شوفوا اللى حصلى فى كلية الطب,,,,,,,,,,,,,,,والحكم ليكم

[د/محمدالقواسمى]

السلام عليكم ورحمة الله وبركاته

انا حبيت اقولكم بس ال بيحصل معانا فى كلية الطب فى بداية حياتنا وياريت تشوفوا المعاناة ال احنا فيها

يعينى علينا احنا غلابة اووووى,,,,,,,,,,, ........


اول ما كنا ف ثانوية
كنا نذاكر ليل ونهار
وكنا كل يوم شطار

منتظرين الكلية

واول ما عرفنا المجموع
نزلنا م الفرحة دموع
والبيت بقى كله شموع

ومنتظرين الكلية

اهالينا قالولنا يادكاترة
مبروك عليكوا الكلية

وف الكلية اسمع ياسيدى

فضلنا ندور ع القواميس
وليلنا عشناه ف كوابيس

من التشريح طلعت عنينا
ومن الفسيولوجى جالنا احباط
وفى الهستولوجى اكيد شقينا
اما الكيميا فعليها بكينا

ودخلنا تالتة بكل جراح

لا كنا بنفهم حاجة باثولوجى
والعقل تاه ف الفارماكولوجى
ويادوووب حلينا ف الباراسيتولوجى
وظبطونا اكيد ف البكتريولوجى

ودخلنا رابعة ويا عينى علينا

بدأنا بأنف واذن وحلووووة المادة
وبعدين الشرعى واهى ماشية معانا
وصلنا الرمد الحقووووونا ياناس
وفى الكميونيتى ضعنا خلاص

أما الباقى من الكلية
لسه باقى علينا شوية
ونقول نصيحة اخوية
لكل طالب ثانوية
انسى تفرح ف الكلية


ممكن اعرف رأيكم فيها
عشان هنزلها فى نادى الادب ف الكلية

والسلام عليكم ورحمة الله وبركاته

[mega byte]

رد: شوفوا اللى حصلى فى كلية الطب,,,,,,,,,,,,,,,والحكم ليكم

لالالالالالالالالالالالالالالالالالالالالالالالا


والله العظيم يا دكتور

ماشاء الله عليك بجد

ربنا يكرمك
ومايحرمك من هذه الموهبة
















بس انت كده كرهت الناس في كلية طب

ولوسمحت حضرتك في كلية طب ايه ؟؟؟؟

[عمر إسماعيل]

رد: شوفوا اللى حصلى فى كلية الطب,,,,,,,,,,,,,,,والحكم ليكم

الحقيقة أخي الكريم انا لا أحب كلية الطب وقد ياعرضني الكثير ولكن وجهة نظري كالآتي :-
أولاً:- طب القاهرة أظن إن هو آخر مرة كان بيأخذ 99% يعني عايز مجهود كبيييييييير جداً في الثانوية والثانوية كما صعبة
ثانياً:- انت بتأخذ سبع سنين في كد وتعب في هذه الكلية بتتعب فيها جامد
ثالثاً:- انت بتتعب كل ده ليه علشان خاطر تحصل على راتب جيد انت ممكن تشتغل في مستشفى حكومة وتآخذ ملاليم من المستشفى او إن كنت متيسر مالياً فستفتح لك عيادة طيب العيادة ده انت مش ضامن ممكن ميجيش لك زباين وتيجي عليك العملية بخسارة او ممكن تنجح يعني اعتقد أنه نجاح كلية الطب هذه انت تشتغل شغلاً مرموق بنسة 60%
رابعاً:- إن لم يكن الدكتور ملتزم فإنه يرتكب الكثير من المخالفات الشرعية كسرقة الأموات ودخول عليه المرآة بدون محرم وممكن يولد المرآة .... إلخ

[د/محمدالقواسمى]

رد: شوفوا اللى حصلى فى كلية الطب,,,,,,,,,,,,,,,والحكم ليكم

لالالالالالالالالالالالالالالالالالالالالالالالا


والله العظيم يا دكتور

ماشاء الله عليك بجد

ربنا يكرمك
ومايحرمك من هذه الموهبة

بس انت كده كرهت الناس في كلية طب

ولوسمحت حضرتك في كلية طب ايه ؟؟؟؟

ربنا يكرمك يا حبيبى وشكرا خالص على الدعاء الجميل ده
انا اساسا كرهتها ربنا يعينا ونخلص منها

وانا فى كلية طب اسيوط

وربنا يكرمك يارب

[د/محمدالقواسمى]

رد: شوفوا اللى حصلى فى كلية الطب,,,,,,,,,,,,,,,والحكم ليكم

الحقيقة أخي الكريم انا لا أحب كلية الطب وقد ياعرضني الكثير ولكن وجهة نظري كالآتي :-
أولاً:- طب القاهرة أظن إن هو آخر مرة كان بيأخذ 99% يعني عايز مجهود كبيييييييير جداً في الثانوية والثانوية كما صعبة
ثانياً:- انت بتأخذ سبع سنين في كد وتعب في هذه الكلية بتتعب فيها جامد
ثالثاً:- انت بتتعب كل ده ليه علشان خاطر تحصل على راتب جيد انت ممكن تشتغل في مستشفى حكومة وتآخذ ملاليم من المستشفى او إن كنت متيسر مالياً فستفتح لك عيادة طيب العيادة ده انت مش ضامن ممكن ميجيش لك زباين وتيجي عليك العملية بخسارة او ممكن تنجح يعني اعتقد أنه نجاح كلية الطب هذه انت تشتغل شغلاً مرموق بنسة 60%
رابعاً:- إن لم يكن الدكتور ملتزم فإنه يرتكب الكثير من المخالفات الشرعية كسرقة الأموات ودخول عليه المرآة بدون محرم وممكن يولد المرآة .... إلخ

انا معاك هى كلية الله المستعان عليها
بس هنعمل ايه
لو الزمن يرجع بيا مكنتش دخلتها بس خلاص مينفعش وانا ادبست فيها خلاص

[M_S_A]

رد: شوفوا اللى حصلى فى كلية الطب,,,,,,,,,,,,,,,والحكم ليكم

ماشاء الله اخى الحبيب الدكتور : محمد

ربنا يبارك لك نزلها اخى وتوكل على الله لانه بالفعل رائعه

ولكن انا اخالفكم الرأى يا كتور محمد انت وحبيبى ابن القيم فى عدة نقاط

وهى اولاً : لو الناس كلها اتخقنت من طب مين اللى ها يعالج المرضه

وثانياً : الارزاق على الله تعالى ومن كان رزقه على الله فلا يحزن

اما المستشفى والعياده وغيره هذا ما هى الا اسباب لجلب الرزق فقط

ثالثاً : موضوع المجموع وعايز مذكره جباره فهذا من فضل الله تعالى على كل شخص يستطيع الحصول على هذا المجموع ولكن ليس بصعب لان الله تعالى لا يضيع اجر من احسن عملا

بارك الله فيكم ونفع الله بكم وأثابكم الله الجنه

[د/محمدالقواسمى]

رد: شوفوا اللى حصلى فى كلية الطب,,,,,,,,,,,,,,,والحكم ليكم

ماشاء الله اخى الحبيب الدكتور : محمد

ربنا يبارك لك نزلها اخى وتوكل على الله لانه بالفعل رائعه

ولكن انا اخالفكم الرأى يا كتور محمد انت وحبيبى ابن القيم فى عدة نقاط

وهى اولاً : لو الناس كلها اتخقنت من طب مين اللى ها يعالج المرضه

وثانياً : الارزاق على الله تعالى ومن كان رزقه على الله فلا يحزن

اما المستشفى والعياده وغيره هذا ما هى الا اسباب لجلب الرزق فقط

ثالثاً : موضوع المجموع وعايز مذكره جباره فهذا من فضل الله تعالى على كل شخص يستطيع الحصول على هذا المجموع ولكن ليس بصعب لان الله تعالى لا يضيع اجر من احسن عملا

بارك الله فيكم ونفع الله بكم وأثابكم الله الجنه

ربنا يكرمك يا اخى الحبيب بس والله هى اسم كلية طب حلو جدا

لكن من جوه الله المستعان

وربنا يصبرنا عليها وطبعا الرزق كله من عند ربنا بس مشكلتها انها 7 سنين وبعدهم الجيش سنة او 3 سنين وبعد ده كله لازم 3 سنين ما جستير عشان اقدر افتح عيادة وبعد العيادة بقى هنعمل ايه شوف سنين اد ايه ,,,,,,,,,,طبعا لكل مجتهد نصيب واحنا مش عاوز غير انى اكون مسلم دكتور وليس دكتور مسلم واكون سبب فى ان الامة دى تتباهى بيا مش لانى دكتور

تتباهى بيا لانى مسلم قبل ما اكون دكتور

دعواتكم معايا

[Dr_Mostafa]

رد: شوفوا اللى حصلى فى كلية الطب,,,,,,,,,,,,,,,والحكم ليكم

انت سيبت الشغل التقيل كله ..!!

فين الباطنه والجراحه والنسا والاطفال؟؟!!

جميله..تحس انها طالعه من طالب طب مطحون.. :((

جزاكم الله خيرا ونفع بكم..

[د/محمدالقواسمى]

رد: شوفوا اللى حصلى فى كلية الطب,,,,,,,,,,,,,,,والحكم ليكم

انت سيبت الشغل التقيل كله ..!!

فين الباطنه والجراحه والنسا والاطفال؟؟!!

جميله..تحس انها طالعه من طالب طب مطحون.. :((

جزاكم الله خيرا ونفع بكم..

ربنا يكرمك يارب

بس لسه الباطنة والجراحة والنسا والاطفال لما هاخدهم

هقول رأيى فيهم

[الأمير قطز]

رد: شوفوا اللى حصلى فى كلية الطب,,,,,,,,,,,,,,,والحكم ليكم

هههههههههههههههههه ، جميله جدا ربنا يبارك فيك

خليك فى طب وما تكرهاش ، احسن علم بعد العلم الشرعى هو علم الطب
وهى والله من اجمل الكليات اللى ان شاء الله اطمح اليها

بارك الله فيك

[zidane]

رد: شوفوا اللى حصلى فى كلية الطب,,,,,,,,,,,,,,,والحكم ليكم

و الله يا أخى نفس المواويل و الأشجان

لكن الفرق بدل الطب هنحط هندسه و بدل الحاجات اللى كلها (اولوجى) هنحط رياضه و فيزياء و شبكات و اتصالات و ..................... الخخخخخخخخخ

الله المستعان

أدعيلى , كمان يومين هدخل فى مطحنة الامتحانات

[د/محمدالقواسمى]

رد: شوفوا اللى حصلى فى كلية الطب,,,,,,,,,,,,,,,والحكم ليكم

و الله يا أخى نفس المواويل و الأشجان

لكن الفرق بدل الطب هنحط هندسه و بدل الحاجات اللى كلها (اولوجى) هنحط رياضه و فيزياء و شبكات و اتصالات و ..................... الخخخخخخخخخ

الله المستعان

أدعيلى , كمان يومين هدخل فى مطحنة الامتحانات

ربنا يكرمك ويوفقك يارب

بس قول طيب انت فى كلية ايه؟؟؟؟

[zidane]

رد: شوفوا اللى حصلى فى كلية الطب,,,,,,,,,,,,,,,والحكم ليكم

لكن الفرق بدل الطب هنحط هندسه و بدل الحاجات اللى كلها (اولوجى) هنحط رياضه و فيزياء و شبكات و اتصالات و ..................... الخخخخخخخخخ

هندسه يا دكتر

[د/محمدالقواسمى]

رد: شوفوا اللى حصلى فى كلية الطب,,,,,,,,,,,,,,,والحكم ليكم

كله محصل بعضه

طب زى هندسة

كلهم متعبين

ربنا يعينا وميحصلناش حاجة ف الكلية دى

[zidane]

رد: شوفوا اللى حصلى فى كلية الطب,,,,,,,,,,,,,,,والحكم ليكم

كله محصل بعضه

طب زى هندسة

كلهم متعبين

ربنا يعينا وميحصلناش حاجة ف الكلية دى

نظام التعليم ككل نظام فاشل

ان شاء الله آخر سنه

اللهم أقل لنا العثرات و فرج عنا الكربات