يارب..

المشاركة الأصلية بواسطة احمدعبدالمجيد مشاهدة المشاركة

ربنا يحفظك ويبارك فيك ويثبتك على طاعته

والله ياأخى أبكيتنى وشوقتنى الى بيت الله وزيارة رسول الله صل الله عليه وآله وسلم
فجزاك الله خيرا
اللهم يسر لنا الحج والعمرة هذا العام ....

أمين يارب ..ربنا يرزق حضرتك الحج والعمرة ياااااااااارب.... ونكون سوا إن شاء الله....وهو الكريم خزائنه لا تنفذ
ربنا يبارك فى حضرتك .. ...

**الأمير قطز** · 19-04-2010, 01:00 AM

رد: حكايتي مع العمرة..رحلتى إلى الله

ربنا يحفظك ويثبتك

**محمدسعيد ابراهيم** · 19-04-2010, 07:05 PM

رد: حكايتي مع العمرة..رحلتى إلى الله

اسال الله ان يجزيك الفردوس الاعلى مع النبين والصديقين والشهداء

**al_ta2eb_elaAllah** · 22-04-2010, 12:21 AM

رد: حكايتي مع العمرة..رحلتى إلى الله

سلام عليكم...أعذرونى على التأخير .كله بسبب الشغل. جزاكم الله خيرا جميعا ورزقكم الله الهدى والتقى والعفاف والغنى ياااااااااارب..
---------------------
أحب اذكر نفسى واياكم ان الذهاب هناك هو محض فضل من الله عز وجل... لا فلوس ولا صحة ولا تفكير... ولا اى حاجه ... فقط هداية وكرم من الله .ذو الفضل العظيم ..وبعد كده كلها اسباب..
فاسألوا الله من فضله.

فى الطريق إلى المدينة:
فى الطريق للمدينة .. ركبنا مكروباص من جدة للمدينة .. وكان معانا الفوج اللى جاى معانا من مصر... كان تركيزى كله مع محمد اخويا وبحاول اساله فى كل حاجه بعملها لو فى ذكر او دعاء .

محمد كان كثير الذكر ماشاء الله .. والطريق طويل عليا ..:) ..بعدين ازاى اضيع منى فرصة العمره دى ..وكنت خايف ارجع من العمره قلبى زى ما هوا ...مليان ذنوب وغشاوات وقلة يقين وعدم صبر وشهوات حرام .. وتيه فى الدنيا واحباط .. وعدم رضا... سبحان الله.

فكان السؤال "ايه هيى الإرهاصات اللى حصلت اول ما اتولد التبى صلى الله عليه وسلم؟"
وكان توقعى فى محله ..السؤال عجب محمد واكيد مش هايسكت لحد ما يكمل للاخر ..وهايحكى ويحكى..وفعلا.. بدأنا قصة أطهر البشر ... وغوصنا فى تاريخ بناء الكعبة ...
محمد كان بيتكلم من قلبه فعلا... كان بيمنع نفسه من البكاء وهوا بيحكى .. لكن انا كنت متحجر جدا...
جوايا.. كنت بعرض الامر على نفسى ... انا ابويا ميت قبل ما اشوفه بس امى عايشه ربنا يخليهالى .. النبي كان 8 سنين بس من غير اب وام....عليه الصلاه والسلام..... وده اطهر البشر كمان ....
وحادثة شق الصدر وهوا طفل ... ولما رجع وجهه مصفر صلى الله عليه وسلم ..وظن اصدقاؤه انه قتل..
.... وبعد ما كبر ... وضمة أمين الوحي فى الغار... لما ضمه سيدنا جبريل ...ضمه حتى تداخلت ضلوعه ..صلى الله عليه وسلم .. وطبعا سيدنا جبريل كان بيمهدله ان الامر عظيم ورساله الى يوم الساعه ...لكل الكون..
كل ده وانا عمال اقول .. ايه ده!!!!!!..... انا فين واللى حصله فين صلى الله عليه وسلم؟؟؟...
بس برده ... الذنوب ليها اثر والله يا اخوه .... اثر سىء للغايه ... تحرمك نور الله فى القلب وتحرمك سعادة الدنيا حتى لو معاك اسبابها (صحة وفلوس ومعارف وشياكه وجمال)
....دموعى كانت متحجره ... وغشاوات الذنوب كانت مانعة بين القلب وبين الله...
محمد بكى فعلا بشده عندما رموا القا ذورات على ظهر رسول الله وهوا يصلى ..... ومقدرش يكمل الحكايه وسكت فعلا... وانا سكت .. وفضلت ابص للسما اللى مبتتغيرش فى الطريق...فقط نجم واحد وبعيد ...وثابت فى السماء دى كلها.. وكانه امل النجاة والقرب ...
. وكنت مكسوف قوى من ربنا ... انا صغير قوى قوى.... وضعيف قوى قوى .... وهوا كريم وذو الفضل العظيم ..جايبنى ازوره فى بيته وانا ذنوبى على ظهرى كده...طب ادخل بأى وش؟؟؟.... تخيل بقى كل ده فى الدنيا لسه ... طيب يوم القيامه هنعمل ايه؟؟... وكما قال العلماء ان اعمال الحج والعمره فعلا .. تذكير بالحشر ... واللف فى الاكفان ... وملاقاة الخالق متجردين تماما من اى مظهر من مظاهر الدنيا .. منيبين اليه ..لكن الفرق ..ان العمره او الحج ..داخل فيها اختيار البشر...لكن الحشر يوم الدين ...لكل البشر... مؤمن وكافر...

فى الاستراحه صلينا المغرب فى جامع على الطريق. ورجعنا للميكروباص ومحمد ندهلى باسمى و
كان قاعد ورايا ام وبنتها لابسين اسود ومعاهم الاب وشكلهم حزين جدا جدا..
وسمعوا اسمى وفالت الام "اسمك حلو قوى" ..انا طبعا سلمت من بعيد ورجعت اكمل مع محمد ..
وعدى الموضوع وانا مش فى بالى .. ودول كانوا من الحكايات اللى أثرت فيا هناك ...
تعالوا نكمل ايه اللى حصل فى الطريق.

.. وكملنا انا ومحمد حكايات السيرة الطاهره... ويادوبك قربنا نوصل لوفاة النبى صلى الله عليه وسلم . وملحقناش نكمل ... لقيت محمد سكت ..ووطى صوته.. وبيبص من الشباك وعينه فيها لمعة الاشتياق...
ببص لاقيت اسوار المدينة ...:) يااااااااااااااااااااااااااااااااااه...وصلنا مدينة رسول الله .
انا طبعا لسه بكتشف نفسى وبتعلم بفضل من الله .."هو المفروض احس بأيه ؟"
طبعا محمد بدأ يوطى صوته استعدادا للقرب من رسول الله صلى الله عليه وسلم..
وانا سكت والخواطر زادت قوى...
ووصلنا الفندق وعرفنا ان المسجد النبوى لا يغلق ابدا ... وبعد الغسل والطيب قولنا نروح نصلى العشاء .. ونزلنا انا ومحمد رايحين للمسجد...وفى الطريق كل ما بقرب بيزيد تفكيرى ياترى هاعمل ايه .. ودى بروفا فعلا للى هايحصل عند الحوض..ياترى هاكون من اللى غيروا بعده ؟؟ ولا هاكون من اللى شربوا من يده الشريفه ؟..صلى الله عليه وسلم ...ودخلنا من باب السلام.. وبعدها بدات ادور على الروضه لحد ما قربنا من القبر الشريف...وسلمنا على خير خلق الله صلى الله عليه وسلم ...ولقيت زحمه كتيييره عند الروضه ...بس الكل متسامح والكل خافض للصوت .......
والحمد لله وفقنى الله للصلاه هناك (اللهم تقبل ) .... بص بقى!!!! ....وانت فى المكان ده ... هاتحس بانك مرتاح جدا جدا جدا ...مهو ربنا لو كرمك اصلا انك تروح وتصلى وتقرب من الروضه وتصلى فيها .. ده دليل على كرم ربنا عليك ..لكن المشكله بقى فيك انت لو سيبت ده كله ورجعت بعد العمره وضيعت اللى عملته فيها.... ربنا يصلح حالى ..ومكونش من الناس دى..
ربنا يستر...!!
طبعا حاولنا منزاحمش .. اهم شىء حافظ على قلبك هناك وتصدق بجسدك على المسلمين ..:)
. .. عشان الله مطلع على قلبك ولن يناله من طاعتك شىء ... ولن تضره معصيتك ..واعلم ان النفع عليك وحدك وان خشوعك لله نعمة من الله عليك. وفضل واحسان.
ومفضلناش كثير فى المسجد عشان نستعد لصلاة الفجر ..ومشينا عشان نتعشى ..
وعشان الفجر غدا فى مسجد رسول الله ...

دى كانت الليلة الاولى فى المدينة ...و ده كان شعورى وقتها .. بس اول ليلة فى حياتى اشعر بالراحه دى...
ادعولى بالثبات ..
وإيه حكاية ألأم والبنت الحزينه ؟؟؟ وايه اللى بيحصل فى مسجد النبى صلى الله عليه وسلم؟
لنا بقيه :)

**تائب بإذن الله** · 22-04-2010, 12:44 AM

رد: حكايتي مع العمرة..رحلتى إلى الله

بالله عليك تكمل اخى الحبيب
ورب الكعبه لقد تخيلت المشهد فى مسجد الرسول ( صلى الله عليه واله وصحبه وسلم ) بأبى هو وامى
لا تحرمنا بقية الرحله اخى الحبيب
متابع معاك بفضل الله
اسال الله لك الثبات على الحق حتى تلاقاه انه ولى ذلك والقادر عليه
احبك فى الله

**~~أبو السائب المصرى~~** · 22-04-2010, 12:50 AM

رد: حكايتي مع العمرة..رحلتى إلى الله

ماشاء الله لا قوة الا بالله
بجد انا عايش معاك الرحلة اكنى كنت موجود
ربنا يكتبها لنا صحبه

**al_ta2eb_elaAllah** · 27-04-2010, 03:15 AM

رد: حكايتي مع العمرة..رحلتى إلى الله

سلام عليكم حبايبي فى الله .. واعتذر عن تقصيري الشديد اتجاهكم ...سامحونى .. ليس لى عذر ولكن ربما الحب فى الله يصفح لى عندكم..
--------------------------------------------------------------------------
دى كانت أول ليلة فى المدينة يا حبايبى... وأحلى ما فى الأمر اانى بدأت اشعر انى دايما مع الله ... صاحى او نايم .. قاعد او واقف .. من ميزات الرحلة انك بتعود النفس على ملازمة شعور التقوى لمدة طويله فى كل احوالك. يعنى مره وانت نايم ...مره وانت صاحي .. مره وانت بتاكل بسرعه عشان تجري ع المسجد النبوي ...... مره وانت بتدعي فى الروضه...وانت داخل تصلى فى الروضة بتقول يا رب سهلى الصلاة هناك ....كل دى اماكن واحوال ...بتجمعها مشاعر واحده ... قُلْ إِنَّ صَلاَتِي وَنُسُكِي وَمَحْيَايَ وَمَمَاتِي لِلّهِ رَبِّ الْعَالَمِينَ [الأنعام : 162]

وعلى قدر نعمة الله عليك .. تبدأ تتحول من مجرد عا بد بيقلد اللى حواليه ..الى يقين الخوف من الله فعلا... وانكسار النفس حين تشعر انها تسير فى ملكوت خالقها .. وخالق كل وجود ..سواءا أدركت ام لم تدرك .. وتبدأ تتوغل إليك مشاعر لا تفهم تدريجها فى النفس ... غير أنها حاجه بتتطور جواك للاحسن ..وكأنك بترجع للفطرة تانى ...سبحان الله ..

وتبدأ تجمع جسمك .. وتروح فى اى ركن فى المسجد النبوي.. وتجلس فيه عشان تستوعب اللى بيحصلك .. من نعمة وفضل ... وخشيه من الله ... ويقين ... وهدوء ...وحب ... وجلال لله ... وتعظيم للرسالة ..رسالة خاتم الانبياء والمرسلين ... وأخيرا تبدأ ...
ايوااااااااااااا ..تبدأ بقى تحس انك عبرت بوابة الزمن وسافرت 1400 سنة لورا..... بس فى نفس المكان اللى انت قاعد فيه ده ... مفيش مجرد ما تعبر الزمن هاتلاقيهم قدامك ف المسجد ...
اللهم صلى وسلم وبارك على سيدنا محمد وعلى آله وصحبه اجمعين
و تبدا ..... تبدا تقشعر وانت قاعد فى المسجد النبوي.. لما تفتكر ان ..هنا الصحابه كانوا قاعدين ...وهنا كانوا بيتعلموا ..وهنا كان بيخطب فيهم النبي .... وهنا كانوا بيبكوا خوفا من الله وطمعا فى الجنة....وهنا فكرهم النبى بالجنة والنار ... وهنا لما بكي النبى بكوا معاه .. وهنا كان الرسول الخاتم ... اوحى اليه أمين الوحي سيدنا جبريل ...
وهنا الروضة الشريفة (بين منبر رسول الله وقبره الشريف
اللى النبي قال عنها انها قطعة من الجنة... يلا يلا تعالو نبص بصة بسرعه ونرجع تانى يا حبايبى فى الله .

زوووووم على الروضة

نبذة صغيرة عن اسطوانات الروضة الشريفة

(اسطوانة السيده عائشة)
وتقع في وسط الروضة الشريفة، وقد اتخذ النبي (صلى الله عليه وسلم) مكانها مصلى بعد تحويل القبلة مدة، ثم تحول إلى مصلاه، وكان أفاضل الصحابة والتابعين يفضلون الجلوس عندها.
وسبب تسميتها بأسطوانة عائشة أن بعضًا من الصحابة (رضي الله عنهم) كانوا جلوسًا عند عائشة ، ومعهم ابن أختها التابعي الفقيه (عروة بن الزبير)، فقالت عائشة : "إن في المسجد أسطوانة لو عرفها الناس لاستهموا على الصلاة عندها بالأسهم"، فسألوها عنها فأبت أن تعينها لهم ثم بعد قيامهم أسرَّت ابن الزبير بشيء، ثم قام واتجه إلى هذه الأسطوانة وصلى عندها.
وكان بعض أولئك الصحابة يرقب ماذا سيفعل، فلما صلى عندها جاءوا وصلوا في مكانه؛ فسُميت هذه الأسطوانة بعد ذلك (أسطوانة عائشة) كما هو مكتوب الآن في أعلاها، كما سميت أيضًا بأسطوانة القرعة لرواية (لاقترعوا عليها بالسهام). وروى بعض التابعين عن زيد بن أسلم أنه رأى موضع جبهة رسول الله عند هذه الأسطوانة، وأنه رأى بعد ذلك موضع جبهة أبي بكر الصديق دونها، ثم رأى موضع جبهة عمر دون موضع جبهة أبي بكر عن الجميع، وهو ما يؤكد أن أبا بكر وعمر رضي الله عنهما كانا يعرفان فضل الصلاة عند هذه الأسطوانة.
( أسطوانة الوفود)
: وهي ملاصقة لشباك الحجرة الشريفة، وهي الأسطوانة التي كان النبي يجلس عندها لوفود العرب القادمة عليه لكي تبايعه على الإسلام،وكم عند هذه الأسطوانة حصلت مناسبات! وكم جرى من حوار بين النبي ووفود العرب؛ كالذي وقع بينه وبين وفد نجران وغيره.

(أسطوانة التوبة)
: وتسمى أيضًا أسطوانة أبي لبابة، وموقعها الرابعة شرق المنبر، وهي الأسطوانة التي ربط فيها الصحابي الجليل "أبو لبابة" الأنصاري نفسه، وظل فيها أسيرًا، وقال: "والله لا أفك هذا الأسر عن نفسي حتى يتوب الله عليَّ، ويحلني رسول الله بيده".
وقصة أبي لبابة هذه سببها أن النبي عندما حاصر اليهود بني قريظة بعد غدرهم بعهده وانضمامهم إلى معسكر الأحزاب، وطال عليهم الحصار، وامتلأت قلوبهم من الرعب، وضاقت الأرض بهم، وجهلوا النكاية التي سوف تحل بهم طلبوا من النبي أن يبعث إليهم أبا لبابة ؛ لأنه كان حليفًا لهم قبل الإسلام لكي يتفاوض معهم، فلما جاء إليهم أرسلوا الصبيان في وجهه يجأرون وصاحت نساؤهم مستعطفة لرحمته، ثم حاولوا استغلال عاطفته فقالوا له: ماذا ترى؟ أننزل على حكم محمد؟ فقال لهم: إن نزلتم على حكم محمد (وأشار بيده إلى حلقه) يعني سوف يذبحكم. فقال أبو لبابة: "فوالله ما تحركت قدماي حتى علمت أني خُنْت الله ورسوله"، فلم يعد إلى الرسول ، بل ذهب مسرعًا إلى المسجد النبوي وربط نفسه في هذه الأسطوانة.
فلما سمع ذلك رسول الله قال: أما إنه لو جاءني لاستغفرت له. وبعد انتهاء حصار بني قريظة عاد النبي إلى المدينة ولا يزال أبو لبابة مستأسرًا في ساريته فتأتيه بنته وتطلقه للصلاة وقضاء الحاجة ثم تعيده إلى أَسْره. وقد كان رسول الله قال: "أما إذ فعل بنفسه ما فعل فما أنا بالذي أطلقه من مكانه حتى يتوب الله عليه". فلما أنزل الله توبته على النبي وهو في بيت أم سلمة ، قالت أم سلمة: لقد سمعت رسول الله في السَّحَر يضحك، فقلت: مم تضحك يا رسول الله، أضحك الله سنك؟ قال: تيب على أبي لبابة. فقالت أم سلمة: ألا أبشره يا رسول الله؟ قال: بلـى إن شئتت فقامت على باب حجرتها (والحجاب لم يُضرب بعد)، وقالت: يا أبا لبابة، أبشر فقد تاب الله عليك (وهذا يعني أن باب دارها كان مفتوحًا على المسجد) فلما سمع الناس التوبة على أبي لبابة ساروا إليه ليطلقوه من أَسْره، فقال: لا والله حتى يكون رسول الله (صلى الله عليه وسلم) هو الذي يطلقني بيده، فلما مرَّ عليه الرسول (صلى الله عليه وسلم) صلاة الفجر أطلقه من الأسر.
وهذه الأسطوانة مكتوب عليها حتى الآن (أسطوانة أبي لبابة) وتُعرف بـ"التوبة"، وتقع إلى الشرق من أسطوانة عائشة.

الأسطوانة المُخَلَّقة (أي المطيبة بطيب الخلوق):
وهي الأسطوانة الملاصقة لمصلى النبي من جهة القبلة.وهذه الأسطوانة اليوم يرتكز عليها المحراب النبوي الشريف، ومكتوب في أعلاها: "الأسطوانة المخلقة"، وسبب تسميتها بذلك أن النبي رأى عليها نخامة فساءه ذلك؛ فقام أحد الصحابة وحك النخامة وطيب مكانها بطيب يسمى الخلوق؛ فسُرَّ النبي لذلك.

(أسطوانة السرير):
وهي الأسطوانة التي تقع في مكان اعتكاف النبي ، وكان يوضع له عندها سرير، وكان هذا السرير من جريد النخل وفيه السعف. وتقع هذه الأسطوانة شرقي أسطوانة التوبة، وهي اليوم ملاصقة لشباك الحجرة الشريفة

أسطوانة المحرس أو الحرس:
وتقع خلف أسطوانة التوبة من الشمال. سميت بذلك لأن بعض الصحابة كان يجلس عندها لحراسة النبي . وكانت تسمى أيضًا أسطوانة علي بن أبي طالب ؛ لأنه كان يجلس عندها حارسًا للنبي ، فلما نزل عليه قوله تعالى: وَاللَّهُ يَعْصِمُكَ مِنَ النَّاسِ (المائدة: 67) ترك الحراس حينئذ.

أسطوانة مربعة القبر:
سميت بذلك لوقوعها في ركن المربعة الغربية الشمالية من الحجرة الشريفة، وتقع هذه الأسطوانة داخل الحجرة الشريفة، وبالتالي لا يصلى عندها.
أسطوانة التهجد: وهي التي في مكان تهجده من الليل، وتقع أيضًا داخل الحجرة النبوية الشريفة.

--------------------------------------
عجبكوا الحال هناك مع الصحابه مش كده؟؟؟ ... بس تعالوا نقدم الزمن تانى 1400 سنة
ونوصل هنا تانى ..:) زى ما كنا ... وانقطع الوحي من السماء ...
ونواصل الابتلاء ....
وكما قال الله
الَّذِي خَلَقَ الْمَوْتَ وَالْحَيَاةَ لِيَبْلُوَكُمْ أَيُّكُمْ أَحْسَنُ عَمَلاً وَهُوَ الْعَزِيزُ الْغَفُورُ [الملك : 2]

ومن ضمن الحاجات اللى شدتنى هناك ... اطفال الجلابيات البيض والطواقى البيض ... وهم يحفظون القرآن بصوت عال فى حلقات .. يتوسطها شباب يدرسونهم كتاب الله .. ويتسابق الاولاد من كل الاعمار ..والمسجد مفتوح 24 ساعة ... لكل طلاب العالم ... ولكل باغي خير..
ولنا بقية:)

**al_ta2eb_elaAllah** · 30-04-2010, 12:39 AM

رد: حكايتي مع العمرة..رحلتى إلى الله

سلام عليكم.
الاربع ايام الوائل فى المدينة كنت متمتع كما شرحت فى الروضه وذكرياتها الشريفة...بصراحه مكنتش عارف ده كله عن الروضه غير لما نقلته ليكم فى الرد اللى فات...عسى ان نستفيد جميعا ويبقى مفيد للى يروح هناك انه يحرص على الصلاة وراء العمدان (الاسطوانات) اللى فى الروضة... ربنا يبارك فيكم اخوتى..

نرجع بقى بعد الفاصل الجميل ده لحكايتى .. كنت حكيت لكم عن ام و وبنتها كانوا راكبين معانا المكروباص وكانوا لابسين اسود ووجوههم مصفرة من الحزن والاسى ... لما وصلنا الفندق عرفت من خالتى (خالة صديقى التى وصانى عليها فى العمره لانه لم يحضر معنا ) ان هذه الاسرة الحزينة فقدت ابن لها ... واسمه على اسمى وفى نفس عمرى(25) وحاصل على نفس الدرجة العلمية فى نفس المجال ...سبحاااااااااااااااااااان الله...وبيقولو فينا من بعض فى الطباع كمان
والمحزن اكثر ... ان الابن توفاه الله من شهرين قبل العمرة ..والاسره ذهبت للعمره لاهداء العمره للابن المتوفى...

سبحان الله ... وسمعت الاب يتحدث لاخته فى التليفون يطمنها على نفسه واهله ..ويقولها "الحمد لله الحمد لله ربنا عوضنا بــــ ( اسم الابن ) تانى هنا .. وشبهه وشكله كمان "!!!!..انا والله يا اخوه كنت بتغدى لما سمعته ...وحسيت بمشاعر كتيره قوى ... مكسوف ومليش نفس اكمل اكل ..و نعمة ربنا عليا ...
ولسه الاب مكنش عرفنى وتكلم معايا ..ده كان اول يوم لينا فى المدينة ... ولكن تعلق بى من حبه لابنه....
تخيلوا يا اخوه مات ازاى؟؟؟؟
بعد فتره كده سألت خالتى هوا مات عادى ولا كان في حاجه ؟؟
قالتلى كان شغال على كمبيوتر .. وشهد سرقة المكان اللى هوا كان فيه ....وجرى وراء اللصوص ولكن كانوا ركبوا العربيه عشان يستعدوا للهروب ... وشغلوا محرك العربيه وانطلقوا .. وعشان يجروا بحطام الدنيا اللى كان معاهم .. وعشان يلحقوا يومين يعيشوهم فى الحرام وبعدها يلقوا رب منتقم ...كان الشاب ده بيحاول يوقفهم عشان دى امانة فى ايديه ... عشان هوا كان امين على المكان ده .... لكنهم ... دهسوه .... دهسوه عشان يفوزوا بعذاب الله...
استغفر الله العظيم ..استغفر الله العظيم... تخيلوا كل ما اشوفهم فى الفندق بحس انى مش عارف اعملهم حاجه ؟؟ مش عارف اقولهم ايه .. مش عارف اواسيهم ازاى ... محمد اخويا قالى ..لالا متعملش حاجه ... ده من ربنا مش منك...انت ملكش دعوة ... ده شأنهم مع الله....
الله يرحمه ..
وكل شوية الاقى الام تحاول تتكلم معايا عشان تسترجع كلامها مع ابنها ... وساعات بدون ما افهم الاقى الدموع تغلبها .. والاب كان مدير شؤن قانونية .. حبنى جدا وكان عاوز يخدمنى باى شكل وقالى لو احتجت اى شىء تعالى فى الشغل وانا اخدمك بعينى ... الحقيقه القصه دى مخليانى بحس باحاسيس كتير مش عارف ايه فيها صح وايه فيها غلط ..
اول احساس انى ممكن اكون مكانه الان فى القبر ..... احاسب على كل كبيرة وصغيره ...
لِيَجْزِي اللّهُ كُلَّ نَفْسٍ مَّا كَسَبَتْ إِنَّ اللّهَ سَرِيعُ الْحِسَابِ [إبراهيم : 51]
تانى احساس كرم ربنا على الام عشان تنسى شويه الم الفراق لابنها ...
تالت احساس اللى يشوف بلاوى الناس تهون عليه بلوته ..
رابع احساس انا ضيف فى رحلة الى الله ....وانا ذاهب حزين على امرى وحالى ومش صابر على ابتلائى فى عدم قدرتى على الزواج .... وامور اصعب واصعب.... لكن ما رايته فى هذه الاسره .. اكيد ادعو ان يعافنى الله منه ..ويعافى كل اسرة فى حبيبها ..

انا عاوز اسمع منكم ... ياريت اهل البصيرة يقولولى ... ايه اللى هما شافوه فى القصة دى؟؟؟

**al_ta2eb_elaAllah** · 30-04-2010, 12:40 AM

رد: حكايتي مع العمرة..رحلتى إلى الله

سلام عليكم.
الاربع ايام الوائل فى المدينة كنت متمتع كما شرحت فى الروضه وذكرياتها الشريفة...بصراحه مكنتش عارف ده كله عن الروضه غير لما نقلته ليكم فى الرد اللى فات...عسى ان نستفيد جميعا ويبقى مفيد للى يروح هناك انه يحرص على الصلاة وراء العمدان (الاسطوانات) اللى فى الروضة... ربنا يبارك فيكم اخوتى..

نرجع بقى بعد الفاصل الجميل ده لحكايتى .. كنت حكيت لكم عن ام و وبنتها كانوا راكبين معانا المكروباص وكانوا لابسين اسود ووجوههم مصفرة من الحزن والاسى ... لما وصلنا الفندق عرفت من خالتى (خالة صديقى التى وصانى عليها فى العمره لانه لم يحضر معنا ) ان هذه الاسرة الحزينة فقدت ابن لها ... واسمه على اسمى وفى نفس عمرى(25) وحاصل على نفس الدرجة العلمية فى نفس المجال ...سبحاااااااااااااااااااان الله...وبيقولو فينا من بعض فى الطباع كمان
والمحزن اكثر ... ان الابن توفاه الله من شهرين قبل العمرة ..والاسره ذهبت للعمره لاهداء العمره للابن المتوفى...

سبحان الله ... وسمعت الاب يتحدث لاخته فى التليفون يطمنها على نفسه واهله ..ويقولها "الحمد لله الحمد لله ربنا عوضنا بــــ ( اسم الابن ) تانى هنا .. وشبهه وشكله كمان "!!!!..انا والله يا اخوه كنت بتغدى لما سمعته ...وحسيت بمشاعر كتيره قوى ... مكسوف ومليش نفس اكمل اكل ..و نعمة ربنا عليا ...
ولسه الاب مكنش عرفنى وتكلم معايا ..ده كان اول يوم لينا فى المدينة ... ولكن تعلق بى من حبه لابنه....
تخيلوا يا اخوه مات ازاى؟؟؟؟
بعد فتره كده سألت خالتى هوا مات عادى ولا كان في حاجه ؟؟
قالتلى كان شغال على كمبيوتر .. وشهد سرقة المكان اللى هوا كان فيه ....وجرى وراء اللصوص ولكن كانوا ركبوا العربيه عشان يستعدوا للهروب ... وشغلوا محرك العربيه وانطلقوا .. وعشان يجروا بحطام الدنيا اللى كان معاهم .. وعشان يلحقوا يومين يعيشوهم فى الحرام وبعدها يلقوا رب منتقم ...كان الشاب ده بيحاول يوقفهم عشان دى امانة فى ايديه ... عشان هوا كان امين على المكان ده .... لكنهم ... دهسوه .... دهسوه عشان يفوزوا بعذاب الله...
استغفر الله العظيم ..استغفر الله العظيم... تخيلوا كل ما اشوفهم فى الفندق بحس انى مش عارف اعملهم حاجه ؟؟ مش عارف اقولهم ايه .. مش عارف اواسيهم ازاى ... محمد اخويا قالى ..لالا متعملش حاجه ... ده من ربنا مش منك...انت ملكش دعوة ... ده شأنهم مع الله....
الله يرحمه ..
وكل شوية الاقى الام تحاول تتكلم معايا عشان تسترجع كلامها مع ابنها ... وساعات بدون ما افهم الاقى الدموع تغلبها .. والاب كان مدير شؤن قانونية .. حبنى جدا وكان عاوز يخدمنى باى شكل وقالى لو احتجت اى شىء تعالى فى الشغل وانا اخدمك بعينى ... الحقيقه القصه دى مخليانى بحس باحاسيس كتير مش عارف ايه فيها صح وايه فيها غلط ..
اول احساس انى ممكن اكون مكانه الان فى القبر ..... احاسب على كل كبيرة وصغيره ...
لِيَجْزِي اللّهُ كُلَّ نَفْسٍ مَّا كَسَبَتْ إِنَّ اللّهَ سَرِيعُ الْحِسَابِ [إبراهيم : 51]
تانى احساس كرم ربنا على الام عشان تنسى شويه الم الفراق لابنها ...
تالت احساس اللى يشوف بلاوى الناس تهون عليه بلوته ..
رابع احساس انا ضيف فى رحلة الى الله ....وانا ذاهب حزين على امرى وحالى ومش صابر على ابتلائى فى عدم قدرتى على الزواج .... وامور اصعب واصعب.... لكن ما رايته فى هذه الاسره .. اكيد ادعو ان يعافنى الله منه ..ويعافى كل اسرة فى حبيبها ..

انا عاوز اسمع منكم ... ياريت اهل البصيرة يقولولى ... ايه اللى هما شافوه فى القصة دى؟؟؟

**مهاجر إلى ربي** · 30-04-2010, 01:22 AM

رد: حكايتي مع العمرة..رحلتى إلى الله

هنيئا لك العمره اخى
و الله يا اخى الحبيب لقد شوقتنى جدا
أسال الله ان يرزقنا زياره بيته
وأسال الله لك القبول

وشئ اخر لفت انتباهى
ان هذا اول موضوع لك فى المنتدى
سبحان الله الذى قدر لك وجودك بيننا لكن نشعر نحن بهذه المشاعر
و الاحاسيس و العواطف الجياشه
نسالك الدعاء اخى فى الله

إعـــــــلان

حكايتي مع العمرة..رحلتى إلى الله

حكايتي مع العمرة..رحلتى إلى الله

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق

تعليق