الح ـــــــــــــب

[أبو بكر مح ـمد المصرى]

اعذرونى سأتكلم اليوم عن إحساس ...
هو إحساس يسرى فى عروقى وينتشر فى جسمى إنتشار الدم ...
ويسكن فى قلبى ...
لا أدرى إذا كانت هذه الكلمه صائبه ام لا !!

لكنى سأتنحى قليلا عن أمور الدين ...
بمعنى أن جُّلَّ كلامى سيكون فى إحساس الطفل او الصبى او الشاب ..
ولا تفهموا حديثى خطأ ...



وسأبدأ أولا بتفسير معنى المراهقه من وجهة نظرى ....
المراهقه ,
هى أن تُعجَب بإنسانه بقلبك فقط وتتمنى أن تحيا معها دون الإلتفات إلى مشاكل ومسؤليات الحياه ...

أما
الحب ,
فهو أن تحب إنسانه بقلبك ويتحكم فيه عقلك وتتمنى أن تحيا معها مع النظر إلى مشاكل ومسؤليات الحياه ....

وفى عمرنا هذا تقريبا فى مثل سنى وربما أصغر وربما أكبر نمر بهذه المرحله ..
التى تسمى ,
" المراهقه "

وقتها يعرف الإنسان سواء أكان فتى او فتاه
أشياء كثيره عن الحياه ...
ينمو جسده ويمر بمراحل البلوغ الطبيعيه ...
واعذرونى ساتنحى عن هذه أيضا ...

ما يهمنى هو ذلك الشعور الذى يكتنفه عند رؤيته لمن وقع عليها الإختيار من قلبه ...
ذلك الشعور الذى يسرى فى الأعماق ويتخلل شقايا وثغرات الجسم ..
هناك فقط يشعر الفتى أنه يملك العالم بأسره ..
ينظر للحياه بنظره ورديه ...
ويتخيل نفسه مع من أحببها او أعجب بها ....
فى عالم آخر ..
لا ينتمى بادنى صله لهذا الواقع ...
ومن ناحيه آخرى ...
هناك فتى آخر يحب ولكنه تحكم فى قلبه بـ عقله ...
فأيقن أنه لن يستطيع أن يحقق أى شيءمن أحلامه إلا بعد مرور الأعوام الكثار ...
*************************
هذا ما أردت أن أوضحه لكم آبائى وأمهاتى
فالفتيات والفتيه ينقسمان إلى قسمين :
القسم الأول: وهو الذى يعتقد أنه يحب .
والقسم الثانى : وهو المحب حبا حقيقيا .
************************
سؤالى !!
ما رد فعل الأب أو الأم عند معرفته بأن إبنه أو إبنته
يعيش حاله من الحب أو المراهقه ......
من جانبى بل ومن جانب أسر كثيره يكون رد الفعل هو ...


* السخريه *

نعم السخريه من مشاعر الولد او البنت ...
ولكن هل سألتم أنفسكم ما الذى يفعله رده فعلكم إزاء هذا الموقف ؟!!


لو توغلتم فى أعماق الفتى او الفتاه
وسمعتم ما يدور فى وجدانهم وعقولهم لسمعتم ...
عباره واحده ...
هى




وللأسف أضطر أقولها واعذرونى ...




" أنا بكرهك أو بكرهِك "

والسبب فى إن الأب والأم لم يعالجا الأمور بحكمه ورويه ....
وهنالك أسباب أخرى لا أود أن أكرها حتى لا تزعلوا منى ...
وبالله عليكم انا كل كلامى عن الناحيه العاطفيه فقط عند الفتى والفتاه ..
وأتمنى تكونوا فهمتم المغزى وراء حديثى الكثير هذا ...
وربما موضوعى القادم إن شاء الله سيوضح وجهة نظرى فى هذا الموضوع أكثر ..

وأنا أحبكم فى الله آبائى وأمهاتى أخوانى أخواتى الأشبال الذين أشعر بهم وكأنهم يعيشون معى ....


مح ـ ـم ـ ـد

[أبو بكر مح ـمد المصرى]

رد: الح ـــــــــــــب

ابنى الكريم ..طبعا انت منتظر ان نصدك جميعا ونقول لك الحب حرام وهذا ليس مكانه
هذا منتدى اسلامى ولايصح ان ننشر فيه مثل هذه الأمور ..ولكن ..من وجهة نظرى كأم وعندى أبناء فى مثل عمرك ..أقدر وأحترم مشاعرك والواجب علينا أن نأخذ بيدك ونبصرك بحقيقة كل ما يجيش فى صدرك لأننا خبره سنا وتجارب ...أليس كذلك .وايضا مشرفتنا العامه قالت أنه من حق الشبل أن يعبر عن نفسه فى هذه المساحه ..جزاها الله خيرا ...يعنى دعنى أحدثك كإبنى وأصدقك القول فى كل شىء ..وأكيد من حقك ان تحب وتشعر وتحس ...كل هذا ليس بحراما ..ولكن يجب ان يكون لكل شىء ضوابط بمعنى ...انت انسان مسلم بفضل الله وأكيد اللى تعلق قلبك بها فتاه مسلمه أيضا ...فأولا لايصح أن نعمل علاقه فى الخفاء لحين وصولك لمرحلة الخطبه والزواج ..فهذا لايجوز شرعا كما قالى الله تعالى فى كتابه الكريم (ولاتواعدوهن سرا )..واحتفظ بمشاعرك البكر الرائعه هذه لحين هذا الوقت وصدقنى يابنى كل ما قسمه الله لك سوف تراه ..انت عارف ان زوجة المستقبل مكتوبه فى اللوح المحفوظ من خمسين ألف سنه ..يعنى سوف تحظى بما قدر لك وعليك ان شاء الله وعلى فكره ماحدش بيإخذ نصيب حد بس همسه فى اذنك ابنى الفاضل والله انى أكلمك كما أكلم أبنائى .فإن كنت فعلا قد تعلق قلبك بفتاة ما ..ارجو ألا تسىء لها لأنها فتاه وعلاقتك بها فى الخفاء ستضر بسمعتها ..وأنت لاتدرى النصيب ..وصدقنى والله يابنى بيكونوا فى الكوشه وتفرق المشيئه الإلاهيه بينهم ..مش بتسمع الكلام ده مافيش نصيب ..سبحان الله ..يعنى قصد كلامى لا تنجرف وراء عواطفك الآن لأنك فى سن التغير وممكن انت اللى تضحك من نفسك بعد مرور 4 أو 5 أعوام ...وبرضوه يمكن لك نصيب فى هذه الفتاه التى اختارها قلبك وعقلك وكيانك ..ولازم تعرف ان والديك لايملكوا أن يوافقوك فى مشاعرك الآن عارف ليه يابنى لأنك مازلت تدرس وتأخذ مصروفك من والدك ..فكر كده وضع نفسك مكان والدك ووالدتك ..عندك ابن فى مرحلة المراهقه ومازال فى التعليم وبتعطيه المصروف وتصرف على طعامه وكسوته وتعليمه ..وفجأه جاى يقولك يابابا أنا بحب واحده زميلتى أو جارتى ..بجد ها تقوله ايه ...؟؟
هتلاقى رد فعل والديك هو رد فعلك بالضبط ..عارف ليه لأنهم شايفين ان ابنهم مازال قاصر فى نظرهم ..فكيف سيتحمل مسؤلية قاصر مثله ..وصدقنى والله أنا مقدره مشاعرك جدا جدا وأشعر بكل كلمه بتقولها وعارفه انك صادق فى مشاعرك هذه ولكن كلى أمل فى أن ترجأ هذه المشاعر لوقتها أولا لإرضاء الله عز وجل فى أن لا تبدأ حياه جديده بعلاقه محرمه ثانيا لنفسك حتى تشب انسان ناجح على قدر المسؤليه التى ستترك على عاتقه ..ثالثا علشان بابا وماما اللى تعبوا معاك وربوك وعلموك ..على الأقل لازم يكونوا واقفين معاك فى اختيارك فى الوقت المناسب ..وعليك الآن اولا : أن تضع نصب عينيك هدفك فى الحياه ..
شوف انت عايز تكون ايه ..؟واسعى فى تحقيقه وهدفك الكبير اللى هو مشاعرك الرقيقه هذه والله ها يتحقق يابنى ..بس شوية صبر ثانيا الدعاء ..ثالثا رضا والديك عليك ها يبغلك ماتتمنى ..وطبعا انت لاتعرفنى وانا لاأعرفك ..والدين النصيحه ..فأنا أنصحك لله وليس بيدى شىء فى حياتك سوى أنى أم وأشعر بأبنائى وانت ابنى فى الله ..ويارب تصدقنى .وجزاك الله خيرا .

طبعا يا والدتى ثلاثه أرباع كلامك سأوضحه كما يحدث تمام بالنسبه للأشبال الملتزمين ولكن إن شاء الله فى موضوع القادم ........
اما بالنسبه لهذه الجزئيه

.ولازم تعرف ان والديك لايملكوا أن يوافقوك فى مشاعرك الآن عارف ليه يابنى لأنك مازلت تدرس وتأخذ مصروفك من والدك ..فكر كده وضع نفسك مكان والدك ووالدتك ..عندك ابن فى مرحلة المراهقه ومازال فى التعليم وبتعطيه المصروف وتصرف على طعامه وكسوته وتعليمه ..وفجأه جاى يقولك يابابا أنا بحب واحده زميلتى أو جارتى ..بجد ها تقوله ايه ...؟؟

وصدقينى يا والدتى العزيزه انا إتعلمت خلال حياتى القصيره شيئا مهما وهو وأن أضع نفسى مكان أى شخص وأنظر ما هو رد فعله إزاء موقف معين ...
وصراحة انا لو مكان والدى وعرفت إن إبنى بيحب فتاه أخرى وقتها كنت سأنتبه إلى أن أبنى لم يعد صغيرا وأنه قد كبر وعرف مشاعر الحب او الإعجاب ...
وقتها ساصاحبه وأكثر من جلساتى معه وأكون أقرب إليه من أى شيء فى الدنيا وقتها سأستطيع أن أوجهه بالطريقه الصحيحه أولا اللتى يحافظ بها على تدينه وعلى علاقته بربه ثانيا اللتى يحافظ بها على الفتاه حتى تكون له بفضل الله زوجه صالحه ...

وأكيد يا والدتى انا مصدقك من غير ما تدعى

[أبو بكر مح ـمد المصرى]

رد: الح ـــــــــــــب

بسم الله الرحمن الرحيم
وبه أستعين

بداية اود أن أسرد لكم ابننا هذه الآيات قبل أن أتكلم بأى كلمة

(وَمِنَ النَّاسِ مَنْ يَتَّخِذُ مِنْ دُونِ اللَّهِ أَنْدَاداً يُحِبُّونَهُمْ كَحُبِّ اللَّهِ وَالَّذِينَ آمَنُوا أَشَدُّحُبّاً لِلَّه…)

قال تعالى: (قل إن كان آباؤكم وأبناؤكم وإخوانكموأزواجكم وعشيرتكم وأموال اقترفتموها وتجارة تخشون كسادها ومساكن ترضونها أحب إليكممن الله ورسوله وجهاد في سبيله فتربصوا حتى يأتي الله بأمره والله لا يهدي القومالفاسقين) [التوبة: 24[.

بعد تلك الآيات التى بيَّن الله لنا فيها أنه هناك حب

هناك حب للآباء والأمهات

وآخر للإخوان

وآخر للأهل والأقارب

وآخر للأزواج

إذن هناك حب

ولكن
لا يجب بأى حال من الأحوال

أن يكون فى قلبى حبا لأحد

أكبر من حبى لله عز وجل

هذا فى البداية

وأريد منكم فقط إبننا أن تفكر فى تلك الآيات قبل أى شىء

فقل لنفسك كيف لى أن أنشغل بغير الله!!

وأود أن أقول لكم على جانب الموضوع

"أنه لا أحد فى هذه الدنيا يستحق أن يتملك أويسيطر على قلوبنا إلا الله"

نعم يوجد حب ولكن كما قلت لك فى السابق
ليس أكثر من الله

وبعد

أريد أن أقول لكم ابننا
أنَّ الإسلام لم يعادى الفطر فهناك بالفعل
إنجذاب بين الرجل والمرأة

لذلك قنن الإسلام العلاقة بين الرجل والمرأة

فقال جزء من الحديث

لا يخلون رجل بامرأة إلا كان ثالثهما الشيطان

كذا أمرنا ربنا بغض البصر
وذلك لكل من المرأة والرجل

وغيرها من الأشياء التى تقنن تلك العلاقة بين الرجل والمرأة

فالإسلام لا يضاد الفطر ولا يعاديها

يجود إنجذاب بين الطرفين نعم..ولكن

لا بد لنا أن نتقى الله عزَّ وجل

وأن نحاول دائما أن نوجه ما بداخلنا من معانى جميلة كالحب لما يحب الله ويرضى

فنشغل نفسنا دائما بحب الله
والحب فى الله

والبذل لله
حتى لا يتواجد لدينا فراغ كبير يجعل كل حياتنا منصَّبة فى ذلك الجانب فقط

ممكن يكون موجود ولكن من المؤكد أنه عندما ننشغل بطاعة الله

سيكون ذلك الإحساس ضئيل جدا

إلى أن نكون أهلا لتحمل مسؤلية الزواج

حينها
نستطيع أن نوجه هذا إلى الحلال

وفى النهاية أقول لكم ابننا

عليكم بالصوم
قال

يا معشر الشباب ! من استطاع منكم الباءة فليتزوج . فإنه أغض للبصر ، وأحصن للفرج . ومن لم يستطع فعليه بالصوم . فإنه له وجاء

رواه عبد الله بن مسعود
حديث صحيح

وأود أن اقول لكم ابننا
أن َّهذا الكلام لا أقوله لكم من فوق جبل عالى
بل أقوله لنفسى قبلكم

وضع هذا الشعار أمامك
من كلام نبينا

سبعة يظلهم الله فى ظله يوم لا ظل إلا ظله

منهم

"شاب نشأ فى طاعة الله"

وأسأل الله لكم السداد والتوفيق

وأن يجعلكم ذخرا للإسلام

بارك الله فيكم

برجاء الدخول هنا

لماذا تحرمون عيد الحب ...

أمنا الكريمه
لقد إستوعبت كل حرف كتبتيه وفهمتى ما تريدن أن تقوليه لى ولأخوانى أخواتى الأشبال
ولكن انا للاسف لم أكمل هذا الموضوع وغلا كنتم فهمتم جميع جوانب حكايه الحب بالنسبه للملتزمين ...
ومش معنى كلامى هذا إن كلامى حضرتك ليس له اثر ..
بالعكس كلام حضرتك ذكرنى وذكر نفسى ..
وانا بشكرك من كل قلبى
وربنا يبارك فيكِ والدتى الفاضله

[أبو بكر مح ـمد المصرى]

رد: الح ـــــــــــــب

ابنى محمد:

اسمحى أن أبدى إعجابى بأسلوبك الراقى فى الحديث ماشاء الله

واضح أن تفكيرك أكبر من سنك ..لاقوة الا بالله ..ربى يحفظك يابنى

(وبإذن الله أنا بصدد إنشاء مجله لللأشبال سوف تساعدونى كلكم فيها
عندك مانع ...؟؟)
وأيضا حلولك رائعه ..والحمد لله ان مدلول كلامى وصلك وأتمنى أن أرى
نتاج هذا الكلام وهو أن توعدنى أن تهتم بدراستك أولا ويارب ان كنت أنا
من أهل الدنيا تدعونى لكى أشاركك أفراحك بالنجاح والتفوق وكل ما تتمنى
فى المستقبل..وفقك الله لما يحبه ويرضاه .

ماما الدره .

نبدا بماما الدره

وشكرا على كلامك الذى جعلنى أحمد الله وأشكره سبحانه وتعالى على نعمه اللتى لا تحصى
وعلى حكايه مجله الأشبال ...
, طبعا ماعندى مانع بس اشوف جدول مواعيدى ..
حضرتك عارفه إنى عندى مشاغل كثيره ...

إنتى عارفه حضرتك من القلائل اللى إهتموا بإنى أوعدهم أنى أهتم بالدراسه , ربنا يبارك فيكِ
لكن مش فاهم الجزئيه دى

ويارب ان كنت أنا

من أهل الدنيا تدعونى لكى أشاركك أفراحك بالنجاح والتفوق وكل ما تتمنى

فى المستقبل

وشكرا يا ماما الدره

ووالله العظيم انا فرحان إنى أصبح لى أمهات مثلكن <<< عشان النحو

[Muhammad Ragab]

رد: الح ـــــــــــــب

بص يا حبي

أولا أحبك في الله

مشاركاتك كلها بجد بتعجبني جدا دمك زي العسل ا شاء الله لا قوة إلا بالله

وفعلا واضح اوي ان تفكيرك أكبر كتير من سنك

وعندك جرأة في الحق وشايف انك راجل وقادر على تحمل المسئولية

واضح ان سنك صغير لكن عقلك كبير

مسألة الإعجاب أو الحب تقريبا كل الشباب بيمر بيها

ورأيي الشخصي ان اللي مش بيمر بالفترة دي أو مش بيحس بالاحاسيس دي يبقى انسان مش طبيعي

سواء كان الشعور ده صادق او غير صادق لازم تحس بيه

لكن الفرق بينك وبين أي شاب تاني

ان بعض الشباب بيبدأ عنده الشعور ده بيجري وراه وخلاص من غير ما يقف الوقفة اللي انت عملتها دي

وتسأل أهل الخبرة من الملتزمين وخصوصا في منتدانا هنا

أكبر منك سنا وأكثر منك خبرة وعمر ما حد فيهم هيكلمك غير لمصلحتك

اسمحلي أسالك الاول

وأنا هكون حيادي وانا بتكلم يعني لو قلت حاجه مش قصدي حد معين

مجرد بفتح ذهنك لبعض الأسئلة ممكن ما كانتش خطرت على بالك

ايه الفرق بين الحب والإعجاب

اه شايف ان فلانه كويسه جدا وملتزمه - ما شاء الله لا قوة إلا بالله - وعلى خلق وأهلها كويسين ولو اتجوزتها هبقى اسعد انسان في العالم و و و

( ولاحظ ان نتيجة ده ممكن تحصل مخالفات من نظرات وابتسامات وما شابه )

هل ده حب بجد ولا مجرد إعجاب ؟؟؟

رأيي ان لو الصورة بالشكل ده

يبقى ده مجرد إعجاب يعني مرحلة أولى من مراحل الحب

لأني شايف ان الحب بييجي بالمواقف مش مجرد ان واحد شاف واحدة على خلق ودين وجمال يبقى ده حب

يعني مثلا

واحد سمع ان فلانه كويسه و و و وراح يخطبها

هو كده لسه لا معجب ولا محب

بعد الرؤية الشرعية

لاقاها على خلق ودين وجمال وعقل وفيها معظم المواصفات اللي عايزها

يبدأ يعجب بيها ( دينها وأخلاقها وطريقة تفكيرها ..... )

بس هل هو كده حبها ؟ . يعني لو بعدها هي ما وافقتش عليه أو أهلها اتصلوا بيه وقالوا له مافيش نصيب

هل الدنيا هتضيق عليه ويعيش دور الاكتأب المعروف

أكيد هيحاول معاهم مرة واتنين وعشرة بس بعدها خلاص

انما لو الموضوع كمل شوية وخطبها وبدأت تظهر مواقف

يعني مثلا بتهتم بكلامه تعب سألت عليه ... كده ( مش هنتكلم كتير في الحته دي )

ساعتها يبدأ يحبها ويتعلق بيها

- ده من وجهة نظري الشخصية -

وساعتها يبقى الحل

التعجيل بالزواج

بالنسبة لموضوعك

نصيحتي فكر كتير في حقيقة شعورك

وحاول تشيل الموضوع من دماغك وتشغل نفسك بالطاعة

وخلي بالك الواحد بيكون شبه مُغيب في الفترة دي

وغالبا الواحد لما يكون جوا المشكلة مش يبعرف يفكر

او بيكون قدامه هدف واحد ( اني بحبها وهي بتحبني ) وبيفسر كل حاجه تحصل لصالح الهدف ده

ومش بيشوف اي حاجه تبعد الهدف ده من انه يتحقق

يعني مثلا لو بصت لك مرة تقول أهي بتحبني أهي

ونصيحة اوعى تتكلم عنها لحد من اصحابك او اقاربك

لأن ناس كتير بيحبو يتكلمو وبس

وبيكون مافيش موضوع اصلا وكلمة من ده على كلمة من ده

بيتألف قصص وروايات فخاف على نفسك وعليها

انما لو اتأكدت من شعورك

هتكلم اللي عندك في البيت وتقول لهم ان فلانه ان شاء الله تكون زوجتك في المستقبل

وبعدين تشيل الموضوع من دماغك

لأنك طول ما انت لسه بتدرس

التفكير في الحوار ده هتكون نتيجته مش كويسه

وبتتنقل من خطوة لخطوة وانت مش حاسس

وبتلاقي لنفسك أعذار في كل خطوة بتقدم عليها

كلامي ممكن يكون تقيل شوية ورخم

بس أنا بتكلم من واقع الشباب

وقدامي أمثلة كتيييير

وبكرر

أنا مش قصدي من كلامي أقول لك ماتحبش

قصدي تحكم بعقل على حقيقة شعورك

لو مش حب يبقى شيل الموضوع من دماغك وركز في طاعتك لربنا ومذاكرتك وعلمك

لو حب بجد يبقى الموضوع يمشي برضى ربنا وتبعد دلوقتي لحد ما الظروف تسمح

أحبك في الله

وأسأل الله لك التيسير

---------------------------------

بعض ردود الأخوات

أخونا الفاضل sad heart
اسمح لى أولاً لن اتكلم عن من تحب ولا حتى عن احساسك بالحب
ولكن عاوزه اتكلم عن افتقادك للحب..نعم الافتقاد للحب
أشعر ولا أعلم ان كان صحيحاً أم لا ولكن هذا مااستنبطته من مواضيعك وأرائك
ان علاقتك بأهلك فى جفاء كبير ولاتجد بعض الاهتمام والحب
وايضاً أصدقائك فقد ذكرت أيضاً انه ليس لديك وتتمنى لو تفعل ويوجد فى الطريق صداقه أسأل الله أن يجعلها صحبة صالحة.
وهذا هو الاساس ..انت تريد أن تشعر بالحب والاهتمام والحنان ووجدت فتاة نحسبها على خير ولانزكى على الله أحداً. انجذبت إليها لأى تصرف فعلته ولاى موقف حدث أمامك بناءاً أيضاً على كلامك انك مقتنع ان الحب لا يأتى إلا بالمواقف..
فتعلق قلبك بها لانك تريد أن تشعر بهذا الاحساس..اصدقنى أخانا الكريم لايوجد إنسان على وجه الأرض
صغير ام كبير حتى لو كان جد إلا وتراه يريد ان تهتم به زوجته وهيا بردوا هتكون بقت كبيرة خلاص بقت تيته لكن هو شعورة انه يريد الاهتمام والحب والحنان والراحه النفسيه مازال قائماً ولن يزول أبداً. وبالتالى فالإحساس بهذا الشعور موجود عند الناس جميعاً.
ولكن الفرق هنا هو التوجيه..نعم أخانا كيف توجه اهتمامك وافتقادك للحب والاهتمام إلى المكان الصحيح
انت لست صغيراً وتحفظ القرآن الكريم مجوداً ..هل قمت الليل يوماً ماوشعرت بلذة الأنس مع الله..
هل شعرت انه يمكننك تعويض فقدانك للحب ان تحس بحب الله لك وبقربه تعالى منك.
افعل ذلك وسوف ترى النتيجه..وحاول تتعرف أكتر على أصدقاء كويسين وهنا فى المنتدى قرب للاخوة
واطلب إيميل أحدهم ولن يتئخروا عنك فهم ماشاء الله أهل خير ونحسبهم كذلك ولانزكى على الله أحداً.
ونحن هنا معك فى مواضيعك وارائك نسمعك ونقرب منك ونوجهك إن أردت النصح. وبالنسبه للحب والاعجاب أرى أيضاً ان الحب والإعجاب وجهان لعملة واحده
فابمجرد نظرة إعجاب يجعل القلب متعلقاً بفتاه لا يعرف حتى إذا كان هيشوفها تانى ولا لاء..
يبقى احنا لازم نتفق سوى فى الاول ان سبب الحب دا احتياج ليه وبالتالى نحاول نعالج دا.
ثانياً: لو بتشوفها فى درس او فى امكان تاخذ عهد على نفسك أن لاتعصى الله بنظرات ولا تنسى انها سهم من سهام الشيطان ويجب عليك غض البصر.
ثالثاً: لوقدرت تصحى قبل صلاة الفجر بنص ساعه بس تصلى ركعتين الله وتدعى ربنا فيهم انه يساعدك ويعينك على طاعته ويبعدك عن معصيته.
ورابعاً ودا أمر مهم جداً المذاكرة والتركيز كويس فى الامتحانات
علشان الى هينجحوا هيكون ليهم جوائز كبيرة ودى هتكون مفاجأة الصيف هتعرف تفاصيلها فى وقتها إن شاء الله... يالا شد حيلك ولسه مستنيه مشاركتك التانيه الى كنت عاوز تكتبها
واحنا معاك فى أى وقت.ويارب كلامنا يساعدك ومش تزعل مننا ولا تفكر اننا مش حاسين بيك او مستهونين بمشاعرك لكن احنا لازم نرشدك للطريق الصحيح الى يرضى الله عز وجل بعيد عن خطوات الشياطين
أخونا الفاضل sad heart
اسمح لى أولاً لن اتكلم عن من تحب ولا حتى عن احساسك بالحب
ولكن عاوزه اتكلم عن افتقادك للحب..نعم الافتقاد للحب
أشعر ولا أعلم ان كان صحيحاً أم لا ولكن هذا مااستنبطته من مواضيعك وأرائك
ان علاقتك بأهلك فى جفاء كبير ولاتجد بعض الاهتمام والحب
وايضاً أصدقائك فقد ذكرت أيضاً انه ليس لديك وتتمنى لو تفعل ويوجد فى الطريق صداقه أسأل الله أن يجعلها صحبة صالحة.
وهذا هو الاساس ..انت تريد أن تشعر بالحب والاهتمام والحنان ووجدت فتاة نحسبها على خير ولانزكى على الله أحداً. انجذبت إليها لأى تصرف فعلته ولاى موقف حدث أمامك بناءاً أيضاً على كلامك انك مقتنع ان الحب لا يأتى إلا بالمواقف..
فتعلق قلبك بها لانك تريد أن تشعر بهذا الاحساس..اصدقنى أخانا الكريم لايوجد إنسان على وجه الأرض
صغير ام كبير حتى لو كان جد إلا وتراه يريد ان تهتم به زوجته وهيا بردوا هتكون بقت كبيرة خلاص بقت تيته لكن هو شعورة انه يريد الاهتمام والحب والحنان والراحه النفسيه مازال قائماً ولن يزول أبداً. وبالتالى فالإحساس بهذا الشعور موجود عند الناس جميعاً.
ولكن الفرق هنا هو التوجيه..نعم أخانا كيف توجه اهتمامك وافتقادك للحب والاهتمام إلى المكان الصحيح
انت لست صغيراً وتحفظ القرآن الكريم مجوداً ..هل قمت الليل يوماً ماوشعرت بلذة الأنس مع الله..
هل شعرت انه يمكننك تعويض فقدانك للحب ان تحس بحب الله لك وبقربه تعالى منك.
افعل ذلك وسوف ترى النتيجه..وحاول تتعرف أكتر على أصدقاء كويسين وهنا فى المنتدى قرب للاخوة
واطلب إيميل أحدهم ولن يتئخروا عنك فهم ماشاء الله أهل خير ونحسبهم كذلك ولانزكى على الله أحداً.
ونحن هنا معك فى مواضيعك وارائك نسمعك ونقرب منك ونوجهك إن أردت النصح. وبالنسبه للحب والاعجاب أرى أيضاً ان الحب والإعجاب وجهان لعملة واحده
فابمجرد نظرة إعجاب يجعل القلب متعلقاً بفتاه لا يعرف حتى إذا كان هيشوفها تانى ولا لاء..
يبقى احنا لازم نتفق سوى فى الاول ان سبب الحب دا احتياج ليه وبالتالى نحاول نعالج دا.
ثانياً: لو بتشوفها فى درس او فى امكان تاخذ عهد على نفسك أن لاتعصى الله بنظرات ولا تنسى انها سهم من سهام الشيطان ويجب عليك غض البصر.
ثالثاً: لوقدرت تصحى قبل صلاة الفجر بنص ساعه بس تصلى ركعتين الله وتدعى ربنا فيهم انه يساعدك ويعينك على طاعته ويبعدك عن معصيته.
ورابعاً ودا أمر مهم جداً المذاكرة والتركيز كويس فى الامتحانات
علشان الى هينجحوا هيكون ليهم جوائز كبيرة ودى هتكون مفاجأة الصيف هتعرف تفاصيلها فى وقتها إن شاء الله... يالا شد حيلك ولسه مستنيه مشاركتك التانيه الى كنت عاوز تكتبها
واحنا معاك فى أى وقت.ويارب كلامنا يساعدك ومش تزعل مننا ولا تفكر اننا مش حاسين بيك او مستهونين بمشاعرك لكن احنا لازم نرشدك للطريق الصحيح الى يرضى الله عز وجل بعيد عن خطوات الشياطين


--------------------------

أنا هكلم حضرتك على الحب من ثلاث جهات

أول حاجة حبك لوالديك

أنا متأكدة أن كثير من آبائنا يقصرون في إعطائنا جرعة الحب ويمكن بخاصة الفتى أكثر من البنت ,, يمكن قليل يحضنه ... أو يقبله أو يقوله بحبك يابني

وده يمكن مأثر فيك أوي

وأنا عارفة إن من حقك تزعل

وحتى كتير من آبائنا بيفضل واحد على آخر

وده برضة بيزعل أوي

وكتير يمكن يقلل من قدر ابنه بالكلام أو التهزيئ أو الشتيمة أو ربما يصل للضرب

وده بيجرح أوي ويزعل أوي

طيب , هو إحنا ليه دايما ً مستنينهم هما إللي يدونا الحب

عايزة أقول لحضرتك أن والدينا نفسهم مفتقدين الحب ده ... لأنهم لو كدة .... آبائهم كانوا أشد بكتيييييييييير

هما في دوامة نفسهم يجبولك كل إللي عايزة ... والحياة بات صعبة ... ويدوبك الأم تيجي تعبانة تعمل الأكل وتنام .... والأب كذلك ... دوامة صعبة جدا ً ... صدقني يمكن إنت مش حاسس بيها ... بس لما تكبر وتتزوج تحس بيها

دي فجوة بينا وبين أهلنا

ليه إحنا إللي منحاولش نكسرها

يمكن والدينا حاسين إنه من الصعب يقربوا أو مش فاهمين أو بيعبروا عن الحب غلط

يبأه إحنا إللي نقرب

نكسر الحواجز النفسية دي بينا و بينهم

ليه متجبلش ولادتك هدية وتحضنها وتقبلها في خدها

وليه متضحكش مع والدك وتقربله

هتقول هيضايق مني

حاول

أقرب

حاول تصاحبه ... وتكلمه ... وتناقشه ... حاول تحضنه وتقبله


بالنسبة للصحاب .... برضة ... وانا في مثل سنك ... كان لي أصحابي ... بس دايما ً كنت بدعي ربنا بصديقة ملتزمة نحب بعض في الله ونقرب جدا ً لبعض ونعين بعض والحمد لله لقيتهم

بدل الواحدة أكثر من واحدة

بس لقيتهم فين في المسجد في الدروس

وبجد بجد ساعدوني كتير أوي

دي كانت أول نقطة عايزة أكلم حضرتك فيها

هكملك في الرد القادم إن شاء الله

-----------------
ثاني نقطة هكلمك فيها

عن حبك للبنت دي
الحب ده تعلق ليس إلا

وانا عن نفسي بحاول الحاجة إللي بتعلق بيها باتركها ... عشان متبعدنيش عن ربنا وتغمي عنيه

فصدقني حضرتك مش معنى إنك بتحب وحاسس الدنيا مقفلة وهي دي ... مش معنى كدة إنها زوجتك ... وحتى لو كدة مش معنى كدة إنها هتناسبك

واكتر حالات الطلاق بين الناس إللي كانوا بيحبوا بعض قبل الزواج

لأن الحب ده غشاوة بتعمي العين ... بتخليك مش شايف في اللي بتحبه غير الصفات إللي عايزها وتعميك عن أكبر الفوادح إللي يمكن لاتطيف تعيش مع واحدة فيها

ومش بس كدة

إحنا لو دخلنا دايرة الحب

هتحب دي

وبعدين تتنقل لمكان تاني تبعد عن الاولى

هتلاقي واحدة تانية هتحبها وتنسى التانية

وتستمر

الفكرة إنك فاتح باب للشيطان

باب يدخلك منه

وحتى لو كان حب فمعلشي أنا لا أسمي ده حب ده تعلق ... إدمان حب النظر للي بتحبه ... تنسى ربك وما أمرك به ... معصية للخالق .... إدمان التفكير .... وحياة مدمرة وهل هذا يرضي الله

كان فيه شريط حلو أوي سمعته للشيخ هاني حلمي

بس مش فاكرة اسمه

بس اسمع ده برضة

http://www.manhag.net/audio/lessons/...f=lovestory.rm

خليني اكملك في رد تاني

-------------

طيب أنا أعالج الحب بإيه ... هعالج الحب بحب زيه يعني حاجة من نفس جنس الحاجة إللي مأثره فيه

تشغل نفسك بحاجة تانية ... عيادة وطاعة ... سند لو مأخدتش ... أي حاجة تنسيك إسمك مش تنسيك حب ... بس أهم حاجة تكون في طاعة ربنا ... فكر بأه ممكن تكون في ايه ... انت ادرى فكر وادعي ربنا يصبرك

وبرغم كل ده أنا عارفة ومتأكدة إن حضرتك مش هتنسى

طيب أعمل ايه ؟؟؟؟

أنا عايز أجوز في سن صغير

يبأه لازم اعرف والدايا بكدة وابدأ اتحمل المسؤلية إني أكون رب أسرة أساعد والدتي ووالدي

طيب لو حالة والدي مش كويسة أنه يتحملوا مصاريف زواج وكدة ... يباه اشتغل في الصيف ... آه وليه لأ ... أصل أنا عندي هدف وعندي إصرار وعزيمة

ومش لازم تكون شغلانة وحشة أو متعبة ممكن بسيطة

ووالله أنا شايفة انك كدة كدة تشتغل مقتدر أو لا ... لو عايز تتزوج بدري لأن الشغل بيحمل المسؤلية وهتكبر أوي في عيون والديك

طيب افرض ماتستحملش الشغل ... أنا شايفة إن مافيش حاجة اسمها كدة ... لإنك كدة كدة هتشتغل لما تكبر

فلذلك ولو شغلانة بسيطة أوي ... وصدقني كدة هتكبر أوي أوي في عيون إللي هتتقدملها

يمكن متطلبش منك خاتم للزواج

وكدة إنت حاطط في دماغك هدف

إنك مش تحب ... لأ إنك تتزوج

بالمنسابة متكنش حاطط في بالك إنها البنت دي

ادعي ربنا ييسر لك الخير حيث كان ممكن تكون شر ليك ولا إيه ؟؟!!!

وخليك متيقن إن مافيش حاجة هتحصلك إلا الخير

وخليك واثق إنك من الصابرين .. وإنك في معية الله معية عامة ومعية خاصة اختصها بالصابرين وربنا هيجازيك بصبرك

وقرب من ربنا وادعيه واشكيله واعرف أن اجمل أيام المؤمن أيام الإبتلاء لأإنه بيكون قريب أوي أوي من ربنا

ودمعته من الابتلاء غالية جدا عند الله ... لإنه من ابتلاك وهو قادر من يصبرك

واقرأ قصص الصالحين إللي صبروا على شهوة الحب وكيف كان نصيبهم وكيف كان صبرهم

ده كتاب عدة الصابرين لابن القيم راااااااااائع http://www.islamport.com/isp_eBooks/...Books/3194.rar

بصيغة بوك وده لفتحه http://www.saaid.net/book/p/viewer.exe

وخليني أقولك على قصة لما رأتها قلت مافيش ابتلاء زي ده

في ردي القادم

بس ممكن يتأخر شوية

----------------

ماشاء الله الردود كلها فيها كل مايُشفى قلبك
وبالنسبه للمذاكرة انت كدا أزهر طيب يعنى شهادة كمان يعنى عاوزين تفوق وترتيب على المعهد كمان
عارفه والله ان 15 ماده كتير وممكن يكونوا صعبين لكن مدام انت ملتزم وحافظ لكتاب الله يبقى المواد التانيه يسيره بإذن الله سواء تفسير ولاحديث ولا حتى نحو وصرف وبلاغه
كله هيكون مذاكرته يسيره بالمذاكرة التركيز والمراجعه دوماً حتى تعالج النسيان
ذاكرتك ليست ضعيفه ولكنك تشغلها بالعديد من الافكار والمواضيع ترهقها فيكون ذلك تأثيرها النسيان والتوهان فى دوامة...
وبعدين احنا مش هنزعل ولاهنضايق منك وزى ما مشرفتنا الغاليه قالتلك كويس انك تفضفض معانا وهنا بيتك التانى واحنا كلنا معاك بصدر رحب بس بردوا انا لسه عاوزاك تعمل كل الى قولتلك عليه
سواء هنا او فى مواضيعك التانيه جرب وقول لينا على النتيجه ...
وبالنسبه للمسابقه انا صححتها خلاص بس لسه الجوائز ماتعملتش
اول لما تخلص هتعرف النتيجه على طول ...
وحاجه اخيرة هاركز عليها اشغل نفسك بالدين اكتر اتعلم فن الدعوة احضر دروس فى الجامع قرب لربنا اكتر واوعى تبعد..وخليك زى ماانت دائما عندك حسن ظن بالله. ومدام انت حافظ القرأن مجوداً اهتم بالاسناد والاجازه ..
وبالنسبه للصحبه ممكن تجدها فى الجامع والصحبه الى فى المنتدى ممكن تلاقى حد منهم قريب منك فى السكن وتتواصلوا برا المنتدى كمان...انا حالياً أقرب أخت لى فى الله برا المنتدى كانت الاول من هنا من المنتدى..وسبحان الله بقت اقرب واحده ليا ...
ربنا يبارك فيك ويرزقك الصحبه الصالحه.
وفقك الله يابُنى ونفع بك..

[أبو بكر مح ـمد المصرى]

رد: الح ـــــــــــــب

بص يا حبي

أولا أحبك في الله

أحبك الذى أحببتنى فيه

مشاركاتك كلها بجد بتعجبني جدا دمك زي العسل ا شاء الله لا قوة إلا بالله

وفعلا واضح اوي ان تفكيرك أكبر كتير من سنك

وعندك جرأة في الحق وشايف انك راجل وقادر على تحمل المسئولية

واضح ان سنك صغير لكن عقلك كبير

الله يبارك فيك هذا من زؤؤك

مسألة الإعجاب أو الحب تقريبا كل الشباب بيمر بيها

ورأيي الشخصي ان اللي مش بيمر بالفترة دي أو مش بيحس بالاحاسيس دي يبقى انسان مش طبيعي

سواء كان الشعور ده صادق او غير صادق لازم تحس بيه

أكيد
ربنا يستر

لكن الفرق بينك وبين أي شاب تاني

ان بعض الشباب بيبدأ عنده الشعور ده بيجري وراه وخلاص من غير ما يقف الوقفة اللي انت عملتها دي

وتسأل أهل الخبرة من الملتزمين وخصوصا في منتدانا هنا

أكبر منك سنا وأكثر منك خبرة وعمر ما حد فيهم هيكلمك غير لمصلحتك



اسمحلي أسالك الاول

وأنا هكون حيادي وانا بتكلم يعني لو قلت حاجه مش قصدي حد معين

مجرد بفتح ذهنك لبعض الأسئلة ممكن ما كانتش خطرت على بالك

ايه الفرق بين الحب والإعجاب

اه شايف ان فلانه كويسه جدا وملتزمه - ما شاء الله لا قوة إلا بالله - وعلى خلق وأهلها كويسين ولو اتجوزتها هبقى اسعد انسان في العالم و و و

( ولاحظ ان نتيجة ده ممكن تحصل مخالفات من نظرات وابتسامات وما شابه )

هل ده حب بجد ولا مجرد إعجاب ؟؟؟

أكيد إعجاب ويمكن يزول ويمكن يستمر ويتحول إلى حب حقيقى
فالحب كما يقولون ليس من أول نظره


رأيي ان لو الصورة بالشكل ده

يبقى ده مجرد إعجاب يعني مرحلة أولى من مراحل الحب

لأني شايف ان الحب بييجي بالمواقف مش مجرد ان واحد شاف واحدة على خلق ودين وجمال يبقى ده حب

يعني مثلا

واحد سمع ان فلانه كويسه و و و وراح يخطبها

هو كده لسه لا معجب ولا محب

بعد الرؤية الشرعية

لاقاها على خلق ودين وجمال وعقل وفيها معظم المواصفات اللي عايزها

يبدأ يعجب بيها ( دينها وأخلاقها وطريقة تفكيرها ..... )

بس هل هو كده حبها ؟ . يعني لو بعدها هي ما وافقتش عليه أو أهلها اتصلوا بيه وقالوا له مافيش نصيب

هل الدنيا هتضيق عليه ويعيش دور الاكتأب المعروف

أكيد هيحاول معاهم مرة واتنين وعشرة بس بعدها خلاص

انما لو الموضوع كمل شوية وخطبها وبدأت تظهر مواقف

يعني مثلا بتهتم بكلامه تعب سألت عليه ... كده ( مش هنتكلم كتير في الحته دي )

ساعتها يبدأ يحبها ويتعلق بيها

أكيد الحب يأتى بالمواقف



- ده من وجهة نظري الشخصية -

وساعتها يبقى الحل

التعجيل بالزواج

بالنسبة لموضوعك

نصيحتي فكر كتير في حقيقة شعورك

فكرت ما لا يقل عن 3 سنوات


وحاول تشيل الموضوع من دماغك وتشغل نفسك بالطاعة

والله العظيم يا أخى انا بحاول
وبسأل الله العون والهدايه


وخلي بالك الواحد بيكون شبه مُغيب في الفترة دي

وغالبا الواحد لما يكون جوا المشكلة مش يبعرف يفكر

او بيكون قدامه هدف واحد ( اني بحبها وهي بتحبني ) وبيفسر كل حاجه تحصل لصالح الهدف ده

ومش بيشوف اي حاجه تبعد الهدف ده من انه يتحقق

عندك حق

يعني مثلا لو بصت لك مرة تقول أهي بتحبني أهي

ليس بالضروره واللى يقول كده سامحنى فى اللفظ ( متخلف عقليا ) لإن مش مجرد نظره يُخلق الحب

ونصيحة اوعى تتكلم عنها لحد من اصحابك او اقاربك

ما فى أحد يعرف

لأن ناس كتير بيحبو يتكلمو وبس

وبيكون مافيش موضوع اصلا وكلمة من ده على كلمة من ده

بيتألف قصص وروايات فخاف على نفسك وعليها

أكيد

انما لو اتأكدت من شعورك

هتكلم اللي عندك في البيت وتقول لهم ان فلانه ان شاء الله تكون زوجتك في المستقبل

إنت عارف انا لو حصل هذا الأمر وكلمتهم هتلاقى وبال من الشتايم والإهانات والسخريه
لكن انا هذا الأمر بينى وبين الله عز وجل


وبعدين تشيل الموضوع من دماغك

حبيبى
الكلام سهل لكن التنفيذ صعب
إنت عارف هذا الحب هو الشعله اللتى تجعلنى أحتمل الألم والتعب وسهر الليالى فى سبيل تكوين أسره صالحه تقيه تطبق الإسلام بالشكل الصحيح

لأنك طول ما انت لسه بتدرس

التفكير في الحوار ده هتكون نتيجته مش كويسه

وبتتنقل من خطوة لخطوة وانت مش حاسس

وبتلاقي لنفسك أعذار في كل خطوة بتقدم عليها


كلامي ممكن يكون تقيل شوية ورخم

لأا بالعكس يا حبيبى

بس أنا بتكلم من واقع الشباب

وقدامي أمثلة كتيييير

وبكرر

أنا مش قصدي من كلامي أقول لك ماتحبش

قصدي تحكم بعقل على حقيقة شعورك

لو مش حب يبقى شيل الموضوع من دماغك وركز في طاعتك لربنا ومذاكرتك وعلمك

لو حب بجد يبقى الموضوع يمشي برضى ربنا وتبعد دلوقتي لحد ما الظروف تسمح

والله بدعو أن يكون حبا حقيقيا
وانا شبه متأكد من هذا
يعنى 99.99 % بس


أحبك في الله

أحبك الذى أحببتنى فيه

وأسأل الله لك التيسير

اللهم آمين
ربنا يكرمك يا حبيبى

[أبو بكر مح ـمد المصرى]

رد: الح ـــــــــــــب

أخونا الفاضل sad heart
اسمح لى أولاً لن اتكلم عن من تحب ولا حتى عن احساسك بالحب
ولكن عاوزه اتكلم عن افتقادك للحب..نعم الافتقاد للحب
أشعر ولا أعلم ان كان صحيحاً أم لا ولكن هذا مااستنبطته من مواضيعك وأرائك
ان علاقتك بأهلك فى جفاء كبير ولاتجد بعض الاهتمام والحب
وايضاً أصدقائك فقد ذكرت أيضاً انه ليس لديك وتتمنى لو تفعل ويوجد فى الطريق صداقه أسأل الله أن يجعلها صحبة صالحة.

كلامك سليم مائه بالمائه


وهذا هو الاساس ..انت تريد أن تشعر بالحب والاهتمام والحنان ووجدت فتاة نحسبها على خير ولانزكى على الله أحداً. انجذبت إليها لأى تصرف فعلته ولاى موقف حدث أمامك بناءاً أيضاً على كلامك انك مقتنع ان الحب لا يأتى إلا بالمواقف..
فتعلق قلبك بها لانك تريد أن تشعر بهذا الاحساس..

ربما وربما لأنى أريد كما قلت وسأقول
أريد بيت يرضى الله ورسوله صلى الله عليه وسلم
ولم أجد من فى تدينها .وسألت الله عز وجل أن يحعلها زيجه لى

اصدقنى أخانا الكريم لايوجد إنسان على وجه الأرض
صغير ام كبير حتى لو كان جد إلا وتراه يريد ان تهتم به زوجته وهيا بردوا هتكون بقت كبيرة خلاص بقت تيته لكن هو شعورة انه يريد الاهتمام والحب والحنان والراحه النفسيه مازال قائماً ولن يزول أبداً. وبالتالى فالإحساس بهذا الشعور موجود عند الناس جميعاً.

هذا صحيح ولا أعتقد أن هناك كائن حى لا يريد الحب ولا يريد أن يهتم أحد به ..
والفرق بين الجماد والكائن الحى
هو الحب


ولكن الفرق هنا هو التوجيه..نعم أخانا كيف توجه اهتمامك وافتقادك للحب والاهتمام إلى المكان الصحيح
انت لست صغيراً وتحفظ القرآن الكريم مجوداً ..هل قمت الليل يوماً ماوشعرت بلذة الأنس مع الله..
نعم أقومه بفضل الله منذ أشهر عديده وشعرت بتلك اللذه مع الدموع اللتى تتساقط خجلا مما أفعله وأقترفه من ذنوب .

هل شعرت انه يمكننك تعويض فقدانك للحب ان تحس بحب الله لك وبقربه تعالى منك.
افعل ذلك وسوف ترى النتيجه..

انا فعلا أتمنى لو أبشر وأعرف ان الله راضٍ عنى
وانا فعلا متيقن تماما أن ما انا فيه من إبتلاءات إنما يدل على رضى الله سبحانه وتعالى عنى ...
ولكن أحيانا أخاف أن ما أنا فيه هو من غضب الله على ..
ولكى دائما أحسن الظن بالله

وحاول تتعرف أكتر على أصدقاء كويسين وهنا فى المنتدى قرب للاخوة
واطلب إيميل أحدهم ولن يتئخروا عنك فهم ماشاء الله أهل خير ونحسبهم كذلك ولانزكى على الله أحداً.

ولله الحمد ربنا رزقنى بخير صحبه فى المنتدى لم أجدها من قبل ولكن انا محتاج لصاحب بجوارى أتمنى تكونى فاهمانى يا أمى !!
ونحن هنا معك فى مواضيعك وارائك نسمعك ونقرب منك ونوجهك إن أردت النصح.
هذا لا تقصرون فيه وتشكروا عليه
ربنا يبارك فيكم
وانا أحبكم كلكم فى الله
وكم أتمنى أن نلتقى عند حوض النبى صلى الله عليه وسلم

وبالنسبه للحب والاعجاب أرى أيضاً ان الحب والإعجاب وجهان لعملة واحده
فابمجرد نظرة إعجاب يجعل القلب متعلقاً بفتاه لا يعرف حتى إذا كان هيشوفها تانى ولا لاء..

ربما ولكن الإعجاب سرعان ما يزول
ولكن الحب مستحيل أن يزول
وكما قلت فالحب مواقف وليس مجرد نظره ... عابره ... واحده

يبقى احنا لازم نتفق سوى فى الاول ان سبب الحب دا احتياج ليه وبالتالى نحاول نعالج دا.

عارفه يا امى لو أنى شخص كبير كنت تزوجت على الفور
ويكفى أننى أصون نفسى من الوقوع فى الحرام اللتى تزين لى ليل نهار .
ولكنى ما زلت صغيرا واحاول والله علاج هذا بالصوم الكثير وبزياده الطاعات
وما زلت أحاول والله الموفق

ثانياً: لو بتشوفها فى درس او فى امكان تاخذ عهد على نفسك أن لاتعصى الله بنظرات ولا تنسى انها سهم من سهام الشيطان ويجب عليك غض البصر.

كلا لا أراها ,
ولكن انا هصارحك فى هذه الجزئيه
انا عندما ألقاها فى الشارع والله بجاهد نفسى كثيرا إنى أغض بصرى
آه
ادعيلي
انا محتاج للدعوات

ثالثاً: لوقدرت تصحى قبل صلاة الفجر بنص ساعه بس تصلى ركعتين الله وتدعى ربنا فيهم انه يساعدك ويعينك على طاعته ويبعدك عن معصيته.

انا بكون ولله الحمد مستيقظ قبل الفجر
واحيى هذا الوقت بالوقوف بين يدى الله

ورابعاً ودا أمر مهم جداً المذاكرة والتركيز كويس فى الامتحانات
علشان الى هينجحوا هيكون ليهم جوائز كبيرة ودى هتكون مفاجأة الصيف هتعرف تفاصيلها فى وقتها إن شاء الله...
انا والله العظيم ببذل قصارى جهدى فى المذاكره
لكن المشكله إنى انا بمتحن الترمين مع بعض
و15 ماده مطلوب منى إنى أحفظهم كحفظى لإسمى
والمشكله الأكبر أنى بصدق ذاكرتى ضعيفه
وللأسف ما فى أحد يصدقنى
وانا بدعو الله أن يوفقنى وأتفوق فى الدراسه
ومش معنى كده إنى طالب فاشل بالعكس انا الحمد لله متفوق فى دراستى
لكن بجد الضغوط والمشاكل والتعب هيكونوا عقبه فى طريقى
وكما قلت انا بعمل اللى على والتوفيق من عند الله وحده جل فى علاه
....
لكن ما تعملوا اى شيء إلا لما أخلص إمتحاناتى أوكى
انا هبدأ إن شاء الله يعنى
5 او 8 من شهر 6 والإمتحانا ت عندى بتستغرق إسبوعين أو ثلاثه

[أبو بكر مح ـمد المصرى]

رد: الح ـــــــــــــب

ممكن الموضوع ينقل لقسم أشبال الإسلام
!!!!

[أبو بكر أشرف الشامي]

رد: الح ـــــــــــــب

بارك اللـه فيك أخي محمد و فرج عنك همـك...
الموضوع أخي الحبيب نُقل لفضفضة لاختصاصها و ساحة الإخوة بهكذا مواضيع...

[أبو بكر مح ـمد المصرى]

رد: الح ـــــــــــــب

بارك اللـه فيك أخي محمد و فرج عنك همـك...
الموضوع أخي الحبيب نُقل لفضفضة لاختصاصها و ساحة الإخوة بهكذا مواضيع...

انا يا حبيبى أبو بكر كتبت الموضوع هنا فى قسم الأشبال لأننى انا والأشبال نتعرض لهذه المواقف اللتى أكتبها
وانا عامل سلسله إسمها
" رساله إلى أبى وأمى .... من إبنكم المطيع "
وبكتب فيها كل المواضيع اللى ربنا يوفقنى وأكتبها اللى إحنا الأشبال بنتعرض لها فى حياتنا
عسى أن تكون مواضيعى هذه سببا فى تغيير سلوك أب أو أم
ليس إلا
.......

[أبو بكر أشرف الشامي]

رد: الح ـــــــــــــب

انا يا حبيبى أبو بكر كتبت الموضوع هنا فى قسم الأشبال لأننى انا والأشبال نتعرض لهذه المواقف اللتى أكتبها
وانا عامل سلسله إسمها
" رساله إلى أبى وأمى .... من إبنكم المطيع "
وبكتب فيها كل المواضيع اللى ربنا يوفقنى وأكتبها اللى إحنا الأشبال بنتعرض لها فى حياتنا
عسى أن تكون مواضيعى هذه سببا فى تغيير سلوك أب أو أم
ليس إلا

بارك اللـه فيك أخي الحبيـب... سلسلة طيبة جدااا أخي... و لكنَّ النقل منعاً للحوار ما بين الرجال و النساء حول قضايا خاصة كهذه... فلذا أخي الحبيب يُمكنك المُضي في هذه السلسلة بساحة الحوار الاجتماعي و التي تهتم بقضايا كهذه... و أما لو كانت هناك مواضيع تخص الفتيان دون سن البلوغ فإن شاء اللـه تُطرح هنا... و ما نظامُ الفصل في المنتدى ما بين الجنسين إلا منعاً للحديث المختلط و الذي تشوبه الفتن... فقسم الأخوات يُعالج مشاكل المراهقات و قسمنا إن شاء اللـه يُعالج مشاكل المراهقين... لأنهم مُكلفون شرعياً... و أبشر إن شاء اللـه ستجد الآذان الصاغية و يتم الاهتمام بالسلسلة الخاصة بك بعد الانتهاء منها و نشرها لأنها هامة إذ تخرج من شاب يُعاني أو يرى تلك المشاكل... أسأل اللـه أنْ يُبارك فيك و ينفع فيك الأمة أخي الحبيب...

[أبو بكر مح ـمد المصرى]

رد: الح ـــــــــــــب

بارك اللـه فيك أخي الحبيـب... سلسلة طيبة جدااا أخي... و لكنَّ النقل منعاً للحوار ما بين الرجال و النساء حول قضايا خاصة كهذه... فلذا أخي الحبيب يُمكنك المُضي في هذه السلسلة بساحة الحوار الاجتماعي و التي تهتم بقضايا كهذه... و أما لو كانت هناك مواضيع تخص الفتيان دون سن البلوغ فإن شاء اللـه تُطرح هنا... و ما نظامُ الفصل في المنتدى ما بين الجنسين إلا منعاً للحديث المختلط و الذي تشوبه الفتن... فقسم الأخوات يُعالج مشاكل المراهقات و قسمنا إن شاء اللـه يُعالج مشاكل المراهقين... لأنهم مُكلفون شرعياً... و أبشر إن شاء اللـه ستجد الآذان الصاغية و يتم الاهتمام بالسلسلة الخاصة بك بعد الانتهاء منها و نشرها لأنها هامة إذ تخرج من شاب يُعاني أو يرى تلك المشاكل... أسأل اللـه أنْ يُبارك فيك و ينفع فيك الأمة أخي الحبيب...

قد فهمت ما تقصده يا أخى الحبيب وربنا يبارك فيكَ
ولكن فعلا هذا الموضوع يحدث للأشبال الذين لم يبلغوا بعد
ومن الأشبال من لا يطأون ساحه الأخوه
فأحببت أن أضع هذا الموضوع ضمن السلسله
لكى أستفيد من أراء آبائى وأمهاتى
وكى يرى أخى أو أختنا هذا الموضوع فيستفيدون من الآراء المطروحه
أحبك فى الله يا أبو بكر
ربنا يبارك فيكَ

[أبو بكر مح ـمد المصرى]

رد: الح ـــــــــــــب

ممكن بعد إذنك يا حبيبى
ترجعه تانى لقسم أشبال الإسلام
ما أكتبه يختص بالأشبال لا بالإخوه

[أبو بكر أشرف الشامي]

رد: الح ـــــــــــــب

بارك اللـه فيك أخي الحبيب... الموضوع تم نقله لعدة أسباب:

* أنه يدخل في نقاش مُباشر ما بين الرجال و النساء... و هذا خرق لقواعد المنتدى بالفصل ما بين الجنسين في الكلام...

* محور الحديث يدور حول " الحـب" و بأُسلوب حواري يُشارك فيه الرجال و النساء... و هذه مفسدة كبيرة و لا يجوز شرعاً حديث المرأة و الرجل الأجنبيان عن هكذا مواضيع حتـى لو كان للنصيحـة... فالفتنـة تأكل الأخضرَ و اليابس... و الشرع ضبطَ مثل هذه المسائـل... و هو ما حصل من مشاركات لاحقة تم حذفهـا...

* ليس من اختصاص قسم الأشبال مناقشة مواضيع حساسة للمراهقين... و سيقوم المشرفون هناك باعادة تقييم " السن القانونـي " للأشبال في القسم... فالشبل هو الطفـل...

* نقل الموضوع أبداً لا يعني انهاؤه فلو كان الهدف إيصال رسالة أو مناقشة مُشكلة فيُمكن ذلك في أقسام الإخوة للمراهقين و في أقسام الأخوات للمراهقات...

و أخيراً أخي نقل الموضوع هنا تم باجماع من عدة مشرفين عوام بما فيهم مُشرفي ساحة الأشبال... وفقك اللـه لكل خير...

[أبو بكر مح ـمد المصرى]

رد: الح ـــــــــــــب

حسنا
انا بعتذر عن إصرارى المتعنت هذا
وانا فعلا كان قصدى إنى اتكلم عن الأشبال
وبما إن الموضوع مش هينفع التحدث بين الجنسين
فطيبها اللى إنتم شايفينه هو الصح
وربنا يبارك فيكم