هل هناك علاقة بريئة او حب شريف

[mahmoud_moussa]

انا اسمى محمود من بلد وعرفت بنت من بلد تانية اتعرفت عليها فى مكان الشغل اللى بشتغل فيه فى الاجازة انا طالب فى 3 كلية علوم القاهرة لقيتها بنت محترمة بس كانت بتعامل كل الناس بطريقة غريبة مش بتاخد حزرها وبتضحك فى وش كل الناس لما حد يكلمها ولد او بنت تضحك فى وشة وتكلمو بزوق يعنى ممكن اى حد ينشد ليها من خلال طريقة تعاملها انا كنت من ضمن الناس اللى اتشدو ليها وللاسف عرفتها انى بحبها وهيا كمان كانت بتحترمنى وكنت بحس انها مهتمة بيا زيادة قالتلى اتكلم مع حد تثق فيه وعملت ده وحصلت مشاكل كتير المهم احنا بقينا نتكلم فى التليفون وهيا كمان طلعت بتحبنى هيا كانت بتشتغل فى المحل اللى قصاد المحل اللى بشتغل فيه واصغر منى بسنتين ولسه بنتكلم فى التليفون واتعلقت بيا اوى وبتقول انى حياتها واقفة عليا ومش هتقدر تستحمل وممكن يحصلها حاجة لو سيبتها انا كلمت ابويا وامى وعرفتهم كل حاجة ومش مخبى اى حاجة عن حد مع العلم انى عمرى ما قابلتها بره ولا لمستها مش عارف اعمل ايه دلوقتى اكمل ولا ابعد حرام ولا حلال من فضلكم النصيحة

[عمر إسماعيل]

رد: هل هناك علاقة بريئة او حب شريف

طبعاً أخي الحبيب محمود أبعد عن الحرام هذه علاقة محرمة ولا يجوز أبداً أن تكون لك علاقة مع فتاة مثل هذه ممكن اصلاً تلاقيها بتكلم كل الشباب وتقول نفس الكلام الي بتقوله لك فلا يجوز هذه العلاقة ولا أنصحك حتى بالزواج منها فهذه كالفاكهة التي اجتمع عليها الذباب الكثير فإذا أخترت فلتختار الفاكهة التي لا يكثر عليها الذباب وبعدين ده شكل لبسها إيه اكيد لبسها باين من كلامها انه لبس خليع ولا حول ولا قوة إلا بالله فانشغل بالحلال عن الحرام وعلى فكرة هقولك شئ انت بتقول لا ستغني عنها والكلام ده على فكرة ده وهم .. انت بمجرد ان تتزوجها إن كانت نيتك الزواج منها هتلاقي بعد كام شهر مش هتطيقها وبعدين لا ترضى لنفسك ان تتزوج آمرآة يلتف عليها الرجال فكيف تتزوج مرآة تضحك لهذا وتبتسم لهذا ففي الحقيقة أعوذ بالله من أن تكون ديوث أما إن كنت تحامي لعرضك هتلاقي كل يوم ثلاث أربع مشاكل وهتشك فيها جامد فالحقيقة هتكون حياة تعيسة أما إن كان قصدك أن تنشأ معها علاقة محرمة ولا تقصد الزواج فاتق الله يا محمود

[د/محمدالقواسمى]

رد: هل هناك علاقة بريئة او حب شريف

السلام عليكم ورحمة الله وبركاته
اخى اافاضل محمود اولا ارحب بك فى المنتدى واتمنى ان تستمر معنا وتتعلم معنا
وبما انك اخترت منتدى الطريق الى الله فهيا بنا سويا ننطلق الى الله

واخى الحبيب كما قال لك اخى وحبيبى ابن القيم فكلامه صحيح

وفى الحديث الشريف

عَنِ أَبي هُريرة رضيَ اللَّهُ تَعَالَى عَنْهُ عَنِ النبيِّ صَلّى الله عَلَيْهِ وَسَلّم قال: " تُنْكحُ الْمَرْأَةُ لأرْبَعٍ: لمالها ولِحَسَبها ولِجَمَالها وَلدينها: فَاظْفَرْ بذاتِ الدِّينِ تَربَتْ يَدَاكَ " مُتّفَقٌ عَلَيْهِ

فانك اخى الحبيب ان لم تظفر بذات الدين تعبت فى الدنيا والاخرة

واقول لك ان الشيطان يزينها لك حتى يبعدك عن الله
فأنت تراها دائما مبتسمة وجميلة واسلوبها جميل ولكن لو كانت تعرف الله حق المعرفة ما ضحكت مع الناس بهذا الشكل وما قبلت ان تتحدث معها

انا معك تقول انك تحبها ولكن

من ترك شئ لله عوضه الله خيرا منه

ابحث عن فتاة متدينة وعلى خلق وسارع بالزواج منها وتقرب الى الله واقرأ القرأن وابعد عن هذه الفتاة

وان شاء الله ربنا هيعوضك الاحسن

ويا اخى الحبيب كنا معنا فى المنتدى وستجد صحبة وحب شديد بيننا وتعاون على طاعة الله وعلى فكرة احنا بنهزر مع بعض وبنضحك كتيييييييييييير وبنحب بعض جدا جدا بالرغم ان مشفناش بعض بس حبينا بعض
وانت لو استمريت معانا هتحبنا ان شاء الله

وهنقف جنبك وهنساعدك

والسلام عليكم ورحمة الله وبركاته

[Dr_Mostafa]

رد: هل هناك علاقة بريئة او حب شريف

اولا..اهلا ومرحبا بيك يا اخى ..ربنا يوفقك فى دراستك وتخلص على خير..
ثانيا..بص بقى يا محمود..انت بفضل الله انسان محترم ومتدين نحسبك على خير وده يبان من انك اهتميت انك تسأل وتعرف الصح من الغلط..وده من فضل ربنا عليك..وفيه غيرك شباب كتير لو مكانك مكنش هيستنى وهيروح يكلم البنت على طول ..
علشان مطولش عليك..زى ما الاخوه نصحوك..انت بتتكلم فى جواز..يعنى الموضوع كبير مش اى لعبه..يعنى البنت دى هتبقى زوجه وهتأتمنها على بيت وأولاد..هل ينفع واحده زى ما انت وصفتها بتكلم الشباب ولو حتى بذوق واحترام وتضحك لده وتفتح حوار مع ده وتبص بصتين لده..هل ينفع دى تبقى زوجتى وام اولادى..؟؟
معتقدش..زى ما الرسول وصانا ..اهم حاجه فى البنت دينها وعفتها وحياءها..
وعلى فكره موضوع انك بتحبها ده عباره عن انجذاب عادى جدا ..زى اى شاب مبيشوف اى بنت وتعجبه..انا عارف انك هتقول لأ مش كده..بس صدقنى دى الحقيقه..مفيش حاجه اسمها حب من اول نظره والكلام ده..الحب الحقيقى بينشأ من الالفه والموده بعد الجواز..
انصحك تركز فى شغلك ودراستك وتسيبك منها خااالص..وتأكد ان ربنا هيعوضك احسن منها 100 مره..النبى صلى الله عليه وسلم بيقول (من ترك شيئا لله عوضه الله خيرا منه)
ولو تحب تتابع معانا هنا https://forums.way2allah.com/showthre...=70886&page=30

واى استفسار او طلب بفضل الله هتلاقى اخواتك هنا ومش هيتاخروا عنك..